DUNGWVNC 34:6 - ASII LAKDAP Bible (BSI)

⁶ Raütiishe Tatiwe ka apaiq miki na lea wanto. Raüta akha riimto, “Ngi, Tatiwe ka, Shiikeawe pinthum mangchan tsii rümti kiimaq tsan tsihea maq mangchanti, mokhiq khiq mang phan, kiimaq lungwii tsii jonghea rümti kiimaq pinthum tsapkapti.

Hawa Naga Bible 2001

⁶ Kvruex yimaq Yehowa kuex Moshe khaungkac maq lvy wvnc yaq nuex, “Ngaz, Yehowa kuex menjenc thuinz mvrc yaq, lungwawc thuinz yunghvlc nueyc tvmtuing thuinz phaungx ngaungx yaq Tishox rvtauk.

DUNGWVNC 34:6 Referencias Cruzadas

RAPHA HIQWA LAK 24:27

Apaiq raq nguto, “Tatiwe, itijongwe Abraham Shiikeawe li tiitsam i. Apaiq raq itijongwe ma akiq kham kuqtaq kra tsapkapkap maq tiihong kuqto. Tatiwe raq ngi ka itijongwe jamtati jam na riikhaqli shea wanto.”

2 SAMUEL 24:14

Kiijiishe Dawit raq treto, “Ngi ka jamkha ijasiq she! Shatmaq ngi ka maiqse mo ka horo mang. Tatiwe apaiq jaq maq nashiq ka mitsatson laq. Apaiq ka mangchantsi hea we.”

1 HOKHVMX 19:11

“Ümniika arwa dongho laq, Laüta ikhaki na ara pum kaü khupo kiina chapwakiq,” nguta Tatiwe raq apaiq ma nguto. Raütiishe Tatiwe ka apaiq tho maq lea wanto. Raüta rahai rathaiq henghea tiiwato. Kra rahai raq kin thun ka tiikho miiliiq tiikho baiqto. Raüta kra raqkam thun kiiwa longraq thun kra wiita babaiqto. Shatmaq Tatiwe ka kra rahai watlaq kiijiika ahü. Raüta rahai ka asang she riiwanto. Kra jai miishe hiqjong mu jonghea she muto. Shatmaq Tatiwe ka kra hiqjong murai tlaq kiijiimin ahü riito.

1 HOKHVMX 8:30

Ngi achujaü tiikang thun ka trelaq. Kiimaq ümsenginok raq arba ajaq chap raüta anü na nyi raüta achu jaü wan tlaq thun kra tre kuq laq. Ramungtan na ümjam jong maq naishiq achujaü ara tre kuq laq. Laüta naishiq ngarai ka diikuq laq.

2 KAÜWA WERAÜ 30:9

Kiimaq namshiq ka Tatiwe wokhong na hali nyap wan nong han la, namphu namnotiim shumwikong ma pong mung na tsuq wantaq kriiti raq tsangshiq khuthaq na mangchan tsantsii mithii. Raüta tsangshiq ka jam na hali mitiijang wan nong. Namshiq Tatiwe namshiq Shiikeawe ka mangchan heawe kiimaq tiihang wan mangchan riimtiwe. Kiimaq namshiq ka apaiq wokhong na hali jang wan han la, apaiq raq namshiq ka awokhong na hali mitiisi wan nong.”

NEHEMIA 9:17

Tsangshiq raq ümkiq akhü riiwanto; ümniiraq ümtin khan wa, tsangshiq miitu jaqshamkuq laü, wiita laqbaiqto. Ümniiraq ümtinkhan wa awang chang, jaqsham kuq laü, wiita she laqbaiqto. Raüta tsangshiq khünga tsantsii tri maq, tsangshiq khuthaq na, wela ashi shong wanto. Raüta Ejip mung na, di ma jaki nong rong i nguta, jangho danto. Shatmaq, ümniika mra diike wanti Shiikea. Ümniika kaphap mangchan, rümtiwe, kiimaq pinthum lungwii tsantsii, rüm wantiwe. Ümniika khiq saq khiq maü phan. Ümniiraq rüm tlaü tiihang wan mang chan ka jonghea. Ümniiraq tsangshiq ka, tiishaü baiq maü riilaü.

