Luke 7:42 - ASII LAKDAP Bible (BSI)

⁴² Tsangnai wiita raq, kra thiitham ka thamkuq lot mak dea riito. Kriikha miishe, laopanwe raq tsangnai thiitham kha ka adü li she riibaiqto. Riita, tsangnai wenai kiiwa, ümriiti ro laopanwe kra apa milungwii?”

Hawa Naga Bible 2001

⁴² Tsuingnueyc rueq htawhtuimc kuex htuimz lot muq ningkhvnc nuex htawhtuimc taungjix waz rueq thoz muq maq tvyomx kuq gay tueq, kvruex waz nueyc kvwawc mruex jix waz rueq lac piq kuex pinhtumc lungwawx yaq nguinx?” ngoz tueq wiz tueq.

Muklom

⁴² Ning ni aa ngin namkotteywa thima ngin tha jinshim moq sey angta, eshirangma ngin namkotteywa they ningni thima tinshit eq ngin namta tha cham ang aa ta tolchak ta. Ethimal ang ajo ningni shiwang ahan utang ngin namkotteywa shima tinmat na?”

Luke 7:42 Referencias Cruzadas

2 SAMUEL 14:13

Kriinyung raq apaiq ma nguto, “Ikhla, ümniiraq Shiikeawe sengi mungmaiqse khuthaq na ashut ka jaram wa klo laü? Ümniiraq ümse shaq ümpuk wa adong ka maiqmung na wanshawe ma ajaki kra jamto jam na tiijang wan maü? Ümchaü ümniiraq jamlai wa ngulaü kra ümbomtsi kriimiili ümniinai ümniika ashutwe dea nguta tri toqtan tlaü riimak shea?

Tvtsvmc 103:3

Apaiq raq ingarai thun wiita diibaiqto kiimaq ithatsi thun kunkun tiiheatlo.

ISAIA 43:25

Kiitinkhan taü maq dongdii min, Ngi ka Shiikeawe, ümngarai thun diiketi, kiimaq Ngi raq arthun klotiikang arka Ngi ka Ngi dongdiiwe ngokha maq shamkuqtiikang. Ngi raq ümngarai thun ka ümniima tiihoruq tiiho mang she.

ISAIA 44:22

Ngi raq ümngaraibu ka phumda ikha tsuqbaiqkang she. Ngi phana jang wa nongkiq; Ngi ka ümnaq chhiiti.”

Matthew 18:27

Kra tiipaiqnea hoqsii raiho kiitiishe, hokham we ka apaiq ma mangchan tsito. Krai mren siihiip we thiitham kha kra, apaiq raq adii she riibaiqto.”

Matthew 18:34

Hokham we ka kai khiqto. Krai mren, apaiq raq kra luqkhap jong we ka, apaiq thiitham kra thamkuq lot mak wiiwii, phaqtek mong niili she shaq baiq ronglaq” nguta aming kuqto.

Matthew 6:12

Naishiq ma ashut klotibi mra thun diikuqkai, kiikhiisii naishiq mra thun kiimin diikuqlaq.

Luke 7:43

“Ngi raq tiima kla, thiitham apa mapkuq tiiwe raq milungwii sham,” nguta, Simon raq treto. “Ümniiraq ngulaü ka riikhaqli,” nguta Jesuq raq treto.

Romans 3:24

Shatmaq, Shiikeawe raq maiqse ka apaiq raq phe maq akuq, kaphap mangchan, Jesuq pum lü miishe dok daa wan raüta, maiqse ka apaiq rai wehea she nguta shram wantlo.

Romans 5:6

Arka akha jamkhano chong tiikai ngukla, nashiq ka tsaija chhunja ngila ngu raü chamchao rai tiikai bala shon niili, Khristo ka Shiikeawe raq rahiq tiihongtaq akhing bala riikhaqli na, nashiq akhnok abi ngarai maiqse, ara khupi wan miitu tsaito.

Galatians 3:10

Jurwa Thungtri lang raütli sichang nguta kamtlaq, kriiti ka manson tiini mong niili sitlo ngushat. Ara jamkhano chongtiikang ngukla, Asii bomtsi na, “Jurwa Thungtri lakdap na waiqtaq kra phan phan wranaiq she, Thungtri aming thun kra lang mak, kriiti ka Shiikeawe manson moho raüta sitlo ngushat!” nguta chongtlo.

Ephesians 1:7

Jesuq Khristo tsaitaq kra lümaq, nashiq ka thawe kharü mong wa daa wanto she. Ümchaü sanha nashiq ngarai ka diikuqto she. Nashiq ka wasetiim miishe tiija wanto. Shiikeawe kaphap mangchan, nashiq ma kuqtaq arka nü maq achong lot mai jonghea.

Ephesians 4:32

Kra rii na, ümchaü sanha, namshiq liipan na, riimang riichan, kiimaq riilung riiwii miishe shongnga ronglaq. Shiikeawe raq Khristo mang na, namshiq ngarai thun ka jamkho diikuqtaq, kiikhiisii hali, namshiq liipan niimin, ngarai ka riidü riidü lanta, kaütak rishi miishe shongnga ronglaq.

Colossians 3:13

Weshi raq weshi rai, phanrap na, riinin riinin lantiishe sirong laq. Kiimaq ümtiikiiwa, namshiq liipan na, weshi ra raq kongti ma, atiibottaq chang bom la sikiiphanla, mra ka riidii riidii lanta sirong laq. Tatiwe raq namshiq mra roqkuqto she, kiikhiisii hali, namshiq nai namshiq liipan niimin, maiqmii mra ka riidii riidii lanta siraa tlo.