DUNGWVNC 34:9 - ASII LAKDAP Bible (BSI)

⁹ Apaiq raq nguto, “Tatiwe, ümniika ngohea shaq shaq ngi ma khoqriiq tlaü jiila, ngi raq ümniika naishiq rai adam na wa i nguta tiipaiqnea tiikang. Arnok arka nilan wanshak shak nok. Shatmaq naishiq abi kiimung nai ngarai ka adii riikuqlaq. Kiimaq naishiq ka ümsenginok shaq ma rümshat riilaq.”

Hawa Naga Bible 2001

⁹ Piq rueq, “Yehowa lex, mnoz rueq ngaz kuex vsuing raungc raq vphux ngoz ruiux kuex, nuiyshiq rulc vdvmz kaz naungx loq. Miq htenc vruex khux tsanc hvlc, yuq muinz nuiyshiq ngarvyx nuiyc mvrax kuex dawc kuq vtueq, nuiyshiq kuex mmiqsaz shauk muex lvmz wvnc koq,” ngoz tueq jungx tueq.

DUNGWVNC 34:9 Referencias Cruzadas

Tvtsvmc 135:4

Apaiq raq Jakob ka apaiq rii nguta tseato, Israilnok ka apaiq rii nguta tseato.

Tvtsvmc 25:11

O Tatiwe lei, ümkiqkham ka thülaq, laüta ingarai thun ka diibaiq laq, jamkhano ngukla ingarai ka pahea,

Tvtsvmc 28:9

Ümsenginok kra chhiilaq, Tatiwe lei, kiimaq ümwokhong na siti ka shiimanlaq. Tsangshiq ka ümskusekong ümniika tsangshiq rümti; kiimaq tsangshiq ka pattup miitu shiikum panlaq.

Tvtsvmc 33:12

Ümra mungti Shiikeawe wa Tatiwe, kra mungti ka peohea; apaiq raq apaiq riishe nguta tsea wantaq mungti ma peohea!

Tvtsvmc 78:62

Apaiq ka asenginok ma atsan khiqhea riito kriikha na tsangjaqtinok ma tiikhat raüta tsangshiq ka tiijiipbaiqto.

Tvtsvmc 94:14

Tatiwe raq asenginok ka tiishaübaiq mak miraq; apaiq raq awokhong na siti ka miimbaiq mak miraq.

DUNGWVNC 19:5

Riita ümchaü min, namshiq raq ibom ara tai lanta itongshong wokhong na sihan jiila, namshiq ka isenginok shaq ma mijahan. Mangjong hiq tlotli ka Ngi rii dongdii. Shatmaq namshiq ka Ngi raq tingsang atsea arwanha isenginok ma mijahan.

DUNGWVNC 32:9

Ngi raq asapha arnok arka wanshakshak nilan pinthumnok.

DUNGWVNC 33:12

Mosheq raq Tatiwe ma nguto, “Riikhaqli, ümniiraq ngi nang nga ara mungmaiqse arka kra mung na shea wan laq nguta chonglaü. Shatmaq ümniiraq ngi rai ka juwa mitiiwa dam haü kriika chongkuq maü dea. Ümniiraq ngi ka aheawiq asaphaü. Kiimaq ümniika ngi rai tsanhea sitlaü ngutlaü.

DUNGWVNC 34:7

Ngi raq ikiq kham bomtsi ka maiq pat pat ahing amun na saüli thütiikang. Kiimaq abi kiimung nai ngarai kra diikuq tiikang. Shatmaq Ngi riika anyungwe ngarai miitu, asetiim ma kiimaq asaütiim ma kiimaq maiqpat pat tsam na kiimaq patblai na saüli mo tiiho ka tiipoi mang mirha.”

ISAIA 48:4

Ngi raq asapha namshiq ka nilannok ma mijahan nguta, jinbu jamkho tsintlaq ikha tsin dang dang, kiimaq miiki ngam ikha atiiq ma tsinhea.

JEREMIA 10:16

Jakob Shiikeawe ka tsangshiq kiikha riimak; apaiq ka phanrap phanrii tiiqtiwe, kiimaq apaiq raq Israilnok ka asenginok shaq ma tsea wanto. Apaiq mang ka Ajong Pinthum Tatiwe.

Mikha 7:18

O Tatuiwe lei, ümnaq akha, ümsengi ngarai diike wanti ahü. Ümniiraq ümsenginok rejaq song, ngarai diikuq laü. Ümniika pattup khiqruq ka khiq maü, shatmaq ümniiraq naishiq ma, thummak phan mangchan tsü tiichhi kuq tlaü.

JEKERIA 2:12

Thongshiri hali Juda mungti ka Tatiwe ma apaiq asii hiqshong na tsiiqchong nyamchong ma mija wan. Kiimaq Jerusalem ka wiitarü thaq na apaiq tsantsii ranphan chang chela miishe mija wan.

WEAWEA 14:19

Riita ümchaü min, Tatiwe lei, ngi raq achu jaütiikang, ümnaq lungwii tsantsii ümtiikiimin klai kimak phan rümtlaü kriimaq mra ka diikuqlaq. Ümniiraq tsangshiq ka Ejip mung maq wawan li miiphat, ümchaü niitaq saüli jamkho diikuq wan laü kiikha diikuqlaq.”

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

TRI CHONGKE 32:9

Shatmaq Jakob saüsetiim ka apaiq rii she tsea wanto.

TRI CHONGKE 4:20

Shatmaq namshiq ka Ejip mung na watum nyairaitlaq kra mong wa apaiq raq achhii wannok. Apaiq raq namshiq ka ümchaü jamkho apaiq sengi ma jalanta sitlan, kra miitu shun shea wanto.

TRI CHONGKE 9:18

Kra ningkhan jangshiri hali, ngi ka Tatiwe man na hiq na ku wantlii lata ranaiq rawa raroqblai bumkikang. Kiimaq tü adung min siq mang kiimaq kham min nyang mang maq achu jaükang. Ngi raq ara achu jaükang, jamkhano ngukla namshiq raq Tatiwe man na ngarai jonghea tang lan. Lanta apaiq tsan tiikhiq lan.

TRI CHONGKE 9:26

Kriikha na, ngi raq akha achu jaü kang, ‘Tati Rakaü Hiqwe lei, ümsenginok ka naq tiithen baiqkiq dea. Tsangshiq ka ümniiraq Ejip mung wa adok daa wan haü, üm ningkun henghea maq kiimaq üm hongla jong hea maq atsuq wan haü kata.

TRI CHONGKE 9:29

Riita ija, ümniiriili arnok ka ümsenginok she nguta tseatsiiq wan laü kata. Kiimaq ümniiraq tsangshiq ka Ejip mung wa ümningkun henghea maq kiimaq ümhong ümla heng hea maq tsangshiq ka arjaq tsuq wan laü ahata.’