Tvtsvmc 108:4

Tiipitmaüphan ümlungwii ka ramungtan thun na saütlo; ümnaq tsapkap tsii raq ra thun nyamtlo.

Tvtsvmc 111:4

Tati raq amao chang jaqsham wantaq thun ka nashiq ma tlaqbaiqmak phan; apaiq ka lungwiihea kiimaq tiihang wanti.

Tvtsvmc 111:8

Kriithun ka pattup pat-sa ngangwan ruq phan; kriika tengteng kiimaq kechu jaqkhaq raütu akuq.

Tvtsvmc 112:4

Kechu maiqse miika ranyaq mong miimin rawüli asi miraq; jurwa tiihang kuqtlaq, mangchantlaq kiimaq tingting klotima.

Tvtsvmc 116:5

Tatiwe ka tiihangheawe kiimaq aheawiq; nashiq Shiikea ka mangchan heawe.

Tvtsvmc 138:2

Ngi raq asii üm Shomjam nü na nyi lata, hiq na kulata, ümmang tiitsam tiikang; ümlungwii tiipitmaü phan kiimaq tsapkapkap rümtlaü ningkhan na, jamkhano ngukla ümniiraq ümmang chong nai ümnaq aming raütu ka wiita thaq na ajong pinthum nguta tiichhikuqlaü.

Tvtsvmc 145:8

Tatiwe ka tamham hea, kiimaq tiihanghea, mokhiq khiqmak phan kiimaq tiipitmakphan lungwiiti.

Tvtsvmc 146:6

ramungtan, mangjong hiq, kiimaq khamjong chum, kiimaq kiijaq siti phanrap tiiqtiwe ma kamtlaq apaiq ma peohea. Apaiq raq akiqkham bom raü riikhaqli thütlo.

Tvtsvmc 31:19

Ümniiraq pinthum awang chang hupsam thütlaü, ümnaq shrengti maiqsetiim miitu! Maiq loweatek raq ümniika pinthum ahea nguta asap, ümniima kamtibi thun ka ümniiraq thep khupwong tlaü.

Tvtsvmc 57:10

Üm lungwiitsii tiipitmaü phan ka ramungtan thun na saü wantlo; ümnaq tsapkap hontsii ka ramong nyang thun na saü wantlo.

Tvtsvmc 86:15

Shatmaq, O Tatiwe lei, ümniika tiihangheawe kiimaq lungwii Shiikeawe, wranaiqshe ninwan ruq, wranaiqshe lungwiihea kiimaq tsapkapkap.

Tvtsvmc 86:5

Ümniika naishiq ma ahea kiimaq naishiq mra diiketi, tiipitmaüphan lungwii ka ümjaq wa achu jaüti ma sitlo.

Tvtsvmc 91:4

Apaiq raq ümniika arakong maq mipang; ümniika awokhong na tiiwong kuqshat mirüm; apaiq tsapkapkap wokhong maq mitiiwongkuq kiimaq mitiichhiikuq.

DUNGWVNC 20:5

Jamlai phan sumla khaki na jiimin naq bumkiq. Riimakla kra shomnoq maimak. Jamkhano ngukla Ngi ka Tatiwe üm Shiikeawe. Kiimaq Ngi rai riilongti ka ashi min thümang phan. Ngi ngengti ma mo tiiho tiikang. Kra mo ka asetiim kiimaq asaütiim maiq pat tsam nai patblai na saüli mo mitiihoha.

DUNGWVNC 22:27

Jamkhano ngukla rawa na samchang khea ka apaiq jaq na kriili. Kra ahü miika rawa na jamlai wa misam? Apaiq ka jamlai sam raüto mikon. Ümtiikiiwa apaiq ka ijaq wa khrum jaü mihoq, raüla Ngi raq apaiq achu jaü ka mitreha. Jamkhano ngukla Ngi ka mangchan hea we.

