NEHEMIA 9:33 - ASII LAKDAP Bible (BSI)

³³ Riita ümniiraq naishiq, tiichamchao tlaü arka riikhaq li dea. Naishiq raq ümtinkhan wa, ngarai klo wan kai li jiimin, ümniiraq naishiq ka tsapkapkap maq, rümkom tlaü.

Hawa Naga Bible 2001

³³ Mnoz rueq nuiyshiq muex murx tvgurc phux kuex vlvmx rvtueq; nuiyshiq rueq mvrax yaq wvnc tiq, mnoz kuex tvmtuing httax yaq!

NEHEMIA 9:33 Referencias Cruzadas

RAPHA HIQWA LAK 18:25

Riikhaqli miika, ümniiraq maiqsangti ka ashutti rai ka tsat baiq maü mirhaü. Kriika ümkhiiriitii jiimin klolot maü! Ümniiraq kiikhiika klolot maü. Kra ümniiraq klo haü jiika, maiqsangti kiimin ashutti rai khoshi na mo tiiho ma mikhat wa. Arka ümkhiiriitii jiimin riimak. Mangjong hiq tlot li kha photiwe riika tingting maq phoke chang li.”

EJRA 9:15

O, Israilnok Tati Shiikeawe lei. Ümniika tri raü tingting maq shamwanti. Shatmaq ümniiraq naishiq ka atrali tiichhun kuq wan laü. Naishiq ngarai ma howan tiikai ara, ümman na tiidii wan tiikai. Riikhaqli maq liiwan raüla, naishiq ka ümman na chap wan ka thek mai.”

NEHEMIA 9:34

Naititiim nai naihokhambi raq, naimung welabi raq kiimaq ramwebi raq, ümniiraq akuq haü Thungtri, lang mak dea riito. Tsangshiq raq ümnaq aming ka, tai wan mak dea riito, kiimaq ümniiraq honlam tsii, achongkuq haü, lang wan mak riito.

NEHEMIA 9:8

Ümniiraq apaiq ka tsapkapkap maq, ümnaq lungwiitiwe nguta sap wan laü. Krai mren ümniiraq apaiq rai, tongshong wan laü. Laüta ümniiraq apaiq ma, Kanannok hiqshong, Hitaitnok nai Amoraiqnok hiqshong, kiimaq Perisaiqnok hiqshong, Jebusaiqnok nai Girgashaiqnok hiqshong thun kra, apaiq saü setiim hiqshong ma, tiite wan miitu mikuq wan ha, nguta kiqkham kuq laü ihata. Krai mren, ümniiraq ümkiqkham ka, kunkun shiikupi kuq wan laü. Jamkhano ngukla ümniika tsapkapkap maq, kiqkham raüpot rümwantiwe.

YOBA 33:27

Apaiq raq nokwe man na michong, “Ngi raq ngarai tangkang dea. Ngi raq riikhaqli sham mang dea, shatmaq Shiikeawe raq ngi ka tiihang kuqto.

YOBA 34:23

Shiikeawe raq maiqse ka apaiq man na chap wa raüta kha tiipho wa miitu akhing ka tiihong thümak.

Tvtsvmc 106:6

Naititiim raq ngarai tangto naishiq riimin ngarai tangkai; naishiq raq abi shutphit wankai.

Tvtsvmc 119:137

Ümniika tingting, Tati lei, kiimaq ümtri raütu ka tingting.

Tvtsvmc 145:17

Tatiwe raq phanrap sham-akai na tingting maq shamtlo, jaqshamtlaq wiita na tiihang raüta shamtlo.

DUNGWVNC 32:31

Raütiishe Mosheq ka Tatiwe phana hali jang wan nongto. Raüta akha nguto, “Arnok raq phiiptsi chang ngarai tangto. Tsangshiq raq chaq maq sumla phra ashi loto. Raüta kra shomnoqto.

JEREMIA 12:1

Tatiwe, ngi raq ikha ka ümniirai riikhiiha jiila, ümniili riikhaqli ma mijahaü. Li jiimin ngi raq ümniima tingting tri maq khaphoke bom ka awai chang dongkito. Riita abi kiimungtibi ka jaro chiithe liiwa tonglong jatla? Laopha maiqsebi raq jaro ongwan ruq laptla?

JEREMIA 44:3

Jamkhano ngukla kiijaq siti mungmaiqse raq abi kloto. Raüta itsan tiikhiqto. Tsangshiq raq phanhin sumla phrakaü thun ma honglu thun takuqto. Kiimaq phra kaü thun tsangshiq riimin sapmak, namshiq riimin sapman, namtitiim riimin sapmak phra thun ka shomnoq wanto.

AJONJÜ 1:18

“Shatmaq, Tatiwe ka tingting, jamkhano ngukla ngi raq apaiq aming jin kang. Mangjong maiqse tarü raq, ibomchong ara tiitsang rong laq, ijonjü tsi tlaq ka liirong laq, Isengi jetu jerobi re raq pongmung na, shumwi ma tsuq wanto.

EJEKIEL 11:12

Namshiq raq Ngi ardea Tatiwe nguta misap han. Kiimaq namshiq raq nammung tro na siti pong mungti tri raütu thun kra lang wan lanta, namshiq raq itri raütu thun kra jin wan lan kiimaq ngi raq akuqha aming thun kra tlea wan lan ngutiishe misap han.