Matthew 6:13 - Hawa Naga Bible 2001

¹³ Vlauc vlawc rvyaq kvyuq nuiyshiq kuex nauk tvkaz vkueq, Honc bac waz kox wawc palc wvnc koq.’

ASII LAKDAP Bible (BSI)

¹³ Naishiq ma tsinhea maitai naq tiisaükiq, shatmaq naishiq ka Abi We maklii wa tiiwongshat riilaq.’

Muklom

¹³ Etho í shi tari náng nak tathok phu, etharin Thangwa shiwang thalun phu.’”

Matthew 6:13 Referencias Cruzadas

RAPHA HIQWA LAK 22:1

Kvruex yimaq Tishox rueq Abraham kuex taruiyx tueq; vpiq rueq, “Abraham!” ngoz tueq gvl koq tueq Abraham rueq, “Ayc, ngaz vyuq luez!” ngoz tueq tvralc tueq.

1 HOKHVMX 1:36

Benaia rueq, “Kvkhoc jix m-yaungx wvnc kueq, Yehowa m-Tishox rueq muinz mtv-phaungx kuq shueq.

1 KAÜWA WERAÜ 16:36

Yehowa Israel Tishox muex tvtsvmc wuez shuinz! Majuiuc vmaq vpiq muex pattup tvtsvmc wuez shuinz! Kvruex yimaq miqsaz lotlaz rueq, “Amen,” ngoz wuez ruiux, Yehowa muex tvtsvmc wuez tueq.

1 KAÜWA WERAÜ 29:11

Mnoz kuex yungc loayc hvlc raz tueq luimc vkawc httaz hvlc ngauz vngax, vsvp vrvp nuiyc muingjungc khushec yunghvlc waz rvtoq. Raungx mungtan nuiyc ghaq htauk nuex httax yaq lotlaz kuex mnoz muex rvtueq, mnoz kuex hokhvmx waz rvtoq, lotlaz htauk nuex guimz lawc jix waz rvtoq.

1 KAÜWA WERAÜ 4:10

Yuq muinz Jabeza rueq Israel Tishox kox wawc vjux thoz tueq kuex, “Tishox lex, ngaz muex ruimrix kuq koq, ngaz muex ghaq vraungx paunghvlc kuq koq. Ngaz rulc vdvmz httax vtueq ngaz muex tvthuiuz sac yaq layx vbac phvnx wawc tvguing tvwungx kuq koq,” ngoz tueq thoz tueq. Piq rueq thoz tueq rulc rv-ngvlc Tishox rueq kuq tueq.

Tvtsvmc 10:16

Yehowa kuex pattup pat-sac hokhvmx rvtueq. Vganc tishox htenc muex nawk palx jix htenc kuex vpiq ghaq vraungx wawc moz wvnc wuez tuex.

Tvtsvmc 106:48

Yehowa Israel Tishox muex tvtsvmc wuez shuinz; vpiq muex majuiuc vmaq phaungc vtueq pattup tvtsvmc wuez shuinz! Miq pumz tek vtueq “Amen” mngoz wuez shueq! Yehowa muex tvtsvmc wuez shuinz!

Tvtsvmc 22:28

Yehowa kuex hokhvmx rvtueq, miqphvnx ruip rawx vpiq rueq guimz lawc yaq.

Tvtsvmc 41:13

Yehowa Israel Tishox muex tvtsvmc wuez shuinz! Majuiuc vmaq pattup pat-sac vpiq muex tvtsvmc wuez shuinz! Amen! Amen!

Tvtsvmc 47:2

Johvlc Pinhtumc Yehowa kuex miqhiz vsac waz rvtueq; vpiq kuex mungkawx lotlaz guimz yaq yunghvlc hokhvmx waz rvtueq.

Tvtsvmc 47:7

Tishox kuex mungkawx lotlaz guimz jix hokhvmx rvtueq; shic vngoyc maq vpiq muex tvtsvmc wuez shuinz!

Tvtsvmc 72:19

Vpiq ngauz vngax muingc jungc kuex pattup tvtsvmc wuez shuinz! Vpiq ngauz vngax kuex mungkawx lotlaz nuex mmvrc wvnc kueq. Amen! Amen!

Tvtsvmc 89:52

Yehowa muex pattup pat-sac tvtsvmc wuez shuinz! Amen! Amen!

DUNGWVNC 15:18

Yehowa mnoz kuex hokhvmx muex pattup pat-sac yaungx tuiux.