DUNGWVNC 33:19

Kiijiishe Tatiwe raq treto, “Ngi raq wiita ikhushü jonghea chhainyii ka üm makki na alea wan mitiichhikuq kang. Kiimaq ümmiki na Ngi raq imang chong asii kra michong kang. Ngi ka Tatiwe. Kiimaq Ngi raq juwa tsea tsiiq wan kang kriiti ma mangchan tsii tiichhi kuq tiikang. Kiimaq Ngi raq tsea wan kangti ma mangchan tiitsi kuqtiikang.

TAKSU LAK 3:3

Iwokhong na ngi rai tiipum tlii laüta, tsapkapkap maq silaq. Itsii chong bomtsi ka lakshiitum ikha, ümdang na lak laüta silaq. Kiimaq ümmong jii na san laüta thülaq.

THARC TVLUINGC 8:11

Maiqse raq mat atsa ka jeriiqriiq hea jam nguto tangtla? Tri jinti ashutti ka jaqlo thit thit tsangshiq kha kra phokuq mak, raüta tsasha mak kha maq, mat atsa pahea tang wan tlo.

ISAIA 12:4

Ranaiqshi akhing misaü wan kiitiikaq nokwe akha mishi, “Tati tiitsam ronglaq! apaiq jaq wa khrum jaü rong laq! namshiq khrum miitu! Mangjong tlotli ma chong ronglaq, apaiq raq namshiq ma jaq sham kuqtaq kra! Tsangshiq ma chong ronglaq apaiq jonglu kra!

ISAIA 65:16

Armung na siti jurwa achu shiiman lap wan lungwiitlaq, kriiti raq Tsapkapkap Shiikeawe jaq wa achu shiiman kuqlaq nguta achu mijaü wan. Kiimahali jurwa atiitum riiwantlaq kriiti riimin, Tsapkapkap Shiikeawe mang ka chong raüta mitiitum wan. Man na chamchao litkot ümchuwa lea wan lan, kriika ahü she miraq. Kiimaq wiita alaq she mirbaiq wan han.”

JEREMIA 32:18

Ümniiraq maiqse ahing amun ma mangchan riipit maü phan maq lungwii tlaü. Shatmaq maiqse ka anyungwe ngarai miitu min ümniiraq mo tiiho tlaü. Ümniika ajong pinthum kiimaq ningkun jonghea riimti Shiikeawe. Ümniika Tati Ningkun Ajongwe.

JEREMIA 9:24

Shatmaq maiq ashi ra raq tiitsakisea rotlaq jiila, apaiq raq ngi ka asap kiimaq ngi ka juwa kra asap she nguta kra miituli mitiitsakilaq, jamkhano ngukla ngi lungwiitsii ka tiipit mang phan, kiimaq ngi riika tingting kappe maq tri ka shin tiikang. Arthun arkata ngi tiichochi chang jaqsham. Arka, Ngi, Tatiwe raq ngutiikang.”

AJONJÜ 3:23

Arka ranap awea, ranap rawüho haü jaq, rashe dong wan tlaq ikha, Tatiwe mangchan ka saü wan ruq.

Yoel 2:13

Namkhu namkhea chailanta riimak, namtsantsii ka chai lanta, Warong ra, jang wan ronglaq nam Tati Shiikeawe phana. Apaiq pinthum ka mangchan rümtiwe. Apaiq ka pinthum anin wantiwe. Apaiq kiqkham ka tiipoi mak phan. Apaiq ka shokkhot nokhot tsiiti, mra kechang lam wa tsii klaitlo.

Jona 4:2

Krai mren, apaiq raq akha achu jaüto, “Tatiwe ngi raq naimung maq mitiido wan shaq na, ümniiriika akha mangchan mitiichhi kuq haü nguta chongkang ihata? Kra ningkhan tiina, ngi ka Spen mung na juwan la nguta dankang ira! Ngi raq ümniika kaphap wanti Shiikeawe, kiimaq lungwii tsantsii jonghea rümtiwe, mokhiq min khiq maü phan, kiimaq mangchan tsantsii rangchong kiimaq atsa asha chang wiimin tsa sha maü maq senaino tiikhup wongke wanti.

