Biblia Todo Logo
La Biblia Online
- Anuncios -




JEREMIA 9:23 - Hawa Naga Bible 2001

23 Yehowa rueq, “Tharc httax yaq waz kuex miqmac taksux tharc nuex, hungc vlaungc httax yaq waz kuex miqmac hungc vlaungc nuex, luiz waungx jix kuex miqmac tsak vnyvmx nuex kvsomc parc aungx muq.

Ver Capítulo Copiar

ASII LAKDAP Bible (BSI)

23 Tatiwe raq ngutlo, “Taksu maiqse raq tsangshiq taksu tsü miitu shiikong raamak, kiimaq sreajongbi raq tsangshiq ningkun jong miitu shiikong raamak, kiimaq chiithe maiqse raq tsangshiq tsiiq tum miitu shiikong raamak.

Ver Capítulo Copiar




JEREMIA 9:23
54 Referencias Cruzadas  

Nuimhez rueq taksux tharc kuex humc tiq shex ngoz tueq yvmx khoc lac jungx lot shuinx? Nuimhez rueq Yoba muex tvralc lot muit ningkhvnc nuex Tishox rueq jix mtvralc kuq shueq.


Piq rawx htungx kuex lung ikhoc tsanz yaq, phux shiz maq phux shiz rvnvp shauk shauk vhttex shec lak htenc ikhoc vsuik htenc httax yaq.


Yehowa rueq tsuingrux lvmx nuiyc tvrac vlvmz kuex roc yaq; vpiq phaungx ngaungx yaq lungwawc thuinz kuex ghaq nuex mvrc yaq.


Yehowa yungx luz yaq lvmx kuex ngaz rulc roc nuex jungphvnx naungx kuit; vpiq muingc kuex naungshiq rueq vdvmz nuex tvtsvmc wuez ix!


Yuq muinz majuiuc kuex mnoz rueq nuiyshiq kuex tvdux gay ruiux tvsumx rumx gay phux; mnoz kuex nuiyshiq nolaungx daungx rulc vdvmz ralx khvt nuex kaz muq.


Yauk laungc yalawx thuinz muex nauk tvluimc kaz, miq yauk wawc nyvlc phauk saq shix ngoz tueq thuinz nauk tvluimc kaz; nuimshiq tsak vnyvmx htenc paung wvnc ruiux muinz kvruex mac nauk rvwak kaz.


Vthueyc nuex mhtvlx tvmuiz shuiux raungnuiyq tsak vnyvmx rueq mnoz muex yvmx muinz rvkuq lot muq, yuq muinz vtsuing vrux rueq mrullungx kuex palc wvnc lot shuex.


Miqsaz taksux tharc, thuinz tsuik lvt nuiyc mungyumx tharc kuex mtanc dvyx thuiuz ruiux muinz, kvruex yvmx vjux muinz vguez.


Yehowa muex mthuinz mmungx lotlaz maq tvluimc shuiuz. Mnoz rueq tuiuz shuiux kvmac mkaq muinz nauk kvmx kaz.


kvruex waz kuex taksux miq shuex, rvmuq ngoz ruiux miqyaq wuez, uraq lac tuiuz shvnx? Yuq muinz piq kuex ngaz rueq shuimx wvnc tauk yauk shuimc phvnx ruip saz kvmuinz, vruex mungkawx vyuq ngvy tvkoc ngoz tueq ngvy taksux tharc maq ngaz rueq vthuiyx taq phvnx ruip saz kuex lvp wvnc shuex. Kvruex lotlaz kuex khuec guez dvyx rvtueq.


Ngaz rueq khiz tuiuz tauk vganc yauk shuimc phvnx httax yaq: kvruex kuex mungkawx vyuq vyuz phaq hvlc jix htenc kuex vyuz rvlongx moalx nuex mkaq muinz taungx muq, shvrvyx nolaungx bix ralx lungc nuex mkaq muinz taungx hvt dvyx rvmuq; taksux httaz jix rueq phuiuz vsvy mkaq muinz lvp hvt dvyx rvyaq rvmuq; wvtharc jix kuex mkaq muinz rungwanx muq, vshuimc vkay thenc jix rueq piq yauk shuimc mkaq muinz yungx luz wvnc tuex rvmuq. Kamc vbac kuex miq pumz tek vtueq httax yaq.


