DUNGWVNC 34:6 - Hawa Naga Bible 2001

⁶ Kvruex yimaq Yehowa kuex Moshe khaungkac maq lvy wvnc yaq nuex, “Ngaz, Yehowa kuex menjenc thuinz mvrc yaq, lungwawc thuinz yunghvlc nueyc tvmtuing thuinz phaungx ngaungx yaq Tishox rvtauk.

ASII LAKDAP Bible (BSI)

⁶ Raütiishe Tatiwe ka apaiq miki na lea wanto. Raüta akha riimto, “Ngi, Tatiwe ka, Shiikeawe pinthum mangchan tsii rümti kiimaq tsan tsihea maq mangchanti, mokhiq khiq mang phan, kiimaq lungwii tsii jonghea rümti kiimaq pinthum tsapkapti.

DUNGWVNC 34:6 Referencias Cruzadas

RAPHA HIQWA LAK 24:27

Piq rueq, “Ngvy jiyungx waz Abraham muex menjenc kuq vtueq, tvmtuing maq vpiq bomkhvmc rulc rv-ngvlc tvhungx kuy jix Yehowa Tishox muex kejux yunghvlc. Yehowa rueq ngaz kuex jiyungx waz piq taungnyuing sanox kox nuex rvkhauk laz tvhttuiuc kuq phuex,” ngoz tueq jungx tueq.

2 SAMUEL 24:14

Dawid rueq, “Ngaz kuex thuinz nuex rvwvlc paung kaz vtaungx! Yuq muinz miq rueq murx tvgurc kuex ngaz rueq roc mauk. Yehowa vpiq pumz maq nuiyshiq muex murx mtvgurc phueq, yvmx khoc lac ngoz ruiux lec vpiq kuex menjenc thuinz vhttax waz rvtueq,” ngoz tueq tvralc tueq.

1 HOKHVMX 19:11

Yehowa rueq piq muex ngoc, “Dung kaz vtueq kankhux htauk ngvy khaungkac nuex jvp kuiuz,” ngoz tueq jungx tueq. Kvruex yimaq Yehowa kuex lvy wvnc vtueq ghaqluimx htenc kuex tvkhoz tvbunx gay ruiux, lung rauk htenc tvbunx gay yaq raunghtiq raungguil kuex tvkaz tueq, yuq muinz Yehowa kuex raungguil nuex lomx yaq rvmuq. Raungguil thauk kay yix gaqyung mux tueq, yuq muinz Yehowa kuex gaqyung mux nuex lomx yaq rvmuq.

1 HOKHVMX 8:30

Ngvy vjux thoz bomc htenc muinz, vruex baung vyuq htvlx tvmuiz vtueq thoz yaq mmiqsaz hez rueq vjux thoz yaq htenc kuex tay kuq koq. Raungmungx wawc m-yuimx maq nuiyshiq vjux thoz bomc kuex tay kuq ruiux nuiyshiq muex mvrax dawc kuq koq.

2 KAÜWA WERAÜ 30:9

Nuimshiq kuex Yehowa kox nuex yek ruiux yuq, khoktep miqsaz ikhoc shvlc wvnc jix hez rueq nuimshiq phvnx vmaq htenc muex menjenc vtueq yuimx nuex tvyek vkhangx kuq shuex. Yehowa nuimshiq Tishox kuex menjenc thuinz httax yaq, nuimshiq kuex vpiq kox nuex yek ruiux yuq, vpiq rueq nuimshiq kuex lvp wvnc kv-phuinx.”

NEHEMIA 9:17

Tsuingshiq rueq phvnx muq tvlvlc tueq; mnoz rueq ruez wvnc toq lotlaz kuex tsuingshiq rueq lauk gay tueq; mnoz rueq tvkhic toq vwangc juing htenc kuex tsuingshiq rueq lauk gay wuez tueq. Tsuingshiq ngamc boq wuez vtueq tsuingshiq dax muex yaungx wvnc tueq Ejip mungx kvyuq tvyez shvlc wvnc jix walaungx kuex thvl tueq. Yuq muinz mnoz kuex mvrax htenc dawc kuy jix Tishox rvtoq; mnoz rueq menjenc lungwawx vtueq nanx lot jix waz rvtoq. Mmenjenc thuinz yunghvlc ningkhvnc nuex; mnoz rueq tsuingshiq kuex tuip gay muq.

Tvtsvmc 108:4

Mnoz phaungx ngaungx yaq lungwawc thuinz rueq raungx htenc htanc vtueq, mnoz tvmtuing kuex raungx nuex httuiuc laz htanc yaq.

