Luke 7:41 - Hawa Naga Bible 2001

⁴¹ Kvkaq Yesu rueq, “Miq muex kuimphox tvnvmc svy jix washiz kuex piq rueq lvp juing htawhtuimc waz nueyc yauk nuex vhttax rvtueq, washiz muex kuimphox shac bv-ngac, washiz muex rok bv-ngac tvnvmc kuq tueq.

ASII LAKDAP Bible (BSI)

⁴¹ Jesuq raq akhiishe phankuqto, “Man na maiq wenai raq, laopan weshi jaq wa kampho namto. Weshi raq kampho kamsii shibiingi, kiimaq weshi raq roqbiingi namto.

Muklom

⁴¹ Jesu aa batta, “Miqwa wani angta ningni aa ngin namkottey ching wang ngin namta, washey aa shabanga chiing nginsa namta etho washey aa rokbanga chiing nginsa namta.

Luke 7:41 Referencias Cruzadas

ISAIA 50:1

Yehowa rueq, “Vtaungx nyuiuz shurc gay tueq miq washiz ikhoc ngaz rueq ngvy miqsaz htenc kuex yurc gay tueq ngoz tueq haz tvmaung vshuinx? Kvkhoc ngoz ruiux rv-phvlc luik phux htenc kuex m-yuq lac? Miq washiz rueq vsaz hez kuex dax muex shaung gay tueq ikhoc ngaz rueq mnoz kuex wuinz saz muex shaung gay tueq ngoz tueq haz tvmaung vshuinx? Rvmuq, mnoz thuq lvy rvhumc tuit kuex mmvrax htenc ningkhvnc nuex rvtueq; mnoz rueq shuimx wvnc toq vbac yauk shuimc ningkhvnc nuex vyurc gay rvhumc tuit.

JEREMIA 3:11

Kvruex yimaq Yehowa rueq ngaz muex jungx phuex, Israel kuex piq kox wawc kaz wvnc ruiux muinz, tvmtuing vguez Yuda tanc khvnc kuex bac muq.

WEAWEA 27:3

“Nuiyshiq waz kuex yaruix tvnx nuex thueyc kaz tueq, vsaz miqwaz saz washiz muinz kvjungx muq doc. Nuiyshiq waz kuex Yehowa muex khawc lvlc jix Kora phungc nuex lomx muq doc; piq kuex miqmac mvrax ningkhvnc nuex thueyc kaz tueq.

Matthew 18:28

“Kvkaq nvrc waz piq kuex kvtenc waung wvnc vtueq piq htawhtuimc shashiz kop yaq nvrc waz washiz rulc rvhumc tueq, piq rueq kvruex waz kuex vduingx maq lvp vtueq, ‘Ngaz muex kuy juing khac kuex kuq koq,’ ngoz tueq.

Matthew 6:12

Miq rueq nuiyshiq muex vyaq kuq mvrax nuiyshiq rueq dawc kuq shix ikhoc, nuiyshiq mvrax muinz dawc kuq koq.

Mark 6:37

Yesu rueq, “Nuimhez rueq tsuingshiq muex phuiuz vsvy phvnx shishiz kuq phauk saq shuinz,” ngoz tueq tvralc tueq. Tsuingshiq rueq, “Nuiyhez kaz vtueq kuimphox sawx 200 maq tsuingshiq muex wanx haz ruiyx kuq kaz tix?” ngoz tueq vpiq muex wiz tueq.

Luke 11:4

Nuiyshiq muex yaq kuq phuex mvrax htenc nuiyshiq rueq dawc kuq gay vshix ikhoc nuiyshiq mvrax muinz dawc kuq koq. Tvshonx bawx rvyaq baung nuex nuiyshiq kuex nauk tvkaz vkueq,’” ngoz tueq jungx kuq tueq.

Luke 12:48

Yuq muinz miqmac jiyungx waz rueq yvmx lac roc yaq nguinx tuiuz muq maq, vwungc aungx yaq yauk shuimc shuimc jix nvrc waz kuex, raungluingx dvyx wungc rvhumc tuex. Kejux yauk shuimc lvmz paunghvlc rvhumc jix waz kuex paunghvlc thoz rvhumc tuex; pinhtumc tvluimc vtueq lekuy shec rvhumc jix waz kox wawc jvnc vtueq hungx laz thoz shuex.

Luke 13:4

Siloam ngoz yaq baung wawc lungpvrc yuimx kuimc vtueq kvpvt thueyc jix miq rokshiz rac waz tvjvt kuex Yerusalem nuex httax yaq jix lotlaz htauk nuex muinz mvrax paunghvlc jix ngoz tueq haz tvmaung vshuinx?

Luke 7:40

Yesu rueq piq muex, “Simon lex, mnoz muex ngaz rueq bomc poshiz jungc juing httax yaq,” ngoz tueq. Simon rueq, “Vhvlx, Tvluingc waz lex jungx shuiuz,” ngoz tueq.

Luke 7:47

Kvkhoc rvtueq piq kuex mvrax paunghvlc wawc dawc kuy rvhumc wvnc vtueq, kvkhoc dawc kuy rvhumc tueq lvmx kuex yungx luz yaq piq lungwawc thuinz rueq hakhix tvkhic kuq yaq, mvrax raungluingx saz dvyx dawc kuy jix waz kuex raungluingx saz dvyx lungwawx yaq,” ngoz tueq jungx tueq.

Romans 3:23

lotlaz kuex mvrax vhttax jvnc ningkhvnc nuex Tishox rueq tvguing wvnc yaq wawc yal wvnc vtuex.

Romans 5:20

Tvrac tvy ningkhvnc nuex vyaq mvrax paungc wvnc tueq, yuq muinz mvrax paung wvnc koq tueq Tishox kejux muinz pinhtumc paung wvnc tueq.