JEREMIA 9:24 - ASII LAKDAP Bible (BSI)

²⁴ Shatmaq maiq ashi ra raq tiitsakisea rotlaq jiila, apaiq raq ngi ka asap kiimaq ngi ka juwa kra asap she nguta kra miituli mitiitsakilaq, jamkhano ngukla ngi lungwiitsii ka tiipit mang phan, kiimaq ngi riika tingting kappe maq tri ka shin tiikang. Arthun arkata ngi tiichochi chang jaqsham. Arka, Ngi, Tatiwe raq ngutiikang.”

Hawa Naga Bible 2001

²⁴ Mkhoc shoc maq miq vshiz shiz kvsomc parc roc ruiux yuq, tsuingshiq rueq ngaz kuex tuiuz vtueq, tuiuz tay yaq jix dvyx kvsomc parc aungx yaq, yvmx khoc lac ngoz ruiux lec ngvy lungwawc thuinz kuex phaungx ngaungx yaq, ngaz rueq shuimx shaungx kvmuinz rvkhauk laz vlvmz rvtueq. Kvruex shuimc vkay htenc kvmac ngvy thuinz suing yaq. Ngaz, Yehowa rueq jungx vshaungx,” ngoz tueq jungx tueq.

JEREMIA 9:24 Referencias Cruzadas

Tvtsvmc 20:7

Wiijamti riika tsangshiq rekhat chang kumrang leng ma kamtlo kiimaq wiijamti riika tsangshiq kumrang kong ma kamtlo, shatmaq nashiq riika nashiq Tatiwe nashiq Shiikeawe ningkun ma kamtiikai.

Tvtsvmc 34:2

Ngi raq apaiq mitiitsamha apaiq raq jaqshamkuqtaq kra miitu; maiq raq ji maq nishishi tiichamtlaqti raq tai ronglaq lantea chochi ronglaq!

Tvtsvmc 34:3

Ngi rai Tatiwe jonglu kra chiiriim laita chongrong i; apaiq mang ka adam maq tiitsam rong i.

Tvtsvmc 44:8

Naishiq raq wranaiqshe ümnaq mitiitsamkai kiimaq ümniima pattup pat-sa kechu mitumkai.

Tvtsvmc 44:9

Shatmaq ümchaü ümniiraq naishiq ka tiishaübaiq laü kiimaq naishiq ka re ma tiitanglaü; ümniika naishiq phenlabi rai rekhatkai kidam maü she.

Tvtsvmc 51:1

Ngi tiihang kuqlaq, O Shiikeawe lei, ümnaq tiipitmaü mangchan wokhong maq. Ümnaq tiihang mangchan jonghea kha maq ngi ngarai thun ka tatbaiqlaq!

Tvtsvmc 91:14

Shiikeawe raq ngutlo, “Jurwa ngi lungwiitlaq kriiti ka ngi raq mitiichhiiha kiimaq jurwa ngi ka Tatiwe nguta saptlaq kriiti ka ngi raq mitiichhiikuqha.

Tvtsvmc 99:4

Ajong Pinthum Hokhamwe lei, ümniiriika riikhaqli jaqsham lungwiitlaü; ümniiraq Israil mung na tingting tri raütu shonglaü she; ümniiraq kha ka tri maq phokuqtlaü kiimaq makliishi maq photlaü.

ISAIA 20:5

Sudan mungti ma kamtsantsii thü raüta sitibi raüta Ejip mung jonglu tsaki raüta siti thun tsiim jüshushu tiishipot she miraq. Tsangshiq ran phan chang ka ahü she.

ISAIA 41:16

Ümniiraq kriithun ka ra na tiithok hihi mibaiqhaü; kiiwa rahai raq mipan wan, kiiwiishe rathaiq raq barapse na miwan baiq. Kiijiishetiq ümniika michochi haü; jamkhano ngukla Ngi ka üm Shiikeawe, ümniiraq Ngi mitiitsamhaü, Israilnok asii Shiikeawe.

ISAIA 45:25

Ngi Tatiwe, raq Jakob saüse thun ka wiita mitiichhiiha, kiimaq tsangshiq raq Ngi mitiitsam.

ISAIA 61:8

Tatiwe raq ngutlo, “Ngi raq tingting kappe sham kra lungwiitiikang. Kiimaq Ngi raq ji maq nishishi haihü Kiimaq mat atsa kloti ka liiro mang. Ngi raq isenginok ka tsapkapkap maq poksi mikuqha Lata tsangshiq rai pattup pat-sa miitu tong mishongha.