Tvtsvmc 111:4

Yehowa rueq vpiq vwangc juing yauk shuimc htenc kuex naung-shiq muex tvlauk gay muq; vpiq kuex menjenc vtueq lawc mawc thuinz vmvrx waz rvtueq.

Tvtsvmc 111:8

Kvruex htenc kuex pattup phaungx ngaungx vtueq; kvruex kuex vlvmz rvkhauk nuiyc tsuingrux maq kuq shec tueq.

Tvtsvmc 112:4

Menjenc thuinz httax ruiux lungwawc thuinz mvrc vtueq tvrac vlvmz httax yaq vhvlx miqsaz htenc tvkoc, raungwuic rueq raungx nyauk kuex tvwuic kuq yaq.

Tvtsvmc 116:5

Yehowa kuex menjenc vhttax nuiyc vhvlx waz rvtueq; naungshiq Tishox kuex menjenc thuinz vhttax waz rvtueq.

Tvtsvmc 138:2

Mnoz phaungx ngaungx yaq lungwawc nuiyc tvmtuing kuex mmuingc jungc nuiyc mnoz rueq nvrc bomc htenc lvmx tvkhic kuq yaq ningkhvnc nuex, mnoz vsawc Shomc Yuimx nuex ngvy htvlx phawc tv-muiz vtueq bumx ruiux mmuingc kuex tvtsvmc phaungx.

Tvtsvmc 145:8

Yehowa kuex lungwawc vtueq nuiyc menjenc vtueq, vpiq thuinkhvy kuex nanx ruiux phaungx ngaungx yaq lungwawc thuinz mvrc yaq.

Tvtsvmc 146:6

Vpiq rueq raungx nuiyc ghaq, svmuktvrax nuiyc kvruex yuq httax yaq phvnx lotlaz kuex Tvdung Sung jix rvtueq. Vpiq rueq vpiq bomkhvmc htenc kuex mkaq muinz tvmvrc yaq;

Tvtsvmc 31:19

Mnoz muex tvtsanc nganc jix htenc tvkoc mnoz rueq vyoalc taq vhvlx kejux htenc kuex pinhtumc vwangc juing mvnauz! Mnoz mtanc lac hvlx vtuiux kvruex muinz mnoz muex tvluimc yaq jix htenc kuex mtanc lac mnoz rueq tvkhup wungx vshuiux kuex miq ruip rawx rueq tuiuz yaq.

Tvtsvmc 57:10

Mnoz phaungx ngaungx yaq lungwawc thuinz kuex raungmungx nuex htanc yaq; mnoz tvmtuing lvmx kuex raung-wuilx wanc nuex httuiuc laz htanc yaq.

Tvtsvmc 86:15

Yuq muinz O Yehowa lex, mnoz kuex lungwawc menjenc thuinz httax yaq Tishox rvtoq, mnoz rueq mkaq muinz nanx vshuiux, menjenc vtueq tvmtuing httax vtuiux.

Tvtsvmc 86:5

Mnoz kuex nuiyshiq htauk nuex vhvlx httax vtueq mvrax dawc kuq vphux, mnoz kox wawc vjux thoz jix lotlaz tvkoc mnoz phaungx ngaungx yaq lungwawc kuex mvrc laz tvlvp vshuiux.

Tvtsvmc 91:4

Vpiq rueq vraungx kungx htenc maq mnoz kuex puingc kuq kv-phux; vpiq rueq lawc mawc yaq nuex mnoz kvwungx httax lvp tuiux; vpiq tvmtuing rueq mnoz kuex tvguing tvwungx vtueq nuiyc tvguing tvgawx kv-phux.

DUNGWVNC 20:5

Yac yuimx kuex bumx vtueq nauk nawk, nauk nawk palx kaz, yvmx khoc lac ngoz ruiux lec ngaz kuex Yehowa nuimshiq Tishox rvtauk, ngaz rulc rvlongx mvy muq. Ngaz muex shuiuc pac jix kuex tsuingshiq suiuz vsaz pat thuimx nuiyc pat bvlic nuex httuiuc laz murx tvgurc shaungx.

DUNGWVNC 22:27

yvmx khoc lac ngoz ruiux lec piq rueq svmc juing vruex vshiz lauk lauk dvyx wuez rvtvnx, kvkhoc ngoz ruiux piq kuex yvmx khoc lac kvtsoalx lot tvnx? Kvkaq ngaz rueq romc kuy tvkoc piq rueq thoz ruiux yuq, ngaz rueq piq muex tay kuq shaungx, yvmx khoc lac ngoz ruiux lec ngaz kuex menjenc thuinz vhttax waz rvtauk.

