JEREMIA 9:22 - ASII LAKDAP Bible (BSI)

²² Maiq maa phong ka barap binrii na riinyin riishin riiphongtlo, wak ram na minsaü daiq phong tlaq ikha, wak na khaolümtei thun tsamhanti jai na tiiphongtlaq ikha, tsam ka maiq ajutti ahü kha maq abaiqthü ikha riiphongtlo. Tatiwe raq ngi ma akha chongkuqlaq nguto.”

Hawa Naga Bible 2001

²² Miq maungx htenc kuex nax wawc ngac diq phungc htenc ikhoc, tsvmz gvnc jix waz rueq vtuip gay shec tsvmtul htenc, uraq muinz tvjomx muq tsvmtul htenc ikhoc, baung ruip saz nuex nyanc gay tueq. Vruex kuex Yehowa rueq ngaz muex vtvjungx bomc rvtueq,” ngoz tueq jungx tueq.

JEREMIA 9:22 Referencias Cruzadas

2 HOKHVMX 20:13

Hejekia raq tsasoqtibi ka aheawiq taoto. Raüta tsangshiq ma atsiiq anyam thun kampho tum kiimaq chaq tum, apaiq tsiiq süse tapan tum, kiimaq homseng tum thun, kiimaq aphenlabi raq langchang rekhat chang hup nai sam thun kra wiita tiichhi kuqto. Apaiq mungtan na jamlai phan wa sitlaq, tsamtiip phong thun, kiimaq ahin hup asam amungtan na ümchuwa sitlaq kra jamlai min laqmak maq kunli tsangshiq ma tiichhi kuqto.

2 HOKHVMX 20:15

“Tsangshiq raq hokham jam na jamlai phan hup nai sam wa chhita?” “Tsangshiq raq phanrap phanrii kunli chhito. Tsamtiip thun wa ngi raq tsangshiq ma tiichhi kuq mang dea ngutiika jammin ahü.”

2 HOKHVMX 9:37

Kiimaq angam angiq pun thun ka kiijaq minsaü daiq phong ikha wantha wanthi li miwan baiq. Krai mren, jurmin kra thun ka tiitsang lot mak she miraq,’” nguta tiithai thüto.

Tvtsvmc 49:7

Maiqse raq arilung ka dokda wan lot mak; apaiq raq Shiikeawe ma amiisaq thii ka kuqlot mak,

Tvtsvmc 83:10

Ümniiraq tsangshiq ka Endor hiq maq khatbaiq laü, kiimaq tsang maa phong hiq na namto.

TAKSU LAK 18:11

Shatmaq chiithe maiqse riika, tsangtsiiq tum ka, chela kiitelong ruk ikha, tsangkhum chhiiti nguta tiimatlo.

TAKSU LAK 23:4

Chiithe ma jatlo hajaq nguta, rokngoq riingoq naq nii raikiq. Taksu ma jalaq. Chanhea naqphe phiiqkiq.

ISAIA 5:25

Tati ka asenginok ma atsankhiq. Kra ningkhan tsangshiq ma mo tiiho miitu ajaq ka ra na doshat she. Pum thun ka mitiikhai. Kiimaq maiq tsaitlaq maiqmaa phong ka chiihea wea lam thun kiijaq sinchiitsap ikha küramliira mirphong. Kiitinkhan taü miimin, Tati tsankhiq ka shimakli misi. Apaiq jaq ka ra na tiipiishat maq tsangshiq ka mitsat wan.

JEREMIA 16:4

Tsangshiq ka thadong henghea phiiptsi chang dongtlaq kiina mijiim. Tsangshiq maajoti maiq jumin ahü miraq. Kiimaq tsangshiq maaphong kra lapsheti min ahü miraq. Tsang maaphong ka minsaü daiq phong wak na aphong ikha mirphong. Tsangshiq ka redong akhing na re raq mijiipbaiq, riimakla ramdong raq amang maq mijiim. Tsangshiq maaphong ka wushikong raq miphaq kiimaq rum wa ngam kong raq miphaq.

JEREMIA 25:33

Kra matdong akhing ranaiq na Tatiwe raq re ma atiijiipbaiq maiq maa phong ka, hiqraikhü konü siimko maq riita konü siim na saüli riinyin riishin mirphong. Tsangshiq maahoti ka maiq jumin ahü miraq. Kiimaq tsang maa phong ka doti nai maa lapti ka jumin ahüshe miraq. Maiq maa phong ka riiphong riirong hiq na küram liira hiq tiipü chang minsaü daiq phong ikha miraq.

JEREMIA 6:21

Arningkhan ngi raq arnok arka lam na tsangshiq tiithap thachang mithüha. Kiijaq tsangshiq ka mitiithaprai. Raüta akürai miraq. Siwe sise adam na mitsai. Krai mren siihali kongshiti thun nai jamthaq jamkiqti thun kiimin wiita dea raüta mitsai.”

JEREMIA 7:33

Maiq maa phong ka wushi kong raq nai rumnyamse kong raq miphaq. Kiimaq kriithun jobaiqti maiq ka ahü miraq.

JEREMIA 8:2

Kra maiqrii phong ka riichom raüta hiqkho ashi na lapbaiq rii na, tsangshiq rok ariiq phong kriika hiqraikhü na weram werok, hiq tiipii ma khoti miphong baiq. Kra maiqrii phong ka riinyin riishin rashekii na, jipi li na kiimaq raiqsaiq liliimtlaq kiijaq mirphong rong, tsangshiq raq lungwii wantaq kiimaq shiikumpan wantaq kiimaq tsangshiq raq phan rap sham akai na lang liiwantaq kiimaq shomnoq wantaq kra khaki na miphong wan.

HABAKUK 1:11

Kra lot jai tsangshiq ka, rahai wa ikha wawan tlo. Tsangshiq raq mangjong maiq tri, ji maq nishishi jin wantlo. Raüta tsangshiq ka ashutwe ma jawan tlo. Jamkhano ngukla tsangshiq miika, tsangshiq ningkun tri kli, tsangshiq shiikea.”

JEPHANIA 1:17

Tatiwe raq ngutlo, “Ngi raq maiqse khuthaq na, achong lot mai then wan mitiisaüha, maiqse angu wiita makchukwe ikha, phang rang phiim ra miraq. Tsangshiq raq i man na ngarai tangto. Kriikha na ümchaü tsangshiq tiijai ka, kham araü ikha miraü, Kiimaq tsangmaa phong ka hiq na, küramliira minam wan.”

TRI CHONGKE 8:17

Arningkhan, namshiq ka maiqmii ningkun maq kiimaq maiqmii hong ala maq, chiithe lüwa jawan kai nguta tiima wan raa mak.