NAHUM 1:7 - ASII LAKDAP Bible (BSI)

⁷ Tatiwe ka ahea; Apaiq raq asengi, chamchao mong wa, tiiwong kuqtlo; Apaiq wokhong na nyap wanti, apaiq raq shiilitlo.

Hawa Naga Bible 2001

⁷ Yehowa kuex hvlc hvlc; vpiq miqsaz htenc kuilc daz rvhumc yaq nuex vpiq rueq tvguing tvwungx kuq yaq; vpiq kox nuex yek waungc jix htenc kuex vpiq rueq tvwungx kuq yaq.

NAHUM 1:7 Referencias Cruzadas

1 KAÜWA WERAÜ 16:34

Tatiwe ma kechutum ronglaq, jamkhano ngukla apaiq ka ahea pinthum; apaiq lungwii tsii ka pattup pat-sa.

1 KAÜWA WERAÜ 5:20

Tsangshiq kamtsantsii ka Shiikeawe ma kuqto. Raüta Shiikeawe jaq wa khrum lap miitu achu jaüto. Krai mren Shiikeawe riimin tsangshiq achu jaü ka treto. Raüta tsangshiq ma rekhat ka tiitang kuqto. Tsangshiq raq Hagraiqnok nai tsangshiq raq ashun renok ahin thun ka wiita tangto.

2 KAÜWA WERAÜ 13:18

Krai mren Juda mungti raq Israil mungti ka tiibun lak khatto. Raüta tangto. Jamkhano ngukla tsangshiq ka Tatiwe, tsangtitiim Shiikeawe ma kam raüta riikhatto.

2 KAÜWA WERAÜ 32:11

Hejekia raq namshiq ma namshiq ka naishiq jaqkhon ningkun mong wa Tatiwe namshiq Shiikeawe raq mitiichhii kuq nguta chongtlo. Shatmaq Hejekia raq namshiq ka alao reali riitlo. Kiimaq namshiq ka amang ram raq nai khamnyangtsi raq mijiim wan han.

2 KAÜWA WERAÜ 32:21

Krai mren, Tatiwe raq rase ashi tiikito. Raüta Asiria mungti phentu nai phentubi thun ka jiip baiqto. Krai mren she Asiria mung pengti ajong hokhamwe ka jeasi kongtam shi ho raü tiishe tsang mung na jang wanto. Raüta ranaiqshi apaiq ka aphra kaü shomjam na riito. Kriiwa asetiim wiijamti raq apaiq ka nepjasai maq sebaiqto.

2 KAÜWA WERAÜ 32:8

Apaiq jaq niika maiqse ningkun li sitlo. Shatmaq nashiq rai ka Tatiwe, nashiq Shiikeawe asi. Apaiq raq nashiq mikhrum kuq kiimaq nashiq re ka mikhat kuq.” Mung maiqse ka tsang hokhamwe bom kra tai raüta tsaiji kongtam puqshi she jongto.

EJRA 3:11

Kra raüta, tsangshiq raq tsangshiq dang ka riido riipan raütiishe, Tatiwe tiitsam kam wan nai Tatiwe shomra wan kechutum wan akhiishe shinge wanto: “Tatiwe ka ahea pinthum, Kiimaq Irsailnok miitu apaiq, lungwiitsii ka pattup siruq miraq.” Tsangshiq wiitarü raq pinthum tiihong raüta, Tatiwe ka tiitsam kam siq wanto. Jamkhano ngukla Shomjam hai wan chang jamkhü na khamlawetiim shong wan chang ka sürii wanto she.

Tvtsvmc 1:6

Kechu maiqsetiim ka Tatiwe raq shunsheatlo kiimaq khebomshat, shatmaq abi kloti ka tsangshiq thum chang lam na kihotlo.

Tvtsvmc 100:5

Tatiwe ka ahea; apaiq lungwii ka pattup pat-sa kiimaq apaiq tsapkapkap ka pattup pat-sa thummak.

Tvtsvmc 20:1

Ümniima chamchao ranaiq Tatiwe raq ümnaq achujaü mitre liidea! Jakob Shiikeawe raq ümnaq mitiiwong kuq liidea!

Tvtsvmc 25:8

Jamkhano ngukla Tatiwe ka kechu kiimaq thep, apaiq raq ngarai maiqse thun ma lam tiichhi kuqtlo.

Tvtsvmc 27:5

Chamchao ranaiq na apaiq raq ngi mitiiwongkuq; apaiq raq ngi ka apaiq Shomjam na tiiwongkuqshat miraq, kiimaq longkaü diiluwiq thaq na tiiwongshat mitiinga.

Tvtsvmc 37:39

Tatiwe raq kechu maiqsetiim ka tiichhiikuqtlo kiimaq tsangshiq ka chamchao wa tiiwongkuqtlo.

