DUNGWVNC 34:5 - ASII LAKDAP Bible (BSI)

⁵ Kiimaq Tatiwe ka phumda mong maq satkito. Raüta kiijaq apaiq rai chapkito. Raüta apaiq asii mang chong, Tatiwe kra chongto.

Hawa Naga Bible 2001

⁵ Yehowa kuex phuemx tul maq svt kaz vtueq vhep nuex jvp ruiux, Yehowa ngoz tueq vpiq Vsawc muingc kuex kvjungc tueq.

DUNGWVNC 34:5 Referencias Cruzadas

Tvtsvmc 102:21

Kiimaq apaiq mang ka Jajon maq chiiriim raüta michong, kiimaq apaiq ka Jajon maq mitiitsamkam

DUNGWVNC 19:18

Kra Sinai Pumkaü ka wiita hamli wakhuk raq pang wanto. Jamkhano ngukla Tatiwe ka kiijaq watu mong maq satkito. Kra wakhuk wa trang ka watum mong wa khuktlaq ikha ra na mong wanto. Kiimaq maiq kunli pinthum atiikhai rokrok haito.

DUNGWVNC 19:9

Tatiwe raq Mosheq ma nguto, “Ngi ka ümnaq pha na phumda theapak pak mong na mikiha. Krai mren mungmaiqse raq Ngi ka ümniirai riibom ka mitai. Raüta tsangshiq raq ümchaü armiiphat she ümniima mikam wan.” Kiimaq Mosheq raq Tatiwe ma mungmaiqse raq apaiq bom tretaq kra chongto.

DUNGWVNC 23:21

Apaiq bom ka tiitsang tailaq. Laüta apaiq wokhong na silaq. Akiq ka naqkhiikiq. Jamkhano ngukla apaiq ka Ngi raq atiikiha. Kiimaq apaiq raq akiq khiiti ka tiijoq mak miraq.

DUNGWVNC 33:19

Kiijiishe Tatiwe raq treto, “Ngi raq wiita ikhushü jonghea chhainyii ka üm makki na alea wan mitiichhikuq kang. Kiimaq ümmiki na Ngi raq imang chong asii kra michong kang. Ngi ka Tatiwe. Kiimaq Ngi raq juwa tsea tsiiq wan kang kriiti ma mangchan tsii tiichhi kuq tiikang. Kiimaq Ngi raq tsea wan kangti ma mangchan tiitsi kuqtiikang.

DUNGWVNC 33:9

Mosheq ka tiip mong na nyap wan raüla, ra wa phumda kaü ka sat kitlo. Raüta phumda ka Tombutiip kilam chong kiijaq chapkitlo. Kiimaq Tatiwe ka phumda mong maq Mosheq rai riibomdamtlo.

TAKSU LAK 18:10

Tatiwe ka, nganghea kongmong chong ikha; kechu maiqse tiiwong juchang, haihü songhü angasea ma.

ISAIA 1:10

Jerusalem lei, ümmung pengti tuwebi nai ümsengi mungmaiqse ka Sodom nai Gommora chelati ikha. Tati raq ümniima jamlai bom wa chongtlaq kra tailaq. Nashiq Shiikeawe raq ümniima jamlai wa shrinkuqtlaq kra samheawiq tiitsang tailaq.

WEAWEA 11:17

Ngi ka kiijaq misat kikang. Lata ümniirai kiijaq mirbom kang. Kiimaq Ngi raq ümniima akuqha wenyi kiiwa wiijam lam lata tsangshiq ma mikuqha. Kra riiha jiila, tsangshiq raq mungmaiqse miitu hekiilai ümniiraq hotlaü kra wiijam tsangshiq raq riisha hodam raüta ümniika mikhrumlot. Kiimaq kra holai ka ümnaq laqlaqse riili horea ka raamak miraq.

WEAWEA 11:25

Kiijiishe Tatiwe ka phumda kaü mong na satkito. Raüta apaiq rai riibom damto. Raüta apaiq raq Mosheq ma akuq wenyi kiiwa wiijam lamto. Raüta kra welabi roqmiishi ma kuqto. Ümtiikiiwa wenyi ka tsangshiq khuthaq na saütaq, tsangshiq ka shammibi ikhiishe siitranghoto. Shatmaq akhing alu miitu ka riimak.

WEAWEA 12:5

Kiimaq Tatiwe ka ra wa phumda kham mong na sat kito. Raüta Tombutiip kilamchong na chap kito. Raüta tsang nai ka akha heato, “Aron! Miriam!” Krai mren, tsangnai ka khaki nü na kiim wiisaq raüta khaki na chapto.

WEAWEA 14:17

Arningkhan Tatiwe lei, ümchaü min, Ngi raq ümjaq wa achu jaü tiikang, ümningkun ka tiichhi kuqlaq. Kiimaq ümniiraq jamlai jaq misham kuqha ngutiiwa ngulaü kra shamkuqlaq.

TRI CHONGKE 32:3

Ngi raq Tatiwe mang mitiitsamha, kiimaq asenginok raq apaiq jonglu michong.

1 SAMUEL 3:18

Kra ningkhan, Samuel raq apaiq ma wiita chongto. Apaiq raq bom poshi min dampaü mak riito. Eli raq nguto, “Apaiq ka Tatiwe; apaiq ma jamlai ahea kra miklo.”