JEKERIA 1:6 - ASII LAKDAP Bible (BSI)

⁶ Ngi raq namtitiim ma, i jaqshisetiim shammibi lümaq aming kuq kang. Kiimaq tiihaichhai lata hon atsii chongkuq wan kang. Shatmaq tsangshiq raq shipot baiqto. Kra ningkhan tsangshiq chamchao riihum raüta biiphaqto. Kra riihum raütiishetiq, tsangshiq raq maiqmii shut mra kra tiidii wanto. Raüta tsangshiq raq ngi Tati Ningkun Ajong Pinthumwe riidea, tsangshiq maiqmii ngarai khankhan, tsatson wankang ngutiishe tsangshiq raq tum wanto.”

Hawa Naga Bible 2001

⁶ Ngvy nvrc waz shvmmax bix maq raz tueq nuimshiq jix vwaz tamx muex vnvr bomc htenc nuiyc honc tvsvmz bomc htenc jungx kuq tueq, yuq muinz tsuingshiq rueq kvruex bomc kuex wvlc guez tvyaungc ningkhvnc nuex yaungx wvnc yaq kuilc daz kuex rvhumc yaq. Shuimc tvkoc ngaz rueq htvp htaz wvnc tauk rulc rv-ngvlc tsuingshiq rvhumc aungx yaq kuex ngaz, Tvphaungc Tvsuip Yehowa rueq tsuingshiq muex murx tvgurc ningkhvnc nuex tsuingshiq thuinz kvlayc wuez vtueq ngaz muex kvjungc wuez yaq.’”

JEKERIA 1:6 Referencias Cruzadas

2 HOKHVMX 15:12

Arka Tatiwe raq Hokhamwe Jehu ma akiqkham kuqtaq kra phan phan dea kuwato. Kiq ka akha kham kuqto: “Ümsaü ümsetiim ka maiq pat patblai na saüli Israil mung na hokham ma mijawan.”

YOBA 6:29

Namshiq ka luhea niishe kiholan. Hongto she atin lishe, ajiq ka naq bom rongkiq she. Ngi ka naq tiishut rongkiq. Ngi ka riikhaqli.

ISAIA 21:17

Kedar mung wa liqshamti sreabi thun ka pinthum sreakong siisaq. Shatmaq kra phong wiika atsapseli she aso mitiichong. Arka Ngi, Tati Israilnok Shiikeawe raq chongtiikang.”

ISAIA 44:26

Shatmaq ümtiikiiwa ijaqshise raq tiithaitlaq; ümtiikiiwa Ngi raq itsa soqtiwe tiikitiikang, lata ikiimung sürii tiikang kra tiichhi kuqtiikang. Ngi raq kra kiimung thun nai riishambom tiithaitlaq thun ka tiikupi tiikang. Ngi raq Jerusalem ma maiq ka kiijaq mishong wan nong nguta chongtiikang, kiimaq Juda mung wa chela thun ka mitiihea hainong nguta. Kra chela thun ka hiqrai ashotbaiq wa midong wan nong.

ISAIA 55:1

Tatiwe raq ngutlo, “Warong ra, loweatek khamnyangtsiti— arjaq kham asi! Warong ra, namshiq kampho ahüt— püwong ka ri lantea phaq ronglaq! Warong ra! spiqtai nai minsaü pü ka rilanta nyang ronglaq— namshiq ma rihü maq kuqtlo!

ISAIA 55:11

Kra niqririsii hali, ngi raq bomtiikang ibomtsi riimin— ngi raq jamlai miituwa bomkang kra jaqsham ka tiipoimak miraq; Ngi raq jamlai miituwa tiikikang kra kun kun miklo.

JEREMIA 23:20

Krai mren apaiq raq ümtinkhan tiithenbaiq wan chang ngutiiwa toqtan wantaq kra mitiithen baiqshaq wiiwii rathaiq ka tsaq mak miraq. Rawiichii akhing saü wan raütiq asenginok raq ara toqtan wantlaq bomtsi arka ardea nya nguta khangriri hea she mitak wan.”

JEREMIA 26:15

Shatmaq namshiq raq ara bomtsi arka tsan na riikhaqli thü ronglaq: Namshiq raq ngi tsatbaiq han jiila, namshiq ajong alabi nai mungmaiqse ara chelati ka maiqse ashi khahü na tseabaiq wan kha na ngarai khabu she mihohan. Jamkhano ngukla, Tatiwe raq ngi ka namshiq ma ara honlam bomtsi ara chongkekai tiikito.”

JEREMIA 28:17

Krai mren Hanania ka kra rawii wa jipi lümiishi angu na tsaikito.

