Mikha 7:18 - ASII LAKDAP Bible (BSI)

¹⁸ O Tatuiwe lei, ümnaq akha, ümsengi ngarai diike wanti ahü. Ümniiraq ümsenginok rejaq song, ngarai diikuq laü. Ümniika pattup khiqruq ka khiq maü, shatmaq ümniiraq naishiq ma, thummak phan mangchan tsü tiichhi kuq tlaü.

Hawa Naga Bible 2001

¹⁸ O Yehowa lex, mnoz rulc rv-ngvlc jix vganc tishox vguez; kvjungx yaq mmiqsaz htenc rueq khawx lvlx yaq mvrax htenc kuex dawc kuq shuiuz, mnoz kuex pattup thuinkhaq vtuiux rvmuq, yuq muinz mnoz kuex nuiyshiq muex phaungx ngaungx yaq lungwawc thuinz taq vshuiux.

Mikha 7:18 Referencias Cruzadas

RAPHA HIQWA LAK 4:7

Ümniiraq riikhaqli shamlaü jiika, naihü hihe mirhaüwa. Shatmaq ümniiraq abi klo laü kha na, ngarai ka ümkilamda na tiipaü raüta ümnaq ka kaqho ma khetlo. Ngarai raq ümniika jamshaho dantlo. Shatmaq ngarai ka ümniiraq tang chang.”

1 HOKHVMX 8:23

Raüta akha achu jaüto, “Tatiwe Israilnok Shiikeawe, ümnaq akha phra shiikea ka ramungtan niimin ahü, kiimaq mangjong hiq mong nyang niimin ahü! Ümniiraq ümwokhong na tsapkapkap maq ümbom tai raüta siti ümsenginok ma, ümtongshong kiqkham bomtsi ka riikhaqli maq thütlaü kiimaq ümmangchan tsü ka tsangshiq ma tiichhi kuqtlaü.

2 KAÜWA WERAÜ 30:9

Kiimaq namshiq ka Tatiwe wokhong na hali nyap wan nong han la, namphu namnotiim shumwikong ma pong mung na tsuq wantaq kriiti raq tsangshiq khuthaq na mangchan tsantsii mithii. Raüta tsangshiq ka jam na hali mitiijang wan nong. Namshiq Tatiwe namshiq Shiikeawe ka mangchan heawe kiimaq tiihang wan mangchan riimtiwe. Kiimaq namshiq ka apaiq wokhong na hali jang wan han la, apaiq raq namshiq ka awokhong na hali mitiisi wan nong.”

2 KAÜWA WERAÜ 6:21

Ngi achu jaü tiikang thun ara tailaq kiimaq ümsengi Israilnok raq ara hiqba nü na nyi raüta achu jaütlaq kra trekuq laq. Ramungtan na ümjam jong maq naishiq achu jaü ka tai laq kiimaq naishiq ngarai ka diikuq laq.

NEHEMIA 9:17

Tsangshiq raq ümkiq akhü riiwanto; ümniiraq ümtin khan wa, tsangshiq miitu jaqshamkuq laü, wiita laqbaiqto. Ümniiraq ümtinkhan wa awang chang, jaqsham kuq laü, wiita she laqbaiqto. Raüta tsangshiq khünga tsantsii tri maq, tsangshiq khuthaq na, wela ashi shong wanto. Raüta Ejip mung na, di ma jaki nong rong i nguta, jangho danto. Shatmaq, ümniika mra diike wanti Shiikea. Ümniika kaphap mangchan, rümtiwe, kiimaq pinthum lungwii tsantsii, rüm wantiwe. Ümniika khiq saq khiq maü phan. Ümniiraq rüm tlaü tiihang wan mang chan ka jonghea. Ümniiraq tsangshiq ka, tiishaü baiq maü riilaü.

Tvtsvmc 103:13

Awe raq asetiim jamkho lungwiitlaq, ikiikha Tatiwe raq apaiq shrengtibi lungwiitlo;

Tvtsvmc 130:4

Shatmaq ümniiraq naishiq mra diikuqlaü, kra ningkhan naishiq ka ümmakki na pinthum khakii wala chaptiikai.

Tvtsvmc 35:10

Tsan nai mongjii wiita kuqlata ngi raq Tatiwe ma minguha, “Ümniikhan ka ahin jumin ahü. Ümniiraq jehin norebi ka ahong alabi jaqkhon wa tiiwong kuqtlaü, miitsan maiqsetiim ka tsangshiq haihiiti jaqkhon wa tiiwongkuq tlaü.”

