AJONJÜ 1:2 - ASII LAKDAP Bible (BSI)

² Jerusalem mantinyung ikha waruwaru jonjütlo, amakphai sa atheaphi na rajun ikha. Kongtichü weshi ra riimin, apaiq tiijaiq wamak she. Pongmung hokhambi reraüshiti raq tiishaübaiqto, Kiithun wiita ümchaü apaiq ngengti siisaq.

Hawa Naga Bible 2001

² Piq kuex wvrx taungx khoar vtueq; piq muik phic kuex vhtvlx phawc maq svrc yaq. Kungkhux wawc piq kungjix lot- laz kuex piq muex sitenc yatenc jix vshiz muinz vguez. Piq rulc rungx raz jix htenc rueq piq maq tvmtuing kv-phelc wvnc vtueq majuiuc piq kuex khawx lvlx wuez yaq.

AJONJÜ 1:2 Referencias Cruzadas

YOBA 6:15

Shatmaq ikongtitiim namtsan riimin, jüse raisetiim ra jun mak raüla kham rükitlaq ikha, ngi ka alao reali riilan.

YOBA 7:3

Jipi lüshi lea wan wan ngi ransea chang jam min ahü; rawa washi maq riita washi na ngi ka aho ajü riili she sung wan.

Tvtsvmc 126:5

Jurwa tsamlai wantlaq akhing na aho lam maq wantaq, kriiti raq chojong chise miishe tsam ka mijut wanlaq!

Tvtsvmc 31:11

Ijaqtibi tlotli raq, kiimaq akhek ka ijam thoti chiiti thun raq, ngi ka thophi riiqphi li she riitlo; ngi asaptibi ka ngi ma ahai riitlo; ümtiikiiwa tsangshiq raq ngi ka chiiheawea na chhitlaq, raüla tsangshiq ka aju riitlo.

Tvtsvmc 6:6

Ngi ka aho anyitsi raq ariimshe riiwan kang; rawatek ahotsi raq changdü ka jobaibai she piimtlo; Ikhudea ka makphai raq jobaibai she.

Tvtsvmc 69:21

Iramtsi raq tsaikang na, tsangshiq raq ngi ma maiqchok chang khoti kuqto; letsi raq tsaikang na, tsangshiq raq ngi ma akhapwiq lai che khoti kuqto.

TAKSU LAK 19:7

Miitsan maiqse khrumti jumin ahü; aphu anotiim riimin wiita tiishaütlo. Chiihong chiiha rit raü min, akhrumti ahü.

JEREMIA 13:17

Kiimaq namshiq raq taiman riihanla, ngi ka namshiq shiikong kha chhilata, ahukse maq mihoqha; Ngi ka makphai khüshang mihoqha, kiimaq imakphai ka mirok, jamkhano ngukla Tatiwe senginok ka rewe raq shumwikong ma kharü maq kha raüta tsuq wanto.

JEREMIA 2:25

Israil lei, ümhok atu na naq tiisungkiq, riimakla ümrotpo ka naq tiishinbaiqkiq, laihin phra kong jai josea nguta. Shatmaq ümniiraq ngutlaü, ‘Riimak! Ngi ka jai na janglot mang she. Ngi raq pongmungti phra kong lungwiitiikang, krai mren ngi raq tsangshiq jai phanruqli miphan ha.’”

JEREMIA 3:1

Tatiwe raq ngutlo, “Riita maiq weshi raq tsang nyung ka amiim mirbaiq. Kiimaq kra junshu nyung ka tsangwe baiqthü raüta maiq weshi miishe miwa wan. Raüla wechüwe raq tsangnyung rom kai nong maimak she. Akha singa raüka mung ka wiita ashe shekhiq miishe mijaki. Shatmaq Israil lei, ümniika ümwesetiim maiq apawiq rai she silaü. Riita ümchaü ka ngi phana hali jang wan nong rotlaü!

JEREMIA 30:14

Namwesetiim raq namshiq ka miimbaiqto she; tsangshiq raq namshiq ka broriimak she. Ngi raq namshiq ka re ma jalata khat tiikang; namshiq ma mo tiihotaq kriika alaiqwiq riito. Jamkhano ngukla namshiq ngarai ka pahea, kiimaq namshiq raq abi kiimungtlan thun ka pahea.

