NAHUM 1:6 - ASII LAKDAP Bible (BSI)

⁶ Apaiq tsankhiq mokwan raüjaq, juwa michap lot? Atsankhiq wa kewan raüjaq, juwa atra misilot? Apaiq atsankhiq walü raübaiq raüla, longkaü thun akhaki na bunlak mikü wan.

Hawa Naga Bible 2001

⁶ Vpiq thuinkhaq ruiux yuq, ukhaq lac tvraungx lot tvnx? Vkawc yawc juing vpiq thuin-khvy dung yaq kvyuq, ukhaq lac tvraungx lot tvnx? Vpiq rueq luic thuiyc yaq thuin-khvy kuex ruiuc gay koq tueq; Vpiq khaungkac nuex lung htenc kuex bokkhuyx ikhoc bunx wvnc tueq.

NAHUM 1:6 Referencias Cruzadas

1 HOKHVMX 19:11

“Ümniika arwa dongho laq, Laüta ikhaki na ara pum kaü khupo kiina chapwakiq,” nguta Tatiwe raq apaiq ma nguto. Raütiishe Tatiwe ka apaiq tho maq lea wanto. Raüta rahai rathaiq henghea tiiwato. Kra rahai raq kin thun ka tiikho miiliiq tiikho baiqto. Raüta kra raqkam thun kiiwa longraq thun kra wiita babaiqto. Shatmaq Tatiwe ka kra rahai watlaq kiijiika ahü. Raüta rahai ka asang she riiwanto. Kra jai miishe hiqjong mu jonghea she muto. Shatmaq Tatiwe ka kra hiqjong murai tlaq kiijiimin ahü riito.

YOBA 26:11

Ümtiikiiwa apaiq raq ra thüchang toqpum kham thun kra tiiphiip jiiptlaq, tsangshiq ka tsanghai sitsi ma atiime riitlo kiimaq atiikhai rokrok phetlo.

YOBA 40:11

Shiikongkhiq siti maiq thun ka liiliita; laüta ümtsankhiq walü maq tsangshiq ka chaq liita, Laüta tsangshiq ka mun tiijuk ram tiinga baiq laq.

YOBA 9:5

Hon tlam lap mak miili apaiq raq pum thun ka koqbaiqtlo kiimaq atsankhiq raüla pum thun ka tiithen baiqtlo.

Tvtsvmc 130:3

Ümniiraq naishiq ngarai raüpot thühaü jiika, ashutwe ma tiijamak ka juwa milunlot?

Tvtsvmc 2:12

atiikhai rokrok ajichong na bum ronglaq; riimakla atsankhiq ka tiidongchhaq li minyai wan, krai mren namshiq ka chutli mitsai han. Apaiq wokhong na nyap wanti ma chochi jonghea miraq.

Tvtsvmc 76:7

Shatmaq, Tatiwe lei, ümniimiika tarü haitlo. Ümtsan she khiqki raüla ümkhaki na jumin chapkham mak she.

Tvtsvmc 76:8

Ümniiraq khapho tlaü ka ramungtan maq tiisap kuq tlaü; mangjong hiq ka aphiip ajiip kaiqshak lishe sito,

Tvtsvmc 90:11

Ümtsankhiq walü heng ka juro wiita sapta? Ümtsankhiq moktlaq kriiraq ümtinkhan wa mitiiphiip kra juro saptla?

ISAIA 10:16

Ajong Pinthum Tatiwe raq tha tiidong raüta ümchaü wok phetaktak siti kiima mo mitiiho. Tsangshiq khum na wa raq khiim wan tlaq ikha khiim wan ruq mikhiim.

ISAIA 13:13

Ngi, Ajong Pinthum Tatiwe raq, itsankhiq tiichhi tiikang ranaiq na, Ngi raq ra thun ka naüshaü shaü mibaiha. Kiimaq mangjong hiq ka apaiq bum chang ba kiiwa naüshaü shaü mibaiha.

ISAIA 27:4

Ngi ka spiqro ma khiqriq mang she. O kiimaq kiijaq kiida shuk rü nai kiimko rü asi jiika ngi raq arang chong maq phai lata wa na tiisiirai michaq baiqha.

ISAIA 33:14

Ngaraibuli sitlaq Jajon chelati ka haisitsi ma atiikhairokrok she sitlo. Tsangshiq raq ngutlo, “Shiikeawe raq khapho ka pattup pat-sa walü nyai raitlaq raüta khiimtlaq ikha. Nashiq phong wa maiq weshi ra ka ara wamong wa milun lot rong i shea?”

ISAIA 66:15

Tatiwe ka watu rai miki. Apaiq ka rathaiq raikhü na ngaraüta misaüho. Raüta apaiq rai tsan arkhiq sitlaqti thun kriima mo mitiiho.

