Mikha 7:17 - ASII LAKDAP Bible (BSI)

¹⁷ Tsangshiq ka paü ikha botkhu thaq niili she mitiihit. Tsangshiq ka hiqshong peruk mong wa, ahaisitsi ma atiikhai rokrok midongho. Tsangshiq ka ahai lam maq, nashiq Tati Shiikeawe phana misaü wan, Tsangshiq ka ümniima haisong raüta michap wan.

Hawa Naga Bible 2001

¹⁷ Tsuingshiq kuex puiuc ikhoc ghaq nuex kvhet khuemx wvnc tuex; tsuingshiq kuex tsuingshiq ghaqshungc phaungx hvlc mungx kvwawc kvkhuirc yaq lvmx maq dung kaz wvnc wuez tuex. Tsuingshiq kuex Yehowa naungshiq Tishox kox nuex hiyaz yaq lvmx maq yek waung tuex.

Mikha 7:17 Referencias Cruzadas

2 SAMUEL 22:46

Tsangshiq tsaiji tiikompot she ngiikito; raüta tsangshiq chela ruk mong thun wa, ahok ajaq tiikhai rokrok ijichong na, riiphong wanto.

2 KAÜWA WERAÜ 17:10

Tatiwe raq maiq mung thun trotam na siti ka Jehoshaphat rai riikhat kai ma tsanghai tiisito.

Tvtsvmc 18:45

Tsangshiq raq khumak she riitlo, raüta tsangshiq chela thun ruk mong wa atiikhai rokrok ngi phana watlo.

Tvtsvmc 72:11

Hokhambi thun wiitarü raq ajichong na bum raüta minoq wan; Maiqphan tlotli raq apaiq minoq wan.

Tvtsvmc 72:9

Kumtsaiphii mung na sitinok ka ajichong na bum raüta minoq wan; ajaqtinok thun ka ajichong na mibum wan.

Tvtsvmc 9:20

Tsangshiq ka phiip raq mitsai laq, O Tatiwe lei; tsangshiq ka miinan hiqdali nguta tiisap kuqlaq.

ISAIA 25:3

Ningkun jonghea rümti maiq mung thun raq ümmaq mitiitsam; maiq mung thun bihea phan chela thun na sitinok riimin, ümniimiika phiiptsi rakrak mihaisong.

ISAIA 49:23

Hokhambi ka ümniima awe ma mija wan; hokham nyungre ka ümniima anyung re ma mija wan. Tsangshiq ka ümkhaki na hiq na bum raüta ümnaq minoq; tsangshiq ka aransetiim ja raüta ümniima shreng manto mikuq. Kiijiishetiq ümniiraq Ngi ardea Tatiwe nguta misaphaü; ijaq wa khrum jaü khetiti ka ju min jaqmii tiijangbaiq mak miraq.”

ISAIA 59:19

Shedong mung maq riita shenyap mung na saüli, maiqse kunli raq apaiq miishe mihai song wan. Apaiq raq ningkun jonghea riimtlaq kra chhi raüta mihai song wan. Apaiq ka jüchhang jonghea ikha misaü wan, kiimaq rathaiq henghea ikha misaü wan.

ISAIA 60:14

Ümnaq ji maq nishi haihiiti setiim thun misaü wan, Raüta ümji chong na bum raüta ümnaq mishreng. Man na akhing ashi na ümnaq saisiti raq ümjichong maq ümnaq mishomnoq, Tsangshiq raq ümniika, ‘Tatiwe chela’ nguta mingu, ‘Jajon ka, Israilnok asii Shiikeawe chela’ nguta mingu.

ISAIA 64:2

Tsangshiq ka khamtak wa na atiida kham phomraitlaq ikha mitiikhai siq wan. Kira satkikiq. Laüta ümningkun ka ümjaqtinok ma tiichhikuq laq. Kiimaq ümman na maiq mung thun kra akii anyii miphiipsiq laq!

