DUNGWVNC 34:5 - Hawa Naga Bible 2001

⁵ Yehowa kuex phuemx tul maq svt kaz vtueq vhep nuex jvp ruiux, Yehowa ngoz tueq vpiq Vsawc muingc kuex kvjungc tueq.

ASII LAKDAP Bible (BSI)

⁵ Kiimaq Tatiwe ka phumda mong maq satkito. Raüta kiijaq apaiq rai chapkito. Raüta apaiq asii mang chong, Tatiwe kra chongto.

DUNGWVNC 34:5 Referencias Cruzadas

Tvtsvmc 102:21

Kvkhoc rvtueq mungtan htenc nuiyc miqphvnx htenc kuex vdvmz nuex rvtuimx vtueq, Yehowa muex nawk palx shuex nuex vpiq muingc jungc kuex Zion kanx nuex jungphvnx shuex, miq htenc rueq muinz Yerusalem ghaq nuex vpiq muex tvtsvmc wuez shuex.

DUNGWVNC 19:18

Sinai Kanx kuex wvr khuiuq rueq buingc wvnc tueq, yvmx khoc lac ngoz ruiux lec Yehowa kuex wvr ikhoc httuiuc kaz tueq. Wvr khuiuq kuex wvrkez wawc khuiuq yaq ikhoc raungx nuex duiz wvnc vtueq, wvkanx tuimx ghaq kvbuilc hvlc kvbuilc tueq.

DUNGWVNC 19:9

Yehowa rueq Moshe muex ngoc, “Ngaz kuex htvy hvlc phuemx daungx maq mnoz kox nuex kaz raungx, mnoz rulc ngaz kvjak taungx kvjaz kuex miq htenc rueq tay ruiux yuq, majuiuc vmaq phaungc vtueq mnoz muex kvmluimx wvnc tuex,” ngoz tueq jungx tueq. Miq htenc rueq tvralc tueq kvjaz kuex Moshe rueq Yehowa muex tvtay jungx koq tueq,

DUNGWVNC 23:21

Piq muex tvtsanc nganc vtueq, piq kvjaz phvnx shuinz. Piq muex nauk khawx lvlx kaz, yvmx khoc lac ngoz ruiux lec piq kuex ngaz rueq vtvkaz rvtueq, piq rueq kvkhoc khawc lvlc jix muex mvrax dawc kuq shuex rvmuq.

DUNGWVNC 33:19

Yehowa rueq, “Ngvy ngauz vngax httax yaq lotlaz kuex mkhaungkac nuex ngaz rueq tvkaz kuq ruiux, ngvy muingc vsawc muinz mkhaungkac nuex jungx kuq phaungx, Ngaz kuex Yehowa rvtauk, Ngaz rueq menjenc roc shaungx waz muex menjenc kuq shaungx, kejux kuy aungx yaq waz muex kejux kuq shaungx.

DUNGWVNC 33:9

Moshe kuex nyuip waung ruiux yuq, phuemx tul kuex svt kaz vtueq Tap kaluix jungx kvyuq jvp kaz yaq, Yehowa kuex phuemx tul kvmaq Moshe rulc rvbomc yaq.

TAKSU LAK 18:10

Yehowa kuex phaungx hvlc pvrrawx ikhoc rvtueq, tsuingrux jix waz kuex kvyuq kaz vtueq kvwungx httax yaq.

ISAIA 1:10

Yerusalem lex, mmungx walaungx bix htenc nuiyc mmiqsaz htenc kuex Sodom nuiyc Gomorra miqsaz ikhoc yaungx yaq. Yehowa rueq mnoz muex jungx yaq kuex tay shuiuz. Naungshiq Tishox rueq mnoz muex tvluing kuq yaq kuex tay tvtsuingc shuiuz.

WEAWEA 11:17

Ngaz kuex kaz vtueq mnoz rulc kvyuq kvjak kaz raungx, ngaz rueq mnoz muex kuq phaungx siyac kvwawc wvyvmc kuex lvmz vtueq tsuinghez muex kuq shaungx. Kvkaq miq htenc vruex tvkoc gurc pic juing yauk shuimc kuex tsuinghez rueq mnoz muex romc shuimc kuy naungc ningkhvnc nuex, yauk shuimc kuex mnoz washiz rueq dvyx gurc pic rac muq shex.

WEAWEA 11:25

Kvkaq Yehowa kuex phuemx rulc svt kaz vtueq, Moshe rulc kvjak kaz tueq. Vpiq rueq Moshe muex vkuq siyac kvwawc wvyvmc kuex lvmz vtueq walaungx bix rok mvshix kvmac kuq tueq. Tsuinghez kuex siyac lvp wvnc wuez vtueq shvmmax bix ikhoc guyc wuez tueq, yuq muinz laukshiz phok dvyx guyc wuez tueq.

WEAWEA 12:5

Yehowa kuex phuemx tul maq httuiuc kaz tueq, Tap kaluix nuex jvp vtueq, “Arun nuiyc Miriam!” ngoz tueq gvl tueq. Kvkaq tsuingnueyc kuex max kac kvyuq kaz koq tueq,

WEAWEA 14:17

Kvkhoc rvtueq Yehowa lex majuiuc ngaz rueq thoz vphaungx, mluimc vkawc nuiyc mbomkhvmc kuex tvkhic shuiuz,

TRI CHONGKE 32:3

Ngaz rueq Yehowa muingc kuex tvtsvmc shaungx, Vpiq miqsaz rueq vpiq yungx luz yaq lvmz kuex jungx wuez shuex.

1 SAMUEL 3:18

Kvkhoc rvtueq Samuel rueq yvmx muinz httuiyq puiuc muq maq piq muex phvnx ruip saz kuex jungx kuq tueq. Eli rueq, “Vpiq kuex Yehowa rvtueq; vpiq muex vhvlx pinhtumc kuex mruez shueq,” ngoz tueq jungx tueq.