DUNGWVNC 33:19

Yehowa rueq, “Ngvy ngauz vngax httax yaq lotlaz kuex mkhaungkac nuex ngaz rueq tvkaz kuq ruiux, ngvy muingc vsawc muinz mkhaungkac nuex jungx kuq phaungx, Ngaz kuex Yehowa rvtauk, Ngaz rueq menjenc roc shaungx waz muex menjenc kuq shaungx, kejux kuy aungx yaq waz muex kejux kuq shaungx.

TAKSU LAK 3:3

Menjenc thuinz nuiyc tvmtuing thuinz kuex mkaq muinz nauk gay kaz, kvruex kuex mduingx nuex luiuz taq ruiux, mthuinz vmungx nuex wuiyq tvtsuingc taq shec shuiuz.

THARC TVLUINGC 8:11

Miqsaz rueq vbac khuec vkhac htenc kuex yvmx ngoz tueq lac yoalx rek rek shuimx wuez yaq nguinx? Yvmx khoc lac ngoz ruiux lec khuec vkhac kuex yauk lox maq murx tvgurc muq ningkhvnc nuex rvtueq.

ISAIA 12:4

Miq htenc rueq, “Yehowa muex kejux vyungx! Mnoz muex romc kuy tvkoc vpiq kuex gvl shuiuz! Vpiq rueq shuimx wvnc tueq yauk shuimc kuex miqphvnx htenc muex jungx shuiuz! Vpiq mtanc lac yungx luz yaq nguinx kuex tsuingshiq muex jungx shuinz!

ISAIA 65:16

Vruex mungtan nuex httax vtueq ruimrix kejux thoz jix waz ukhaq yuq muinz tvmtuing Tishox muex kvmluimx vtueq ruimrix kejux lvp wvnc muex thoz wuez shuex. Mvnhttonc mvntvmc jix rueq muinz Tishox muingc ruingc vtueq kvtuemc tuex. Lvy wvnc tueq wawc kuilc daz htenc kuex moz wvnc ruiux lauk gay shuex,” ngoz tueq.

JEREMIA 32:18

Mnoz rueq miq vhingc vmunc muex phaungx ngaungx yaq lungwawc thuinz tvkhic kuq ruiux muinz, vnyuiuz vwaz mvrax ningkhvnc nuex miqsaz muex murx tvgurc vshuiux. Mnoz kuex yunghvlc nuiyc luimc vkawc yunghvlc Tishox rvtoq; mnoz kuex Tvphaungc Tvsuip Yehowa rvtoq.

JEREMIA 9:24

Mkhoc shoc maq miq vshiz shiz kvsomc parc roc ruiux yuq, tsuingshiq rueq ngaz kuex tuiuz vtueq, tuiuz tay yaq jix dvyx kvsomc parc aungx yaq, yvmx khoc lac ngoz ruiux lec ngvy lungwawc thuinz kuex phaungx ngaungx yaq, ngaz rueq shuimx shaungx kvmuinz rvkhauk laz vlvmz rvtueq. Kvruex shuimc vkay htenc kvmac ngvy thuinz suing yaq. Ngaz, Yehowa rueq jungx vshaungx,” ngoz tueq jungx tueq.

AJONJÜ 3:23

shalx dung wvnc yaq ikhoc vsuingc suing phaungx ngaungx yaq.

Yoel 2:13

Nuimshiq thuinbac vtuinx kuex tvkhic laz juing; nuimshiq thuinz vmungx kuex tvbunx gay shuinz, khoz vkhvy juirc gay kvdvyx hungx muq,” ngoz tueq. Yehowa nuimshiq Tishox kox nuex yek waung luit. Vpiq kuex menjenc thuinz nuiyc lungwawc thuinz vmvrx httax yaq; vpiq kuex thuinz vluz maq vpiq bomkhvmc rulc rv-ngvlc shuimx yaq; vpiq rueq murx tvgurc muex rvmuq, mvrax dawc kuy tvkoc mkaq muinz tvyoalc yoalx rvtueq.

