JEREMIA 44:2 - Hawa Naga Bible 2001

² Tvphaungc Tvsuip Yehowa Israel Tishox rueq, “Yerusalem nuiyc Yuda mungx wawc vganc ghaqyungx htenc lotlaz htauk nuex ngaz rueq tvhttuiuc kuq tauk tvbac gay kuex nuimshiq rueq khiz tuit shex. Majuiuc doc muinz kvruex htenc kuex bac ruq dvyx, ukhaq muinz kvyuq httax yaq rvmuq,

ASII LAKDAP Bible (BSI)

² Tati Ningkun Ajongwe, Israilnok Shiikeawe raq nguto, “Namshiq maiqmii raq chhilan she, Ngi raq Jerusalem nai Juda mung wa chela ahin thun wiita tiithenbaiq kang kra. Ümchaü niitaq saüli kra chela thun ka ariim arki abun kaiwi sitlo kiimaq maiq ka jumin simak ahü.

JEREMIA 44:2 Referencias Cruzadas

2 HOKHVMX 21:13

Samaria kuex ngaz rueq ruez gay tauk ikhoc nuiyc Israel Hokhvmx Ahab nuiyc vsuiuz vsaz htenc muex ruez tauk ikhoc Yerusalem muex murx tvgurc shaungx. Panx kuex vsawc waq tuit vtueq kuip taq shix ikhoc Yerusalem ghaq nuex httax yaq miq htenc kuex tuip tvsawc gay shaungx.

DUNGWVNC 19:4

“Ngaz rueq Ejip miqsaz muex yvmx khoc lac rvkuq wvnc tauk nguinx nuiyc lawx rueq vsaz hez kuex vraungx maq pix wvnc yaq ikhoc, Ngaz rueq nuimshiq pix wvnc phaungx kuex nuimshiq rueq khiz tuit shex.

ISAIA 24:12

Ghaqyungx kuex bunx kaz shex, kvruex palx kaluix htenc muinz rop httak gay tueq.

ISAIA 6:11

Ngaz rueq, “Taungjix lex, mtanc nuex httuiuc laz vkhoc yaungx wvnc tvnx?” ngoz tueq wiz tauk. Vpiq rueq, “Ghaqyungx htenc bac wvnc vtueq sawc ric yaungx wvnc tuex nuex httuiuc laz, yuimx htenc kuex kuiyqshuik kuiyq shix yaungx wvnc vtueq, ghaq kuex sawc riric phaq tvwawc gay shec shuex vkhing nuex httuiuc laz rvtuex, ngoz tueq tvralc phuex.

JEREMIA 25:11

Vruex mungtan kuex ghaqkuiyq ghaqkhvmx yaungx wvnc vtueq, vkawc yawc juing ikhoc baung muex yaungx wvnc tuex, kvkhoc raz tueq tvroz wawc mungtan lotlaz rueq Babelon hokhvmx waz muex wawc rok mvshix tup shuimx kaz kuq wuez shuex.

JEREMIA 34:22

Ngaz rueq nvr ruiux yuq, tsuingshiq kuex vruex ghaqyungx vyuq yek waung tuex. Tsuingshiq kvruex khvt tueq, lvp tueq, nuiyc wvr maq jauk gay tueq. Ngaz rueq Yuda mungx wawc miqghaq ruinx htenc kuex ukhaq muinz httax muq ghaqkuiyq ghaqkhvmx kumtsvy tvnx ikhoc tvyaungc gay shaungx. Ngaz, Yehowa rueq jungx vshaungx.”

JEREMIA 4:7

Piq kvhttuiyq juing baung wawc dung kaz yaq hangsic ikhoc, miqphvnx ruip rawx tvbac gay jix waz kuex dung kaz yaq. Piq kuex Yuda mungx tvbac gay muex kaz yaq. Yuda ghaqyungx htenc kuex bac wvnc vtueq, miq vshiz muinz httax tuex rvmuq shex.

JEREMIA 44:22

Nuimshiq layx vbac nuiyc miqsuirc vsac honc vyaungc htenc kuex Yehowa rueq raungluingx muinz nanx lot muq ningkhvnc nuex nuimshiq mungtan kuex majuiuc raungnuiyq yaungx yaq kvkhoc, ghaqkuiyq ghaqkhvmx yaungx wvnc vtueq washiz muinz httax tuex rvmuq. Kvhiz juing baung muex yaungx wvnc vtueq kvruex mungtan muingc kuex miq rueq kvtuemc kvtaungc kvjaz muex jungx shuex.

JEREMIA 44:23

Nuimshiq kuex vpiq rueq nvr yaq kvjaz kuex phvnx muit maq vganc tishox htenc muex shomc nawk kuy shomc kuq vtueq Yehowa muex khawx lvlx yaq ningkhvnc nuex, vruex hiyaz vshuinx kuilc daz jamjaux kuex nuimshiq htauk nuex httuiuc wvnc tueq,” ngoz tueq jungx tueq.

JEREMIA 7:34

Wvmungx tuimx kumtsvy tvnx muex yaungx wvnc tuex. Yuda ghaqyungx htenc nuiyc Yerusalem ghaq lvmx htenc wawc kokez tvruingc htenc nuiyc vshuenc vruenc htenc miqlvmc moalx nuex kokez tvruingc htenc kuex tvsuingx gay shaungx.

