Shatmaq Lot ka anang nam riito. Li jiimin Tatiwe raq apaiq ma mangchan tiitsito. Kra ningkhan maiqwe nai raq apaiq, tsang-nyung, kiimaq ase jechaksenai kra tsangshiq jaq ma kamshat maq chela phai niishe sheahoto.
DUNGWVNC 34:7 - ASII LAKDAP Bible (BSI) Ngi raq ikiq kham bomtsi ka maiq pat pat ahing amun na saüli thütiikang. Kiimaq abi kiimung nai ngarai kra diikuq tiikang. Shatmaq Ngi riika anyungwe ngarai miitu, asetiim ma kiimaq asaütiim ma kiimaq maiqpat pat tsam na kiimaq patblai na saüli mo tiiho ka tiipoi mang mirha.” Hawa Naga Bible 2001 Ngaz kuex miqphvnx vhingc vmunc paung yaq htenc muex ngvy bomkhvmc kuex tv-phaungx kuq vtueq, ngarvyx nuiyc mvrax kuex dawc kuq shaungx; yuq muinz vnyuiuz vwaz mvrax kuex saz pat suiuz pat, pat thuimx, pat bvlic nuex httuiuc laz tvgurc shaungx,” ngoz tueq jungx tueq. |
Shatmaq Lot ka anang nam riito. Li jiimin Tatiwe raq apaiq ma mangchan tiitsito. Kra ningkhan maiqwe nai raq apaiq, tsang-nyung, kiimaq ase jechaksenai kra tsangshiq jaq ma kamshat maq chela phai niishe sheahoto.
Ngi achujaü tiikang thun ka trelaq. Kiimaq ümsenginok raq arba ajaq chap raüta anü na nyi raüta achu jaü wan tlaq thun kra tre kuq laq. Ramungtan na ümjam jong maq naishiq achujaü ara tre kuq laq. Laüta naishiq ngarai ka diikuq laq.
O Tatiwe lei, ümniiraq kra achujaü ka ramungtan maq tai laq. Laüta ümjaqshisetiim kha ka phokuq laq. Laüta ajiqwe ka apaiq kha tangtaq kra phan phan, alaiq ka alaiq khan, achii ka achii khan tsasha laq. Laüta alamwe ka alam ma tiija laq.
Kiimaq namshiq ka Tatiwe wokhong na hali nyap wan nong han la, namphu namnotiim shumwikong ma pong mung na tsuq wantaq kriiti raq tsangshiq khuthaq na mangchan tsantsii mithii. Raüta tsangshiq ka jam na hali mitiijang wan nong. Namshiq Tatiwe namshiq Shiikeawe ka mangchan heawe kiimaq tiihang wan mangchan riimtiwe. Kiimaq namshiq ka apaiq wokhong na hali jang wan han la, apaiq raq namshiq ka awokhong na hali mitiisi wan nong.”
“O, ramungtan na siti, Tati Shiikeawe lei! Ümniika ajong pinthum, kiimaq naishiq ka ümman na kai tiihai laita siwa tiikai. Ümniika tongshong ramkhap sham wanti. Kiimaq tri aming lang wanti ma, tsapkapkap maq mangchan rüm wanti.
“O, Shiikeawe lei, naishiq Shiikeawe le! Ümniika achong lot mai, rakaü hiqwe Shiikea! Ümniika phiiptsi jiiptsi Shiikea! Ningkun ajong rümti Shiikea! Ümniika tongshong bom kham, tsapkapkap maq rümtiwe. Naishiq ka Asiria hokham we pat maq, tiicham chaopha wan raüta, ümchaü ranaiq niitaq, ümtinkhan wa chamchao wankai! Naimung hokhambi, naimung welabi, naimung wa ramwebi, kiimaq naimung wa shammibi, kiimaq naiti thun, kiimaq naimung wa mungmaiqse wiita, ümtinkhan wa chamchao, riihum wanto. Shiikeawe lei, naishiq atinkhan she, chamchao wan kai, ümtsan na tiitsang laq!
Ümniiraq ngi ka kheshat maq liiwan laü, ngi raq ngarai mitangha shea tang mang wa miraq nguta, laüta ingarai ka diikuq maü maq tiichamchao miitu.
Awetiim mra thun ka Tati raq tsan na mitiitsanglaq; kiimaq anyung ngarai thun ka diikuqmak maq mithülaq!
Shatmaq ümniiraq naishiq mra diikuqlaü, kra ningkhan naishiq ka ümmakki na pinthum khakii wala chaptiikai.
Apaiq raq Ejip mung wa maiqwesere chhikhusetiim tsatbaiqto; apaiq lungwii ka pattup pat-sa.
shatmaq apaiq raq Ejip mung hokhamwe nai aphenlabi jü mong na tiithapbaiqto; apaiq lungwii ka pattup pat-sa.
