Luke 7:42 - Hawa Naga Bible 2001

⁴² Tsuingnueyc rueq htawhtuimc kuex htuimz lot muq ningkhvnc nuex htawhtuimc taungjix waz rueq thoz muq maq tvyomx kuq gay tueq, kvruex waz nueyc kvwawc mruex jix waz rueq lac piq kuex pinhtumc lungwawx yaq nguinx?” ngoz tueq wiz tueq.

ASII LAKDAP Bible (BSI)

⁴² Tsangnai wiita raq, kra thiitham ka thamkuq lot mak dea riito. Kriikha miishe, laopanwe raq tsangnai thiitham kha ka adü li she riibaiqto. Riita, tsangnai wenai kiiwa, ümriiti ro laopanwe kra apa milungwii?”

Muklom

⁴² Ning ni aa ngin namkotteywa thima ngin tha jinshim moq sey angta, eshirangma ngin namkotteywa they ningni thima tinshit eq ngin namta tha cham ang aa ta tolchak ta. Ethimal ang ajo ningni shiwang ahan utang ngin namkotteywa shima tinmat na?”

Luke 7:42 Referencias Cruzadas

2 SAMUEL 14:13

Yalxjuik nyuiuz rueq, “Kvkhoc rvyruiux kuex Tishox miqsaz htenc muex yvmx ngoz tueq lac kvkhoc vyaq yauk shuimc kuex mnoz rueq shuimx tvyaq vshuiux? Mungx ganc nuex yuz wvnc vtuex msaz kuex yek waungc vkhangx mnoz rueq kuq muq, mnoz rueq jungx vshuiux rulc rv-ngvlc mshauk pumz maq dvyx htvp htaz gay toq.

Tvtsvmc 103:3

Vpiq rueq ngvy mvrax htenc lotlaz kuex dawc kuq gay ruiux ngvy thuiuz vsac htenc muinz tvhvlc kuq phuex.

ISAIA 43:25

Yuq muinz ngaz kuex mmvrax htenc dawc kuy jix Tishox rvtauk, ngaz rvtauk ningkhvnc nuex vruex yauk shuimc kuex ngaz rueq shuimx tauk. Ngaz rueq mmvrax htenc kuex rvwvl shaungx rvmuq.

ISAIA 44:22

Ngaz rueq mmvrax htenc kuex phuemx ikhoc tvmoz gay tauk. Ngaz kox nuex yek waung luit; ngaz kuex mnoz palc jix rvtauk,” ngoz tueq.

Matthew 18:27

Hokhvmx waz rueq piq muex menjenc vtueq htawhtuimc htenc lotlaz tvshiz kuq gay tueq.

Matthew 18:34

Hokhvmx waz kuex vthuinz khaq vtueq vnvrc waz rueq htawhtuimc htumc kuy lot nuex httuiuc laz murx tvgurc tvkoc khoktep nuex htawc gay tueq,” ngoz tueq.

Matthew 6:12

Miq rueq nuiyshiq muex vyaq kuq mvrax nuiyshiq rueq dawc kuq shix ikhoc, nuiyshiq mvrax muinz dawc kuq koq.

Luke 7:43

Simon rueq, “Kuimphox vpaung tvyomx kuy rvhumc jix waz kuex lungwawc thuinz vpaung httax tuex ngoz tueq tvmaung vshaungx,” ngoz tueq tvralc tueq. Yesu rueq, “Mnoz rueq tvmaung vshuiux kuex rvkhauk laz,” ngoz tueq.

Romans 3:24

Yuq muinz vhtawz vrawz kuy rac muq Tishox kejux maq Christu Yesu ningkhvnc nuex tsuingrux nuex httuiuc wvnc lot tueq.

Romans 5:6

Naungshiq kuex tvluimc juing vguez httax tiq nuex Christu kuex Tishox rueq htvp htaz tueq vkhing nuex layx bac jix htenc tvkoc vthueyc khvmc tueq.

Galatians 3:10

Tvrac phvnx vtueq kvmx jix htenc kuex mvnhttonc mvntvmc khung nuex httax yaq. Yvmx khoc lac ngoz ruiux lec Rumvrc luik nuex, “Tvrac nuex vwuiyq shec phvnx ruip saz kvruex rulc rv-ngvlc phvnx muq waz kuex Tishox rueq mvnhttonc kuy rvhumc tuex,” ngoz tueq wuiyq shec tueq.

Ephesians 1:7

Yvmx khoc lac ngoz ruiux lec Christu thueyc khvmc kuy ningkhvnc nuex naungshiq dungc wvnc rvhumc tueq, kvruex kuex nuimshiq mvrax htenc dawc kuy lvmx rvtueq.

Ephesians 4:32

Nuimshiq vshiz maq vshiz rvlungwawc rvmenjenc wuez kuinz, Tishox rueq Christu maq nuimshiq mvrax dawc kuq gay kv-phuinx rulc rv-ngvlc, nuimshiq muinz vdvmz dvmz mvrax rvdawc wuez kuinz.

Colossians 3:13

Nuimshiq vdvmz dvmz mvrax rv-nyvnc juing httax ruiux yuq, nanx thuinz maq mvrax rvdawc wuez kuinz, Taungjix rueq nuimshiq muex mvrax dawc kuq kv-phuinx kvkhoc nuimshiq muinz vdvmz dvmz mvrax rvdawc wuez kuinz.