Matthew 6:13 - Muklom

¹³ Etho í shi tari náng nak tathok phu, etharin Thangwa shiwang thalun phu.’”

ASII LAKDAP Bible (BSI)

¹³ Naishiq ma tsinhea maitai naq tiisaükiq, shatmaq naishiq ka Abi We maklii wa tiiwongshat riilaq.’

Hawa Naga Bible 2001

¹³ Vlauc vlawc rvyaq kvyuq nuiyshiq kuex nauk tvkaz vkueq, Honc bac waz kox wawc palc wvnc koq.’

Matthew 6:13 Referencias Cruzadas

Matthew 26:41

Athing eq tong inn, etho nim tari o qhat moq angma ban eq romtam chu inn. Nim tsija tha kacha chol, etharin hanphung sha anung.”

Matthew 28:20

Etho nga nim ma raaqkhat bat taphang thaji shi tat rangma ning ma tatal ko inn. Etho mingkang thun náng thula, salwet nga nim jamna atha ang náng.”

Matthew 5:37

Etharin nim raaq sha ‘ang’ tia ‘ang moq’ ang ching, chammatakoi eshi pheynáng eq ahan ang ajo, esha Thangwa chingko wang.”

Matthew 6:10

Ba mungtan ri cham ka pha; Rangmungtan na mal mingkang haq ro, ba mongtham shi cham ang aa.

John 17:15

Nang aa ning sha mingkang wang tunsol u ta nga romtam chu phamong, etharin Thangwa wang ning sha thalun ma chu phang.

1 Corinthians 10:13

Nim aa chamlang tari kap tin, eshimal hun thaji miqtang jamoq ang aa. Etharin Shkewa jin han eq ching, nim chamtan jin nan inn eshitan hun piq aa tari kot na, etho tari rangham otho nim ma eshi tari wang thalak ma lam tho takhi eq pha nin, irimal ang eq nim aa ujin eq nin.

1 Corinthians 14:16

Nim aa tsija wang hun Shkewa ma tasapsey inn jo, anal kamtey nim romtam rangma “Amen” ta chamal eq jin raaq nin? Chammatakoi nim cham ta raaq inn sha ning aa sam moq.

2 Corinthians 1:20

Chammatakoi Shkewa rangtum chamtan aa, eshi tang sha Khristo o “Ang ang aa” hun. Ethirangma Shkewa phun amun rangma, Jesu Khristo tungkang o í “Amen” ta raaq i.

Galatians 1:4

Hiqtang Shkewa tinuk wang mal hiqtang ma iri thaney nap jashit mingkang wang thalun ma, Khristo aa piq ni piq tha hiqtang ngarey rangma kochak ta.

1 Thessalonians 1:10

Etho Shkewa Miqwasa Jesu sha mungtan wang kat sha nim aa ban inn, Shkewa piq sha amáng wang wey thajey ta etho piq aa Shkewa tinqhat wang thalun phani.

2 Thessalonians 3:3

Etharin Teyhungwa jin han eq aa, piq aa nim taching pha nin etho thangwa wang táng pha nin.

1 Timothy 1:17

Pattuk rangma lungwang, baluk otho timoq tey, bara utang eq tho jinkhi moq, esha ashey dang Shkewa rangma thaji rangka etho phun amun sha pattuk rangma cham ang aa. Amen.

Hebrews 11:36

Miqdak tang tha junnam, tikbukwat etho qhak shing etho chuk náng shak eq thak tari ta.

1 Peter 5:8

Rangtun eq kacha eq tong inn, chammatakoi nim ralwa thangwa shaq mal lingqhing eq ngil aa etho utang sha chung wang táng ta bi chey aa.

2 Peter 2:9

Eshimal Shkewa samtey miqtang tha tari wang lat ma etho jashit miqtang sha khaphung saal náng thula tsamnang na shing sha tho Teyhungwa usam eq aa.

1 John 3:8

Utang aa ngarey somlo eq tong aa, piq sha thangwa miq, chammatakoi thangwa jakho wang hun ngarey somlo eq thu tapha. Thangwa jaksom sha tashit chak ma Shkewa Miqwasa kata pha.

Revelation 1:18

Nga atharang. Nga utik ang táng, etho thanga siin u, nga pattuk rangma atharang. Utik nia utiktey mingrip mungrang sha i jaktáng na.

Revelation 19:1

Eshi jio nga mungtan na ahan miq wan tha jujong aa raaq atha tat táng, “Hallelujah! Lunwan etho phun amun etho tarong hiqtang Shkewa ráng.

Revelation 19:4

Rokni bali miqlang tang etho bali atharang phan they Shkewa tha bon eq shumnuk ta, bara lungwang tongching na tong aa. Ning raaq ta, “Amen! Halleluh!”

Revelation 2:10

Bari tsamnáng raa nang aa kap nu, eshima nak cho u. Nim tari ma thangwa aa nim wang chamtey sha chuk náng shak phanin; etho nim aa saal asi náng thula tsamnáng sha nan ching. Utik náng thula kam u, etho nga nang ma rollung khopok kot phanáng.

Revelation 21:4

Piq aa ning miik wang thaji miikshit tha rot na. Eshi jio utik tha ahung sey angna etho qhapngey etha ang moq o tin jungnáng etha ang moq o tsamnang ahung sey angna. Thaji aking tangwang takhi moq sey angna.”

Revelation 3:10

Nang aa tinthaman rangma i raaqkhat kot tu sha nim aa shing tin eshirangma mingkang na tongtey tang rangma bari tari sha thupha na eshiwang nga nang sha thalun phanáng.

Revelation 3:14

“Laodicea mondoli rangkamwa ma iri wit u: “Iri raaq raa piq ching kowang, bara Amen, ukam eq ching, asing miikkhi kottey, etho Shkewa thaji phanghun jaktáng o shingtey.

Revelation 5:13

Etho nga mungtan na, mingkang na, mingkang khung na, etho jungshi na etho bara iri mong na thaji shey usey ang aa tha tat ta, “Lungwang tongching na tongtey ma etho Kelwut sa ma tasapsey, rangka, phun amun, etho tarong pattuk rangma salwet cham ang aa.”