JEREMIA 22:16

Apaiq raq miitsan maiqse kha tingting maq photo. Krai mren apaiq jaqsham ka ahea athuk atsom riito, kriikata Tatiwe sap raüta siwan rilung.

JEREMIA 4:2

kriishe klowan han jiila, namshiq raq imang chong lantea atiitum wan mimai. Kriishe ngu raüla, maiq phan tlotli raq ngi nang nga tsangshiq ma ramram kuqlaq nguta mingu. Kiimaq tsangshiq raq ngi mitiitsam kam.”

Mikha 6:8

Riimak, kiikhiika. Tatiwe raq nashiq ma, tingting tri lamphan kra chongkuq wanto. Tri kappe ka tingting maq shamlaita sichang. Nanok ka mangchan laita sichang. Shiikeawe wokhong na tsannin woknin maq siwan chang.

Mikha 7:18

O Tatuiwe lei, ümnaq akha, ümsengi ngarai diike wanti ahü. Ümniiraq ümsenginok rejaq song, ngarai diikuq laü. Ümniika pattup khiqruq ka khiq maü, shatmaq ümniiraq naishiq ma, thummak phan mangchan tsü tiichhi kuq tlaü.

Matthew 11:27

“I We raq i jaq na phanrap arang ake kun she. Ase ka jurmin sap mak. Awe raq saptlaq kli. Kiimaq Awe ka jurmin sapmak. Ase raq saptlaq kli. Kiimaq Ase raq ümriiti miiwa tiichhikuq tlaq kriiti riili saptlo.”

Luke 10:22

“I We raq ngi ma phanrap ake kun she. Awe tlea raüta, Ase ka juwa, kriika maiq ahinti jurmin sapmak. Kiimaq Ase ka lea raüta nai Ase raq tsea raüta ümriitimo tiichhikuq tlaq, kriiti lea raüta, Awe ka juwa kriika maiq ahinti jurmin sapmak.”

John 17:3

Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.

Romans 5:11

Riita ara chong tiikai ara lamlam siili ka riimak. Arthaq niimin apa dea asi shaqli. Nashiq raq khoqriiq wan chang lamlu ka jonghea dea asi. Arka Shiikeawe raq Tati Jesuq Khristo pum lümaq, nashiq ka Shiikeawe khi alu bi miishe tiija kuq wantaq arkha maq khoqriiq siq tiikai.

1 Corinthians 1:31

Riita ara chongtiikai krai mren, ara Asii bomtsi na akha chongtlo: “Jurwa atiishom ra ro tlaq, kriiti riika TATIWE raq apaiq tsea wantaq kra miituli srasea raa tlo,” nguta chongtlo.

2 Corinthians 10:17

Shatmaq, Asii bomtsi na, “Jurwa atiishomra ro tlaq, kriiti riika Tatiwe raq jamlai jaq wa sham tlaq, kriili shomra chang,” nguta chongtlo.

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.

Galatians 6:14

Riita, ngi riikla, Tati Jesuq Khristo pumsongkham na tsaitaq, kra shomra tiikang, kriili she. Ara jamkhano chongtiikang ngukla, apaiq tsai taq pumsongkham lümaq, mangjong hiq rilung lam phan na, jamlai phan wa araa ariq phan nguta weawun wan tlaq thun kriika, ümchaü sanha, ngi miika hiqtili ikhli she. Ngi ka arthun armiika, atsaikai kun she. Ngi armin, mangjong rilung lamphan miitu ka, atsaikai wishe.

Philippians 3:3

Nashiq ahata, riikhaqli maq athohan tri langti. Tsangshiq ka riimak. Nashiq riika, Asii Wenyi lümaq Shiikeawe shomnoq wantiikai. Kiimaq Jesuq Khristo wokhong na si laita, kai chochi tiikai. Nashiq riika rakhütsi ri thunglai lang tri poi kriimiika kam mai.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.

1 SAMUEL 15:22

Shatmaq Samuel raq treto, “Riita Tatiwe ümriiti wa lungwiitla: Apaiq bomtai kriisha, honglu thun nai nyamse atakuq kriiwa lungwiitla? Skuse ahea pinthum honglu atakuq thaq na, apaiq bomtai riiwe ka ahea.