TAKSU LAK 30:8

Vrot vkaq kvjaz kvjak tauk wawc ngaz kuex tvgawx tvyal wvnc koq, luiz waungx nuiyc htemc saz muinz ngaz nuex yaungx muq mruez kueq. Kvkhoc rvtueq ngaz muex rax yaq phuiuz vsvy dvyx ngaz muex kuq koq.

JEREMIA 15:21

Honc bac jix nuiyc yauk laungc yalawx jix miqsaz luimc vkawc wawc ngaz rueq mnoz kuex palc wvnc phaungx. Ngaz Yehowa rueq jungx vshaungx,” ngoz tueq tvralc tueq.

JEREMIA 28:6

“Vwangc juing nyix! Yehowa rueq kvruex mruez shueq ngaz rueq tvluimc vshaungx! Shomc Yuimx tsak vnyvmx lotlaz nuiyc vthuq wvnc rvhumc jix mungx miqsaz lotlaz kuex Babelon mungx wawc vpiq rueq tvyez shvlx wvnc yek shuex lvmx jungx jix vpiq shvmmax kvjaz kuex vpiq rueq tvhungx kuq shuex, ngaz rueq vsuing tvluimc vshaungx.

DANIEL 4:25

Mnoz kuex miq phungc wawc yurc gay rvhumc vtueq yaruix ngvmx saz htenc rulc vdvmz httax tuiux. Mnoz kuex manx rueq ikhoc renhttuingx kuex wawc mvshix phauk ruiux, mhtauk nuex buing rueq hemc vtueq vshuip vpuingc vguez baung nuex woalc tuiux. Kvkaq Johvlc Tishox rueq miqsaz mungtan htenc guimz lawc ruiux, vpiq rueq vthvl miqsaz ukhaq muex muinz vpiq rueq kuq lot yaq kuex mnoz kvjungc tuiux.

DANIEL 7:18

Johvlc Tishox miqsaz htenc kuex hokhvmx luimc vkawc lvp wvnc vtueq, kvruex kuex pattup lvp wvnc shuex,” ngoz tueq jungx tueq.

WEAWEA 5:22

Yuix vruex m-wuk nuex httuiuc wvnc vtueq, wuk kuex ramx wvnc ruiux mnoz yalxjuik hupsvmx kuex tvhttuiz rawk gay shuex,” ngoz tueq tuemc kuq tueq. Yalxjuik nyuiuz kvraq, “Ngaz rungx raz vtaungx; Yehowa rueq mhtvp htaz kuq phueq,” ngoz tueq tvralc tueq.

Matthew 26:41

Mvyx tvy yaq kvyuq httuiuc kaz muit tvkoc honc lvmz hvt maq vjux thoz wuez shuinz, siyac kuex hungc vlaungc httax yaq, yuq muinz gvnngvmx hungc vlaungc nulx kaz,” ngoz tueq.

Matthew 28:20

ngaz rueq nuimshiq muex nvr vphaungx phvnx ruip saz kuex phvnx wuez shuinz, tsuingshiq muex tvluing kuq shuinz. Kvdvyx muinz rvmuq ghaq vpat htumx wvnc tuex nuex httuiuc laz ngaz kuex nuimshiq rulc vdvmz mkaq muinz httaz naungx phaungx,” ngoz tueq jungx kuq tueq.

Matthew 5:37

Mkvjaz kuex ‘Rvtueq’ rvmuq ngoz ruiux ‘Rvmuq’ ngoz tueq dvyx jungx shuiuz, kvruex htauk nuex lvy vtueq mnoz rueq jungx shuiux kvjaz kuex layx bac Waz kox wawc vdung kvjaz rvtueq.

Matthew 6:10

Mmungtan kuex mhttuiuc wvnc kueq, Raungmungx nuex mthuinz suing yaq rulc rv-ngvlc ghaq htauk vyuq muinz m-yaungx wvnc kueq.

John 17:15

Tsuingshiq kuex vruex mungkawx vwawc tvyenc wvnc muex ngaz rueq thoz vphaungx rvmuq, tsuingshiq kuex honc vbac waz rueq tvkuilc daz rvhumc muq juing tvkhup wungx kuy tvkoc thoz vphaungx.

1 Corinthians 10:13

Nuimshiq rvhumc vtuinx tvshonx bawx taruiyx yaq htenc kuex miq ruip rawx rvhumc yaq phvnx dvyx rvtueq. Yuq muinz Tishox kuex bomkhvmc tvy jix Taungjix ningkhvnc nuex, nuimshiq miqmac rueq nanx lot shuinx htauk kvyuq lvy vtueq tvshonx bawx taruiyx yaq kuex tvrvhumc kv-phuinx rvmuq. Tvshonx bawx taruiyx rvhumc vtuinx baunglaung nanx lot juing hungc vlaungc kuq vtueq, kvruex tvshonx bawx yaq kvwawc dungc wvnc tvkoc lvmx daz kuq kv-phuinx.

