NEHEMIA 9:32 - ASII LAKDAP Bible (BSI)

³² “O, Shiikeawe lei, naishiq Shiikeawe le! Ümniika achong lot mai, rakaü hiqwe Shiikea! Ümniika phiiptsi jiiptsi Shiikea! Ningkun ajong rümti Shiikea! Ümniika tongshong bom kham, tsapkapkap maq rümtiwe. Naishiq ka Asiria hokham we pat maq, tiicham chaopha wan raüta, ümchaü ranaiq niitaq, ümtinkhan wa chamchao wankai! Naimung hokhambi, naimung welabi, naimung wa ramwebi, kiimaq naimung wa shammibi, kiimaq naiti thun, kiimaq naimung wa mungmaiqse wiita, ümtinkhan wa chamchao, riihum wanto. Shiikeawe lei, naishiq atinkhan she, chamchao wan kai, ümtsan na tiitsang laq!

Hawa Naga Bible 2001

³² “O Tishox, nuiyshiq Tishox lex, mnoz kuex pinhtumc yunghvlc! Pinhtumc hiyaz kawc yawc juing, luimc vkawc yunghvlc nyix! Mbomkhvrc nuex seng yaq bomkhvmc kuex mnoz rueq tvmtuing maq taq vshuiux. Nuiyshiq kuex Asiria hokhvmx bix rueq tuinghtuing wvnc phuex maq phaungc vtueq, majuiuc nuex httuiuc laz nuiyshiq mtanc lac htemrvmz kuilc daz vtix nguinx! Nuiyshiq hokhvmx bix, nuiyshiq walaungx bix, nuiyshiq shomc waz bix nuiyc shvmmax bix, nuiyshiq jix vwaz tamx nuiyc nuiyshiq miq lotlaz kuilc daz rvhumc vtix. Nuiyshiq mtanc lac kuilc daz rvhumc vtix kuex rvwvl shuiuz!

NEHEMIA 9:32 Referencias Cruzadas

1 HOKHVMX 8:23

Raüta akha achu jaüto, “Tatiwe Israilnok Shiikeawe, ümnaq akha phra shiikea ka ramungtan niimin ahü, kiimaq mangjong hiq mong nyang niimin ahü! Ümniiraq ümwokhong na tsapkapkap maq ümbom tai raüta siti ümsenginok ma, ümtongshong kiqkham bomtsi ka riikhaqli maq thütlaü kiimaq ümmangchan tsü ka tsangshiq ma tiichhi kuqtlaü.

2 HOKHVMX 15:19

Asiria mung pengti Hokham Ajong Pinthumwe Tiglath Pilesar raq Israil mung ka khatto. Kriikha na Menahem raq apaiq ma kampho ngam ka hingroqtsam ri hingblai kilogram kuqto. Kriika Menahem apaiq hokham ngachang Israil nung thaq na sitlaq kra mitiiphaq kuqlaq nguta kuqto.

2 HOKHVMX 15:29

Peka ka hokham jatlaq pat na, Asiria mung Ajong Pinthum Hokhamwe ka kiraüta Israil mung ka khatto. Raüta Ijon, Abel Beth Maaka, Janoa, Kedesh, kiimaq Hajor chela thun, kiimaq Gilead wang binjü thun, Gelili wang, kiimaq Naphtali chela thun kra khatto. Raüta arthun chela wa mungmaiqse ka munglu shumwi ma Asiria mung na tsuq wanto.

2 HOKHVMX 17:23

Raüta Tatiwe raq tsangshiq ka apaiq makki wa jobaiq wantaq ranaiq na saüli kra ngarai ka tang wanto. Arka apaiq raq ajaqshisetiim shammibi nübok maq tsangshiq ka mijobaiqha nguta hon lam tsii chongkuqtaq kra phan phan jobaiq wanto. Krai mren Israil mungti ka re raq Asiria mung na munglu shumwi kong ma tsuq wanto. Tsangshiq ka ümchaü min kiiniili sitlo.

2 HOKHVMX 17:3

Asiria mung Ajong Hokhamwe Shalmanesar raq apaiq rai riikhatto. Kiimaq Hoshea ka Shalmanesar puk na nyapto. Raüta apaiq ma wiitek tijong tsiiq kuqto.

