AJONJÜ 1:3 - ASII LAKDAP Bible (BSI)

³ Juda mungti ümchaü maiqdi maiqmakong she, tsangmung wa pongmung na tsuq wanto, Tsangshiq pongmung niishe sitlo, Tsangshiq hiqhü rahü she, Tsangshiq komtam chiqse rewe phong li she, Ajuchang lam ahü she.

Hawa Naga Bible 2001

³ Yuda miqsaz kuex vthuq wvnc rvhumc ruiux ruinglez raunglez raz tueq dax muex yaungx yaq, yuimx wawc laungc maq yurc gay rvhumc tueq. Tsuingshiq kuex vganc mungx nuex httax vtueq, tsuingshiq ghaq baung ngoz tueq jungc juing vguez, ralx rueq tuimc lvy rvhumc vtueq dungc wvnc juing lvmz vguez pungx mungx nuex httax wuez yaq.

AJONJÜ 1:3 Referencias Cruzadas

2 HOKHVMX 25:11

Kra raütiishe Nebujaradan raq kra chela na maiq abung atiichongthü thun kra, kiimaq phanrap jaqsham smati atiichong thun kra, kiimaq mungmaiqse ümchu riiwa Bebilonnok puk na nyap wantiiti thun kra Bebilon mung niishe tsuq wanto.

2 HOKHVMX 25:21

Ribla chela ka Hamath wang na riito. Kiijaq tsangshiq ka hokhamwe raq tiibukto. Raütiishe tiitsat baiqto. Ara chongtlaq akha Juda mungti ka tsangmung wa pongmung na munglu shumwikong ma tsuq wanto.

2 HOKHVMX 25:4

Re raq chela tro ruk thun ka atiipu she riibaiqto. Bebilon mung phenlabi ka chela tro tam maq kheshat li jiimin, Israilnok phenlabi ka rawa mong na tlotli juhoto. Tsangshiq ka hokhamwe sonruk na kailam kriimaq riita, chela ruk wiinai triiche chang kilamchong kriimaq juhoto. Raüta Jordan rai tan nü nü kiiniishe juhoto.

2 HOKHVMX 25:5

Shatmaq Bebilon mungti phenlabi raq Hokhamwe Jedekia ka johoto. Raüta tsangshiq raq apaiq ka Jeriko chela tho na hiq thung tan ba kra tho wiishe loho raüta lapto. Kiimaq asengi phenlabi raq apaiq ka miimbaiqthü raüta pinhoto.

JEREMIA 13:19

Juda mung wa shemai nü wang na siti chela thun ka re raq trotam maq akom phaq wan kun she. Jumin chela mong na nyap wa lot mak she. Juda mungti tlotli ka re raq munglu shumwikong ma pong mung na atsuq wan kun she.”

JEREMIA 16:16

Tatiwe raq ngutlo, “Ngi raq ngiq khupti maiq pahea tiihea wakang. Lata arnok ara mitiikhupha. Kra latiishe Ngi raq ngamhiipti kong maiq pahea mitiihea wanha. Lata tsangshiq ma Israilnok ka pum aweatek wa kiimaq ku akin aweatek wa kiimaq chongkhong longsha aweatek wa, longraq mong wa wiita kunkun mitrit wanha.

JEREMIA 24:9

Ngi raq tsangshiq khuthaq na pinthum achonglot mai, chamchao sangrai mitiisaüha. Kra tsangshiq thenjen wan kra chhi raüta pongmungti thun pahea ka phiip raq mitsai. Maiqse raq tsangshiq ka pinthum aslailii she mirwan. Kiimaq tsangshiq ka slailii raüta naikü sherüli she miraq. Raüta, shummii shaqshaq mirwan. Kiimaq tsangshiqnok mang kra chong raüta, Ngi raq tsangshiq ka maiq mung ümtin niiwa tiipin baiq kang kiijaq maiq manson tiihap chang bomtsi miishe mitiija wan.

JEREMIA 39:9

Atiisup niishe phentu ajong pinthumwe Nebujaradan raq, mungmaiqse kiijaq atiichongkiti thun kra munglu shumwi kong ma, maiq wiijamti Jerusalem ka apaiq jaq khon na tiishaü baiqtibi krai adam na Bebilon mung niishe tsuq wanto.

JEREMIA 52:15

Kra raütiishe Nebujaradan raq mungmaiqse chela na siti abung atiichong thun kra, tsiimwe khiiqwebi abung atiichong thun kra, kiimaq Bebilon mung puk na nyap wanti thun kra Bebilon mung na shumwi kong ma tsuq wanto.

JEREMIA 52:8

Shatmaq Bebilon mungti phenlabi raq Hokhamwe Jedekia jai ka johoto. Raüta apaiq ka Jeriko chela tho na hiqthung tan binjü kiiwiishe loho raüta apaiq ka lapto. Kiimaq aphenlabi thun tlotli raq apaiq ka tiishaü baiq thüto.

AJONJÜ 2:9

Chela kilü thun tiithenbaiqto, kiimaq kilü lachang jinpan min ngoqbaiqto. Hokhamwe nai shiilangbi thun, ümchaü pongmung na shumwi tiijato. Thungtri ka ümchaü shrinkuq makshe, Kiimaq shammibi ma, Tati nü wa riisham bomtsi min, saümak she.

AJONJÜ 4:15

“Tiijin rong! ashe ashi kra, tiijin rong! tiijin rong! namshiq ashe, idü na naq tiithan kiq,” nguta maiq raq tsangshiq jobaiqto. Krai mren tsangshiq ka, maiqmung mungshi na saühoho, ashong angachang hummak, momii wanto.

AJONJÜ 5:5

Naishiq ka kumtoqkong ikha, riimakla kumtsong kong ikhli she. Maiqse raq sintsang doshat miili she jotlo, raüta jaqtiisham jamshatlo. Naishiq ka niitsi makaiq sitiikai. Shatmaq niitiitsak min tiinga mak.

EJEKIEL 5:12

Ümsengi mantsam wa, manshi rii ka chela mong na thadong raüta nai ramdong raüta mijiim. Kiimahali mantsam kiiwa manshi ka re raq chela kinphai na mijiipbaiq. Kiimaq mantsam kiiwa atiithum manshi rii kriika, Ngi raq rahai ma mitiipanbaiqha. Kiimaq tsangshiq ka re ma tiijo lata mitiijiip baiqha.

TRI CHONGKE 28:48

Kra ningkhan she, Tatiwe raq üm khuthaq na chiqse rewenok tiikitlaq kriishe mishomnoq wan haü. Ümniika ramtsi, kham nyangtsi, kiimaq kheahü, phanrap na athüm alit she misi wan haü. Tatiwe raq ümniika nyat shat shat not shot shot lishe chongthum ma mija haü shaq wiiwii mitiicham chao wan.