Luke 7:41 - ASII LAKDAP Bible (BSI)

⁴¹ Jesuq raq akhiishe phankuqto, “Man na maiq wenai raq, laopan weshi jaq wa kampho namto. Weshi raq kampho kamsii shibiingi, kiimaq weshi raq roqbiingi namto.

Hawa Naga Bible 2001

⁴¹ Kvkaq Yesu rueq, “Miq muex kuimphox tvnvmc svy jix washiz kuex piq rueq lvp juing htawhtuimc waz nueyc yauk nuex vhttax rvtueq, washiz muex kuimphox shac bv-ngac, washiz muex rok bv-ngac tvnvmc kuq tueq.

Muklom

⁴¹ Jesu aa batta, “Miqwa wani angta ningni aa ngin namkottey ching wang ngin namta, washey aa shabanga chiing nginsa namta etho washey aa rokbanga chiing nginsa namta.

Luke 7:41 Referencias Cruzadas

ISAIA 50:1

Tatiwe raq ngutlo, “Ümniinga Ngi raq isenginok ka jobaiqkang maiq weshi raq achak miimbaiqtlaq ikha ngutiisha tiima tlaü? Ikhiijiika, amiim lak ka ümbano? Ümniinga Ngi raq ümniika maiq jaq na shumwi ma shabaiqto, awe raq asetiim ka di ma shaphatlaq ikha ngutiisha tiima tlaü? Riimak, ümniika ümngarai tang kha na shumwi ma maiqjaq khon na wawan laü. Ümnaq maiqdi ma tiiwabaiqtaq kriika ümniiraq kha pahea tang khana tiiwa baiqto.

JEREMIA 3:11

Kiijiishe Tatiwe raq ngi ma chongto, Israil ka apaiq wokhong wa ahin niili kiho raü min, apaiq riiwe ka sethoq nyung Juda nam ma maiqshaqlin.

WEAWEA 27:3

“Naiwe ka bintang jüngi mung na ase maiqwesetiim ahü maq tsaito. Apaiq ka Tatiwe kiqkhiiti Kora jaiphanti phong niika lom mak. Apaiq tsaitaq ka maiqmii pumsii ngarai kha na tsaito.

Matthew 18:28

“Kra jai maq apaiq ka hokham we jam maq wawanto. Raüta, hokham we sengi, apaiq kongtibi phong kiiwa maiq rai riihumto. Kriiwe raq apaiq ma kampho hingnai kechang thiitham asi riito. Apaiq ka arewe rai she riihum raüta sanha, apaiq raq arewe ka atokkun maq lapho tlii raüta, hiq na tiithaü hihi miishe, ‘I thiitham ira kuqlaq!’ nguta arewe ka wathiq se maq asitin she shiitep wanto.

Matthew 6:12

Naishiq ma ashut klotibi mra thun diikuqkai, kiikhiisii naishiq mra thun kiimin diikuqlaq.

Mark 6:37

“Namtsam riiriiwe khoti miina, tsangshiq ma phanshi ra tiiphaqsiq rong liina,” nguta Jesuq raq tsangshiq bom ka treto. Tsangshiq raq, “Riita, maiq achu kong arma tiiphaq sia wan miitu ka jamwo mihumki rong i? Tsangshiq ma tiiphaq sia miitu ka, naishiq raq kamsii shinai maq winsii rihai jiitiq, tsangshiq tarü khamli chhaq miraq,” nguta apaiq ma bom ka waito.

Luke 11:4

Naishiq ngarai thun ka diikuq laq, Naishiq ma ashut kloti mra kiimin, naishiq raq diikuqtiikai. Kiimaq naishiq ma maitai jonghea naq tiisaüki.’ ”

Luke 12:48

Shatmaq, atijong we raq jamlai jaqsham achong wa, kra sapmak kha maq, ajiq aphiq mosham mosham sham wanti we jaqshise kra riimin, mo ka miho. Shatmaq, apaiq raq mo ka achü linlin li miho. Riita, ju miiwa arang apa kuq taq, kriiti raq momin apa miho. Kiimaq ju miiwa arang ka atsap lin li kuqtaq, kriiti riika momin achhü linlin li miho.”

Luke 13:4

Riita, Silom wa maiq roqshi ri tiichat, kongmong chong raq pat raüta tsaitaq kriiha? Namshiq nga tsangshiq ka, Jerusalem na siti mungmaiqse thaq na ngarai homa jonghea hotibi kha maq tsangshiq ka kiikha tsaito ngutiisha tiima tlan?

Luke 7:40

Kiijiishe, Jesuq raq kra he raüta, “Simon, ngi raq ümniima bom poshi chongke chang asi,” nguta apaiq ma chongto. “Shrinketiwe, chong liina,” nguta apaiq raq treto.

Luke 7:47

Riita, ümchaü ngi raq ümniima bom poshi chongpha, tailaq. Apaiq raq ngi ma lungwii tsii ka tsaühea maq tiichhi kuqto riimak sha. Arka, apaiq ngarai ka jonghea sitaq li jiimin, diikuqto she dea nguta, tiichhike hakhi ashi she. Shatmaq, ümriiti ngarai wa atsapse li diikuqtaq, kriiti riika lungwii tsii min, atsapseli rümtlo.”

Romans 3:23

Maiqse angu kunli raq ngarai ka tangto. Raüta Shiikeawe raq akuq rilung khushü khuphok kriika, phok lap mak dea ngarai mong na chhan wanto.

Romans 5:20

Riita, Shiikeawe raq Thungtri khakuq wantaq kriika, maiqse raq ngarai ka apapa mitang wan laq nguta ngo maq kuq wanto. Shatmaq, ümriibano ngarai ka pahea tang wan tlaq, kiijiika Shiikeawe kaphap mangchan tsii ka, akao pahea nyam wan wan khoti miraq.