JEREMIA 8:3

Ngaz rueq tv-phvlc nyvnc gay tauk hong htenc wawc thueyc muq kvjungx yaq jix, vruex layx bac miqsaz htenc kuex tsuingshiq vtvraungx httaz ngoc mvnx vthueyc kay kuex jvnc vtueq roc wuez shuex. Ngaz, Tvphaungc Tvsuip Yehowa rueq jungx vshaungx,” ngoz tueq jungx tueq.

JEREMIA 9:11

Yehowa rueq, “Ngaz rueq Yerusalem kuex tvthuip tvkhvt tvbac gay ruiux, yaruix guyhex httaz juing muex tvyaungc shaungx; Yuda ghaqyungx htenc kuex kuiyqshuik kuiyq shix yaungx wvnc vtueq ukhaq muinz httax muq baung muex yaungx wvnc tuex,” ngoz tueq jungx tueq.

AJONJÜ 1:1

Mvnnuex laukshiz miq paunghvlc vkvlc vkawc yaungx tueq Yerusalem kuex piq lauk lauk dvyx shex ix! Laukshiz mungkawx kox maq tvtsanc nganc rvhumc yoalx nyuiuz kuex mvntix nyuiuz ikhoc yaungx yaq; ghaqyungx htenc wawc muingc jungc vhttax pinhtumc ghaq yungx kuex dax rullungx nuex httuiuc wvnc tueq.

AJONJÜ 1:16

“Kvkhoc rvtueq ngvy muik htenc maq muik phic yvlx yaq. Vshiz raung rueq muinz ngaz muex sitenc yatenc lot muq; vshiz raung rueq muinz ngvy thuinz tvyungc kuq lot muq. Ralx htenc rueq ngaz kuex taungx gay phuex; ngvy miqsaz htenc rueq yvmx muinz lvp muq.

AJONJÜ 5:18

Zion Kanx kuex miq vguez ghaq kuiyq ghaqkhvmx ningkhvnc nuex, yaruix guyhex htenc kuex bac wvnc tueq baung kvyuq khuemx shamx wuez yaq,

DANIEL 9:12

Nuiyshiq muex muinz nuiyshiq mungx guimz lawc jix hez muex muinz mnoz rueq ruez shuiux ngoz toq rulc rv-ngvlc mnoz rueq shuimx toq. Mnoz rueq ghaq htauk wawc vganc ghaqyungx htauk nuex muinz Yerusalem muex vjvnc murx tvgurc toq,

LEWI 26:31

nuimshiq httaz tuinx ghaqyungx htenc kuex httak tvbac gay ruiux, nuimshiq rueq nawk palx shuinx htenc kuex tvbac gay shaungx, nuimshiq rueq shomc nawk kuq shuinx kuex ngaz rueq tvdux gay shaungx.

LEWI 26:43

Vphaungc shauk shauk, kvruex mungtan wawc miqsaz htenc kuex tvsawc gay yix maq jix, kuiyqshuik nyec tvkuiyq lvp shuex nuiyc vkoz vkez lvp wuez shuex, tsuingshiq rueq ngvy tvrac nuiyc ngaz rueq nvr tauk kvjaz htenc kuex khawc lvlc gay ningkhvnc nuex murx mvrc laz tvgurc rvhumc tueq lvmz kuex kvjungc wuez tuex.

Mikha 3:12

Kvkhoc rvtueq, nuimshiq ningkhvnc nuex, Zion kuex nax ikhoc htoay gay rvhumc ruiux, Yerusalem kuex tvbac httak phungc gay rvhumc tuex, Shomc Yuimx luimx kuex luingx vlak yaungx wvnc tuex.

JEKERIA 1:6

Ngvy nvrc waz shvmmax bix maq raz tueq nuimshiq jix vwaz tamx muex vnvr bomc htenc nuiyc honc tvsvmz bomc htenc jungx kuq tueq, yuq muinz tsuingshiq rueq kvruex bomc kuex wvlc guez tvyaungc ningkhvnc nuex yaungx wvnc yaq kuilc daz kuex rvhumc yaq. Shuimc tvkoc ngaz rueq htvp htaz wvnc tauk rulc rv-ngvlc tsuingshiq rvhumc aungx yaq kuex ngaz, Tvphaungc Tvsuip Yehowa rueq tsuingshiq muex murx tvgurc ningkhvnc nuex tsuingshiq thuinz kvlayc wuez vtueq ngaz muex kvjungc wuez yaq.’”

TRI CHONGKE 29:2

Moshe rueq Israel miqsaz htenc kuex gvl vtueq vkhoc jungx tueq, “Yehowa rueq Ejip mungx wawc hokhvmx waz nuiyc piq mungx wawc walaungx bix maq raz tueq wvmungx tuimx kuex yvmx khoc lac murx tvgurc tvnx lvmz kuex nuimshiq rueq khiz wvnc tuit shex.

JOSHUA 23:3

Nuimshiq ningkhvnc nuex Yehowa nuimshiq Tishox rueq vruex miqphvnx htenc lotlaz nuex shuimc wvnc tueq lvmz nuimshiq rueq khiz wvnc tuit shex. Yehowa nuimshiq Tishox rueq nuimshiq muex romc khvt kuq wvnc kv-phuinx.