Biblia Todo Logo
La Biblia Online
- Anuncios -




NAHUM 1:6 - Hawa Naga Bible 2001

6 Vpiq thuinkhaq ruiux yuq, ukhaq lac tvraungx lot tvnx? Vkawc yawc juing vpiq thuin-khvy dung yaq kvyuq, ukhaq lac tvraungx lot tvnx? Vpiq rueq luic thuiyc yaq thuin-khvy kuex ruiuc gay koq tueq; Vpiq khaungkac nuex lung htenc kuex bokkhuyx ikhoc bunx wvnc tueq.

Ver Capítulo Copiar

ASII LAKDAP Bible (BSI)

6 Apaiq tsankhiq mokwan raüjaq, juwa michap lot? Atsankhiq wa kewan raüjaq, juwa atra misilot? Apaiq atsankhiq walü raübaiq raüla, longkaü thun akhaki na bunlak mikü wan.

Ver Capítulo Copiar




NAHUM 1:6
31 Referencias Cruzadas  

Yehowa rueq piq muex ngoc, “Dung kaz vtueq kankhux htauk ngvy khaungkac nuex jvp kuiuz,” ngoz tueq jungx tueq. Kvruex yimaq Yehowa kuex lvy wvnc vtueq ghaqluimx htenc kuex tvkhoz tvbunx gay ruiux, lung rauk htenc tvbunx gay yaq raunghtiq raungguil kuex tvkaz tueq, yuq muinz Yehowa kuex raungguil nuex lomx yaq rvmuq. Raungguil thauk kay yix gaqyung mux tueq, yuq muinz Yehowa kuex gaqyung mux nuex lomx yaq rvmuq.


Raungx htuiz juing htung htenc kuex vpiq rueq httonx koq tueq, kvruex htenc kuex hiyaz vtueq kvbuilc tueq.


Mthuinz khvy kuex ruiuc gay ruiux; ngamc boq jix hez kuex lawc tvtsuingc vtueq thuinz tvyomx shuiux.


Vpiq rueq kanx htenc kuex huingc rvhek maq tvhttot gay ruiux, vpiq thuinkhvy phuk vtueq tvbac gay tueq.


Mkhoc shoc maq nuiyshiq mvrax htenc kuex tvtsuingc taq ruiux yuq, ukhaq lac mvrax khac phox shuex wawc dung wvnc lot tvnx?


kvkhuirc yaq maq vpiq muex bumx wuez kuinz; kvkhoc rvmuq ngoz ruiux vpiq thuinkhvy kuex yauk lox kvtenc kvsvmc wvnc vtueq, nuimshiq kuex huingc rvhek laz maq dvyx thueyc wvnc tuinx. Tvkhup wungx kuy tvkoc vpiq kox nuex httuiuc kay jix hez kuex thuinhvlx wuez yaq.


Yuq muinz Yehowa lex, mnoz muex miq lotlaz hisungx wuez yaq. Mthuinz khaq ruiux yuq ukhaq muinz mkhaungkac nuex jvp lot muq.


Mnoz rueq phox shuiux lvmz kuex raungmungx maq tvtuiuz toq; mnoz rueq ghaq htauk nuex tuinghtuing rvhumc jix htenc kuex palc wvnc tvkoc kvtenc vtueq phox toq nuex mungkawx kuex hiyaz vtueq kuiyqshuik suinglix httax tueq.


Mnoz luimc vkawc mvrc yaq thuinkhvy kuex ukhaq lac rvhumc wvnc tvnx? Mnoz tsanc hvlc thuinkhvy kuex mtanc lac tvhiz yaz yaq nguinx kuex uraq lac tuiuz yaq nguinx?


Tvphaungc Tvsuip Yehowa rueq majuiuc phoay tuik phauk saq yaq jix muex murx tvgurc tvkoc vmac vtsac thuimkux kuex tvkaz shuex. Tsuingshiq shauk pumz nuex wvr httax vtueq kvraq khamc ruq khamc wvnc shuex.


Ngaz rueq raungmungx kuex buil shaungx, Ngaz, Tvphaungc Tvsuip Yehowa rueq ngvy thuinkhvy tvkhic shaungx raungnuiyq ghaq kuex kvkhuirc kvbuilc vtueq piq baung wawc kvhttot wvnc tuex.


Ngaz kuex svpiq sunc muex khaq mauk shex. Kvruex sunc kvyuq shuiuq jungx htenc nuiyc httuingx htenc kemz ruiux yuq, kvruex htenc kuex ngaz rueq tvsawc ric jauk gay shaungx.


Mvrax kop yaq tueq Zion miqsaz htenc kuex hiyaz kvkhuirc wuez yaq. Tsuingshiq rueq, “Tishox rueq phox yaq kuex pattup tsauz yaq wvr ikhoc rvtueq. Tsuingshiq kvwawc mruex jix waz lac kvkhoc wvr kvyuq rullungx tvraungx httax lot yaq nguinx?” ngoz tueq jungx wuez tueq.