Piq kvsomc parc kuex, “Ngvy nolaungx yungx washiz kuex hokhvmx rvtueq!


Ethiopi muex tvluimc jix hez nuiyc Ejip mungx nuex seng vtueq kvsomc parc jungc jix hez kuex tvluimc juing kvpek bac wvnc ruiux, tharc khiz wvnc shuex.


“Mnoz kuex mlayx bac muex tvluimc vtueq; uraq muinz mnoz kuex khiz muq ngoz tueq tvmaung vshuiux. Mnoz taksux tharc nuiyc phaqjic rueq mnoz muex lvmx tvyaq yaq, mnoz rueq mshauk pumz kv-ngoc, ‘Ngaz kuex Tishox rvtauk, ngaz vkhoc vshiz muinz vguez,’ ngoz tueq ngoz vshuiux.


Mnoz kuex vphoc rvhumc vtuiux! Mnoz kuex taksux tharc vhttax waz nuiyc pinhtumc hengx hvlc waz ngoz tueq mnoz rueq tvmaung vshuiux.


Vruinx saz maq vyungx nuex httuiuc laz wvyvmc rueq ngaz kuex tuiuz wvnc phuex ningkhvnc nuex, Yehowa tuiuz wvnc tvkoc tsuingshiq wawc vshiz raung rueq muinz yuimx phic wuinz muex tvluing kuq shuex rvmuq. Ngaz rueq tsuingshiq mvrax htenc kuex dawc kuq gay ruiux, tsuingshiq yaq tueq htenc kuex mkaq muinz rvwvl shaungx rvmuq. Ngaz, Yehowa rueq jungx tauk.


“Moba waz rulx lex, nuimshiq kuex shvrvyx bix, ralx lungc jix hez rvtiq ngoz tueq yvmx khoc lac kvjungc vtuinx?


“Moba lex, mnoz kuex mhungc nuiyc mtsak mnyvmx muex tvluimc vshuiux, yuq muinz majuiuc mnoz kuex vyurc gay rvhumc toq; mnoz tishox Kemosh muinz piq hokhvmx saz miqwaz sahez nuiyc shomc waz bix rulc vdvmz yurc gay rvhumc tuex.


Tvmtuing vguez miqsaz htenc yvmx ngoz tueq lac kvsomc parc wuez vtuinx? Mhungc kuex nulx wvnc vtuex. Uraq muinz mnoz kuex khvt khvmc muq ngoz tueq jungx ruiux, mnoz luimc vkawc muex yvmx ngoz tueq lac tvluimc vshuiux?


Ejip kuex kuiyqshuik kuiyqkhvmx baung muex yaungx wvnc tuex. Kvkaq ngaz Yehowa rvtauk kuex mnoz rueq tuiuz wvnc shuiux. “Nile ruilx kuex mnoz rueq guimz yaq mnoz rueq vtvdung ngoz tueq ngoz vshuiux,


Tsuingshiq rueq miqmac kuimshawx nuiyc kuimphox htenc kuex suingkez ikhoc lvmx htenc nuex tuip gay wuez shuex, yvmx khoc lac ngoz ruiux lec Yehowa rueq vpiq thuinkhvy phuk yaq kuex ruiuc gay shuex nuex, kuimphox kuimshawx rueq tsuingshiq kuex palc lot muq ningkhvnc nuex rvtueq. Tsuingshiq rvmc tvlvp muex rvmuq ngoz ruiux tsuingshiq wuk tv-phoay muex shuimx lvp muq. Kuimshawx nuiyc kuimphox rueq tsuingshiq muex mvrax tvshuimx yaq.


Majuiuc nuimhez rueq bolic, lawx pawz, toloz, kitaz, torox nuiyc vganc phvnx vtuimc vtvlc juing lotlaz tuimc tvruingc kuex tay shuinx rulc rv-ngvlc vyac yuimx kuex tuk nguk bumx vtueq nawk palx wuez rax. Mkhoc shoc maq nawk muit ngoz ruiux kuex, wvrluic mungx nuex lvmx lvy tuip gay rvhumc wuez tuinx. Nuimhez tvguing lot jix vganc tishox httax yaq ikhoc haz tvmaung vshuinx?” ngoz tueq.


