DUNGWVNC 34:10 - ASII LAKDAP Bible (BSI)

¹⁰ Tatiwe raq Mosheq ma nguto, “Ngi raq ümchaü Israilnok rai tongshong tiikang. Tsangshiq rai mantut na Ngi raq ara mangjong hiq na siti maiq mung thun na ümtiikiimin sham mak dongdii phan jaqsham jonghea mishamkuqha. Ngi, Tatiwe raq ümtinkhan jonglu wa jaq shamlot tiikang kra maiqse wiita raq she michhi. Jamkhano ngukla Ngi raq namshiq miitu phiiptsi chang jaq she mishamha.

Hawa Naga Bible 2001

¹⁰ Yehowa rueq Moshe muex ngoc, “Majuiuc ngaz rueq Israel miqsaz htenc rulc bomkhvrc vshiz taq shaungx. Ghaq htauk wawc miqphvnx htenc nuex mkaq muinz shuimx wvnc mauk phvnx yauk shuimc yunghvlc htenc kuex tsuingshiq khaungkac nuex ngaz rueq shuimx shaungx. Mnoz tvkoc ngaz rueq shuimx lot shaungx yauk shuimc kuex vhiz juing ningkhvnc nuex Ngaz, Yehowa rueq shuimx shaungx yauk shuimc yunghvlc htenc kuex miq lotlaz rueq khiz wuez shuex.

DUNGWVNC 34:10 Referencias Cruzadas

2 SAMUEL 7:23

Ümniiraq Israilnok ka maiqdisekong ma aja wa, tiichhiikuq wan laüta tsuq wan laü. Laüta tsangshiq ka ümsenginok miishe tiija wan laü. Tsangshiq tiichhii wan laü kiikhii ka mangjong hiq na maiq mung ahin ka ahü. Ümniiraq tsangshiq miitu jaqsham jonghea pinthum kiimaq awang chang pahea shamkuq wan laü thun kra tsütsa raq ümmang jong tsa ka mangjong hiq tlotli niishe nyam wanto. Ümsenginok raq maiq mung ahin thun khat wan wan sinkhu na wawan wan riitlaq kra phan phan, ümniiraq maiq mung ahin thun nai tsangshiq phra kong thun kra wiita jobaiq wan laü. Tsangshiq ka ümniiraq ümnaq rii, ümsengi ma dongdii nguta Ejip mung na dikong ma aja wa dokda wan laü.

Tvtsvmc 106:22

Kiijaq apaiq raq kai amaochang jaqshamto! Kai amaochang Khamshii Khamjong chum maq shamto!

Tvtsvmc 136:4

Apaiq kli ajong pinthum awang chang jaqshamti; apaiq lungwii ka pattup pat-sa.

Tvtsvmc 145:6

Ningkun aheng maq jaqsham wan laü kra maiqse raq mitsaki wan, kiimaq ngi raq ümjonglu kra chiiriim lata michongkuq wanha.

Tvtsvmc 147:20

Apaiq raq mung ahinti thun ma akhiika shamkuqmak; tsangshiq raq apaiq thungtri thun ka sapmak. Tati tiitsam ronglaq!

Tvtsvmc 65:5

Ümniiraq naishiq achu jaü ka naishiq ma rekhat tiitang kuq laüta trelaü kiimaq ümniiraq naishiq tiiwongke miitu awang chang jaqsham kuq laü. Mangjong maiqse tlotli raq kiimaq khamjong re thun na siti raq ümniima kamtlo.

Tvtsvmc 66:3

Shiikeawe ma ngu ronglaq, “Ümjaqsham thun ka amao chang siisaq! Ümningkun heng ka jonghea kra ningkhan ümjaqti thun ka tsanghaisitsi ma ümjichong na bumtlo.

Tvtsvmc 66:5

Warong ra, lantea Shiikeawe raq jamlaiwa shamtaq kra liiwa rongkiq, maiqse liipan na amao chang shamto.

Tvtsvmc 68:35

Shiikeawe ngao ka phiiptsi rakrak; apaiq asii silaitap maq donghotlaq na— Israilnok Shiikeawe ka! Apaiq raq asenginok ma ahong ala kiimaq ningkun shoqkuqtlo. Shiikeawe tiitsam ronglaq!

