Matthew 6:12 - ASII LAKDAP Bible (BSI)

¹² Naishiq ma ashut klotibi mra thun diikuqkai, kiikhiisii naishiq mra thun kiimin diikuqlaq.

Hawa Naga Bible 2001

¹² Miq rueq nuiyshiq muex vyaq kuq mvrax nuiyshiq rueq dawc kuq shix ikhoc, nuiyshiq mvrax muinz dawc kuq koq.

Muklom

¹² Í ma thaja somtey tang thima í aa tolchak i. Irimal í ma tho tolchak phu.

Matthew 6:12 Referencias Cruzadas

1 HOKHVMX 8:30

Ngi achujaü tiikang thun ka trelaq. Kiimaq ümsenginok raq arba ajaq chap raüta anü na nyi raüta achu jaü wan tlaq thun kra tre kuq laq. Ramungtan na ümjam jong maq naishiq achujaü ara tre kuq laq. Laüta naishiq ngarai ka diikuq laq.

1 HOKHVMX 8:34

ümniiraq tsangshiq achujaü ka ramungtan maq tre kuq laq. Laüta ümsenginok ngarai thun ka diikuq laq. Laüta ümniiraq tsangtitiim ma akuq haü tsangmung na hali tiijang shun shea wan nonglaq.

1 HOKHVMX 8:39

tsangshiq achujaü ka tre kuq laq. Ümniiraq ramungtan na ümjam mong maq, tsangshiq achujaü ka trekuq laq. Tsangshiq mra ka diikuq laq. Laüta tsangshiq ka khrum kuq laq. Maiqse tiima tsantsii khonti ka ümniili. Maiqse loweatek ma apaiq raq klotlaq kra phan phan thamsong kuqlaq.

1 HOKHVMX 8:50

Tsangshiq ngarai thun ümman na tangwantaq thun kra nai tsangshiq raq ümwokhong wa dongho raüta pongwela shongho tantaq ngarai thun kra wiita diikuqlaq. Laüta tsangshiq jaqtinok raq tsangshiq ka mangchan raüta shiili wan miitu tsangshiq tsantsii ka tiininja kuqlaq.

Tvtsvmc 130:4

Shatmaq ümniiraq naishiq mra diikuqlaü, kra ningkhan naishiq ka ümmakki na pinthum khakii wala chaptiikai.

Tvtsvmc 32:1

Peohea she ngarai thun diikejeti ma, ashut mra thun diikejeti ma.

DUNGWVNC 34:7

Ngi raq ikiq kham bomtsi ka maiq pat pat ahing amun na saüli thütiikang. Kiimaq abi kiimung nai ngarai kra diikuq tiikang. Shatmaq Ngi riika anyungwe ngarai miitu, asetiim ma kiimaq asaütiim ma kiimaq maiqpat pat tsam na kiimaq patblai na saüli mo tiiho ka tiipoi mang mirha.”

ISAIA 1:18

Tati raq ngutlo, “Riita ümchaü min bom ka riichong i. Ümkhum ka ngarai na tiitsam laüta maiq tiijai maq tlo laüta shiiroro she sitlaü. Shatmaq Ngi raq ümniika tsakhiiq ikha siirairaihea lüdiidii hea she mihekuqha. Ümkhum ka ngarai maq alorat kha maq, among tsaühea na saüli achhe wan kun she shiiroro ma she, li jiimin, Ngi raq ümniika umnirai railü tam ikha lüdiidiihea she mitlü kuqha.

DANIEL 9:19

Tatiwe lei, naishiq achu jaü tre laq. Tatiwe lei, naishiq mra diikuq laq. Tatiwe lei naishiq achu jaü tailaq. Laüta jaq ka shamkuq laq! Kra nguraü jiitiq maiqse angu wiita raq, ümniika Shiikeawe dea nguta misap wan. Naq tiihitkiq she! Ara chela arka ümchela. Kiimaq arnok arka ümsengi.”

Matthew 26:28

“Arka i tiijai, Shiikeawe Tongshong kra nei chang. Maiqse pahea ngarai thun diike miitu araübaiq.

Matthew 9:2

Kiijaq maiq wiijamti raq akhum ama arki we ka changdü na tiiweshat maq Jesuq phana pi wanto. Jesuq raq tsangshiq kamtsantsii ka chhi raüta atsiti we nangnga, “I se loi, ümtsaiji ka tiijong laq! Ümngarai ka diikuqto she,” nguta bomdamto.

Mark 11:25

Kiimaq ümtiikiiwa, namshiq raq achu jaütlan na, tsan na kongti weshi ra rai tsan riibi asi nguta tiido kiiphan la, kra mra ka adü riibaiq ronglaq. Kra riihan jiitiq, üm We Shiikeawe, ramungtan na siti riimin ümngarai thun ka midii kuq.

Luke 11:4

Naishiq ngarai thun ka diikuq laq, Naishiq ma ashut kloti mra kiimin, naishiq raq diikuqtiikai. Kiimaq naishiq ma maitai jonghea naq tiisaüki.’ ”

Luke 13:4

Riita, Silom wa maiq roqshi ri tiichat, kongmong chong raq pat raüta tsaitaq kriiha? Namshiq nga tsangshiq ka, Jerusalem na siti mungmaiqse thaq na ngarai homa jonghea hotibi kha maq tsangshiq ka kiikha tsaito ngutiisha tiima tlan?

Luke 6:37

“Nanok naqsetsiiq rongkiq. Shiikeawe raq namshiq ka shin mak miraq. Nanok ka naq tiishut phit rongkiq. Shiikeawe raq namshiq tiishut phit mak miraq. Nanok mra ka adii riikuq ronglaq. Shiikeawe raq namshiq mra kiimin midii kuq.

Acts 13:38

Arkha maq, phu nai notiim lei, ngi raq namshiq ma atsi dada maq, maiqse ngarai ka Jesuq lü miili diikuq wantlo nguta chongkuq tiipha ara.

Ephesians 1:7

Jesuq Khristo tsaitaq kra lümaq, nashiq ka thawe kharü mong wa daa wanto she. Ümchaü sanha nashiq ngarai ka diikuqto she. Nashiq ka wasetiim miishe tiija wanto. Shiikeawe kaphap mangchan, nashiq ma kuqtaq arka nü maq achong lot mai jonghea.

Ephesians 4:32

Kra rii na, ümchaü sanha, namshiq liipan na, riimang riichan, kiimaq riilung riiwii miishe shongnga ronglaq. Shiikeawe raq Khristo mang na, namshiq ngarai thun ka jamkho diikuqtaq, kiikhiisii hali, namshiq liipan niimin, ngarai ka riidü riidü lanta, kaütak rishi miishe shongnga ronglaq.

Colossians 3:13

Weshi raq weshi rai, phanrap na, riinin riinin lantiishe sirong laq. Kiimaq ümtiikiiwa, namshiq liipan na, weshi ra raq kongti ma, atiibottaq chang bom la sikiiphanla, mra ka riidii riidii lanta sirong laq. Tatiwe raq namshiq mra roqkuqto she, kiikhiisii hali, namshiq nai namshiq liipan niimin, maiqmii mra ka riidii riidii lanta siraa tlo.