JEREMIA 32:24

“Bebilon mungti raq chela kra khat raüta jiiwan miitu chela trotam na hiqphong raüta hiqkhu thun she haito. Redong raq, ram raq haü wan raüta, kiimaq thadong raq jiim wan raüta chela mong na siti maiqse ka tsangshiq jaqkhon niishe mitsai. Ümniiraq jamlai wa chonglaü ümchaü sanha ümmakki niishe hongtha wanto.

JEREMIA 36:28

lak waiq chang damkom ashi hali lam nonglaq, laüta apha lakdam kom na bomtsi jamlai wa tiiwaiqtaq kra wiita hali waiq nonglaq nguta ngi ma chongto.

JEREMIA 39:16

Sudan mungtiwe Ebedmelekh ma, Tati Ningkun Ajongwe, Israilnok Shiikeawe raq, akha ngutlo, “Ngi raq ümniima ara chela ka ashthen mirbaiqha nguta chongkang irai mren, ümchaü Ngi raq ara chela ka atiithen she mirbaiqha. Tiijong lu wan mang she. Riita arshe hongtha wan raüla, ümniiraq maiqmii mak miishe michhi haü.

JEREMIA 4:4

Namshiq raq tongshong raükha ka ngi raili, Ngi namshiq Tatiwe raili thü ronglaq. Lanta namshiq Juda mungti nai Jerusalemti raq, namshiq khum asai kiimaq tiima tsantsii ka wiita ngi ma kiinong kuq lantli sironglaq. Kiimaq namshiq raq ara chongtiikang kra shamwan man riihanla, namshiq raq ngarai pahea klowan lan kriikha na, itsankhiq walü ka namshiq khuthaq na milü. Kriika mikhiim wan dongdii. Kra wa kriishe liiwan raüla, kra tiimatketi maiq ka jumin ahü she miraq.”

JEREMIA 44:2

Tati Ningkun Ajongwe, Israilnok Shiikeawe raq nguto, “Namshiq maiqmii raq chhilan she, Ngi raq Jerusalem nai Juda mung wa chela ahin thun wiita tiithenbaiq kang kra. Ümchaü niitaq saüli kra chela thun ka ariim arki abun kaiwi sitlo kiimaq maiq ka jumin simak ahü.

JEREMIA 44:28

Shatmaq namshiq phong wa abungse, ralangse, aso se kli she tsaiman milun wan. Lanta Ejip mung wa Juda mung na mijang wan han. Kra aso tiichongki tlaq kriiti riishetiq, namshiq bom sha tengta, sha ibom wa tengtaq, kra misap.

JEREMIA 44:29

Arka Ngi, Tatiwe raq, namshiq ma ijaqsham maq mitiichhikuq wanha. Ngi raq namshiq ma ara hiqshong arjiili mo mitiihoha kiimaq Ngi raq namshiq ka chongthum ma mitiijabaiqha ngutiikang kriika tengteng mikloha.

JEREMIA 44:6

Kra ningkhan she, Ngi raq itsankhiq walü tu maq Juda mung na chela thun kra kiimaq Jerusalem chela mong na chiiheawea lam thun kra wiita wa maq chaqbaiq kang. Krai mren, kra chela thun ka wakhiim wabun phongli she sitlo. Ümchaü niitaq saüli kriithun ka hiqmiq changkhü miishe jakito. Maiq maklii na phiiptsi jiiptsili she sitlo.

AJONJÜ 1:18

“Shatmaq, Tatiwe ka tingting, jamkhano ngukla ngi raq apaiq aming jin kang. Mangjong maiqse tarü raq, ibomchong ara tiitsang rong laq, ijonjü tsi tlaq ka liirong laq, Isengi jetu jerobi re raq pongmung na, shumwi ma tsuq wanto.

AJONJÜ 2:17

Tatiwe raq mirha nguta, angu ka kloto she. Apaiq raq man na chongtaq krai mren, ümchaü nashiq tiihang mak, tiithen baiqtoshe. Apaiq raq nashiqnok ka, najaqtinok jaqkhon mong niishe, kiinongkuq baiqto. Raüta najaqtinok tiichochito.

AJONJÜ 3:42

“O, Tatiwe lei, naishiq raq ümtri jin wan kai. Laita ngarai tang kai, kiimaq ümniiraq ümchaü niitaq, naishiq ngarai ka diikuq maü dea.

EJEKIEL 20:43

Kiijiishetiq namshiq raq, namshiq raq ümtinkhan wa maiqjea asi klo wan lan thun kra namtsan mong na midong wan. Kiimaq namshiq raq maiqmii khum ka jamkho tiisheshi baiq wanlan, kriithun ka namtsan mong na midong wan. Namshiq ka maiqmii nai maiqmii kli she mitiitap tang han. Jamkhano ngukla namshiq raq atinkhan ashut klowan wan lan.

EJEKIEL 37:11

Kiijiishe Shiikeawe raq ngi ma nguto, “Maiqse lei, Israilnok ka ara maiqrii phong akha. Tsangshiq raq ngutlo, tsangshiq ka wiita ashin kaiwi she. Tsangshiq ran phan chang min ahü she. Kiimaq rawiichii miitu tsantsii ran chang jam min ahü she nguta ngutlo.

