AJONJÜ 1:3 - Hawa Naga Bible 2001

³ Yuda miqsaz kuex vthuq wvnc rvhumc ruiux ruinglez raunglez raz tueq dax muex yaungx yaq, yuimx wawc laungc maq yurc gay rvhumc tueq. Tsuingshiq kuex vganc mungx nuex httax vtueq, tsuingshiq ghaq baung ngoz tueq jungc juing vguez, ralx rueq tuimc lvy rvhumc vtueq dungc wvnc juing lvmz vguez pungx mungx nuex httax wuez yaq.

ASII LAKDAP Bible (BSI)

³ Juda mungti ümchaü maiqdi maiqmakong she, tsangmung wa pongmung na tsuq wanto, Tsangshiq pongmung niishe sitlo, Tsangshiq hiqhü rahü she, Tsangshiq komtam chiqse rewe phong li she, Ajuchang lam ahü she.

AJONJÜ 1:3 Referencias Cruzadas

2 HOKHVMX 25:11

Kvruex yimaq Nebuzaradan rueq ghaqyungx nuex kvjungx yaq miq htenc, vthenc vtuiuz jix miq htenc nuiyc Babelon miqsaz kox nuex nyuip waungc jix htenc kuex Babelon mungx nuex thuq shvlx wvnc tueq.

2 HOKHVMX 25:21

Hokhvmx waz rueq tsuinghez kuex wungthvt vtueq thvt gay tueq. Kvkhoc rvtueq Yuda miqsaz kuex pungx mungx nuex thuq shvlc wvnc rvhumc tueq.

2 HOKHVMX 25:4

ghaqyungx palx ruk kuex tvpuc vtueq dung kaz wvnc wuez tueq. Babelon miqsaz rueq ghaqyungx kuex tuimx wvnc tueq rvhvt maq, shvrvyx nolaungx bix lotlaz kuex hokhvmx waz sunc hep wawc palx ruk vnueyc hvlwvl wawc kaluix lvmx maq raungwvrx nuex tsuinghez dung kaz vtueq, Yodan Warc tvnx kvhtaz nuex yuz wvnc wuez tueq.

2 HOKHVMX 25:5

Yuq muinz Babelon nolaungx bix rueq Hokhvmx Zedekia kuex yurc laq vtueq Yerikho ghaq hep tvnx wawc lvp gay tueq, piq shvrvyx nolaungx bix rueq piq kuex gay shec ruiux yuz wvnc wuez tueq.

JEREMIA 13:19

Yuda mungx yuix yaz kox wawc miqghaq htenc kuex vtuimc wvnc rvhumc vtuex ningkhvnc nuex; ukhaq muinz tsuingshiq kox nuex lvy lot tuex rvmuq. Yuda miqsaz lotlaz kvlvp gay tueq,” ngoz tueq.

JEREMIA 16:16

Yehowa rueq, “Ngaz rueq kvruex miq htenc kuex lvp kay tvkoc ngaq lvp jix miq paunghvlc tvkaz shaungx. Kvruex yimaq tsuingshiq kuex kuz vkanx tek vtueq, lung rauk htenc hvlwvl wawc lungluix lungshaung htenc nuex thuiyc kay tvkoc shvrvyx paunghvlc tvkaz shaungx.

JEREMIA 24:9

Ngaz rueq mungkawx wawc miqphvnx lotlaz kv-khuirc hiyaz laz juing bac hvlc thuimkux kuex tsuingshiq htauk nuex tv-httuiuc shaungx. Ngaz rueq tsuingshiq tvpenc gay tauk baung ruip saz wawc miqphvnx lotlaz rueq tsuingshiq muex nueykuic shuex, shummarc shuex, ngoz ngax jungx saq vtueq tsuingshiq muingc maq kvtuemc taungc bomc rvhumc tuex.

JEREMIA 39:9

Tvsuip nuex nolaungx yungx waz Nebuzaradan rueq ghaqyungx nuex kvjungx yaq miq htenc nuiyc piq kox nuex yauk tenz vtueq vnyuip miq htenc tauk vdvmz nuex Babelon nuex lvp thuq wvnc tueq.

JEREMIA 52:15

Kvruex yimaq Nebuzaradan rueq ghaqyungx nuex kvjungx yaq miq htenc, shuimc nyuiuz rulx htenc nuiyc Babelon mungx nuex kvyenc wvnc jix hez htenc kuex Babelon nuex shvlx wvnc tueq.

JEREMIA 52:8

Yuq muinz Babelon nolaungx bix rueq Hokhvmx Zedekia kuex yurc laq vtueq, Yerikho ghaq hep tvnx wawc lvp gay tueq, piq nolaungx bix lotlaz rueq muinz piq kuex gay shec tueq.

AJONJÜ 2:9

Palx kaluix phuinz vphux htenc kuex ghaq nuex kvluip wvnc vtueq, tsuingshiq kaluix taung juing htenc tvhuyx tvhut rop gay tueq. Hokhvmx waz nuiyc muingc jungc vhttax jix htenc kuex majuiuc vthuq lvy rvhumc tueq. Tvrac kuex tvluing wuez muq, shvmmax bix rueq muinz Yehowa kox wawc romzyac lvp wuez muq.

AJONJÜ 4:15

Miq htenc rueq, “Kvbanc kuiuz! Mnoz kuex rv-nyet rvshet! Ngaz nuex nauk kvtungc vkueq!” ngoz tueq guyc wuez tueq. Kvkhoc rvtueq tsuingshiq kuex miqphvnx phvnx shiz kox maq phvnx shiz kox nuex kvroz khuemx ruiux muinz, vshiz raung rueq muinz malc wvnc muq.

AJONJÜ 5:5

Loze rvmuq ngoz ruiux kamel htenc ikhoc tvyuz tvbaz yurc gay rvhumc vtix, nuiyshiq hunnyex vtix, yuq muinz nyec tvkuiyq lvp miq.

EJEKIEL 5:12

Mmiqsaz hez mvnthuimx wawc mvnshiz kuex ghaqyungx vyuq vthuiuz vsac nuiyc rvmc rueq thueyc tuex; mvnshiz kuex ghaqyungx ke-phic nuex soalc thvt gay shuex; vtvsuip wawc mvnshiz kuex raungguil yaq kvyuq tvpvnc gay ruiux tsuingshiq kuex yaung maq tvyurc shaungx.

TRI CHONGKE 28:48

Kvkhoc rvtueq nuimshiq khvt tvkoc Yehowa rueq vtvkaz ralx hez muex shuimx kaz kuq shuinx; kvkhoc rax wvnc tuex phvnx ruip saz nuex phuiuz laung, svy laung, svmc laung maq phaungc vtueq kuilc daz wvnc tuinx. Yehowa rueq nuimshiq tvbac gay nuex httuiuc laz nuimshiq kuex tuinghtuing gay kv-phuinx.