JEREMIA 9:23 - ASII LAKDAP Bible (BSI)

²³ Tatiwe raq ngutlo, “Taksu maiqse raq tsangshiq taksu tsü miitu shiikong raamak, kiimaq sreajongbi raq tsangshiq ningkun jong miitu shiikong raamak, kiimaq chiithe maiqse raq tsangshiq tsiiq tum miitu shiikong raamak.

Hawa Naga Bible 2001

²³ Yehowa rueq, “Tharc httax yaq waz kuex miqmac taksux tharc nuex, hungc vlaungc httax yaq waz kuex miqmac hungc vlaungc nuex, luiz waungx jix kuex miqmac tsak vnyvmx nuex kvsomc parc aungx muq.

JEREMIA 9:23 Referencias Cruzadas

YOBA 32:13

Ikhiijiika namtsam raq anyan phaqchi ka humkai she nguta jali wa tiitsaki tlan? Shiikeawe raq Job bom ka tre raa she, jamkhano ngukla namtsam raq trelot man dea.

YOBA 41:15

Araikhü ka liiqphong riidap raüta ahai ikha, tsindang phataqtaq longkaü ikha tsinhea.

Tvtsvmc 33:5

Tatiwe raq kechu jaqsham nai riikhaqli jaqsham lungwiitlo; apaiq raq tiipit mak phan mangchan raq hiqraikhü ka nyamtlo.

Tvtsvmc 34:3

Ngi rai Tatiwe jonglu kra chiiriim laita chongrong i; apaiq mang ka adam maq tiitsam rong i.

Tvtsvmc 44:9

Shatmaq ümchaü ümniiraq naishiq ka tiishaübaiq laü kiimaq naishiq ka re ma tiitanglaü; ümniika naishiq phenlabi rai rekhatkai kidam maü she.

Tvtsvmc 62:10

Riitsea riita ma naq kamkiq; thiimeaqtek laüta amet milapha nguta naqkamkiq; ümtsiiq tum thun ka mawan raü min, kriima naqlamkamkiq.

TAKSU LAK 11:4

Ningthoi ranaiq tsiiqtum raq, ümrilung tiichhii lot mak. Kechu jaqsham raq üm rilung mitiichhiilot.

TAKSU LAK 21:30

Tatiwe raq ümniishe ngengho raüla, maiqse taksu tsii, nyan phaqchi, taksma tsii thun ka ümniima amiinu ahü.

TAKSU LAK 3:5

Tsan nai mongjii wiita kuq laüta, Tatiwe ma kam laq, han-ngam phaqchi na seng laüta, asapha nguta naq ngakiq.

THARC TVLUINGC 2:19

Kiimaq jursap apaiq ka maiqshaq shea, maiqkhü wa dongjiiq riila jursap? Li jiimin, ngi raq ara mungkang hiq na, itaksu tsii maq, ümtinkhan wa hunnii wan kang, ijaqsham tsingo ka, apaiq riishe miphaqsiq wan. Arthun arka atuli. Jamliip min ahü.

THARC TVLUINGC 9:11

Ngi raq bomtsi ashi hali sap wan nongkang. Ara mangjong hiq na phiqhea juti raq aju riilong akhingtek ka tang mak. Kiimahali, nolawe riimin rekhat ka tangruq ka tang mak. Taksu maiqse li jiimin, tsuq anyam ka lap wan ruq ka lap mak. Khutsai asiti maiqse kiimin chiithe ma jawan ruq ka ja mak. Kiimahali, asap atsin maiqse kiimin, akhingtek ajong ala miika jawan ruq jawan lot mak. Maiqse rilung na kiimhü ranaiq akhing ka wiitarü raq riihumtlo.

ISAIA 10:8

Apaiq ka akha shiikongsiqtlo, “Isengi loweatek phentubi thun ka hokham weshi shi khan!

ISAIA 20:5

Sudan mungti ma kamtsantsii thü raüta sitibi raüta Ejip mung jonglu tsaki raüta siti thun tsiim jüshushu tiishipot she miraq. Tsangshiq ran phan chang ka ahü she.