Tvtsvmc 65:3

tsangshiq ngarai thun miitu. Naishiq shutphit thun raq naishiq tiidea baiqtlo, shatmaq ümniiraq kriithun ka diikuq laü.

Tvtsvmc 65:4

Kechu jonghea juwa ümniiraq tsea tlaü, tsangshiq ka ümniiraq asii ümjam na tiisi wan tlaü. Naishiq ka ümjam na athuk atsom thun kra miitu khoqriiqkhiq misi hai, asii üm Shomjam achu shiiman kra miitu.

Tvtsvmc 71:19

Shiikeawe lei, ümnaq kechu ka, ra thun niishe saü wanto. Ümniiraq jaqsham thun jonghea sham wan laü, ümniikhan ahinti jumin ahü.

Tvtsvmc 86:15

Shatmaq, O Tatiwe lei, ümniika tiihangheawe kiimaq lungwii Shiikeawe, wranaiqshe ninwan ruq, wranaiqshe lungwiihea kiimaq tsapkapkap.

Tvtsvmc 86:5

Ümniika naishiq ma ahea kiimaq naishiq mra diiketi, tiipitmaüphan lungwii ka ümjaq wa achu jaüti ma sitlo.

Tvtsvmc 89:6

Ramungtan na ümniikhan ka ahin jumin ahü, Tatiwe lei; ramungtan na siti winji kong wa ümniikhan jumin ahü.

Tvtsvmc 89:8

Tati Shiikea Ajong Pinthumwe lei, ümniikhan ningkun ajong rümti ahin ahü; phanrap na ümniili tsapkapkap jaqshamti, O Tatiwe lei.

DUNGWVNC 15:11

“Tatiwe lei, ümnaq khan phra phong na asi sha? Ümnaq khan, asii pinthum asi sha? Ümniiraq shamtlaü khan awang chang nai ningkun aheng jaqshamti asi sha?

DUNGWVNC 34:9

Apaiq raq nguto, “Tatiwe, ümniika ngohea shaq shaq ngi ma khoqriiq tlaü jiila, ngi raq ümniika naishiq rai adam na wa i nguta tiipaiqnea tiikang. Arnok arka nilan wanshak shak nok. Shatmaq naishiq abi kiimung nai ngarai ka adii riikuqlaq. Kiimaq naishiq ka ümsenginok shaq ma rümshat riilaq.”

ISAIA 1:18

Tati raq ngutlo, “Riita ümchaü min bom ka riichong i. Ümkhum ka ngarai na tiitsam laüta maiq tiijai maq tlo laüta shiiroro she sitlaü. Shatmaq Ngi raq ümniika tsakhiiq ikha siirairaihea lüdiidii hea she mihekuqha. Ümkhum ka ngarai maq alorat kha maq, among tsaühea na saüli achhe wan kun she shiiroro ma she, li jiimin, Ngi raq ümniika umnirai railü tam ikha lüdiidiihea she mitlü kuqha.

ISAIA 33:24

Namung na siti maiqse phong wa jurmin atsi chamchao tiikang nguta shakshaq mak she miraq. Kiimaq ngarai thun ka siirai she midiikuq wan.

ISAIA 38:17

Itsi chamchao ka hansang miishe mija wan. Ümniiraq ngi ka phanrap haisi chang wa tiichhii laü; Ümniiraq ingarai thun wiita diikuqlaü.

ISAIA 40:18

Shiikeawe ka jurai wa mithapthi? Apaiq ka jamkhiiwa kra ümniiraq jamkho mishton haü?

ISAIA 40:25

Asii Shiikeawe ka jamlai rai wa mithapthi? Apaiq khan maiq ka weshi ra asi shea?

ISAIA 43:25

Kiitinkhan taü maq dongdii min, Ngi ka Shiikeawe, ümngarai thun diiketi, kiimaq Ngi raq arthun klotiikang arka Ngi ka Ngi dongdiiwe ngokha maq shamkuqtiikang. Ngi raq ümngarai thun ka ümniima tiihoruq tiiho mang she.

ISAIA 44:22

Ngi raq ümngaraibu ka phumda ikha tsuqbaiqkang she. Ngi phana jang wa nongkiq; Ngi ka ümnaq chhiiti.”