JEREMIA 4:30

Jerusalem lei, ümniika miqlaü she! Jam nguto kheashii miirii maq tiimiikhiiq tlaü? Jam nguto longseng laktum lak tlaü, laüta ümmak na rong maq nyat tlaü? Ümkhum tiitsomrom rattlaü ka atuli! Ümkongtiwetiim raq ümniika miimbaiqto she, kiimaq tsangshiq raq ümniika atseabaiq tantlo.

JEREMIA 9:1

Ngi raq tiimasea kla ikhupo arka khappong chum, kiimaq imakpo wiinai ka makphai khamdü nguraüjaq ahea riichang, kra nguraü ka ranaiq rawa mihoqsiqha wa, Inok ibin jiipbaiqtaq kra miitu.

AJONJÜ 1:19

“Ngi rai reraüshiti mung thun tiihea kang, shatmaq tsangshiq raq ngi laobaiqto. Ramwebi nai shiilangbi, tsang ramtsi ma chela mong na, phaqsea rit lam maq atsitsü thumto.

AJONJÜ 1:21

“Ngi hannyi tailaq, ngi khrumti jumin ahüshe. Ümniiraq ngi ma waqkhükham tiinyang laü, irewe thun ka chochikhiq she. Ümniiraq khamkuq laü ranaiq ira tiisaü laq, ijaqtinok kiimin ngi akhiisii michamchao laq.

AJONJÜ 1:9

Apaiq raq ngarai tangtaq kriika, ra na tiichhi ra-shra. Apaiq dea wan chang ngarai kho, apaiq raq chhimak riito. Kriikha na tsailam riihumto, Ajaqtinok raq khat raüta tangto, apaiq ümchaü Tatiwe man na, tiipaiqnea hoq tlo.

AJONJÜ 2:11

Aho makphai raq bok raüta, imak wiita miiwanto. Itsan imongjii bunlak bun wanto, iphan imaq then wan kha na, rokngoq riingoq jonjü wan kang. Nosere nai pünyangtibi, chela lam na haü wanto.

EJEKIEL 16:37

Ümniiraq atinkhan ashut klo laü kha na, Ngi raq manniiwa ümkongtiwetiim ka adam na mitriitamha. Ümniiraq rotlaüti thun kiimaq ümniiraq ngeng wan laüti thun kra mitriitam wanha. Ngi raq tsangshiq ka sheawan lata, ümtro na trotam na mishea wanha. Latiishe Ngi raq ümdü wa khea ka michhut baiqha, latiishe ümniika tsangshiq makki na kheahü ma she mitiichhiha.

Hosea 2:7

Apaiq raq akongtiwetiim jai ka mijoho. Shatmaq tsangshiq jai ka lomak miraq. Apaiq raq tsangshiq ka mirit. Shatmaq tsangshiq ka hummak miraq. Kiijiishetiq, “Ai ngi arka, iwese wechüwe phaniili jang wan nong chang miraq. Man na ngi apaiq rai siji niika, khusang rakhang maq sikang. Shatmaq ümchaü ngi ka naolaq she,” nguta apaiq ka mitiibot.

Mikha 7:5

Ümjamthoti miinin naq kamkiq, ümluwe shaq minin naq kamkiq. Ümchak miimin ümniika asuk riilaq.

Revelation 17:13

Ara hokham weroqshi ara kiimung ka ashi li miraq. Tsangshiq raq tsangshiq ningkun nai tsangshiq raq arang ho tlaq kra, ngamthaiq kaü ma mikiinong kuq baiq. Raüta, tsangshiq ka kra ngamthaiq kaü jaqkhong maq mung misiq.

Revelation 17:16

Ümchaü ümniiraq chhi tlaü arong roqshi kriiraq nai ngamthaiq kaü kriiraq, mephe nyung kriishe mishu lii wan. Raüta, tsangshiq raq jechak nyung jaq na ümtinkhan wa tsiiq nai nyam rüm tlaq kriika, tiisii rai she run raüta minyeaho. Raüta, apaiq ka naiqhü she mitiinga baiq. Tsangshiq raq apaiq ngam kriishe miphaq. Raüta, apaiq ka wa maq miishe mitiikhiim chaq baiq.