NAHUM 1:5 - ASII LAKDAP Bible (BSI)

⁵ Tatiwe man na pum thun ka, tiikhai banban she riitlo, Ku-akin thun ka, ajam riiwan tlo. Tatiwe chhi raüta, mangjong hiqdiim tiikhai tlo, kriithaq na siti maiqse kunli hanghun wanto.

Hawa Naga Bible 2001

⁵ Yehowa khaungkac nuex kanx htenc kuex kvbuilc wuez tueq; ghaq luimx htenc muinz vyuimx rvwvnc tueq. Yehowa svt kaz ruiux yuq gaqyung mux vtueq; mungkawx nuiyc miqsaz lotlaz kuex hiyaz kvkhuirc wuez yaq.

NAHUM 1:5 Referencias Cruzadas

2 SAMUEL 22:8

Kiijiishe mangjong hiq ka tiikhai banban phe wanto; ra tu paq chang khamchong thun kra, tiikhai banban she tiime wanto. Jamkhano ngukla Shiikeawe ka, atsankhiq hea riito!

YOBA 26:11

Ümtiikiiwa apaiq raq ra thüchang toqpum kham thun kra tiiphiip jiiptlaq, tsangshiq ka tsanghai sitsi ma atiime riitlo kiimaq atiikhai rokrok phetlo.

YOBA 9:5

Hon tlam lap mak miili apaiq raq pum thun ka koqbaiqtlo kiimaq atsankhiq raüla pum thun ka tiithen baiqtlo.

Tvtsvmc 104:32

Apaiq raq hiqraikhü ka liitlo, raüla hiq ka atiikhai riitlo; apaiq raq pum thun ka than raüla, tsangshiq raq wakhuk tiimongtlo.

Tvtsvmc 114:4

Pum thun ka chhechhikong ikha doqtrangto; kin thun ka skusekong ikha doqtrangto.

Tvtsvmc 114:6

Namshiq pum thunha, jam nguto chhechhikong ikha doqtranglan? Namshiq kin thunha, skusekong ikha jam nguto doqtranglan?

Tvtsvmc 18:7

Kiijiishe hiq ka atiikhai banban she phephiiq wanto; pum thun shongchang jichong diim thun ka tiibai wanto, jamkhano ngukla Shiikeawe ka akhiq.

Tvtsvmc 18:8

Akhüpu maq wakhuk mong wanto, kiimaq tsekhi wakchaq walü nai wacha mong wa wachan henghea ka anübok maq dong wanto.

Tvtsvmc 46:6

Maiq mung thun ka phiip raq tsaitlo, maiq mungtan thun tiikhai wanto; Shiikeawe mok wanto, kiimaq hiq ka sawanto.

Tvtsvmc 68:8

mangjong hiq ka muto, kiimaq ra raq ra tiijunto, Sinai pum wa Shiikeawe satki kiita, Israilnok Shiikeawe satki kiita.

Tvtsvmc 98:7

Moktrang ronglaq, khamjong chum lei, kiimaq ümchum mong na siti wiita raq mok ronglaq; shi ronglaq, hiq lei, kiimaq ümniirai siti atra phan thun raq!

DUNGWVNC 19:18

Kra Sinai Pumkaü ka wiita hamli wakhuk raq pang wanto. Jamkhano ngukla Tatiwe ka kiijaq watu mong maq satkito. Kra wakhuk wa trang ka watum mong wa khuktlaq ikha ra na mong wanto. Kiimaq maiq kunli pinthum atiikhai rokrok haito.

ISAIA 24:1

Tatiwe raq mangjong hiq ka atiithen mirbaiq. Raüta hiqmiq changkhü ma mitiija. Apaiq raq hiq raikhü ka akap atsea miphebaiq. Raüta maiqse ka wiita barapse na minyinbaiq.

ISAIA 24:20

Hiq arka maiq cheropwe tropkhop raitlaq ikha trop miikhop mitiime wan. Kiimaq wak wa baülitiipse rathaiq wan raüjaq tiibaitlaq ikhiishe mitiibai. Mangjong hiq ka apaiq ngarai homa riishe pat wanto. Arka athen she mirki kiimaq ümtiikiimin dong wan lot mak she miraq.

ISAIA 5:25

Tati ka asenginok ma atsankhiq. Kra ningkhan tsangshiq ma mo tiiho miitu ajaq ka ra na doshat she. Pum thun ka mitiikhai. Kiimaq maiq tsaitlaq maiqmaa phong ka chiihea wea lam thun kiijaq sinchiitsap ikha küramliira mirphong. Kiitinkhan taü miimin, Tati tsankhiq ka shimakli misi. Apaiq jaq ka ra na tiipiishat maq tsangshiq ka mitsat wan.