ISAIA 55:7

Abi maiqsetiim raq tsangshiq lamphan kra mibaiqthülaq, raüta tsangshiq tiima tsantsii kra aklai mirwanlaq. Raüta tsangshiq ka Tatiwe, nashiq Shiikeawe wokhong na minyap wanlaq; apaiq tiihang mangchan jonghea kiimaq jaqloli mra midiikuq.

ISAIA 57:10

Namshiq ka ahin phra thun kra ritkot kai riitsitsaitsiiq hunnii raitlan. Shatmaq namshiq ka nungpaq man phan. Namshiq riika namshiq sumla phra kong khuhü kheahü thun kriiraq namshiq ma ningkun kuqtlo nguta tiimatlan. Krai mren, namshiq ka huntsi niitsi ngutiimin sap man sitlan.

ISAIA 57:16

Ngi raq isenginok ma rilung kuqkang. Kiimaq Ngi raq tsangshiq ka tiishut wan ruq ka tiishut mangshe. Riimakla tsangshiq rai pattup pat-sa tsan tiikhiq ruq ka khiq mang she.

ISAIA 62:5

Jerowe raq junsangse ka atanyung ma lam wantlaq ikha, Ümnaq phansangti raq ümniika achak ma milam wan. Alam wantiwe raq junrii nyung ma chochitlaq ikha, Üm Shiikeawe ka ümniima michochi.

ISAIA 64:9

Arningkhan ümniika naishiq ma khiqriq hea naq khiqkiq. Riimakla naishiq ngarai ka pattup miitu ümtsan na naq thükiq. Naishiq ka ümsenginok. Naishiq ka tiihang wan ruq riilaq.

ISAIA 65:19

Ngi armin chojong chise miili she misiha. Jamkhano ngukla Jerusalem nai asenginok kra chhilata michochi wanha. Kriijaq aho anyi ka ahü she miraq. Akhrum jaüti min ahü she miraq.

JEREMIA 3:12

Apaiq raq ngi nangnga Israil phana kilaüta akha chongkuq kikiq nguta thaüto, “Sethoq nyung Israil lei, iphana jangwa nongkiq. Ngi ka mangchan heawe kiimaq khiqbi mangwe. Ngi raq ümniima pattup tsankhiq tsü ka thü mang.

JEREMIA 3:5

Ümniika ngi ma pattup ka khiq maü mirhaü. Ümniika ngi rai tsankhiq bisi miili ka simaü mirhaü’ nguta ngutlaü. Israil lei, ümniiriika kiikha ngulaü. Shatmaq ümniiraq abi ngarai jaqsham ka ümchuwa ümniiraq atang tang klo wan laü.”

JEREMIA 31:20

“Israil lei, ümniika ise ngi raq pinthum mangchan tiikang. Ümtiikiiwa Ngi raq ümmang chong tiikang, Ngi raq ümniika lungwiikhiq maq tiimasiq tiikang. Imongjii ka ümnaq miili rantlo; Ngi raq ümniika mitiihangha.

JEREMIA 31:34

Tsangshiq phong wa jurmin akongtiwe ma Tatiwe ka sap wan laq nguta shrinke wan ngomin rarai mak she miraq. Jamkhano ngukla, tsangshiq wiitarü raq Ngi ka misap. Nosese maq phawan raüta nolajong pinthum na saüli, tarü raq ngi ka misap wan. Ngi raq tsangshiq ngarai thun ka wiita midii kuq wanha. Krai mren, Ngi raq tsangshiq shutphit thun kra itsan na tiitsang mang she mirha. Arka Ngi, Tatiwe raq toqtan tiikang.”

JEREMIA 32:41

Ngi ka tsangshiq miitu shamhea kaiwa shamke wan niilishe mikhoq riiq siq wanha. Lata Ngi raq tsangshiq ka armung arjaq pattup miitu she mitiishong nga wanha.

JEREMIA 33:8

Ngi raq tsangshiq ngarai imakki na photwot samsaü ikha theahea klo wantaq kra wiita she mitiisiibaiq wanha. Lata tsangshiq mra thun ka wiita she midii kuq wanha. Kiimaq tsangshiq raq ikiq khiiwantaq kiimin itsan na thümang she midiibaiq wanha.

JEREMIA 38:8

Kra ningkhan, Ebedmelekh ka kiijaq wato. Raüta hokhamwe ma akha chongto,

JEREMIA 50:20

Kra akhing she saü wan raüla, Israilnok mung na ngarai ka ahüshe miraq. Kiimaq Juda mung na abi kiimungti ka ahüshe miraq. Jamkhano ngukla, Ngi raq ümchuwa khupwong kuq wan kang maiq thun ngarai ka adiishe mirbaiqha. Arka Ngi, Tatiwe raq toqtan tiikang.”

