DUNGWVNC 33:18 - ASII LAKDAP Bible (BSI)

¹⁸ Kiijiishe Mosheq raq Tatiwe ma tiipaiq neato, “Mangchan laüta, ngi ma ümnaq asi makse chat-hit chhainyii kra tiichhi kuqlaq.”

Hawa Naga Bible 2001

¹⁸ Kvruex yimaq Moshe rueq, “Mnoz ngauz ngax phelez yaq kuex tvkhic kuq koq,” ngoz tueq jungx tueq.

DUNGWVNC 33:18 Referencias Cruzadas

Tvtsvmc 4:6

Maiq pahea raq akha achu jaütlo: “Naishiq ma apapa achu shiiman laq, O Tatiwe lei. Naishiq ka lungwiikhiq ma liilaq!”

Tvtsvmc 63:3

Tiipitmaüphan ümlungwii ka rilung thaq na araa, kra ningkhan ngi raq ümnaq mitiitsamha.

DUNGWVNC 33:20

Ngi raq ümniima itheaphi ka tiichhi kuq mang. Jamkhano ngukla jurmin itheaphi na liilot mak. Kiimaq chhi raüta atra silot mak.

John 1:18

Shiikeawe sham ka ümchaü niitaq, maiqse angu wa, jurmin chhi mak shaq. Ase sekhuq laqlaqse, Awe rai shamshi, Awe wokhong na siti we kra riili, Shiikeawe hon atsii ka, maiqse ma tiichhi kuqto.

John 14:21

“Jurwa i bomchong aming ara thü raüta, lang wan tlaq, kriiti ka ngi lungwii wanti. Jurwa ngi lungwii tlaq, kriiti ka, i We riimin milungwii. Kriiti ka ngi riimin milungwii ha. Lata, i tsan i tsii ka apaiq ma mitiichhi kuq ha.”

2 Corinthians 3:18

Riita, ara chongtiikai arai mren, nashiq tarü raq nashiq theaphi ka panghü miishe, Tatiwe chhainyii ngao ka tliliim tiikai. Kiimaq ara chongtiikai chhainyii ngao, Tatiwe dü wa nashiq khum na saü tlaq arka, Asii Wenyi ahata. Ara Asii Wenyi ariiraq, nashiq rilung arka apaiq sham ikha achhai thaq niimin achhai anyii henghea she tiichhai nyii wan miitu she, nashiq rilung ara klai kuq wan tlo.

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.

1 Timothy 6:16

Apaiq kli ka tsai mak phan; Apaiq ka mangjong maiqse raq jurmin chhi walot mak chang ramungtan rawüli na siti we. Apaiq sham ka jurmin chhi mak dea; Kiimaq apaiq sham ka jurmin chhilot mak miraq. Wiitarü raq Apaiq kli mishreng laq. Kiimaq pattup thum mak miq mak maq, ra nai hiq ka milang laq! Amen.

Titus 2:13

Nashiq raq tsankhun maq, ranaiqshishi ka, nashiq ma Ajong Shiikeawe khushü jonghea luhea achhai anyii liliim sitlaq kra, michhi rong i nguta, khewan tiikai. Kriika nashiq Chhiitiwe Jesuq Khristo saüki tlaq, achu shiiman jonghea Ranaiq na michhi rong i nguta kamto maq khe laita sitiikai.

Revelation 21:23

Kra chela miitu rashe kii nai jipi li min raa mak she. Jamkhano ngukla, Shiikeawe khushü ngao kriili liliim tlo. Kiimaq Skuse ka chela miitu wanii tu.