DUNGWVNC 33:19 - ASII LAKDAP Bible (BSI)

¹⁹ Kiijiishe Tatiwe raq treto, “Ngi raq wiita ikhushü jonghea chhainyii ka üm makki na alea wan mitiichhikuq kang. Kiimaq ümmiki na Ngi raq imang chong asii kra michong kang. Ngi ka Tatiwe. Kiimaq Ngi raq juwa tsea tsiiq wan kang kriiti ma mangchan tsii tiichhi kuq tiikang. Kiimaq Ngi raq tsea wan kangti ma mangchan tiitsi kuqtiikang.

Hawa Naga Bible 2001

¹⁹ Yehowa rueq, “Ngvy ngauz vngax httax yaq lotlaz kuex mkhaungkac nuex ngaz rueq tvkaz kuq ruiux, ngvy muingc vsawc muinz mkhaungkac nuex jungx kuq phaungx, Ngaz kuex Yehowa rvtauk, Ngaz rueq menjenc roc shaungx waz muex menjenc kuq shaungx, kejux kuy aungx yaq waz muex kejux kuq shaungx.

DUNGWVNC 33:19 Referencias Cruzadas

NEHEMIA 9:25

Ümsengi nok raq long maq aruk chela thun wiita khat wan raüta jii wanto; hiqpo hiqwin hiqshong ramsea asi, jam awak chaq nai seng tum aphong, jamkea na khappong theje, Olip petsi ro chhije, petsi wiqtsam ro aphong, kiimaq spiqro aphong chhije kuq wan laü. Krai mren, tsangshiq ka wok phetak tak maq, rongboq phaqsiq wanto. Ümtin khan wa ümniiraq ahea awa phan, tsangshiq ma kuq wan laü, tsangshiq raq polokhiq phaqsiq wanto.

Tvtsvmc 25:13

Tsangshiq ka miitut wantlii chiithe lüwajong miraq, kiimaq tsangsetiim raq mung ka misiq wan.

Tvtsvmc 65:4

Kechu jonghea juwa ümniiraq tsea tlaü, tsangshiq ka ümniiraq asii ümjam na tiisi wan tlaü. Naishiq ka ümjam na athuk atsom thun kra miitu khoqriiqkhiq misi hai, asii üm Shomjam achu shiiman kra miitu.

ISAIA 12:4

Ranaiqshi akhing misaü wan kiitiikaq nokwe akha mishi, “Tati tiitsam ronglaq! apaiq jaq wa khrum jaü rong laq! namshiq khrum miitu! Mangjong tlotli ma chong ronglaq, apaiq raq namshiq ma jaq sham kuqtaq kra! Tsangshiq ma chong ronglaq apaiq jonglu kra!

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

JEREMIA 31:12

Tsangshiq ka Jajon pum na wa raüta chojong chise miishe mishi nge wan, kiimaq ngi raq kongphiq thun kuq tiikang kra miitu kai mikhoq riiqsiq wan. Raipo wonglo, kiimaq spiqtsi tai nai olip khamtai kongphiq thun; sku kong kiimaq minsaü chhechhi kong kongphiq thun. Tsangshiq ka petsiro kham maq aheawiq nyuktlaq ikha chiithe jong rongboq miraq; tsangshiq ma jamlai wa rong ratlaq wiita kunkun asi miraq.

JEREMIA 31:14

Ngi raq ramwebi ka phaqsea ahea pinthum miishe midung hiq wanha, kiimaq isenginok ma jamlai wa rong ratlaq kra, wiita wok phetaktak she midung hiqha. Arka Ngi, Tatiwe raq toqtan tiikang.”

JEKERIA 9:17

Jamkhano ngukla, apaiq tsantsii heawa ka ümtinkhan jonglu wa miraq! wok phetaktak maq jerobi mijong lu wan, kiimaq spiqtai nye raq junriibi ka, shamhea shamjü miraq.

Romans 2:4

Arka namshiq raq, Shiikeawe raq namshiq ma, mangchan tsii jonghea rüm tlaq kra shishe lam na khat tlo. Kiimaq apaiq raq namshiq shutphit ka mangchan tsi ma, namshiq ka atsea wan chang wiimin, tsat son n mak maq, anin riiwan tlo, kiimaq ranaiq shishi kla, namshiq raq tsii michhi wan han ahiq, nguta tsan tiibum raüta, namshiq tsantsii klai wan ka khe tlo. Shiikeawe raq namshiq ka kai lungwii tlo nguta namshiq riimin asap han. Shiikeawe raq namshiq mangchan tlaq arka, namshiq raq ngarai tsantsii kra miklai tlo laq, nguta ngo maq mangchan tlo.

Romans 9:23

Kiimahali, apaiq raq nashiq ma, apaiq achhai anyii khushü tum jonghea towantlaq kriimin, nashiq ma tiichhike wan rotlo. Ara apaiq khushü tum kaü towan tlaq kriiwa, nashiq ma riisha raükuq wanto. Nashiq ka apaiq raq kongkhu miiphü dongdii, apaiq tiihang wan mangchan khoqram kii maq rairii wanje she dongdii riito.

TRI CHONGKE 32:3

Ngi raq Tatiwe mang mitiitsamha, kiimaq asenginok raq apaiq jonglu michong.