JEREMIA 9:24

Shatmaq maiq ashi ra raq tiitsakisea rotlaq jiila, apaiq raq ngi ka asap kiimaq ngi ka juwa kra asap she nguta kra miituli mitiitsakilaq, jamkhano ngukla ngi lungwiitsii ka tiipit mang phan, kiimaq ngi riika tingting kappe maq tri ka shin tiikang. Arthun arkata ngi tiichochi chang jaqsham. Arka, Ngi, Tatiwe raq ngutiikang.”

EJEKIEL 18:23

Tati Rakaü Hiqwe raq, “Namshiq nga, Ngi ka abiwe tsaitlaq kra liisea lungwiitlo ngutiisha tiima tlan?” nguta waito. “Riimak. Ngi riika apaiq ngarai kra tiidii raüta, atra siwan chhiro tiikang.

EJEKIEL 33:11

Tsangshiq ma chonglaq, Tengteng. Ngi, Tati Rakaü Hiqwe ka atra Shiikeawe. Ngi raq ngarai maiqse ashi tsai wan kra rosi mang. Ngi riika apaiq raq ngarai klo kra thaqbaiq raüta atra siwan kli rotiikang. Israil lei, ümniiraq abi kiimungtlaü kra thaqbaiq tlolaq. Ümniika jaram tsai wa rotlaü?

EJEKIEL 33:16

Apaiq raq ngarai ümchuwa klo wantaq kra Ngi raq adii mirbaiqha. Kiimaq apaiq ka atra misi, jamkhano ngukla apaiq raq riikhaqli kiimaq ahea jaq shamto.

DANIEL 9:9

Naishiq raq ümkiq khiiwan kai li jiimin, ümniika tiihang wan mangchan rümti, kiimaq ngarai diiketi.

Hosea 14:2

Tatiwe phana jangtlo ronglaq. Akha achu jaü ronglaq, “Naishiq ngarai diikuqlaq. Naishiq achujaü tre laq. Ümniima kiqkhamkuqkai, kra phanphan mishomnoq kai.

Hosea 14:5

Tsamjang maimak longkaü ikha kealoklok. Ra mitiijun ha Israilnok ma. Khiqra wak tsamhea ikha Israilnok mijong wan. Lebanon pum wa pero ikha, arang phataqtaq micham wan.

Yoel 2:32

Kiijiishe jurwa Tatiwe mang chong tlaq, kriiti thun mitiichhii wan. Arka Tatiwe raq, ‘Jerusalem wa ngi raq tsea wan kang thun mitiichhii wan,’ ” ngutaq kra phanphan miraq.

AMO LUIK DVP (AMOS) 1:11

Tatiwe raq ngutlo, Edom mungti raq atang wan ngarai ma, hiq ma ra ma she tangwanto. Arningkhan ngi raq tsangshiq tiijoq mang. Jamkhano ngukla tsangshiq raq, tsangphuno Israilnok tiikot mrot joraüta, wiita tsat wanto. Tsangshiq tsankhiq wa maq, chaq wan ruq chaq wanto.

AMO LUIK DVP (AMOS) 7:8

Kiijiishe Tatiwe raq ngi ma waito, “Amos ümniiraq jamlai wa chhitlaü?” Kiijiishe ngi raq, “Jam tru shin chang jinpo apaq raülo chhitiikang,” nguta trekang. Kiijiishe Tatiwe raq chongto. “Liilaq, ngi raq isenginok ka, jam tru shin chang jinpo raülo maq shinkang, Lata tsangshiq ka aru shea akong wa, nguta shin tiikang. Ngi raq tsangshiq ka atsea baiq chang nguta, thapthi kang, kriika klai mang she.

AMO LUIK DVP (AMOS) 8:2

Tatiwe raq, “Amos ümniiraq jamlai wa chhitlaü?” nguta waito. “Petsi raqhiishi ama tuptup chhitiikang,” nguta ngi raq trekang. Kiijiishe Tatiwe raq ngi ma chongto, “Isengi Israilnok thumwan akhing saüto she. Ngi raq tsangshiq ka tiijoq mang. Mitiichamchao ha dongdii. Tsantsii ka klai mang she.