1 Corinthians 14:16

Nuimshiq rueq siyac maq dvyx Tishox muex kejux vyungx ngoz vtueq vjux thoz ruiux yuq, nawk palx rvtuimx yaq nuex lomx jix miq talaz vshiz rueq nuimshiq rueq jungphvnx vshuinx kvjaz kuex tuiuz muq ningkhvnc nuex, nuimshiq rueq vjux thoz vshuinx kvjaz kuex yvmx khoc lac “Amen” ngoz tueq tvralc naungx shvnx?

2 Corinthians 1:20

vpiq kuex Tishox bomkhvmc lotlaz tvkoc, “Rvtueq” ngoz tueq tvkhic kuy jix waz rvtueq. Kvkhoc rvtueq naungshiq rueq Tishox ngauz vngax tvdungc tvkoc Yesu Christu nuex “Amen” ngoz vshix rvtueq.

Galatians 1:4

Christu kuex naungshiq Waz Tishox thuinroc tay kuy muex naungshiq kuex vruex vbac vtac pat vwawc tvdungc wvnc tvkoc naungshiq mvrax rawc nuex vpiq shauk pumz kuex lekuq gay tueq.

TRI CHONGKE 8:16

Kumtsvy tvnx maq nuimshiq jix vwaz tamx rueq phauk saq muq doc phvnx manna wanx kuex tvsaq tueq. Vtvsuip nuex nuimshiq rueq ruimrix lvp wvnc tvkoc nuimshiq kuex kuilc daz htemc rvmc tvrvhumc kv-phuinx, kvkhoc kuilc daz tvrvhumc kv-phuinx lvmz kuex nuimshiq taruiyx lawc tvkoc rvtueq.

TRI CHONGKE 8:2

Nuimshiq kuex taruiyx lawc tvkoc ngoz tueq, vgvrx vtsvrx phvnx htenc kuex tvkaz ruiux vpiq rueq nvr yaq kvjaz htenc kuex tay phvnx vtueq shuimc kay thuinz httax yaq httax muq tuiuz lot laz juing, lvy wvnc tueq wawc rok bvlic tup Yehowa nuimshiq Tishox rueq kumtsvy tvnx lvmx luz kuex mkhoc lac shvlx kv-phuinx rvwvl shuinz.

1 Thessalonians 1:10

raungmungx maq httuiuc kaz yaq Tishox Saz kuex bvmc vshuinx kvmuinz miq lotlaz rueq jungphvnx wuez yaq. Vsaz Yesu kuex vthueyc kay wuez wawc Tishox rueq tvyuing tvtenc wvnc vtueq, httuiuc wvnc yaq Tishox thuinkhvy wawc naungshiq kuex daungc wvnc jix waz rvtueq.

2 Thessalonians 3:3

Yuq muinz Taungjix kuex tvmtuing rvtueq, vpiq rueq nuimshiq muex hungc vlaungc tvhungc kuq vtueq Honc Bac Waz kox wawc tvkhup wungx wvnc kv-phuinx.

1 Timothy 1:17

Pattup pat-sac Hokhvmx yaungx yaq, batac momaq kaz muq, muik maq khiz lot miq, vshiz dvyx httax yaq Tishox kuex pattup pat-sac rullungx wvlex tvtsanc nganc nuiyc ngauz vngax mhttax wvnc kueq! Amen.

Hebrews 11:36

Wvyvmc kuex tvliz tvlawx wungtvlc rvhumc tueq, wvyvmc kuex yanx ruiuz maq khvrbuinc ruiux khoktep nuex shuiuz rvhumc tueq.

1 Peter 5:8

Nuimshiq honc svmz tharc lvmz hvt maq httax kuinz! Nuimshiq ralx waz ngoz yaq Htaungc waz kuex ukhaq lac yuk phauk gay lvp shaungx ngoz tueq huk hez yaq hangsic ikhoc kvroz khuemx yaq.

2 Peter 2:9

Kvkhoc rvtueq Taungjix rueq tvrac tvtsanc jix htenc tsuingshiq rvhumc yaq taruiyx lvmz htenc mungx kvwawc yvmx khoc palc wvnc juing lac nuiyc honc vbac jix htenc muex khac phoc Raungnuiyq nuex httuiuc laz, yvmx khoc murx tvgurc juing lac kvmuinz vpiq rueq tuiuz yaq.