Yehowa kuex wvr rulc vdvmz kaz tuex. Vpiq thuinkhaq yaq jix hez muex murx tvgurc tvkoc raungguil renc htauk nuex ngaungc vtueq kaz tuex.


Yuq muinz, Yehowa lex, mnoz kuex tsuingrux Tishox rvtoq, mnoz kuex tvraungx Tishox rvtoq nuiyc pattup pat-sac hokhvmx rvtoq. Mnoz khaq koq tueq, ghaq kuex kvkhuirc dvndvnz rvtueq; miqphvnx htenc kuex mthuinz khvy nanx lot muq. (


Vpiq kuex pinhtumc khaq vtueq Israel hungc vlaungc kuex tvbunx gay tueq; Vpiq rueq ralx httuiuc kaz tueq nuex naungshiq muex romc kuy tvkoc tvlvlc gay tueq. Vpiq kuex wvrluic ikhoc naungshiq muex khaq vtueq phvnx ruip saz kuex tvbac gay tueq.


Vpiq rueq naungshiq kuex ralx waz ikhoc vpiq laqsvnz htenc maq tvtsuingc taq yaq; Vpiq rueq naungshiq kokez nuiyc taungx wvnc lvmz lvp jix miq lotlaz kuex thvt gay tueq. Yerusalem ghaq vyuq naungshiq rueq vpiq thuinkhvy luic yaq kuex rvhumc vtix.


Yehowa rueq vpiq thuinkhvy mvrc yaq hungc vlaungc kuex ruiuc gay tueq; vpiq rueq Zion kuex ghaq nuex httuiuc laz khamc juing wvr tvsauz tueq.


Luic thuiyc yaq wvr ikhoc mhtauk nuex ngaz rueq ruiuc gay ruiux yuq, mnoz kuex ngvy thuinkhvy rulc rvhumc tuiux. Ngaz rueq mnoz kuex guirguenz vtueq tvbac gay jix hez yauk nuex lekuq gay phaungx.


Ngaz rueq Ejip mungx kuex wvr maq jauk gay shaungx, Pelusium kuex songhvlc thuiuz sac tvrvhumc shaungx. Thebe palx ruk htenc tvrul rop gay ruiux, ghaqyungx kuex yuix rueq luimz gay shuex.


Ngaz kuex Magog mungx nuex muinz, miq vpiauc httax yaq svmuktvrax kawx htenc nuex muinz wvr tvsauz shaungx, kvkaq ngaz Yehowa rvtauk kuex miq ruip rawx rueq tuiuz wvnc shuex.


“Mtanc rvmuq nuex mnoz rueq ngvy thuinkhvy phuk yaq hungc vlaungc lotlaz kuex lvp shuiuz. Mnoz rueq shuimx wvnc toq htenc tvkoc nuex ngaz rueq mnoz muex phox phaungx, mnoz rueq shuimx wvnc toq vshuy vshac honc vyaungc lotlaz tvkoc ngaz rueq mnoz muex yez kuq phaungx.


Yehowa Tishox rueq rvlongx palx yauk shuimc kuex nanx yaq rvmuq; vpiq kuex vpiq tvgap gawx jix htenc muex murx tvgurc yaq. Thuinz tvkhaq vtueq tsuingshiq muex murx tvyez kuq yaq.


Yuq muinz vpiq httuiuc kay raungnuiyq kuex uraq lac khvmc lot shuinx? Vpiq dung kvkhic tuex nuex ukhaq lac tvraungx lot tvnx? Vpiq kuex henghvlc saqponc ikhoc muinz, tvyuimx hup vsvmx tvsvp lot yaq wvr ikhoc muinz rvtueq.


Tvphaungc Tvsuip Yehowa rueq, “Ngamc vngax jix htenc nuiyc honc vbac jix htenc lotlaz kuex tsvmkuiz ikhoc khamc gay shuex raungnuiyq httuiuc wvnc tuex. Kvruex raungnuiyq tsuingshiq kuex khamc gay vtueq kvyuq tsuingshiq kuex yvmx muinz kvjungx muq shex.


Kvmaq raungkamx waz mvshix muex shomc yuimx mungx wawc thuic tvruingc yunghvlc maq jungx yaq kuex: “Kaz vtueq Tishox thuinkhvy kok mvshix kuex ghaq htauk kvyuq ruiuc gay shuinz!” ngoz tueq kuex ngaz rueq tay tauk.


Bvlic ngoc yaungc raungkamx waz rueq piq kok wawc thuinkhvy kuex shalx htauk nuex ruiuc gay tueq. Kvkaq shalx kawc rueq miqsaz tvkhamc gay tvkoc vrangx vpangx lvp tueq.


Tsuingnueyc thuinkhvy kvdaungc juing raungnuiyq httuiuc wvnc yaq shex, kvruex thuinkhvy dung yaq kvyuq ukhaq lac jvp khvmc lot tvnx?” ngoz tueq ngoz wuez yaq.


Síguenos en:

Anuncios


Anuncios


¡Síguenos en WhatsApp! Síguenos