Jona 4:2

Krai mren, apaiq raq akha achu jaüto, “Tatiwe ngi raq naimung maq mitiido wan shaq na, ümniiriika akha mangchan mitiichhi kuq haü nguta chongkang ihata? Kra ningkhan tiina, ngi ka Spen mung na juwan la nguta dankang ira! Ngi raq ümniika kaphap wanti Shiikeawe, kiimaq lungwii tsantsii jonghea rümtiwe, mokhiq min khiq maü phan, kiimaq mangchan tsantsii rangchong kiimaq atsa asha chang wiimin tsa sha maü maq senaino tiikhup wongke wanti.

Mikha 2:12

Shatmaq Tatiwe raq ngutlo, “O Israilnok lei, Rejaq song ka ngi raq mirchomha. Namshiq wiita rü adam na mitriitamha. Skusekong akheti raq shea wantlaq ikha, Sku rümchang nyiimlung rüram na; Skukong atsamphaq haisiq tlaq ikha, Israil mung ka pahea ra ma hiq ma hali, mitiipu wan nong ha,” nguta Tatiwe raq ngutlo.

Mikha 4:7

Tsangshiq ka achuk akü luhea mung na. Shatmaq aso tiichong tlaq kiiwa, ngi raq mung anye tingsang niishe mitiichhan chhi wan ha. Tsang mung ka jonghea ashi miishe mija wan. Kra akhing miishe ngi raq, tsangshiq ka Jajon pum maq, ngalata pattup pat-sa miitushe mi peng wan ha.”

Mikha 5:3

Arningkhan ümchaü sanha, Tatiwe raq asenginok ka, chiqse rewe jaq mong niishe milikuqbaiq. Arka chongkai jechak nyung raq, nowüchhi akhing misaüshaq wiiwii. Kiijiishetiq aphu ano munglu asiwati kiimin, tsangmung niishe adam misi wan.

Mikha 7:14

O Tatiwe lei, ümsengi ümniiraq atsea wan haü, skukong ikha rüm laq. Tsangshiq ka kumtsai phü binjü na sitlo. Li jiimin, tsangshiq sichang hiqtro ka, hiqpo hiqwin jonghea asi. Man na rathup rapha na tsangshiq, Shong chang dongdii, Bashan wang nai Gilead wang binjü na, nyamse dung chang, nyiimlung ram kiijaq, tiishong wan nong laq.

JEPHANIA 3:17

Tati üm Shiikeawe ka, ümniirai asi. Apaiq ningkun jong maq ümniima, rekhat mitiitangkuq. Tatiwe ka ümniima michochi, Kiimaq apaiq lungwii wokhong maq, ümniima rilung anye she mikuq. Apaiq ka ashi ange miraq, kiimaq ümniima pinthum michochi,

WEAWEA 23:21

Ngi raq Israilnok rawiichii rilung chhikang she Apaiq miitu kaükhea la-nyea ahü, riimakla chamchao ahü miraq. Tatiwe tsangshiq Shiikeawe ka tsangshiq rai; Tsangshiq raq lachong dok dok apaiq ka tsangshiq Shiikeawe ngutlo.

Luke 15:32

Shatmaq, ümchaü akhing akha ahea ranaiq arka, nashiq raq khoqriiq shishiiq maq, poi ka klo chang. Ara jamkhano chongtiikang ngukla, ümno ka ama arki wa, ümchaü ka atra she. Apaiq ka amo arki wa, ümchaü ka hum kai she.’ ”

Luke 24:47

Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.

Romans 11:4

Riita, Shiikeawe raq kra bomtsi ka jamkho treta? Shiikeawe raq bomtsi ka akha treto, “Ngi raq i sengi ngi rii, maiq hingmiishi pong na rairii lata, thü wan kang she. Tsangshiq raq, arot phra Baal ka shomnoq wan mak dea,” nguta treto chhi tiikai.

TRI CHONGKE 33:26

Israilnok lei, namshiq Shiikeawe kiikha ahin shiikea ahü, achai anyii ra na siimko maq riita siimko na saüli chaotlo, phumda mong maq chaoho raüta ümnaq khrumkai kitlo.

James 2:13

Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.

PHOWEBI 10:16

Krai mren she, tsangshiq raq pongmung phra thun ka wiitashe miimbaiqto. Raüta Tatiwe ka shomnoqto. Kiimaq apaiq kiimin Israilnok chamchao kra chhi raüta, kaishak miili ka liilot mak she riito.