Mikha 7:18

O Tatuiwe lei, ümnaq akha, ümsengi ngarai diike wanti ahü. Ümniiraq ümsenginok rejaq song, ngarai diikuq laü. Ümniika pattup khiqruq ka khiq maü, shatmaq ümniiraq naishiq ma, thummak phan mangchan tsü tiichhi kuq tlaü.

Mikha 7:20

Ümniiraq man na naititiim, Abraham nai Jakob pat na, jamkho kiqkham kuqlaü, kra phan phan, naishiq ümsenginok ka, ümniiraq tsapkapkap maq mirüm wan haü. Kiimaq mimangchan wan haü.

NAHUM 1:3

Tatiwe ka mokhiq khiqmak phan, shatmaq apaiq ka ningkun jonghea rümti, Krai mren ashut aphit we ka, apaiq raq ümtiikii min tiijoq mak phan. Tatiwe ümbano khum tlaq, kiijaq rathaiq saü tlo. Ra na phum pong wan tlaq kra, apaiq jini chong wa, botkhulai akhuk!

WEAWEA 12:8

Kra ningkhan, Ngi raq apaiq rai ka mantut na tiqtaq riibom dam tiikang. Linham linhok riibom dam tiikang. Shiiwang bomtsi miika riimak. Apaiq raq Ngi sham ka jam khiiwa kriimin chhito! Ikhla namnai raq ijaqshise khuthaq na bombi kiqsü ka jaram wa kuq tlan?”

John 1:17

Shiikeawe raq Thungtri ka Mosheq lümaq kuqto. Shatmaq, kaphap mangchan nai tengteng rilung ka, Jesuq Khristo lumiitiq kuqtlo.

Romans 2:4

Arka namshiq raq, Shiikeawe raq namshiq ma, mangchan tsii jonghea rüm tlaq kra shishe lam na khat tlo. Kiimaq apaiq raq namshiq shutphit ka mangchan tsi ma, namshiq ka atsea wan chang wiimin, tsat son n mak maq, anin riiwan tlo, kiimaq ranaiq shishi kla, namshiq raq tsii michhi wan han ahiq, nguta tsan tiibum raüta, namshiq tsantsii klai wan ka khe tlo. Shiikeawe raq namshiq ka kai lungwii tlo nguta namshiq riimin asap han. Shiikeawe raq namshiq mangchan tlaq arka, namshiq raq ngarai tsantsii kra miklai tlo laq, nguta ngo maq mangchan tlo.

TRI CHONGKE 32:3

Ngi raq Tatiwe mang mitiitsamha, kiimaq asenginok raq apaiq jonglu michong.

TRI CHONGKE 4:31

Apaiq ka tiihang mangchan jonghea riimti Shiikeawe. Apaiq raq namshiq ka tiishaübaiq mak miraq. Riimakla namshiq ka chongthum miika tiijabaiq mak miraq. Kiimaq apaiq raq namtitiim ma tongshong jaq khaq raü tiipa kuqtaq kriika laq baiq mak miraq.

TRI CHONGKE 5:10

Shatmaq Ngi lungwiiti nai Ngi raq akuqha tri thun kra langtibi miika, maiq pat ahing amun na saüli lungwiitsii mitiichhi kuqha.

James 5:11

Nashiq raq tsangshiq ka kechu maiqsetiim dea nguta shreng tiikai. Jamkhano ngukla, tsangshiq raq chamchao walü wiita nin wan raüta siwanto. Job raq phanrap chamchao nin wanto. Krai mren, atiisup na Shiikeawe raq, apaiq ma pinthum achu shiiman kuqto. Kra bomtho ka namshiq raq asap han. Shiikeawe raq maiqse ma mangchan tsii rüm tlaq kriika, nashiq raq nü maq achong lot mai sitlo.