JEREMIA 10:10

Shatmaq Tatiwe, ümniika riikhaqli Shiikeawe, ümniika atra Shiikeawe, kiimaq pattup pat-sa hokham. Ümtsankhiq raüla hiqraikhü ka atiikhai riitlo; maiq mung thun raq ümtsankhiq ka ninlot mak.

AJONJÜ 2:3

Atsankhiq tsi ma Israilnok ningkun wiita, tiibun baiqto. Re raq naishiq khatwan kiita, Apaiq raq ajaq tiitam wanto. Atsankhiq wa naishiq thaq na, wakchaq walü wa ikha chaqto.

AJONJÜ 2:4

Rewe khan apaiq liq ka naishiq thaq na neishat riito, Apaiq raq naishiq tsan ran chang nai, chochi changti thun, wiita tsatbaiqto. Naishiq raq Jerusalem na, apaiq tsankhiq kei maq chaq baiqto.

AJONJÜ 4:11

Tatiwe raq apaiq tsankhiq walü ka, pinthum hengbi tiikhiim chaqto. Apaiq raq Jajon chela ka, wakchaq wa khan maq chaqbaiqto.

EJEKIEL 21:31

Ngi raq itsankhiq ka walütu ikha nyaitlaq kriimaq ümtiikiiwa namshiq ka mishechaqha, kiitiikaq namshiq raq itsankhiq heng kra misap han. Kiimaq Ngi raq namshiq ka maiqse jiipbaiq tsinheatinok jaq khon mong na mikiinong kuqbaiqha. Tsangshiq ka maiqjiipbaiq ma smanok.

EJEKIEL 30:16

Ngi raq Ejip mung ka wa maq michaq baiqha. Kiimaq Pelusium ka alangpit wan napnap agam agu miraq. Thebes chela tro ruk ka atiibun mirbaiq. Raüta chela ka kham maq mitlümbaiq.

EJEKIEL 39:6

Ngi raq Magok mung na wa she mitiikhuk-ha. Kiimaq khamjong chum kii tro mung thun na mungmaiqse ümtum ümmai shong ngatlaq kiijaq wa michaqha. Kiijiishetiq maiqse angu kunli raq Ngi ardea Tatiwe nguta misap wan.

EJEKIEL 7:8

“Ümchaü ka jaqlo liipan niili she namshiq raq itsankhiq walü wa trang ningkun heng kra misap han. Namshiq raq jamlai wa ashut klo wan lan kriithun khana, Ngi raq namshiq kha kriishe miphoha. Namshiq raq ümchuwa maiqphai asi hon atsii rüm wan kra miitu thiitham mo she mitiihoha.

NAHUM 1:2

Tati Shiikeawe raq apaiq rai riilong liiqti ka, akhiismin nin lot mak jaq mitiijang, tsangshiq ma atsankhiq tsi ma, tsangshiq mitsa.

JEPHANIA 2:2

Namshiq ka tsamchhii rahai raq pan wan tlaq ikha; mipan wan shaq na, Tatiwe tsankhiq wanii tu ka, namshiq khuthaq na misaü shaq na; apaiq tsankhiq amokdungdung saüho tlaq kra; namshiq thaq na misaüho shaq na, namtsii sam ronglaq.

MALAKI 3:2

Shatmaq apaiq saükai ranaiq akhing kra juwero minin lot? Apaiq saüki raü jaq, asham ka juro miliilot? Richikhü wabun maq raihi kheathum alum ikha henghea miraq. Kiimaq jinpan ka khiwa na shu raüta jinpü tiikhiim tiiqbaiq tlaq ikha wa na tiike shu raüta mitiiq wan.

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

Revelation 16:1

Kiijiishe, ngi raq, shomjam mong maq rasetiim miishi ma, tiihong raüta akha riimto taikang: “Kirong laq. Lanta, Shiikeawe tsankhiq winpin miishi kra mangjong hiq niishe raübaiq kirong kiq!”

Revelation 16:8

Kiijiishe, rase blai ngojati raq, ajaq wa Shiikeawe tsankhiq winpin ka rashe kaü thaq niishe raü baiqto. Krai mren, rashe kiitsi ka henghea, walü wa ikhiishe kiiwanto. Kra rakii henghea kriiraq, maiqse angu thun ka wiita she khiim chaqto.

Revelation 6:17

Shiikeawe nai Skuse tsankhiq walü tiinyai chaqwan akhing ka arshe saüto. Riita, ara tsankhiq walü saü tlaq arwa, naishiq ara juro mitiiwong kuq nya?” nguta tiipaiqnea hoq trang wanto.