NAHUM 1:8 - ASII LAKDAP Bible (BSI)

⁸ Apaiq raq ajaqti thun ka, jüchhang wa ikha, wiita tiithum tsat baiqtlo; Apaiq raq apaiq ngengti, maakhobok na tiidea baiqtlo.

Hawa Naga Bible 2001

⁸ Vpiq rueq vpiq ralx htenc kuex yuix tuingx khvmx phuk rueq ikhoc tvsawc ric tvbac gay tueq; Vpiq muex khawc lvlc jix htenc kuex vthueyc mungx nuex tvkaz gay yaq.

NAHUM 1:8 Referencias Cruzadas

YOBA 30:15

Ngi ka aphiip ajiip riili she tsai wan kang; ikhushü ka rahai raq tsamchhii pan wan tlaq ikha pan wanto, kiimaq ngi chiithe jonglu ka phumda pan wan tlaq ikha pan wanto.

YOBA 40:11

Shiikongkhiq siti maiq thun ka liiliita; laüta ümtsankhiq walü maq tsangshiq ka chaq liita, Laüta tsangshiq ka mun tiijuk ram tiinga baiq laq.

TAKSU LAK 4:19

Shatmaq ngarai maiqse rilung lam ka, ranyaq tang tang li sitlo. Tsangshiq tiithap tharai chang thiikhobok ka, tsangshiq raq chhimak.

ISAIA 13:10

Ra wa raiqsaiq angu thun nai raiqsaiq kongshi maq khumti kong thun kra wiita chhai mak she mitsaqki. Rashekaü ka dong wan raü min nyaqdokdok miraq. Kiimaq jipi kaü riimin likuq mak she miraq.

ISAIA 13:9

Tatiwe ranaiq ka saü wanto she. Kra ranaiq ka apaiq tsankhiq henghea walü wa trang ranaiq kiimaq apaiq khiqriq heng wan ranaiq miraq. Mangjong hiqraikhü ka kumtsaiphii miishe mitiijabaiq. Kiimaq ngarai maiqse angu thun wiita mishthen baiq.

ISAIA 28:17

Kra jamkhü longkaü ka tingting khapho tri raütu miraq. Kiimaq tsantsii khangriri maq jaqsham kriika khamchong shongtaq kra ra nü na tru shin chang raülo miraq.” Rathaiq nai tsakhiiqrok henghea saü raüta namshiq kamtsantsii ransea chang arot jamthun ka wiita hiq maq hutse mitsuqbaiq. Kiimaq jüchhang lüm wan raüta namshiq tiiwongchang peruk thun kra wiita mitsuqbaiq.

ISAIA 28:18

Namshiq raq atsai ningkun rai wehea riija tongshonglan kriika arun mirbaiq. Kiimaq namshiq raq wulum mung rai kiqri wan la kriimin achum mirbaiq. Ümtiikiiwa phiiptsi chang matdong rathaiq saüjiiq, kiitiikaq namshiq ka wiita mihut wan.

ISAIA 28:2

Tatiwe raq maiq weshi ra, ningkun henghea jonghea riimti tsangshiq khatkai ma tiijeje she thütlo. Maiq weshi ra ka tsakhiiq rok nong nong maq rathaiq henghea saühotlaq ikha, pükhaükham raü rajuntlaq ikha, jüchhang jonghea lüm wantlaq ikha, saü wan raüta tsangmung ka wiita milüm wan.

ISAIA 8:22

Riimakla hiq na makchat jalat, makpo tiipanki nam nam milii. Shatmaq tsangshiq maklii tiichüm chang ka jamlai min ahü she miraq. Shatmaq tsangshiq raq trotam na litkot chamchao walü wali she kiimaq ranyaq tangtang saü wantlaq kriilishe michhi. Tsangshiq makki niika phiiptsi jiiptsi ranyaq mong na tsangshiq tiideabaiq wantlaq kriili she michhi.

JEREMIA 13:16

Tatiwe nam Shiikeawe ka shreng ronglaq, apaiq raq ra mitiinyaq wan shaq na, kiimaq namshiq ka pum thun na mitiithap rai shaq na; namshiq rang rantlan rawiili ka ranyaq tangtang mitiijabaiq shaq na.