ISAIA 47:10

“Ümniika ümniiraq abi kiimungtlaü kriima tlamsiqlaü ihata; ümniinga ümniika jurmin chhimak nguta ngiimra siwanlaü. Ümtaksu tsü nai ümphaqchi raq ümniika lamjiq nü na sheahoto, krai mren ümniinai ümniikli akha tiitsakilaü, ‘Ngi ka Shiikeawe - ngi khan ka ahin jumin ahü she.’

ISAIA 5:21

Namshiq ka miqlan she! Namshiq nga namshiq ka taksu maiqse nguta tiimatlan. Kiimaq khonglaq maiqse nguta tiimatlan.

JEREMIA 31:34

Tsangshiq phong wa jurmin akongtiwe ma Tatiwe ka sap wan laq nguta shrinke wan ngomin rarai mak she miraq. Jamkhano ngukla, tsangshiq wiitarü raq Ngi ka misap. Nosese maq phawan raüta nolajong pinthum na saüli, tarü raq ngi ka misap wan. Ngi raq tsangshiq ngarai thun ka wiita midii kuq wanha. Krai mren, Ngi raq tsangshiq shutphit thun kra itsan na tiitsang mang she mirha. Arka Ngi, Tatiwe raq toqtan tiikang.”

JEREMIA 48:14

“Mob mungti lei, namshiq ka jam nguto srea nolabi nguta tiitsakitlan, rekhat na alankaiwi she nguta tiitsaki rai tlan nya?

JEREMIA 48:7

“Mob mung lei, ümniiraq ümningkun ma nai ümtsiiq tum ma kamsiq laü, shatmaq ümchaü ka ümniimin re raq mitang wan; ümphra kaü Khemosh kiimin munglu shumwi miishe miwa wan, asengi lüsi lüwabi nai ramwebi kong rai mitsuq wan.

JEREMIA 49:4

Namshiq ka jok saü liiqse nok. Jam nguto shiikong tlan? Namshiq ningkun ka jom wanto she. Namshiq ka maiqmii ningkun jonglu kiima jam nguto kamsiq tlan. Lanta namshiq ka re raq khat walot mak phan nguta shiikong tlan?

EJEKIEL 29:9

Ejip mung ka hiqmiq changkhü ma mijaki. Kiijiishetiq ümniiraq Ngi ardea Tatiwe nguta misaphaü. “Jamkhano ngukla ümniiraq Nai rai ka ümrii. Kriika ümniiraq aphan sanghaü nguta tiitsaki tlaü.

EJEKIEL 7:19

Tsangshiq raq tsang tsiiq chaq nai kampho thun ka lam thun kiijaq hiq tili sinchiitsap tsuqbaiq tlaq ikhli she mitsuqbaiq. Jamkhano ngukla Tatiwe raq atsankhiq walü tu tsangshiq khuthaq na nyuktlaq kra wiika tsangshiq tsiiq anyam raq tsangshiq ka tiichhii kuq wan lot mak. Tsangshiq raq tsiiq nai nyam ka shaphaq raüta maiqmii raq aroro polosiq lot mak she. Kiimaq tsangwok poka tiidunglot mak she. Chaq nai kampho raq tsangshiq ka ngarai mong na tiidea baiqto.

DANIEL 3:15

Riita, ümchaü min, namtsam raq lerong, tulu, torokong, torojong, phaqlamtoro, kiimaq laihin atsüngii chang phan thun tsütrang kra taihanla, hiq na bumrang lanta, sumla phrakaü ka noq ronglaq. Kra riiman hanla, jaqlo thitli, namtsam ka watum kaü henghea nyaitlaq mong na mitiidea baiq. Kra watum mong wa namtsam tiichhiiketi ashi ra shiikeawe ka asi ngutiisha tiimatlan?”

