Matthew 6:12 - Hawa Naga Bible 2001

¹² Miq rueq nuiyshiq muex vyaq kuq mvrax nuiyshiq rueq dawc kuq shix ikhoc, nuiyshiq mvrax muinz dawc kuq koq.

ASII LAKDAP Bible (BSI)

¹² Naishiq ma ashut klotibi mra thun diikuqkai, kiikhiisii naishiq mra thun kiimin diikuqlaq.

Muklom

¹² Í ma thaja somtey tang thima í aa tolchak i. Irimal í ma tho tolchak phu.

Matthew 6:12 Referencias Cruzadas

1 HOKHVMX 8:30

Ngvy vjux thoz bomc htenc muinz, vruex baung vyuq htvlx tvmuiz vtueq thoz yaq mmiqsaz hez rueq vjux thoz yaq htenc kuex tay kuq koq. Raungmungx wawc m-yuimx maq nuiyshiq vjux thoz bomc kuex tay kuq ruiux nuiyshiq muex mvrax dawc kuq koq.

1 HOKHVMX 8:34

tsuingshiq rueq thoz yaq kuex raungmungx maq tay kuq shuiuz. Mmiqsaz hez mvrax htenc kuex dawc kuq ruiux, tsuingshiq jix vwaz tamx muex kuq shaungx ngoz tueq mungx kvyuq shvlx wvnc shuiuz.

1 HOKHVMX 8:39

tsuingshiq rueq thoz yaq kuex tay kuq shuiuz. Raungmungx wawc m-yuimx kvmaq tsuinghez kvjaz kuex tay kuq vtueq, tsuingshiq mvrax kuex dawc kuq ruiux romc lawc kuq shuiuz. Mnoz dvyx mungkawx miqsaz thuinz vmungx nuex tvmaung yaq lvmz kuex tuiuz yaq. Washiz maq washiz miqmac rueq shuimx yaq yauk shuimc rulc rv-ngvlc tvyez kuq shuiuz,

1 HOKHVMX 8:50

Tsuingshiq yaq gay tueq mvrax lotlaz nuiyc mnoz muex khawx lvlx lvmz lotlaz mvrax kuex dawc kuq shuiuz, tsuingshiq ralx htenc rueq tsuingshiq muex menjenc kuy tvhttax shuiuz.

Tvtsvmc 130:4

Yuq muinz mnoz rueq nuiyshiq muex mvrax dawc kuq gay phux, kvkhoc rvtueq nuiyshiq rueq mnoz muex tvtsanc nganc vphix.

Tvtsvmc 32:1

Mvrax dawc kuy rvhumc vtueq, vyaq jix htenc mvrax wawc dawc kuy rvhumc yaq jix htenc kuex thuinhvlx yaq.

DUNGWVNC 34:7

Ngaz kuex miqphvnx vhingc vmunc paung yaq htenc muex ngvy bomkhvmc kuex tv-phaungx kuq vtueq, ngarvyx nuiyc mvrax kuex dawc kuq shaungx; yuq muinz vnyuiuz vwaz mvrax kuex saz pat suiuz pat, pat thuimx, pat bvlic nuex httuiuc laz tvgurc shaungx,” ngoz tueq jungx tueq.

ISAIA 1:18

Yehowa rueq, “Majuiuc, naunghez rvjungc ix. Nuimshiq mvrax kuex tvguiy ikhoc shawx ruiux muinz, tsuik hek ikhoc ngaz rueq tvsawc hoal kuq phaungx. Nuimshiq mvrax kuex shawc hvlc, yuq muinz khelbuenx mul ikhoc luiz wvnc tuinx.

DANIEL 9:19

Taungjix lex, nuiyshiq muex tay kuq koq. Taungjix lex, nuiyshiq muex dawc kuq koq. Taungjix lex, nuiyshiq kvjaz tay vtueq tvyaungx kuq koq! Mnoz Tishox rvtoq kuex miq tek vtueq mtuiuz wvnc shueq, nauk thauk kaz! Vruex ghaqyungx nuiyc vruex miq htenc kuex mnoz rueq guimz yaq,” ngoz tueq jungx tauk.

