Biblia Todo Logo
La Biblia Online
- Anuncios -




JEREMIA 9:24 - Hawa Naga Bible 2001

24 Mkhoc shoc maq miq vshiz shiz kvsomc parc roc ruiux yuq, tsuingshiq rueq ngaz kuex tuiuz vtueq, tuiuz tay yaq jix dvyx kvsomc parc aungx yaq, yvmx khoc lac ngoz ruiux lec ngvy lungwawc thuinz kuex phaungx ngaungx yaq, ngaz rueq shuimx shaungx kvmuinz rvkhauk laz vlvmz rvtueq. Kvruex shuimc vkay htenc kvmac ngvy thuinz suing yaq. Ngaz, Yehowa rueq jungx vshaungx,” ngoz tueq jungx tueq.

Ver Capítulo Copiar

ASII LAKDAP Bible (BSI)

24 Shatmaq maiq ashi ra raq tiitsakisea rotlaq jiila, apaiq raq ngi ka asap kiimaq ngi ka juwa kra asap she nguta kra miituli mitiitsakilaq, jamkhano ngukla ngi lungwiitsii ka tiipit mang phan, kiimaq ngi riika tingting kappe maq tri ka shin tiikang. Arthun arkata ngi tiichochi chang jaqsham. Arka, Ngi, Tatiwe raq ngutiikang.”

Ver Capítulo Copiar




JEREMIA 9:24
33 Referencias Cruzadas  

Wvyvmc kuex tsuingshiq ralx khvt juing renc htenc, kvmaq wvyvmc kuex tsuingshiq ngaungc yaq mvre htenc muex tvluimc wuez yaq, yuq muinz naungshiq kuex Yehowa naungshiq Tishox muex tvluimc wuez vshix.


Vpiq rueq shuimx wvnc tueq htenc kvmac ngaz rueq vpiq kuex tvtsvmc vshaungx; tuinghtuing rvhumc jix lotlaz lex, tay tvtsuingc vtueq kokez wuez kuinz!


Yehowa yungx luz yaq lvmx kuex ngaz rulc roc nuex jungphvnx naungx kuit; vpiq muingc kuex naungshiq rueq vdvmz nuex tvtsvmc wuez ix!


Nuiyshiq rueq mnoz muex mkaq muinz tvtsvmc vphix, mnoz muex pattup kejux vyungx ngoz vphix.


Yuq muinz majuiuc kuex mnoz rueq nuiyshiq kuex tvdux gay ruiux tvsumx rumx gay phux; mnoz kuex nuiyshiq nolaungx daungx rulc vdvmz ralx khvt nuex kaz muq.


O Tishox lex, mnoz phaungx ngaungx yaq lungwawc thuinz maq ngaz muex menjenc kuq koq. Mnoz yungc loayc menjenc thuinz ningkhvnc nuex ngvy mvrax htenc kuex hut kuq gay koq!


Tishox rueq, “Ngaz muex lungwawc jix htenc kuex ngaz rueq palc shaungx, ngaz ngoc Yehowa rvtueq ngoz tueq kvjungc jix htenc muex ngaz rueq tvguing tvwungx kuq shaungx.


Hungc vlaungc httaz hvlc hokhvmx waz lex, mnoz rueq vlvmx kuex lungwawx vshuiux; Israel mungtan nuex tvrac vlvmz kuex mnoz rueq taq shec toq; tsuingrux nuiyc tvrac rvkhauk laz kuex mnoz rueq tv-nyuip taq wvnc toq.


Ethiopi muex tvluimc jix hez nuiyc Ejip mungx nuex seng vtueq kvsomc parc jungc jix hez kuex tvluimc juing kvpek bac wvnc ruiux, tharc khiz wvnc shuex.


Mnoz rueq kvruex htenc kuex raungguil nuex jap gay shuiux; raungguil rueq kvruex htenc kuex pvnc wvnc shuex, kvruex htenc kuex raunghtiq raungguil rueq nyanc gay rvhumc tuex. Kvruex yimaq mnoz kokez lvp tuiux, yvmx khoc lac ngoz ruiux ngaz kuex m-Tishox rvtauk; Mnoz rueq Israel muex vsawc Tishox, ngaz muex tvtsvmc kvmc phux.


Ngaz, Yehowa rueq Yaku suiuz vsaz lotlaz kuex palc daungc wvnc shaungx, tsuingshiq rueq ngaz muex tvtsvmc kvmc kuq wuez phuex.


Yehowa rueq, “Ngaz rueq vrungx vraz tvrac kuex lungwawx vshaungx, ngaz rueq vmop vjap yauk shuimc nuiyc vguirc vguenc kuex shuiuc vshaungx. Ngaz rueq ngvy miqsaz htenc muex tvmtuing maq yauk noalc htenc kuq shaungx, Tsuingshiq rulc pattup bomkhvrc tvhungx shaungx.


Piq rueq htemc vrvmc miqsaz vrungx vraz maq phoc kuy ningkhvnc nuex lvmz ruip saz nuex vhvlx yaungx yaq. Kvruex kuex Yehowa tuiuz tvkoc vlvmz tvdungc rvtueq.


ngvy muingc ruingc vtueq kvtuemc vtuinx kuex nuimshiq tvkoc tsuingrux yauk shuimc muex yaungx tuex. Kvmaq miqphvnx ruip rawx rueq tsuingshiq muex ruimruimc kuy tvkoc ngvy kox wawc thoz wuez shuex, tsuingshiq rueq ngaz muex tvtsvmc kvmc wuez phuex,” ngoz tueq jungx tueq.