“Majuiuc kuex, ngaz, Nebukhadnezar rueq, raungmungx Hokhvmx waz ngauz vngax kuex tvtsanc nganc, tvtsvmc kvmc vshaungx. Vpiq rueq shuimx wvnc tueq phvnx ruip saz kuex vlvmx nuiyc tsuingrux yaq ningkhvnc nuex vpiq rueq ngamc vngax maq shuimc vkay jix ukhaq muinz tvruinc rvgay yaq,” ngoz tueq.


Rvmuq, Yehowa rueq naungshiq kuex vhvlx yauk shuimc tvkoc jungx shec phuex. Naungshiq kox wawc vpiq rueq thoz yaq kuex vruex rvtueq: tvrac vlvmz shuimc lvmx, lungwawc thuinz tvkhic lvmx, thuinz tvyomz vtueq naungshiq Tishox rulc lux rvyaungc vtueq httaz juing rvtueq.


Yehowa rueq vpiq thuinkhvy tvkhic shuex raungnuiyq nuex, tsuingshiq kuimphox sawx nuiyc kuimshawx htenc lotlaz rueq doc muinz tsuingshiq kuex palc wvnc lot muq. Vpiq thuinkhvy wvr maq ghaq wvtaungx tvbac gay shuex. Ghaq htauk nuex httax yaq miq pumz tek tvkoc huingc rvhek maq vtvsuip raungnuiyq tvyaungc kuq gay shuex.


Sangac bix kuex kvruex kvjaz kvmac vkawc yawc rvwuez tueq, yuq muinz Yesu rueq tvhttoarc vtueq tsuinghez muex jungx yek tueq, “Isaz hez lex, Tishox Mungtan nuex nyuip kuex gvrc hvlc nyix!


Tsuingshiq nuiyc tsuingshiq kuex wvtharc jix ngoz tueq kv-ngoc yaq, yuq muinz tsuingshiq kuex vngauk vngaz jix dvyx rvtueq.


Kvkhoc rvtueq Rumvrc luik nuex jungx shec tueq rulc rv-ngvlc, “Kvsomc parc roc jix waz kuex Taungjix rueq shuimx wvnc tueq yauk shuimc laung nuex mkvsomc parc kueq,” ngoz tueq.


Kvkhoc rvtueq nuimshiq luimc vkawc maq hup vsvmx rungwanx wvnc vtix ngoz tueq nauk kv-ngoc kaz.


Ngaz rueq Christu tuiuz wvnc lvmx, vpiq yuing kvtenc wvnc tueq luimc vkawc kuex lvp wvnc lvmx, vpiq rulc vdvmz kuilc daz rvhumc lvmx, vpiq thueyc khvmc tueq ikhoc thueyc rvhumc tvkoc dvyx raungc raq vshaungx.


Kvruex dvyx muinz rvmuq, ngvy Taungjix Christu Yesu tuiuz wvnc tharc kuex, phvnx ruip saz htauk nuex muinz pinhtumc tsanc hvlc vlap ningkhvnc nuex, kvruex lvp wvnc tvkoc phvnx ruip saz kuex tvsawc ric vsumx nuex dvyx ngaz rueq hangc taq vshaungx. Ngaz rueq vpiq tvkoc nuex phvnx ruip saz kuex tuip gay shec tauk; Christu ngoz yaq vlap kuex lvp wvnc tvkoc nuiyc vpiq rulc vshiz dvyx yaungc wvnc tvkoc lotlaz kuex suingkez namx yauk ikhoc dvyx ngoz tueq tvmaung vshaungx.


Yvmx khoc lac ngoz ruiux lec kuimphox muex rvnphvnx thuinz kuex honc vbac lvmz phvnx ruip saz muex vjungx vbaung yaungx yaq. Wvyvmc jix kuex kuimphox lvp roc hvlc ningkhvnc nuex kvmluimx lvmx wawc rv-phvlc wvnc ruiux raz tueq thuinbac kuilc daz lvmx phvnx ruip saz maq tsuingshiq thuinz vmungx htenc tvbac gay wuez yaq.


Dawid kuex shvmhvlx lawc tvtsuingc vtueq, piq muex wvlc guez waqguez tvyaungc tueq, yvmx khoc lac ngoz ruiux lec piq kuex vshvmx vrvmx vsvp waq vlawc svy juing nosaz shauk rvtueq.


Síguenos en:

Anuncios


Anuncios


¡Síguenos en WhatsApp! Síguenos