Tvtsvmc 72:18

Tatiwe, Israilnok Shiikeawe ka tiitsam ronglaq! Apaiq riili atinkhan amao chang jaqshamtlo.

Tvtsvmc 76:12

Apaiq raq shiikongkhiq siti hokhamsetiim ka ashnun riiwantlo kiimaq ajong hokhambi thun ka phiip ma tiitsaitlo.

Tvtsvmc 77:14

Ümniika awang chang jaqshamti Shiikeawe; ümniiraq üm ningkun ka pongmungti thun ma tiichhi kuqlaü she.

Tvtsvmc 78:12

Tsangtitiim makki na Shiikeawe raq amao chang jaq shamkuqto Ejip mung maq Joan tan maq shamto.

DUNGWVNC 34:27

Tatiwe raq Mosheq ma nguto, “Ara bomtsi thun ara awaiq laüta thülaq. Jamkhano ngukla ara bomtsi thaq na seng lata Ngi raq ümniirai kiimaq Israilnok rai ara tongshong wan tiikang ara.”

DUNGWVNC 34:28

Mosheq ka kiijaq Tatiwe rai raroq blai ranaiq rawa sidamto. Apaiq raq kra bala dung min siq mak kiimaq kham min nyang mak riito. Apaiq kra longpen wiinai kiijaq tongshong bomtsi thun Aming Roqshi kra waiqto.

ISAIA 64:3

Man na akhing ashi na ümnaq satki laü. Laüta naishiq raq tiimara mai phan phiiptsi jiiptsi awangchang jaq sham kuq laü. Pum thun raq ümnaq chhito. Raüta tsang haisitsi ma atiikhai rokrok riito.

JEREMIA 32:21

Awangchang nai amao chang thun jaqsham wan laüta, naishiq jaqti rewe thun ka tiikiinyii wan laü. Ümniiraq ümsengi Israilnok ka ümningkun jong nai ümmang chong arang ajong maq Ejip mung wa tsuq wan laü.

Mikha 7:15

Tati lei, man na ümniiraq, naishiq ka Ejip mung wa, tsuq wan laü akhing na, jamkho amao chang, jaqsham pahea klo wan laü, ikhiisii ümchaü min naishiq miitu awang chang jaqsham kuq laq.

TRI CHONGKE 10:21

Apaiq ka tiitsam ronglaq. Apaiq ka namshiq Shiikeawe. Kiimaq namshiq raq namshiq mak miishe apaiq raq jaqsham jonghea kiimaq akiinyii chang jaqsham pahea namshiq miitu shamkuq wantaq thun kra chhiwan lan she kata.

TRI CHONGKE 32:30

Rewe weshi riili maiq hingshi ka jamkho tangta, kiimaq maiq hingroqshi ka re we anai riili jamkho khatta? Tatiwe, tsang Shiikeawe raq tsangshiq ka tiishaübaiqto; tsang Shiikeawe ahong alawe raq tsangshiq ka miimbaiqto.

TRI CHONGKE 4:13

Apaiq raq namshiq ma, namshiq rai tongshongtaq kra namshiq raq jamkha lang wan chang wa kra chong kuqto. Apaiq raq longpen anai na awaiq kuq Aming Roqshi kriika namshiq raq lang raa dongdii nguta namshiq ma chong kuqto.

TRI CHONGKE 9:19

Ngi ka Tatiwe tsankhiq henghea kriima haikang. Jamkhano ngukla apaiq tsankhiq henghea kha maq, apaiq raq namshiq ka miqchup tiithen baiq la nguta danto. Li jiimin, jangshi ri hali Tatiwe raq ngi achu jaü ka tre kuqto.

JOSHUA 6:20

Krai mren ramwebi raq lerong ka tsütrangto. Sreabi raq lerong tsüwa trang kra tai raüta, tiihong raüta gitrangto. Krai mren, chela tro ruk ka riidungtsok tham wanto. Kiijiishe Israilnok rewebi raq, lamha kra dürang raüta chela mong na khat wanto. Raüta chela ka jiiwanto.