DANIEL 4:28

Riita, arthun mra arka Hokhamwe Nebukadnejar rilung na wiita dea hongtha wanto.

Hosea 5:9

Shiikeawe raq namshiq ma mo tiiho ranaiq akhing ka saüwanto she. Israil mungti tiisiirai she mishthen baiq. Israil mungti lei, arka ngohea shaqshaq mija wan dongdii!

Hosea 9:15

Tsangshiq ka ashut ashai wiita raüchong, Gilgal chela maq shampha wanto, Kriikha na ngi raq saisi wan kang, tsangshiq ka Ijamjong wa, mijobaiqha. Ngi raq tsangshiq lungwii mang she. Mungtu shiilangbi ngi ngengti siisaq.

AMO LUIK DVP (AMOS) 9:10

Isenginok raq ‘Nashiq ka Shiikeawe sengi kha maq, Shiikeawe raq nashiq khuthaq na, abi rahai ka tiisaümak miraq,’ nguta tiishom ra wanti thun wiita thumli re na mijiim,” nguta Tatiwe raq ngutlo.

JEKERIA 1:7

Ajong Hokhamwe Derias raq mung lang wan li maq, rawii wiinai she ngoja na, kra rawii jipi lüroqshi ri lüshi (Shebat jipi lü na) kiiwa raroqnai ri rablai ranaiq na, Tatiwe raq ngi ma rawa na, riisham bom maq tsütsa ashi chongkuqto.

MALAKI 3:18

Isenginok raq thongshi ri hali, kechu maiqse nai ashut maiqse, jurwa ngi shomnoq tlaq kiimaq jurwa ngi shomnoq mak, kra liipan na ahea abi trairii wan tlaq kra tsangshiq raq mak michhi wan,” nguta Tatiwe raq ngutlo.

WEAWEA 23:19

Shiikeawe ka maiq ikha riimak, arot chong ma; Apaiq ka maiqse ri riimak, atsantsii klai ma. Apaiq raq jamlai kiq wa khamtlaq, apaiq raq klotlo; Apaiq raq bomtlo, kra sham kuqtlo.

WEAWEA 32:23

Shatmaq namshiq raq maiqmii kiqkham kra tiiku wan man riihanla, ngi raq hiiq hiiq namshiq ma ngutiikang, namshiq raq Tatiwe man na ngarai mitang han. Kriika atiitsa riimak jo; namshiq ngarai kha na mo mihohan.

WEAWEA 33:56

Kiimaq namshiq raq tsangshiq ka jobaiq lot man riihanla, Ngi raq tsangshiq ka chongthum mitiithenha nguta hang kang kiikha, Ngi raq namshiq ka mishthen baiqha.”

Matthew 24:35

Ra nai hiq ka athum mirki. Shatmaq i bomchong arka poimak phan.”

TRI CHONGKE 28:15

Mosheq raq Israilnok ma nguto, “Shatmaq ümchaü ranaiq ngi raq ümniima kuqtiikang Tatiwe üm Shiikeawe raq akuq aming thun nai thungtri raütu thun kra tsapkapkap maq lang maü, apaiq aming thun nai tri thun kra tlea haü jiila, arjaq waiqtlaq manson abi thun ara ümniimiishe minikhi wan:

TRI CHONGKE 28:2

Tatiwe üm Shiikeawe aming kra lang laüta apaiq wokhong na silaq. Kra riihaüla, arjaq chongtlaq thun achu shiiman arka ümniima miraq:

TRI CHONGKE 28:20

“Ümniiraq abi klo haüla kiimaq Tatiwe wokhong wa dongho haüla, apaiq raq üm khuthaq na laimiq mra mitiisaü kuq, ümniika atuk amuk mitiijabaiq. Kiimaq ümniiraq phanrap jaqshamtlaü na acham achaoli mirhum haü. Raüta ümniika jaqlo liipan niili tiimiqchup mitiithen baiq.

TRI CHONGKE 28:45

“Arthun litkot chamchao arka ümniima misaü wan. Kiimaq ümniika chongthum ma mitiija baiq shaq wiiwii arthun chamchao ka ümniima siruqli miraq. Jamkhano ngukla ümniiraq raq Tatiwe üm Shiikeawe aming thun lang maü riilaü. Kiimaq apaiq raq akuq thungtri raütu thun ka lang laüta tri wokhong na shong wan maü riilaü.

1 Thessalonians 5:4

Shatmaq, lungwii phunobi lei, namshiq ka ranyaq nyang na siti ri riiman. Krai mren, kra Ranaiq ma, namshiq ka tiimok chhaq maq, ahuk saüwa ikhiika, jaram wa mitiitong rai han.