Tvtsvmc 37:40

Apaiq raq tsangshiq ka khrum kuqtlo kiimaq tiiwongkuqtlo; apaiq raq tsangshiq ka abi kloti jaqkhon wa tiichhiitlo, jamkhano ngukla tsangshiq mitiiwongkuq laq nguta tsangshiq ka apaiq phana watlo.

Tvtsvmc 46:2

Arningkhan nashiq ka haimai, hiq ka tiibai wan raü min kiimaq pum thun ka sammoktra chum mong na tham wan raü min;

Tvtsvmc 50:15

Chamchao ranaiq na ngi healaq; ngi raq ümnaq mitiichhii kang, kiimaq ümniiraq ngi mitiitsam haü.”

Tvtsvmc 59:16

Shatmaq ngi raq riiwe kla ümningkun tiitsam mishi siqha; wranaiqtek tiipitmaü phan ümlungwii rümtlaü kra tiihonglata mishisiqha. Ümniika ngi tiiwongti, ngi ma chamchao akhing na tiiwong ngachang tiip.

Tvtsvmc 71:3

Ümniika ngi tiipaüchang longkaü thep kiimaq ngi tiiwongketi peruk chhemak phan; Ümniika ngi tiiwongti kiimaq ruktang.

Tvtsvmc 86:7

Ngi ma chamchao akhing na ümmang chongtiikang, jamkhano ngukla ümniiraq ngi achujaü tretlaü.

Tvtsvmc 9:10

Ümnaq asapti raq Tatiwe ümniima mikam; ümwokhong na nyap wati ka ümniiraq thaqbaiq maü.

Tvtsvmc 91:15

Ümtiikiiwa tsangshiq raq ngi heajiiq, Ngi raq tsangshiq bom mitreha; ümtiikiiwa tsangshiq chamchao riihumjiiq, ngi ka tsangshiq rai nongnong misi damha. Lata ngi raq tsangshiq ka mitiichhiiha lata tsangshiq ka mishrengha.

TAKSU LAK 18:10

Tatiwe ka, nganghea kongmong chong ikha; kechu maiqse tiiwong juchang, haihü songhü angasea ma.

ISAIA 25:4

Miitsan maiqse thun nai ümkhii ijasiqtibi ka ümwokhong na tiipaü jutrangto, krai mren tsangshiq ka chamchao akhing na tiichhii wanto. Ümniiraq tsangshiq ka rathaiq wa tiiwongkuq laü kiimaq rashekii tsihea wa ra tiinyam kuq laü. Abi pinthumti maiq raq tsangshiq ka diwin rathaiq ikha longliiqto.

ISAIA 32:2

Tsangshiq thun loweatek ka longkhong kaütiim ikha miraq. Rahai wan raüjaq nai rathaiq wan raüjaq tiipaü chang miraq. Tsangshiq ka kumtsaiphii rumnyangkhi binjü na jüserai setiim ikha miraq. Kiimaq tsangshiq ka hiq siirairai pechong ahü ba na longkaü jonghea, akhong asi ra nyam mong na maiq nga sea ma aheawiq ikha miraq.

ISAIA 50:10

Namshiq tarü jurwa Tatiwe shrengtlan, kiimaq ajaqshi se bom tailanta sitlan; namshiq khumchang lam niika ranyaq min mirsham; Shatmaq Tatiwe miili kam ronglaq, nam Shiikeawe dü niili tiinin ronglaq.

JEREMIA 16:19

Tatiwe ümniikli ngi khup wongtiwe kiimaq ngi ma ningkun shoqketiwe. Ümniiraq ngi ka litkot chamchao ranaiq na khrum kuq tlaü. Maiqmung pahea wa maiq ka ümphana wa raüta, akha mingu, “Naititiim pat na jam min ahü shaqmii siwanto. Tsangshiq raq arot phra phongkli shomnoq wanto. Jamlai liip min ahü, shatmaq thiihü sumla phra phong kli shiili liiwanto.

JEREMIA 17:17

Ümniika ngi tiiphiipjiiptiwe ma naq jakiq. Chamchao akhing ranaiq ümniika ngi tiipaükai chang ba.

JEREMIA 24:5

“Ngi, Tatiwe, Israilnok Shiikeawe raq maiqse ümchuwa Bebilon mung na tsuq wantaqti thun kriika ara phupmuptsi tsiheati thun akha maiqshaq shaqti kong tsuq wanto. Krai mren Ngi raq tsangshiq ka mangchan lata miliiha.

JEREMIA 33:11

Chojong chise agi asii watrang kiimaq wiinum shewa maiqlam poi polo watrang poi klo she mitai wan nong haü. Ümniiraq nokmaiqse ka I Shomjam na kechutum honglu thun howan raüta kra kewa lam maq ashi ange watrangli she mitai haü. Tsangshiq raq akha mingu, ‘Tati Ningkun Ajongwe ma kechu tum ronglaq, jamkhano ngukla apaiq ka ahea kiimaq apaiq lungwii tsii ka pattup pat-sa thum mak.’ Ngi raq armung ka man na jamkho rongboq sitaq kiikha, arong awin hali mitiija wan nongha. Arka Ngi, Tatiwe raq toqtan tiikang.”

