JEREMIA 9:25 - ASII LAKDAP Bible (BSI)

^25-26 Tatiwe raq ngutlo, “Ngi raq Ejip mungti, Juda mungti, Edom mungti, Ammon mungti, Mob mungti kiimaq rumnyangkhi kumtsaiphii binjü na siti maiq thun ma mo tiiho miitu akhing ka saüwantlo she. Tsangshiq raq tsangshiq khu ka atoqse maq tap sito. Armung thun arka atho hanje siisaq. Shatmaq tsangshiq raq athohan tongshong liichum ka sapmak. Arthun mungti raq kiimaq Israilnok raq ngi raq akuqha itongshong tri ka langmak riito.”

Hawa Naga Bible 2001

^25-26 Yehowa rueq, “Ejip, Yuda, Edom, Amon, Moba miqsaz htenc nuiyc khux dup sulx vtueq kumtsvy tvnx nuex httax jix miq htenc muex ngaz rueq murx tvgurc jauz httuiuc wvnc yaq. Kvruex miq lotlaz rueq vhttoar gvnz wuez yaq, yuq muinz kvruex vtvtsuingc juing bomkhvrc kvmac kvmx muq. Kvruex miq htenc nuiyc Israel miq htenc rueq ngvy bomkhvrc kuex phvnx wuez muq,” ngoz tueq jungx tueq.

JEREMIA 9:25 Referencias Cruzadas

JEREMIA 4:4

Namshiq raq tongshong raükha ka ngi raili, Ngi namshiq Tatiwe raili thü ronglaq. Lanta namshiq Juda mungti nai Jerusalemti raq, namshiq khum asai kiimaq tiima tsantsii ka wiita ngi ma kiinong kuq lantli sironglaq. Kiimaq namshiq raq ara chongtiikang kra shamwan man riihanla, namshiq raq ngarai pahea klowan lan kriikha na, itsankhiq walü ka namshiq khuthaq na milü. Kriika mikhiim wan dongdii. Kra wa kriishe liiwan raüla, kra tiimatketi maiq ka jumin ahü she miraq.”

JEREMIA 49:32

“Tsangshiq kumtsong kong kiimaq tsangshiq jam nyamsekong thun ka wiita tsuq wan ronglaq! Ngi raq tsangshiq khu tap raüta sitinok ka barap binrii na wiita mitiipin baiqha. Ngi raq tsangshiq khu thaq na trotam maq chamchao walü mitiisaüha.

EJEKIEL 28:10

Ümniika pong mungti ra ahiq min sapmaknok jaq na kuku tsaitlaq ikha mitsai haü. Arka Ngi, Tati Rakaü Hiqwe raq aming kuqtiikang.”

EJEKIEL 31:18

“Kra chong ka Ejip mung hokhamwe kiimaq asenginok wiita tlotli. Eden sonruk wa pero thun min archong akha diiluhea kiimaq tsomhea ka riimak. Shatmaq ümchaü sanha, Eden sonruk wa pero ikha, wulum mung niishe mikiho. Raüta ra sapmakti kiimaq re na tsaitaqti kong rai she mipong wan. Arka, Ngi raq ngutiikang,” nguta Tati Rakaü Hiqwe raq toqtantlo.

EJEKIEL 44:7

Tsangshiq raq pong mungti atho hanhütibi kiimaq Ngi aming lang makti maiq phan ka, Shomjam na Ngi ma nyamse honglu na ataakuq ngampü nai ngam tiijai kuqtlaq akhing na Shomjam mong na tiiwa damtlo. Raüta wiita tiishe baiqto. Raüta isenginok raq Ngi raq tongshong raütu akhakuqha kra akha maiqphai asi jaqsham raüta tri raütu ka jin wanto.

LEWI 19:27

Namkhupo siim tro na khu ka sibaiq maimak. Riimakla namkhubin ka tapbaiq maimak.

LEWI 26:41

Tsangshiq raq Ngi ka wesang ralii ma tiija wanto. Kriikha na Ngi raq tsangshiq ka tsang jatinok mung na rewa munglu wanshawe ma tiija baiq wan kang. Atiisup niishe, ümtiikiiwa namsaü namsetiim pat na tsangshiq ka aran miishe jaraüta kiimaq tsangshiq ngarai kha nai tsangshiq raq ikiq khii wantaq kha ka thamkuq lottoshe angu niitiq,

AMO LUIK DVP (AMOS) 3:2

Apaiq raq akha ngutlo: “Ara mangjong hiq raikhü na mangjong maiqse ümchuwa sitlaq krii phong wa, namshiq lamlam kli ngi raq isengi ma nguta lungwii tsantsii maq tsea wan kang. Lata tiichhanchhi wan kang. Ngi raq namshiq ka atinkhan tiichhanchhi wan phata khoti, namshiq raq ibom chong tai man maq, ngarai tang wan lan, kriikha na, ümchaü san, ngi raq namshiq kha ka phowan chang dongdii,” nguta Tatiwe raq ngutlo.

Romans 2:28

Riita, juwa chiisan Jehudi riikhaqli maq athohan jeti maiqse ka? Riikhaqli Jehudi phan maiqse ngutlaq kriika, han-ngam athohan lamlamli ka riimak.

Romans 2:29

Shatmaq, riikhaqli Jehudinok phan maiqse dea nguta sitlaq kriika, ümriiti wa atsan among na, Jehudinok phan nguta sitlaqti kata. Kriika atsan among na atho ka hanje maq sitlaqti kra nangnga ngutlo. Riita, arka Shiikeawe Asii Wenyi jaqsham. Arka awaiq araq Thungtri jaqsham ka riimak. Riita, arti ka Shiikeawe raq shomra tlo. Maiqse riika shomra mak.

1 SAMUEL 14:6

Jonathan raq jerowe nangnga nguto, “Nanai ka thatsang maiqse Philistainnok phenlabi piitiip kiina saüli jin wan i. Jursap, Tatiwe raq nanai mokhrumke moraq miraq; apaiq raq khrum kuq raü ka, nanai laqlaqse, maiq atsapseli li jiimin, rekhat ka nanai ma mitiitangkuq, jamlai phan riimin tangta lot mak miraq.”

1 SAMUEL 17:26

Kiijiishe Dawit raq, apaiq tho na chaptibi kriima waito, “Riita ara Philistainwe ara tsat raüta, Israilnok ma shummii kharii tiihotlaq kriiwa tiichhii kewantiwe ma jamlai poksi jiq mikuq ngukai? Riita atra Shiikeawe phenlabi Israilnok ka jimaq nishishi raüta shummiitiwe ara thatsangti Philistainwe arka ju wa?”