Matthew 26:28

vruex kuex Tishox bomkhvrc vnyalx nuex seng yaq, miq paunghvlc mvrax dawc kuy tvkoc vruiuc gay ngvy tvguiy rvtueq.

Matthew 9:2

Kvkaq miq wvyvmc rueq chuing nuex woalc yaq gvnmaungx miq washiz kuex vpiq kox nuex pix laq tueq. Yesu rueq tsuingshiq nuex kvmluimx thuinz mtanc lac httax yaq nguinx kuex khiz vtueq, “Isaz lex, khvmc thuinz httax kuiuz! Mmvrax dawc gay rvhumc doc shex,” ngoz tueq jungx kuq tueq.

Mark 11:25

Nuimshiq jvp vtueq vjux thoz shuinx nuex, miq vshiz shiz rueq nuimshiq muex vyaq kuq mvrax httax ruiux yuq, kvruex dawc kuq shuinz, kvkhoc ngoz ruiux jix raungmungx wawc nuimshiq Waz rueq nuimshiq mvrax kuex dawc kuq kv-phuinx.”

Luke 11:4

Nuiyshiq muex yaq kuq phuex mvrax htenc nuiyshiq rueq dawc kuq gay vshix ikhoc nuiyshiq mvrax muinz dawc kuq koq. Tvshonx bawx rvyaq baung nuex nuiyshiq kuex nauk tvkaz vkueq,’” ngoz tueq jungx kuq tueq.

Luke 13:4

Siloam ngoz yaq baung wawc lungpvrc yuimx kuimc vtueq kvpvt thueyc jix miq rokshiz rac waz tvjvt kuex Yerusalem nuex httax yaq jix lotlaz htauk nuex muinz mvrax paunghvlc jix ngoz tueq haz tvmaung vshuinx?

Luke 6:37

“Miq muex khac nauk phox kuq kaz, kvkhoc ngoz ruiux yuq jix Tishox rueq nuimshiq muex phox kuq muq rvshuex, miq muex nauk yomnamc kaz, kvkhoc ngoz ruiux yuq jix Tishox rueq nuimshiq muex yomnamc muq, miq muex mvrax dawc kuq shuinz, kvkhoc ngoz ruiux yuq jix nuimshiq muex muinz Tishox rueq mvrax dawc kuq kv-phuinx.

Acts 13:38

Kvkhoc rvtueq phunox bix Israel miqsaz lex, Yesu khac maq mvrax dawc lot juing bomjungc lvmz kuex nuimshiq muex ngaz rueq jungx kuq vphaungx kvmuinz, vpiq muex kvmluimx jix htenc kuex Moshe Tvrac rueq dawc kuq lot muq phvnx mvrax lotlaz kuex dawc kuq lot yaq lvmz kvmuinz, nuimshiq muex nuiyshiq rueq tvtuiuz vphix.

Ephesians 1:7

Yvmx khoc lac ngoz ruiux lec Christu thueyc khvmc kuy ningkhvnc nuex naungshiq dungc wvnc rvhumc tueq, kvruex kuex nuimshiq mvrax htenc dawc kuy lvmx rvtueq.

Ephesians 4:32

Nuimshiq vshiz maq vshiz rvlungwawc rvmenjenc wuez kuinz, Tishox rueq Christu maq nuimshiq mvrax dawc kuq gay kv-phuinx rulc rv-ngvlc, nuimshiq muinz vdvmz dvmz mvrax rvdawc wuez kuinz.

Colossians 3:13

Nuimshiq vdvmz dvmz mvrax rv-nyvnc juing httax ruiux yuq, nanx thuinz maq mvrax rvdawc wuez kuinz, Taungjix rueq nuimshiq muex mvrax dawc kuq kv-phuinx kvkhoc nuimshiq muinz vdvmz dvmz mvrax rvdawc wuez kuinz.