JEREMIA 51:64

Kra laüta, akha ngulaq, ‘Ara lakdamkom jamkho chum mong na sang wantlaq akha, Bebilon mung ka chummong na mitiideabaiq. Krai mren ümtiikiimin thongshi ka ra na dong lot mak she miraq. Jamkhano ngukla Tatiwe raq armung ka mitiithenbaiq.’” Jeremia bomchong ka arshe thumto.

EJEKIEL 13:13

Ümchaü Tati Rakaü Hiqwe raq akha ngutlo: “Itsankhiq tsi ma rahai henghea mitiisaüha. Kiimaq rajun düthaü pükhaü khamraü ikha mitiijunha. Kiimaq tsakhiiq longkaü ikha mitrokha. Lata ruk ka mitiithen baiqha.

DANIEL 11:10

“Siria mung hokhamwe setiim thun raq rekhat kai miitu chiqchap rechap she misürii wan. Raüta phenlabi ka hiq ma rama pahea mirchom. Asetiim phong wa weshi ka, nolajong pinthum miraq. Apaiq raq maiqmung thun ka jüjong rai chhang saü wan tlaq ikha mikhat kiimaq rewe phong ka achhelot chang riimak kiitelong ruk ikha kriimin wiita mikhat wan.

DANIEL 11:22

Jurwa apaiq kiqkhii jiiq, kriiti ka apaiq raq tiikaiqshak lambaiq wansaq li miraq. Shiikeawe Ramwe Ajong Pinthum kriimin, wiita atsea mirbaiq wan.

DANIEL 11:40

“Riita Siria mung hokhamwe ma, apaiq ningthoi she saüwanto angu na, Ejip mung hokhamwe raq apaiq ka mikhat. Kiijiishe Siria mung hokhamwe raq asengi phenlabi ka ra ma hiq ma tsuq raütiishe, apaiq ningkun wiita shoq raüta, kumrang leng thun, kumrang thun, kiimaq mokkiitu pahea riichom raütiishe, Ejip mung hokhamwe ka mikhat. Kiimaq apaiq raq maiqmung thun pahea ka, raju jüchhang watlaq ikha mikhat wan.

DANIEL 9:26

Kiimaq kra chongtlaq rawii akhing kra nyiwan jai she, Shiikeawe raq ashong wan welawe kriika, khühü lamhü na atsea mirbaiq. Kiimaq ningkun ajong hoti tuwe phenlabi raq khat wan raüta Jerusalem chela nai Shomjam kra mishthen baiq. Kra athum wan akhing ka jüchhang asaü wan ikha, re ka midong wan. Raüta mung ka mithen wan. Kriika Shiikeawe raq tiihongtaq kra phan phan miraq.

AMO LUIK DVP (AMOS) 8:8

Arningkhan tsangmung na hiqjong henghea, mitiimu ha. Tsangmung kunli na maaho manyi mihoq trang. Nail khamjong tiimliim tiimli mawan raüta, rükitaq ikha miraq.

NAHUM 1:1

Arka Ninewi chela miitu Elkosh hiqti shammiwe Nahum ma atiichhi kuq riisham bomchong.

NAHUM 2:8

Jükok ahap tlinki raüjaq, kham lüm wantlaq jüchhang wa ikha, Ninewi chelati pintrangto! “Naqpin rongkiq! naqpin rongkiq!” nguta tsang sreabi gito. Shatmaq jumin jai na nyi liimak.

JEPHANIA 2:13

Tatiwe raq apaiq ningkun, jonghea rümtlaq kiimaq, Asiria mung ka mijiip baiq. Apaiq raq Ninewi chela ka, shaqmii shinriiq kumtsaiphii ma mitiijabaiq; khu akham min ahü hiq ma mitiijabaiq.

Matthew 7:27

Ra ka düthaü diilii she jun wanto. Jürai thun ka wiita ma wanto. Rathaiq rahai ka henghea hai wan raüta, kra jam ka wiita thaübaiq wanto. Raüta jam ka tiimiqchup ropbaiq wanto. Jai na jangnai liikai chang ahü she riito!”

Matthew 8:12

Shatmaq maiq pahea Ramungtan na ngawa chang wiika, ranyaq nyang mong na mitiidea baiq wan. Kiijaq tsangshiq ka aho asii, arong awi tiichit wa trang liishe micham chao wan.”

1 SAMUEL 2:9

“Apaiq awokhong na siti, asengi khup wong kuqtlo, shatmaq abi maiqsetiim ka ranyaq mong na mowantlo; maiqse raq aningkun maq rekhat tang wan lot mak.