DANIEL 4:37

“Riita, ümchaü sanha, ngi Nebukadnejar raq Sanseng Ramungtan na siti Hokhamwe kriili she tiitsam tiikang, shreng tiikang, kiimaq apaiq khushü kra tiijong tiikang. Jamkhano ngukla, Apaiq jaqsham kaiwa ka tingting, apaiq tri raütu kappe khaqkhaq, kiimaq apaiq raq kumrong kumraq maiqse ka, anun pinthum ma tiijabaiqtlo,”

Mikha 6:8

Riimak, kiikhiika. Tatiwe raq nashiq ma, tingting tri lamphan kra chongkuq wanto. Tri kappe ka tingting maq shamlaita sichang. Nanok ka mangchan laita sichang. Shiikeawe wokhong na tsannin woknin maq siwan chang.

JEPHANIA 1:18

Tatiwe raq apaiq tsankhiq tiichhi tlaq akhing na, tsangshiq chaq nai kampho riimin, tsangshiq tiiwongkuq lot mak miraq. Apaiq tsankhiq wa raq, mangjong hiq raikhü ka, wiita wa raq mikhiimbaiq. Apaiq raq mungmaiqse wiita, tiihanghiiq miili mitiithumbaiq, mangjong hiq na siti wiita mitiithumbaiq.

Mark 10:24

Ara tai raüta, ajaqshisetiim ka akiinyii she riito. Shatmaq, Jesuq raq tsangshiq ma akha chongkuqto, “I setiim le, Shiikeawe Mungtan na nyap wa ka hahea pinthum!

Romans 1:22

Tsangshiq ka atsii wiq maiqsetiim sitiikai nguta tiitsaki tlo. Shatmaq, tsangshiq ka angikong.

1 Corinthians 1:31

Riita ara chongtiikai krai mren, ara Asii bomtsi na akha chongtlo: “Jurwa atiishom ra ro tlaq, kriiti riika TATIWE raq apaiq tsea wantaq kra miituli srasea raa tlo,” nguta chongtlo.

TRI CHONGKE 8:17

Arningkhan, namshiq ka maiqmii ningkun maq kiimaq maiqmii hong ala maq, chiithe lüwa jawan kai nguta tiima wan raa mak.

Philippians 3:10

Ümchaü sanha, ngi raq Khristo ka atsaü maq sap wan rotiikang kriili she. Kiimaq, apaiq ka amaa wa tiidong wantaq ningkun raq, i khum na jaqsham tlaq kra, sap wan rotiikang kli she. Lata, apaiq chamchao wantaq homa kriimin riisha howan dam lata, apaiq tsaitaq kiikha, atsai chamchao kra, i khum na sap wan rotiikang.

Philippians 3:8

Arthun arli lamlam ka riimak: Ngi raq Tati Khristo Jesuq rai mang riisap thü tsinhea, kra miitu phanrap ka, thiihü hiqtili miili she tiijabaiq kang. Apaiq miitu, ngi raq phanrap phanrii hiq maq hutse raübaiq kang she. Ngi raq ara phanrap thun ara sinchiitsap ikhli she tsuqbaiq kang. Kriika, ngi raq Khristo ka lap wan miitu tsuqbaiq kang.

1 Timothy 6:10

Ara jamkhano chongtiikang ngukla, tsiiq nai nyam ma sükha tsii raq, maiqse ka phanrap abi lam phan nü na shea ho tlo. Phungmaiqse wa maiq wiijamti ka, tsiiq anyam ma sühea kha maq, kampho apapa lap hai jaq nguta, tsiiq anyam ritlai anguli she, Shiikeawe lamphan wa, lamjiq nü niishe kiho wito. Raüta, rokngoq riingoq chamchao chapa riihum raüta, tiishudaq tlo.

1 SAMUEL 17:42

Raüta apaiq raq Dawit ka samhea tiitsang liiraüta sanha, atsan mong niika, ashummiisi wali she riito. Jamkhano ngukla Dawit ka nonose shamhea shamjü kra chhito.