O Tatiwe lei, ümkiqkham ka thülaq, laüta ingarai thun ka diibaiq laq, jamkhano ngukla ingarai ka pahea,
Shatmaq, O Tatiwe lei, ümniika tiihangheawe kiimaq lungwii Shiikeawe, wranaiqshe ninwan ruq, wranaiqshe lungwiihea kiimaq tsapkapkap.
O Tati, naishiq Shiikeawe lei, ümniiraq ümsenginok achujaü trelaü; tsangshiq raq ngarai thun tang kha na, tsangshiq ma mo tiiholaü li jiimin, ümniika tsangshiq ngarai diiketi Shiikeawe nguta tsangshiq ma tiichhikuqlaü.
Apaiq bom ka tiitsang tailaq. Laüta apaiq wokhong na silaq. Akiq ka naqkhiikiq. Jamkhano ngukla apaiq ka Ngi raq atiikiha. Kiimaq apaiq raq akiq khiiti ka tiijoq mak miraq.
Khahü na maiq ma kha naq nyankiq. Kiimaq maiqsangti ka tiishut laüta phaqsi na naq tiikikiq. Jamkhano ngukla jurwa akha ajiq photlaq raüta ashut klotlaq, kriiti ka Ngi raq mitiishut baiqha.
Kiijiishe Tatiwe raq treto, “Ngi raq wiita ikhushü jonghea chhainyii ka üm makki na alea wan mitiichhikuq kang. Kiimaq ümmiki na Ngi raq imang chong asii kra michong kang. Ngi ka Tatiwe. Kiimaq Ngi raq juwa tsea tsiiq wan kang kriiti ma mangchan tsii tiichhi kuq tiikang. Kiimaq Ngi raq tsea wan kangti ma mangchan tiitsi kuqtiikang.
Apaiq raq nguto, “Tatiwe, ümniika ngohea shaq shaq ngi ma khoqriiq tlaü jiila, ngi raq ümniika naishiq rai adam na wa i nguta tiipaiqnea tiikang. Arnok arka nilan wanshak shak nok. Shatmaq naishiq abi kiimung nai ngarai ka adii riikuqlaq. Kiimaq naishiq ka ümsenginok shaq ma rümshat riilaq.”
Warong ra, lantea namshiq kha ka rung na shok wa rongkiq; kha phoketi liipan na bom mirwaisolaq. Rathup niiphü akha mihong wan nguta juro tiithaita? Kriika Ngi, Tatiwe, asenginok chhiitiwe raq tiithaito riimak shea? Arjaq tisho ahin ka ahü.
Ngi ka namshiq phana mikiha lata namshiq ka mitiichhiiha. Ngi raq namshiq nyinbaiq kang mung thun kra mitiithen baiqha, shatmaq Ngi raq namshiq ka tiithenbaiq mang. Ngi raq namshiq ma mo tiihohü maq tiihang mang; shatmaq ümtiikiiwa Ngi raq namshiq ma mo mitiihokang, Ngi raq riikhaqli tri maq shinlata mo ka mitiihoha. Arka Ngi, Tatiwe raq toqtan tiikang.”
Ümniiraq maiqse ahing amun ma mangchan riipit maü phan maq lungwii tlaü. Shatmaq maiqse ka anyungwe ngarai miitu min ümniiraq mo tiiho tlaü. Ümniika ajong pinthum kiimaq ningkun jonghea riimti Shiikeawe. Ümniika Tati Ningkun Ajongwe.
Shatmaq maiq ashi ra raq tiitsakisea rotlaq jiila, apaiq raq ngi ka asap kiimaq ngi ka juwa kra asap she nguta kra miituli mitiitsakilaq, jamkhano ngukla ngi lungwiitsii ka tiipit mang phan, kiimaq ngi riika tingting kappe maq tri ka shin tiikang. Arthun arkata ngi tiichochi chang jaqsham. Arka, Ngi, Tatiwe raq ngutiikang.”
Ngi raq Tatiwe i Shiikeawe jaq wa achu jaükang kiimaq iphan imaq raq ngarai thun tang wantaq kra diikuq laq nguta achu jaü kang. Ngi raq ngukang, “Tati Shiikeawe lei, ümniika ajong pinthum. Krai mren naishiq raq ümniika shreng tiikai. Ümniika üm tongshong tri tsapkapkap maq rümti. Kiimaq ümnaq lungwii raüta ümwokhong na siti, kiimaq ümniiraq akuq haü aming wokhong na siwanti ka, thaqmaü phan maq lungwii tsii tiichhiketi.
Naishiq raq ümkiq khiiwan kai li jiimin, ümniika tiihang wan mangchan rümti, kiimaq ngarai diiketi.
O Tatuiwe lei, ümnaq akha, ümsengi ngarai diike wanti ahü. Ümniiraq ümsenginok rejaq song, ngarai diikuq laü. Ümniika pattup khiqruq ka khiq maü, shatmaq ümniiraq naishiq ma, thummak phan mangchan tsü tiichhi kuq tlaü.
