Matthew 6:13 - ASII LAKDAP Bible (BSI)13 Naishiq ma tsinhea maitai naq tiisaükiq, shatmaq naishiq ka Abi We maklii wa tiiwongshat riilaq.’ Ver CapítuloHawa Naga Bible 200113 Vlauc vlawc rvyaq kvyuq nuiyshiq kuex nauk tvkaz vkueq, Honc bac waz kox wawc palc wvnc koq.’ Ver CapítuloMuklom13 Etho í shi tari náng nak tathok phu, etharin Thangwa shiwang thalun phu.’” Ver Capítulo |
Shatmaq Jabej raq Israilnok Shiikeawe jaq wa akha achu jaüto, “Shiikeawe lei, ngi ma achu shiiman kuq laq. Laüta ngi ma hiq khu rakhu ajong kuq laq. Ümniika ngi rai adam silaq. Kiimaq ngi ka abi ati maiqse maklii wa, i dü na chamchao lit kot tiisaü chang wa tiichhii kuq laq.” Krai mren, apaiq raq jamkho achu jaüta kiikha Shiikeawe raq apaiq ma kuqto.
“Pinthum awang chang kata! Ngi riimin rantiikang, Tatiwe raq kriidea miklolaq! Ngi raq kai riichopi lata khoqriiq tiikang ara ümniiraq riisham bom maq tiithai tlaü ardea mikupi wan laq. Raüta Shomjam wa tsiiq tum Bebilon mang na howantaq kra ana lamho nong raü jiidea ahea. Kiimaq mungmaiqse munglu shumwi ma Bebilon mung na atsuq wan kra ana tiijang sheaho raü jiidea ahea.
Ümniika maiqse phong wa, ajoshe mirbaiq. Raüta ümniika rumnyamse kong rai she misidam haü. Rawii wiimiishi na saüli, ümniika minsaüpongwe ikha sangphii phaq laüta misihaü. Laüta hiqsii thung na mikon haü. Kiijaq ra wa bangkham ka ümkhum na mirok. Kiijiishetiq ümniiraq Ajong Thaq Na Ajong Shiikeawe riili dea, maiqse angu hokhambi mangjong na sitlaq kra pengtlo. Kiimaq mangjong hiq na hokham jaqsham ka apaiq raq ümriiti ma kewa lungwii tlaq, kriiti ma kuqtlo nguta misap haü.
Namshiq raq ümchuwa phanrap maitai akhing lea wan tlan kriika, nanok wiitarü ma saü wan tlo sii. Shatmaq Shiikeawe raq apaiq kiqkham ka riikhaqli maq thü wan tlo. Kiimaq apaiq raq namshiq ma namshiq raq nin wan lot man chang maitai ka tiisaü wan mak miraq. Ümra akhing niiwa namshiq ma maitai saü tlaq, kra akhing na, apaiq raq namshiq ma anin wan ningkun mikuq. Kiimaq krai mren, kra maitai wa mong wa dong wan chang lamlu kiimin atiichhi mirkuq.
Riita ümniiraq ümtiikiiwa Shiikeawe ma kechutum achu jaü tlaü, kiitiikaq ümtsai ümji wenyi miili achu jaü haü jiika, nanok ahinti nyungwe nosere ümchuwa kriijaq lom dam tlaq, kriiti riika sapmak miraq. Riita kriiti riika ümniiraq kechutum achu jaü tlaü kra tlot na, “Amen” ngutiika jamkho mitre dam? Jamkhano ngukla, nyungwe nose riika ümniiraq jamlai wa achü jaü tlaü kriika sapmak miraq.
Kumtsaiphii mung maq apaiq raq namshiq ma manna kuq raüta dungto. Kra dung ka namtitiim raq jangshi ra min phaqsiq wan mak riito. Apaiq raq namshiq ma chamchao tiisaü wanto. Kriika namshiq maitai wan miitu. Kriika atiisup na namshiq ma apaiq raq phanrap ahea awa phan maq achu shiiman kewan miitu riito.
Namshiq Tatiwe namshiq Shiikeawe raq namshiq ka kumtsaiphii bintang jüngi lam luhea maq ara rawii roqblai ka jamkho shun shea wantaq kra tsan na tiitsang shat thü ronglaq. Namshiq ma litkot chamchao tiisaü raüta namshiq ka maitai wanto. Kriika namshiq raq jamlai wa mitiimahan kiimaq apaiq aming thun kra namshiq raq milang han sha lang man wa riijiiq nguta tairai wanto.
Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.
Kiimaq, ngi raq atra phan ümchuwa sitlaq, ramungtan na, mangjong hiq na, wulum mung na, kiimaq sammoktra jü mong na atra tsitsü asi phan ümchuwa, ara ra nai hiq raq aham na diim tlaq tarü kunli raq, akha ashi trang taikang: “Hokham ngacho na ngati we nai Skuse ma, shomra, shreng, khushü, kiimaq ningkun kli pattup pat-sa misi laq!”