1 John 3:8

Mvrax shuimx hvt jix waz ukhaq yuq muinz Htaungc rulc seng yaq waz rvtueq, yvmx khoc lac ngoz ruiux lec Htaungc kuex vphaungc vyaungc maq phuex mvrax shuimc jix rvtueq. Kvkhoc rvtueq Htaungc yauk shuimc kuex tvbac gay tvkoc Tishox Saz dung kvkhic kaz tueq.

Revelation 1:18

Ngaz kuex vtvraungx httax yaq waz muinz ngaz rvtauk! Ngaz kuex vthueyc wvnc shex rvtauk, yuq muinz pattup pat-sac ngaz vtvraungx httax vtaungx. Ngaz kuex vthueyc vmvy htauk nuex muinz, vthueyc vmvy mungtan htauk nuex muinz guimz lawc vrangx vpangx lvp tauk.

Revelation 19:1

Kvruex yimaq raungmungx wawc miq vkung vdaungx thuirc tvruingc rulc rv-ngvlc yaq tvruingc kuex ngaz rueq tay tauk, tsuingshiq rueq, “Tishox muex tvtsvmc wuez shuinz! Haleluya naungshiq Tishox kuex palc daungc lvmx nuiyc ngauz vngax, luimc vkawc mvrc yaq waz rvtueq!

Revelation 19:4

Kvkaq vyungx vlaungx bix waz 24 nuiyc vtvraungx ngvmx saz kuiux bvlic rueq, “Amen! Tishox muex tvtsvmc kvmc wuez shuinz!” ngoz tueq jungx ruiux hoc daungraungc htauk nuex ngaungc yaq waz Tishox muex bumx vtueq nawk palx wuez tueq.

Revelation 2:10

Mnoz rvhumc wvnc juing kuilc daz muex nauk hiz kaz. Lawc shuiuz! Nuimshiq muex talc lawc tvkoc Htaungc rueq nuimshiq wawc wvyvmc kuex khoktep nuex shauk vtueq nuimshiq kuilc daz jamjaux rvhumc tuinx lvmz kuex raungx rokshiz tup httvmx tuex. Vthueyc nuex httuiuc laz ngaz nuex tvmtuing httax kuiuz, kvkaq ngaz rueq mnoz muex rullungx khushec kuq phaungx, kvruex kuex mnoz rueq taungx wvnc toq yauk mauk rvtueq.

Revelation 21:4

Vpiq rueq tsuingshiq muikphic httax yaq htenc kuex tuit kuq shuex. Yimaq vthueyc vmvy kuex vguez shex, vyonz vyex, vkhoarc vnyerc nuiyc vthuiuz vsac, vhunc vnyec muinz httax muq shex. Kungkhux nuex yaungx wvnc tueq htenc kuex moz wvnc vtuex shex,” ngoz tueq jungx tueq.

Revelation 3:10

Yvmx khoc lac ngoz ruiux lec mnoz kuex ngaz rueq nvr phaungx rulc rv-ngvlc thuinz tvluz vtueq nanx wvnc lvmz bomjungc mnoz rueq phvnx vshuiux ningkhvnc nuex, ghaq htauk nuex httax yaq miqsaz lotlaz kuex taruiyx lawc tvkoc mungkawx nuex nyvmc laz kuilc daz jamjaux httuiuc wvnc tuex vkhing nuex ngaz rueq mnoz kuex tvkhup wungx kuq phaungx.

Revelation 3:14

“Laodikea phungc wawc kamx waz muex vkhoc wuiyq shuiuz: “Vruex kuex tvmtuing nuiyc tsuingrux hakhix waz, Tishox rueq vtvdung sung phvnx lotlaz muex vjungx ruingx, Amen ngoz yaq waz kox wawc bomjungc rvtueq.

Revelation 5:13

Kvmaq raungmungx wawc muinz, ghaq htauk vwawc muinz, mungkawx khung wawc muinz, svmuktvrax wawc muinz, wvtaungx wawc vtvraungx phvnx lotlaz rueq, “Hoc daungraungc nuex ngaungc yaq waz nuiyc Khelbuenx Saz kuex, tvtsvmc kvmc nuiyc tvtsanc nganc, ngauz vngax nuiyc hungc vlaungc kuex pattup pat-sac mhttax kueq!” ngoz tueq shix wuez tueq kuex ngaz rueq tay tauk.