Apaiq tsankhiq mokwan raüjaq, juwa michap lot? Atsankhiq wa kewan raüjaq, juwa atra misilot? Apaiq atsankhiq walü raübaiq raüla, longkaü thun akhaki na bunlak mikü wan.
Arkha maq ngi raq chongtiikang. Maiqse raq ahin ngarai jamlai wa tang tlaq kra nai tsangshiq nübok maq ajiq jamlai wa bomtlaq kriika adii baiqke wan mimai. Shatmaq, jurwa Asii Wenyi ma riikhiq ashut bomtlaq, kra ngarai ka ümchaü pat niimin kiimaq jai na pattup pat-sa pat saühotlaq kiijiimin diikuq wan lot mak miraq.
Naishiq ma ashut klotibi mra thun diikuqkai, kiikhiisii naishiq mra thun kiimin diikuqlaq.
Tsangnai wiita raq, kra thiitham ka thamkuq lot mak dea riito. Kriikha miishe, laopanwe raq tsangnai thiitham kha ka adü li she riibaiqto. Riita, tsangnai wenai kiiwa, ümriiti ro laopanwe kra apa milungwii?”
Kra ngu raütiishe, “Ümngarai thun ka diibaiqto she,” nguta Jesuq raq jechak nyung kiima chongkuqto.
Arkha maq, phu nai notiim lei, ngi raq namshiq ma atsi dada maq, maiqse ngarai ka Jesuq lü miili diikuq wantlo nguta chongkuq tiipha ara.
Raüta, Shiikeawe raq Jesuq ka, apaiq ma jaqtsi nü na, aki miikiim ngachang niishe tiinga wanto. Raüta, Jesuq ka maiqse Rümti nai maiqse Chhiiti miishe shongto. Arka, Israilnok raq, tsangshiq ngarai ka tiidii raüta, tsangshiq mra ka mitiisii laq nguta, lamlu jonghea tankuqto.
Jesuq Khristo tsaitaq kra lümaq, nashiq ka thawe kharü mong wa daa wanto she. Ümchaü sanha nashiq ngarai ka diikuqto she. Nashiq ka wasetiim miishe tiija wanto. Shiikeawe kaphap mangchan, nashiq ma kuqtaq arka nü maq achong lot mai jonghea.
Kra rii na, ümchaü sanha, namshiq liipan na, riimang riichan, kiimaq riilung riiwii miishe shongnga ronglaq. Shiikeawe raq Khristo mang na, namshiq ngarai thun ka jamkho diikuqtaq, kiikhiisii hali, namshiq liipan niimin, ngarai ka riidü riidü lanta, kaütak rishi miishe shongnga ronglaq.
Tatiwe raq tsangshiq phuk milam, raüta tsangjaqti ma mo mitiiho; tsangshiq dea wan akhing jai na misaü; tsangshiq chongthum jawan ranaiq ajeli she.
Shatmaq apaiq ngengseng wanti ka apaiq raq tiijoq mak miraq. Apaiq raq tsangshiq ma mo mitiiho wan.
Tsan na tiitsang ronglaq Tatiwe namshiq Shiikeawe kli Shiikeawe. Kiimaq apaiq ka pinthum tsapkapkap we. Apaiq raq tongshong ramram kiqkham kuqtaq kra riikhaqli mitiihong kuq wan. Kiimaq apaiq lungwiitibi ma kiimaq apaiq aming wokhong na siwantibi ma, apaiq lungwii tsantsii ka tiipit mak phan maq, maiq pat ahing amun na saüli mitiitsing kuq wan.
Kiijiishe Joshua raq mungmaiqse ma nguto, “Shatmaq namshiq raq Tatiwe ka shiili lot man mirhan sham. Apaiq ka asii Shiikeawe. Kiimaq apaiq raq namshiq ngarai thun ka diikuq mak miraq. Apaiq raq apaiq rai riilongti thun ka ninlot mak miraq.
Shatmaq, nashiq raq nashiq ngarai ka Shiikeawe man na troq hai jiika, apaiq raq nashiq ma jamlai wa khamkuq taq kra tengteng mikuq. Kiimaq tengman tlaq lam na mishun shea. Apaiq raq nashiq ngarai thun ka wiita midii kuq. Kiimaq nashiq tsan mong na ashe ashi tiima ümchuwa sitlaq thun kiimin wiita mitiisii hekuq.
Ju mang wa atra lakdap na ahü, kriiti thun ka ara walü tum wamungtan arjiishe tiidea baiqto.
Shatmaq, haisuti thun, mung shaphaqti thun, maiqse ka lamjiq na shunsheati thun, showe ma jawanti thun, sethoq jawanti thun, maiqwuq maiqlongti thun, sumla noq wanti thun, kiimaq arot akiq bom chong wanti thun ka, tlotli wamungtan na nyiimwin wa ikha nyai tlaq kiijaq mitiidea baiq. Arka thongnai tsai ngutlaq kriishe.”