2 HOKHVMX 17:6

kra rawii ka Hoshea raq mung lang wan li maq wiitiikaü she angu na, Asiria mung ajong hokhamwe raq Samaria chela ka khat raüta jiito. Raüta apaiq raq Israilnok ka munglu shumwi kong ma Asiria mung na tsuq wanto. Raüta tsangshiq ka wiijam ka Hala chela niishe tiishongto. Kiimaq maiq wiijam ka Gojan wang na Habor Rai kii tan na tiisito. Kiimaq wiijam ka Media mung na chela thun na tiisito.

2 HOKHVMX 23:29

Josia ka Hokham jatlaq akhing na, Ejip Mung hokhamwe Neko raq asengi phenlabi pahea sheawan raüta Asiria mung ajong hokhamwe kra khrum wa nguta Euphretis rai tan kiina rekhat wa wato. Hokhamwe Josia raq Ejip mungti phenlabi ka Megiddo chela maq shangbaiqla nguta danto. Kra riikhattaq kiijaq Josia ka tsaito.

2 HOKHVMX 25:7

Jedekia makki na asetiim ka sebaiqto. Raütiishe Nebukadnejar raq Jedekia makpo wiinai ka atlat riibaiqto. Raüta apaiq ka jinraü kharü maq khatto. Raüta Bebilon mung na sheawanto.

EJRA 4:10

Kiimaq man na ajong pinthum hokhamwe Ashurbanipal raq, mungmaiqse ahinti ka tsangshiq maiqmii hiqchü rachü binjü wa tsuqho raüta, Samaria wang na kiimaq Euphretis Jürai maq Shenyap Mung wang na hiqshong tiite wanti thun rai adam maq ri raüta, lak ara waiq raüta tiiho wanto.”

EJRA 4:2

Kra tai wantaq krai mren, tsangshiq ka Jerubabel nai kaüwa weraü welabi rai riihumkai nguta kito. Raüta tsangshiq nangnga, “Riita naishiq riiminla namshiq rai Shomjam kra tiihea haidam phai na. Jamkhano ngukla, naishiq riimin la, namshiq raq Shiikeawe ka jamkho shomnoq tlan, kiikhiisii hali naishiq riimin kra Shiikeawe kli dea shomnoq tiikai. Asiria hokhamwe Esarhaddon raq naishiq ka man na arjaq shongki rongkiq nguta tiikito. Naishiq raq man na, arjaq laühokai miiphat, ümchaü niitaq saüli nyamse maq honglu kuq wan laita, Shiikeawe ka shomnoq wan lili riitiikai.”

EJRA 9:13

Riita, ümchaü min, naishiq raq bom ka arshe sap wan tiikai. Ümniika naishiqnok Shiikeawe. Ümniiraq naishiqnok sintsang maq tsat wan laü kriika, naishiq raq ngarai raq ngarai tang wan kai, kra khan khan ka tsasha wan maü dea riilaü. Tri ka achii miili tsatson wan laü nguta sap wan tiikai. Laüta, O naishiq Shiikeawe lei, ümniiraq naishiq ka atra siwan miitu tiikhup wong wan tlaü.

NEHEMIA 1:5

“O, ramungtan na siti, Tati Shiikeawe lei! Ümniika ajong pinthum, kiimaq naishiq ka ümman na kai tiihai laita siwa tiikai. Ümniika tongshong ramkhap sham wanti. Kiimaq tri aming lang wanti ma, tsapkapkap maq mangchan rüm wanti.

Tvtsvmc 47:2

Tatiwe, Ajong Shiikeawe ma ahai chang; apaiq ka ajong hokhamwe, mangjong tlotli pengti.

Tvtsvmc 66:3

Shiikeawe ma ngu ronglaq, “Ümjaqsham thun ka amao chang siisaq! Ümningkun heng ka jonghea kra ningkhan ümjaqti thun ka tsanghaisitsi ma ümjichong na bumtlo.

Tvtsvmc 66:5

Warong ra, lantea Shiikeawe raq jamlaiwa shamtaq kra liiwa rongkiq, maiqse liipan na amao chang shamto.

DUNGWVNC 18:8

Mosheq raq Jethro ma Tatiwe raq Israilnok kra tiichhii wan miitu hokhamwe nai Ejip mungti khuthaq ümtinkhan wa jaqshamtaq kra wiita chongto. Kiimaq apaiq raq ahuchhiwe ma mungmaiqse raq alaü wan lam maq ümtinkhan wa chamchao riihum wantaq kriimin chongto. Kiimaq Tatiwe raq tsangshiq ka jamkho tiichhii kuqtaq kra chongto.