ISAIA 65:25

Shekong nai skuse aransetiim ka adam na hai raüta sangphii miphaq. Hangsikong riimin minsaü kong raq phaqtlaq ikha tsamkü shin miphaq. Kiimaq paüsang nyiqla kong miimin ahai chang ka ahü she miraq. Jajon chela na, ngi asii hiqlam na, kiijaq maiqse ma ahai song chang phan ka ahü she miraq. Kiimaq abi ati phan ka ahü she miraq.”

ISAIA 7:19

Tsangshiq ka saüwan raüta longraq jüwii hong thun na kiimaq chongkhong longshabok thun kiina, kiimaq shuktam ro thun kiina kiimaq nyamse rümchang chang nyiim lung ram thun kiina wiita ama mibok wan.

JEREMIA 16:16

Tatiwe raq ngutlo, “Ngi raq ngiq khupti maiq pahea tiihea wakang. Lata arnok ara mitiikhupha. Kra latiishe Ngi raq ngamhiipti kong maiq pahea mitiihea wanha. Lata tsangshiq ma Israilnok ka pum aweatek wa kiimaq ku akin aweatek wa kiimaq chongkhong longsha aweatek wa, longraq mong wa wiita kunkun mitrit wanha.

JEREMIA 33:9

Jerusalem ka Ngi ma chochi raikuk, khushü tiijongti, kiimaq imangchong tiijongti she miraq. Mangjong hiq na siti maiq mung thun pahea raq atiikhai rokrok raüta mishreng wan. Jamkhano ngukla, Ngi raq Jerusalem chelati miitu ümtinkhan wa athuk atsom jaqsham kuq wan tiikang kiimaq Ngi raq chelati miitu ümtin khan wa achi achet chiithe liiwa tiijakuq wan tiikang kra tsütsa ka tsangshiq raq mitai wan.”

AJONJÜ 3:29

Nashiq raq tsan tiibum laita, nin wan haijaq ahea. Kra riihai jiila aran chang ka asi li sham.

JEKERIA 14:5

Namshiq ka ara pum heawea na hiqwiikaü kriimiishe maiqmii chiimjin miju han. Namshiq ka man na namti namwe pat na hokham Ujjia pat na hiqjong mu raüta pintrang taq kiikhii she mipin trang han. Kra akhing na Tati i Shiikeawe raq apaiq rasetiim sheaho raüta miki.

TRI CHONGKE 32:24

Tsangshiq ka ramdong raq nai tsidong raq mitsai; tsangshiq ka phiiptsi chang thadong raq mitsai. Ngi raq rum ngam kong tiiki lata tsangshiq miitiikaqha, kiimaq alai henghea paükong tiiki lata mitiithaüha.

JOSHUA 9:24

Tsangshiq raq treto, “Shiilangwe lei, naishiq raq akha jamto klokai ngukla, naishiq raq tengteng bom ka akha taikai, Tatiwe namshiq Shiikeawe raq ajaqshi se Mosheq ma, apaiq raq armung ara kunli namshiq ma kebaiq wan miitu aming ake kun she. Krai mren, namshiq raq armung ka long wan wan lanta, maiq thun ka ajiipbaiq wan nguli mirhan nguta asaphai. Naishiq raq ara klokai ka, namshiq ma haisitsi ma phiip laita klokai. Naishiq raq naishiq miisaq tiichhii wan miitu klokai.

Revelation 3:9

Tai rong laq! Kiijaq siti Thawe sengi arot kong raq, tsangshiq ka Jehudinok nguta tiichong tlo. Shatmaq, arot. Ngi raq tsangshiq ka namshiq jichong na mitiibum ha. Raütiq tiina, tsangshiq raq, namshiq ka ngi raq lungwii tiikang dea nguta misap.

1 SAMUEL 14:11

Krai mren, tsangnai raq tsangnai sham ka Philistainnok ma tiichhito. Kiimaq Philistainnok riimin akha nguto, “Liirong laq! Jehudinok wiijamti ka longkhong bok na atiipaü wa dongrai hotlo!”