JEREMIA 10:10

Shatmaq Tatiwe, ümniika riikhaqli Shiikeawe, ümniika atra Shiikeawe, kiimaq pattup pat-sa hokham. Ümtsankhiq raüla hiqraikhü ka atiikhai riitlo; maiq mung thun raq ümtsankhiq ka ninlot mak.

JEREMIA 4:24

Ngi raq pumthun kiina liikang, kriithun ka atiikhai raitlo, kiimaq kin thun ka kona riijo kona riijo tiimetlo.

EJEKIEL 38:20

Ngiq sitlaq loweatek ka kiimaq wushi thun loweatek ka, rum ngamse ngusaq loweatek ajong aran tlotli ka, kiimaq mangjong hiq raikhü na siti maiqse ngusaq tlotli ka Ngi ma hai ma atiikhai watrang rokrok miraq. Pum thun ka wiita atham mirwan. Kiimaq hiqlam thun ka wiita abun mirwan. Kiimaq khetuk thun ka wiita miri wan.

Yoel 2:10

Tsangshiq longwan kiijiila hiq atiikhai banban. Ra dea min atiikhai banban lishe. Ra min kiikuq mak she. Jipi min likuq mak she, ranyaq tangtang lishe. Raiqsaiq dea min chhaikuq mak she.

AMO LUIK DVP (AMOS) 9:5

Jamkhano nguraüla, Ajong Thaq Na Ajong Pinthum Tatiwe raq mangjong hiqraikhü ka, ajaq maq sham raüta naüshaüshaü baitlo. Krai mren mangjong hiq ka atiikhai banban she muwanto. Mangjong maiqse kunli hoqsiitrang wantlo. Mangjong hiq raikhü tlotli ka Ejip mung wa, Nail jürai kham chhang wan tlaq ikha, ra ma hiq ma she mawantlo. Raüta tiishin riiq hali tiisii baiqto.

Mikha 1:4

Raüla pum thun kra, simi wakii thun, wa raq jowan tlaq ikha wiita mijam wan, raüta pum heawea jüwii thun ka jüchhang watlaq ikha milüm wan.

HABAKUK 3:10

Pumjong thun raq ümsham chhito; tiikhai haisongtlo. Pükhaü kham ikha ra wa raüto, Tsaühea mong na tiithaü wanto, Rashe kaü ajaq ra na doto.

JEKERIA 4:7

Pumjong kaü ikha ümkhaki na jaqsham tiibanbiti siraü min, amo mirwan. Ümniiraq Shomjam ka mitiihea hai haü. Krai mren, ümniiraq atiisup longpo suk tlaü kra chhiraüta, mungmaiqse raq, ‘Tsomwanto! tsomwanto!’ ngutiishe arü ariiq michochisiq wan.’ ”

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

Matthew 27:51

Liirong laq, kiijiishe Shomjam mong na achan kheathum kaü ka, ra nü maq riita hiq na saüli khonai ma tiikholiiq tiichai kito. Kiimaq hiqjong muwa trang liishe riito. Kiimaq longkaü thun kiimin kholam kholiiq wiita tiibun baiqto.

Matthew 28:2

Kra liipan na tiihanghiiq miili, henghea langlang hiqjong muto. Kiimaq maklii liipan niili, Tatiwe rase ashi ka ra wa satki saq saükito. Raüta, apaiq ka longsha makho kiina kokkok wato. Raüta longsha kilü longkaü kra linhok tiiküsaq linbaiqto. Raütiishe apaiq ka kra longkaü thaq kiijaq ngasaq ngakito.

Revelation 20:11

Kiijiishe, ngi raq Shiikeawe ka ajong alu lüdiidiihea hokham ngachang ngacho na nga raü chhikang. Ra nai hiq kiimin maklii liipan niili she pan wanto chhikang.

Revelation 6:14

Kiimaq ra ka lakdam kom akom baiq ikha tiikoq wanto chhikang. Kiimaq pum ümchuwa sitlaq thun kiimin, kiimaq sammoktra jü mong wa maiq hiq sitlaq thun kiimin, tsangshiq maiqmiimii diim chang hiq ba kiiwa pongbin riibin na koq baiqtoto chhikang.

PHOWEBI 5:5

Sinai pum Tatiwe man na, pum thun atiikhai ban ban riito, Tatiwe Israilnok Shiikeawe man na, tiikhai ban ban riito.