AJONJÜ 3:25

Tatiwe ka apaiq ma, kamtsantsii thüti tarü ma ahea.

DANIEL 3:28

Kiijiishe, hokhamwe raq nguto, “Shadrakh, Meshakh, kiimaq Abednego Shiikeawe kli tiitsam ronglaq! Apaiq raq arase tiiki raüta, apaiq shomnoqti kiimaq apaiq ma kamti, arwetiim ara tiichhiikuqto. Tsangtsam raq, ngi aming ka jinto. Raüta tsangshiq miisaq ka maiqmii jaqphi na chiim raüta, tsangshiq Shiikeawe kra tlea raüta, laihin phra khaki na bum mak riito kiimaq noq mak riito.

DANIEL 6:23

Hokhamwe ka pinthum khoqriiqto. Kiimaq Daniel ka khobok mong wa tiidong hitlo ronglaq nguta aming kuqto. Krai mren tsangshiq raq apaiq ka khobok mong kiiwa ra niishe tiidong hitto. Raüta tsangshiq raq akhum na liikiita jamlai ami atsi min ahü riito. Jamkhano ngukla apaiq raq akhum ka Shiikeawe ma kiinong kuqto.

Yoel 3:16

Tatiwe raq Jajon hiqlam maq chap raüta hok tlo, Apaiq bomtsi ramoktrang ikha, Jerusalem chela maq mok tlo. Ra ahiq atiikhai banban. Shatmaq Tatiwe apaiq ka asengi tiiwongchang ba, Israilnok miitu peruk weshaü.

JEPHANIA 3:12

Kiijaq ngi raq aran se ma ja raüta, sobsob bombom maq sitibi, iwokhong na khrum ritti ka, mitiisi wanha.

Matthew 27:43

Apaiq raq Shiikeawe ma kamtlo. Kiimaq apaiq ka Shiikeawe Se nguta tiichong tlo. Ahea kata. Ikhiijiika, ümchaü Shiikeawe raq apaiq ka mitiichhii kuq sha, tiichhii kuq mak wa riijiiq, kra lii rong i shaq!” nguta slailiisiqto.

Matthew 7:23

Kiitiikaq ngi raq tsangshiq ma, ‘Namshiq ka riikhaqli i sengi riimak. Namshiq ka abi ngarai klo wantibi ngi tho wa jaqlo tiijin tlo ronglaq!’ nguta minguha.”

John 10:14

Shatmaq, ngi ka amakshaq sku rümtiwe. I We raq itsan i tsii ka jamkho sap tlaq, kiikhiisii hali, ngi riimin, i We tsantsii ka asap ha. Kiikhiisii hali, ngi raq i skuse kong tsantsii kiimin asap ha. Kiimaq i skuse kong riimin ngi ka asap. Krai mren, ngi ka tsangshiq khupi miitu atsai kham tiikang.

John 10:27

I skukong riika i bom tai tlo. Ngi riimin, tsangshiq ka loweatek asap ha. Krai mren, tsangshiq raq i jai phan tlo.

Romans 11:22

Riita, ara shiiton bomtsi chongkuq tlaq arwiili, Shiikeawe raq mangchan tsii jonghea rüm tlaq kriishe chhi wan tiikai. Kiimahali, apaiq raq pinthum tri atsin maq lang wan raüta, kha ka phokuq wantlo, kriimin chhi wan tiikai. Apaiq raq ngarai tang wanti thaq niika, tri atsin maq kha phokuq wantlo. Shatmaq, namshiq miika mangchan tsii jonghea rüm wan tlo. Ara mangchan tsii arka, namshiq ka apaiq wokhong na siruq sitlan wiiwii, thü wan ruq mithü wan. Shatmaq, namshiq raq ngarai la tang wan han jiila, namshiq kiimin, chiisan akü ako thun daq baiq wantaq kiikhiisii hali midaq baiq wan.

Galatians 4:9

Shatmaq, ümchaü ka namshiq raq, Shiikeawe sap lan she. Riita, akha riiwe ngu i na, ümchaü sanha, Shiikeawe raq namshiq ka sapto she. Namshiq raq Shiikeawe mangchan ka atinkhan she sap lan taü miimin, ümchaü she hali, namshiq ka thawe makchuk we puk na nyapki nong lanta, thawe disetiim ma jakai nong sha dan tlan ngu kai?

2 Timothy 2:19

Shatmaq, Shiikeawe raq ashong khamlawe kaü ka jurmin tiimeshiki lot mak she. Ara khamlawe kaü na akha bomtsi waiq thüje she: “Tatiwe raq asengibi ka sapshat! Jurwa apaiq ka Tatiwe sengi she nguta sitlaq, kriiti raq ngarai lam phan raa mak she,” nguta waiq tlo.