Rvmuq, Yehowa rueq naungshiq kuex vhvlx yauk shuimc tvkoc jungx shec phuex. Naungshiq kox wawc vpiq rueq thoz yaq kuex vruex rvtueq: tvrac vlvmz shuimc lvmx, lungwawc thuinz tvkhic lvmx, thuinz tvyomz vtueq naungshiq Tishox rulc lux rvyaungc vtueq httaz juing rvtueq.


O Yehowa lex, mnoz rulc rv-ngvlc jix vganc tishox vguez; kvjungx yaq mmiqsaz htenc rueq khawx lvlx yaq mvrax htenc kuex dawc kuq shuiuz, mnoz kuex pattup thuinkhaq vtuiux rvmuq, yuq muinz mnoz kuex nuiyshiq muex phaungx ngaungx yaq lungwawc thuinz taq vshuiux.


“Iwaz rueq httax yaq lotlaz kuex ngaz muex lekuq phuex. Iwaz maq lvy vtueq Vsaz kuex uraq muinz tuiuz lot muq, Vwaz rueq Vsaz muex nuiyc Vsaz rueq tvkhic roc shuex maq lvy vtueq vganc uraq muinz tuiuz muq.


“Iwaz rueq phvnx ruip saz lotlaz kuex ngaz muex vlekuy wuez shex, Msaz vruex ukhaq lac rvtvnx lvmx kuex Iwaz maq lvy vtueq uraq muinz tuiuz muq, Iwaz muinz ukhaq lac rvtvnx lvmx kuex Msaz nuiyc Msaz vpiq rueq tvkhic kuq roc yaq jix maq lvy vtueq uraq muinz tuiuz muq,” ngoz tueq jungx tueq.


Pattup rullungx ngoz yaq kuex rvkhauk laz vshiz dvyx httax yaq, tsuingrux Tishox muex nuiyc Yesu Christu muex tuiuz wvnc lvmx ngoc rvtueq.


Kvruex dvyx rvmuq, naungshiq kuex Tishox rulc kungjix muex tvyaungc wvnc phuex Taungjix Yesu Christu ningkhvnc nuex Tishox rueq naungshiq nuex shuimx wvnc tueq yauk shuimc htenc kvmac thuinhvlx vtix.


Kvkhoc rvtueq Rumvrc luik nuex jungx shec tueq rulc rv-ngvlc, “Kvsomc parc roc jix waz kuex Taungjix rueq shuimx wvnc tueq yauk shuimc laung nuex mkvsomc parc kueq,” ngoz tueq.


Yuq muinz Rumvrc luik nuex, “Kvsomc parc roc jix waz kuex Taungjix rueq shuimx wvnc tueq yauk shuimc kvyuq dvyx mkvsomc parc kueq,” ngoz tueq.


Christu htvlx phawc nuex phelez wuix yaq ngauz vngax lvmz kuex tuiuz wvnc tvkoc naungshiq thuinz vmungx nuex raungwuic tvwuic kuy jix Tishox kuex, “Raungnyauk mungx wawc raungwuic dung wvnc tuex,” ngoz tueq jungc jix Tishox rvtueq.


Ngaz kuex naungshiq Taungjix Yesu Christu yauk juinc bulx lvmx maq lvy vtueq, vganc yvmx phvnx tvkoc muinz kvsomc parc taungx rvmuq, vpiq yauk juinc bulx lvmx ningkhvnc nuex mungkawx kuex ngvy tvkoc vmaungx yaungx ruiux, ngaz muinz mungkawx tvkoc vmaungx yaungx wvnc tauk.


Vhttoar gvnc vhtungx rvkhauk laz phvnc jix kuex tsuingshiq rvmuq, nuiyshiq juex rvtiq nguinx, yvmx khoc lac ngoz ruiux lec nuiyshiq kuex Tishox muex vpiq Siyac maq nawk palx kuq ruiux, Christu Yesu rulc vshiz dvyx yaungx vtueq rullungx tvraungx lvmx nuex kokez jix htenc rvtueq. Nuiyshiq rueq vtsec kox shvmx vrvmx muex tvluimc miq.


Tishox Saz kuex httuiuc kaz yaq rvtueq, tsuingrux Tishox kuex tuiuz tay lot juing thuinz vpiq rueq naungshiq muex kuq shec phuex kuex naungshiq rueq tuiuz lvp vshix. Naungshiq kuex vpiq Saz Yesu Christu rulc vshiz dvyx yaungx vtueq tvraungx httax vtix ningkhvnc nuex, tsuingrux Tishox rulc muinz vshiz dvyx yaungx vtueq tvraungx httax vtix. Kvruex waz kuex tsuingrux Tishox rulc htummuq maqmuq rullungx muinz rvtueq.


Samuel rueq, “Yehowa rueq mruex phvnx lac raungc raq yaq nguinx? Vtay vphvnc lvmz shuex, rvmuq ngoz ruiux shomc kuy juing nuiyc shomc nawk juing phvnx lac? Vpiq muex vhvlx pinhtumc khelbuenx maq shomc nawk kuy htauk nuex vpiq kvjaz tay phvnc lvmz kuex pinhtumc vhvlx rvtueq.


Síguenos en:

Anuncios


Anuncios


¡Síguenos en WhatsApp! Síguenos