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

DANIEL 9:4

Ngi raq Tatiwe i Shiikeawe jaq wa achu jaükang kiimaq iphan imaq raq ngarai thun tang wantaq kra diikuq laq nguta achu jaü kang. Ngi raq ngukang, “Tati Shiikeawe lei, ümniika ajong pinthum. Krai mren naishiq raq ümniika shreng tiikai. Ümniika üm tongshong tri tsapkapkap maq rümti. Kiimaq ümnaq lungwii raüta ümwokhong na siti, kiimaq ümniiraq akuq haü aming wokhong na siwanti ka, thaqmaü phan maq lungwii tsii tiichhiketi.

DANIEL 9:6

Ümniiraq ümjaqshisetiim shammibi tiiki laüta, naihokhambi ma, nai mungtubi ma, naiti tipaitiim ma, kiimaq naimungti mungmaiqse tlotli ma, ümmang chong raüta tra tiihokuq wan laü. Kra naishiq raq lang wan mai dea riikai.

DANIEL 9:8

Naishiq hokhambi, nai naishiqnok mungtubi, kiimaq naititiim raq alaipo ahü tsangjeasi chang jaqsham wanto, raüta ümman na ngarai klo wanto, Tatiwe lei.

LEWI 26:18

“Kiimaq atinkhan chamchao riihumjai min, namshiq raq i bom ka taimanli shat shat rii hanla, Ngi raq namshiq ma chamchao mo ka kriithaq niimin jang miishi tiitsuq lata mitiiho nongha.

LEWI 26:21

“Kra taü miimin, namshiq raq ikiq ka khii wan ruqli riihan jiila, lanta i bom ka tai man tlea ruqli la tlea hanla, Ngi raq namshiq ma mo ka kriithaq niimin jang miishi achan she mitii saü nongha.

LEWI 26:24

kriishe nguraüla, Ngi ka namshiq khuthaq na chap latiishe, Ngi raq namshiq ma kongkhuji na mo tiihokang kriithaq niimin mo ka jang miishi atsin lin she hali mitiiho nongha.

LEWI 26:28

kiijiishe kla itsankhiq ka henghea she miraq. Kra ningkhan Ngi raq namshiq mo ka kongkhu lak na kra nam ma jang miishi achan henghea she mitiiho nongha.

TRI CHONGKE 7:12

“Namshiq raq ara aming thun ara tiitsang tai lanta tsapkapkap maq lang hanla, Tatiwe namshiq Shiikeawe raq apaiq raq namshiq rai tongshong ram ram bomtsi thü wantaq thun kra namshiq ma thü wan ruq miraq. Kiimaq apaiq raq namshiq ma apaiq lungwii tsii tiipit mak phan rümtlaq kra rüm wan ruq miraq. Arka apaiq raq namtitiim ma kiqkham kuqtaq kra phan phan mirüm wan.

TRI CHONGKE 7:13

Apaiq raq namshiq ka milungwii kiimaq namshiq ma mishman kuq. Krai mren namshiq ka maiq pahea mipuchi wan han. Kiimaq namsetiim ka pahea miraq. Apaiq raq namshiq wak ram thun kra mishman kuq. Krai mren namshiq raq bunwong, spiqtai, kiimaq olip tsai thun chamtraq rongboq milap han. Kiimaq apaiq raq namshiq nyamse kong ka pahea mitiipu kuq. Kiimaq skukong ka pahea mitiipu kuq wan, Apaiq raq namtitiim ma mikuqha nguta kiqkham kuqtaq kra phan Kanan mung na namshiq ma arthun achu shiiman ara mikuq.

TRI CHONGKE 7:21

Kra ningkhan arnok miitu namshiq naqhai rongkiq. Tatiwe namshiq Shiikeawe ka namshiq rai. Apaiq ka ajong Shiikeawe kiimaq apaiq miika ahai chang akhek sitlo.

TRI CHONGKE 7:9

Tsan na tiitsang ronglaq Tatiwe namshiq Shiikeawe kli Shiikeawe. Kiimaq apaiq ka pinthum tsapkapkap we. Apaiq raq tongshong ramram kiqkham kuqtaq kra riikhaqli mitiihong kuq wan. Kiimaq apaiq lungwiitibi ma kiimaq apaiq aming wokhong na siwantibi ma, apaiq lungwii tsantsii ka tiipit mak phan maq, maiq pat ahing amun na saüli mitiitsing kuq wan.