Jona 4:2

Kvkhoc rvtueq piq rueq, “Yehowa lex, ngaz yuimx maq max kaz nuex phuex mnoz rueq kvkhoc ruez shuiux ngoz tueq, kungkhux nuex phuex jungx phaungx rvmuq haz? Kvkhoc ningkhvnc nuex ngvy tvkoc vhvlx pinhtumc mruez kueq ngoz tueq Spain mungx nuex yuz wvnc tauk! Mnoz kuex lungwawc thuinz, menjenc thuinz, thuinz vluz vyungx, menjenc svy thuinz maq mkaq muinz murx tvgurc dvnc shuiux thuinz kuex kvlayc gay muex vyoalx Tishox rvtoq.

Mikha 7:18

O Yehowa lex, mnoz rulc rv-ngvlc jix vganc tishox vguez; kvjungx yaq mmiqsaz htenc rueq khawx lvlx yaq mvrax htenc kuex dawc kuq shuiuz, mnoz kuex pattup thuinkhaq vtuiux rvmuq, yuq muinz mnoz kuex nuiyshiq muex phaungx ngaungx yaq lungwawc thuinz taq vshuiux.

Mikha 7:20

Mnoz rueq mvnnuex pat maq phuex nuiyshiq jix vwaz tamx muex mnoz rueq kuq toq bomkhvmc rulc rv-ngvlc, Abraham nuiyc Yaku suiuz vsaz phvnx rvtueq mmiqsaz htenc muex mnoz tvmtuing nuiyc phaungx ngaungx yaq lungwawc thuinz kuex tvkhic shuiux rvtueq.

NAHUM 1:3

Yehowa kuex yoalx rek rek maq thuinkhaq muq, yuq muinz vpiq kuex luimc vkawc yunghvlc nuiyc mvrax vhttax jix muex murx tvgurc muq maq mkaq muinz taq muq. Yehowa khuemx yaq baung nuex raunghtiq raungguil httuiuc yaq; phuemx htenc kuex vyaz khung wawc kvtenc yaq bokkhuyx rvtueq!

WEAWEA 12:8

Kvkhoc ningkhvnc nuex ngaz rueq piq muex kvjaz jungx ruiux yuq bomc nungx maq jungx mauk, piq rulc htvlx rvhumc maq raz tueq raungshuex raung jungx shaungx; piq rueq ngvy romkomz doc muinz khiz phuex shex! Nuimshiq rueq ngvy nvrc waz Moshe muex mvrax tvgurc kvjaz yvmx khoc lac ngoz vshuinx?” ngoz tueq jungx tueq.

John 1:17

Tishox rueq Moshe maq raz tueq Tvrac kuex kuq phuex, yuq muinz kejux nuiyc tsuingrux lvmx kuex Yesu Christu maq httuiuc kaz tueq.

Romans 2:4

Rvmuq ngoz ruiux mnoz rueq vpiq menjenc yunghvlc kejux kvmuinz, thuinz maq nanx vtueq, thuinz tvluz vshuiux kvmuinz mnoz rueq wvlc guez ruez vshuiux. Tishox rueq mnoz muex tharc tvhumc tvkoc lvmx shvlx kuq yaq ningkhvnc nuex vpiq menjenc thuinz httax yaq lvmx kuex mnoz rueq vsuing tuiuz vshuiux rvtueq.

TRI CHONGKE 32:3

Ngaz rueq Yehowa muingc kuex tvtsvmc shaungx, Vpiq miqsaz rueq vpiq yungx luz yaq lvmz kuex jungx wuez shuex.

TRI CHONGKE 4:31

Vpiq kuex menjenc kuq yaq Tishox rvtueq. Vpiq rueq nuimshiq kuex tvbac gay muq, tuip gay muq, vpiq pumz maq nuimshiq jix vwaz tamx rulc vtaq bomkhvrc kvmuinz lauk gay muq.

TRI CHONGKE 5:10

Yuq muinz ngaz muex lungwawx vtueq ngvy tvrac phvnc jix muex kuex miq pat vhingc vmunc nuex httuiuc laz ngaz rueq menjenc kuq shaungx.

James 5:11

Tsuingshiq kuex nanx thuinz vhttax jix htenc rvtueq ningkhvnc nuex, tsuingshiq kuex thuinhvlx yaq ngoz tueq naungshiq rueq ngoz vshix. Yoba rueq nanx wvnc tueq lvmz nuimshiq rueq tay wvnc tuit, vtvsuip nuex Taungjix rueq piq muex yvmx khoc lac lawc mawc wvnc tvnx lvmz kuex nuimshiq rueq tuiuz yaq. Yvmx khoc lac ngoz ruiux lec Taungjix kuex lungwawx menjenc thuinz mvrc yaq waz rvtueq.