Luke 7:41 - Muklom

⁴¹ Jesu aa batta, “Miqwa wani angta ningni aa ngin namkottey ching wang ngin namta, washey aa shabanga chiing nginsa namta etho washey aa rokbanga chiing nginsa namta.

ASII LAKDAP Bible (BSI)

⁴¹ Jesuq raq akhiishe phankuqto, “Man na maiq wenai raq, laopan weshi jaq wa kampho namto. Weshi raq kampho kamsii shibiingi, kiimaq weshi raq roqbiingi namto.

Hawa Naga Bible 2001

⁴¹ Kvkaq Yesu rueq, “Miq muex kuimphox tvnvmc svy jix washiz kuex piq rueq lvp juing htawhtuimc waz nueyc yauk nuex vhttax rvtueq, washiz muex kuimphox shac bv-ngac, washiz muex rok bv-ngac tvnvmc kuq tueq.

Luke 7:41 Referencias Cruzadas

Matthew 18:28

“Etharin, eshi sanga tha thalat atho, arum aa somtey sanga jamoq tachong ta, bara piq jak wang shashey denari namta. Piq aa eshi sanga tha bot tho lo eq batta, ‘Nang aa chamtan namtu shi, thawel kochak phu!’

Matthew 6:12

Í ma thaja somtey tang thima í aa tolchak i. Irimal í ma tho tolchak phu.

Mark 6:37

Jesu aa batta, “Nim aa hun ning ma chamli phaksat ma kot inn.” Ning aa pitta, “Ning ma taphasat rangma hiqtang aa shani hun aa cha ngin sa thawan eq ma nang aa tathin u i?”

Luke 11:4

Etho í ngarey ri tolchak phu, chammatakoi barey í ma thaja somtey tang, í aa tho ning ma tolchak i. Etho í shi tari náng nak tathok phu!”

Luke 12:48

Etharin bari sanga shey utangteywa chamlang somlot ma bat shingta sha sammoq ang eq tsamnang jaksom som ajo piq sha akum hun watna. Bari ma ahan kota thiwang ahan hun chu na; etho irináng eq tho ahan kota thiwang ahan hun chu na.”

Luke 13:4

Etho Siloam na thòng qhat atho asi ashat miqtang chamma tita? Jerusalem miqtang wang ning aa ahan ngarey jaksom lota ta nim aa tathin inn i?

Luke 7:40

Etharin Jesu aa batta, “Simon, nga nang ma chamli raaq batma tathin phang.” Piq aa batta, “Tatalteywa, nga ma bat phutey.”

Luke 7:47

Iri rangma nga nang ma batphang, piq aa nga ma itan tinmat takhi taphang, ungarey ahan tha tolchak ta takhi aa. Etharin barima anitom ngarey tha tolchak ta they anitom tinshit hun takhi aa.”

Romans 3:23

Thaji eq ngarey somta etho Shkewa phun amun wang alo na angta.

Romans 5:20

Ngarey daqhan cham ang aa ta thong sha kot ta. Etharin barina ngarey daqhan angta, eshina Shkewa ráng manchan eshi pheynáng eq tho daqhan angta,