Mikha 7:19 - ASII LAKDAP Bible (BSI)

¹⁹ Ümniiraq naishiq ma tiihang mangchan mikuq haü. Ümniiraq naishiq ngarai ka, ümji maq nishishi minibaiq haü. Laüta sammok tra chum na midobaiq haü!

Hawa Naga Bible 2001

¹⁹ Mnoz rueq nuiyshiq muex laukshiz hulawx menjenc yek phux. Mnoz rueq nuiyshiq mvrax htenc kuex yaz maq nuiuz gay shuiux, kvruex htenc kuex svmuktvrax phawx rawz nuex tuip gay shuiux.

Mikha 7:19 Referencias Cruzadas

2 SAMUEL 24:14

Kiijiishe Dawit raq treto, “Ngi ka jamkha ijasiq she! Shatmaq ngi ka maiqse mo ka horo mang. Tatiwe apaiq jaq maq nashiq ka mitsatson laq. Apaiq ka mangchantsi hea we.”

Tvtsvmc 103:12

Shedong mung ka shenyap mung maq ümloqluwa, kloq na nashiq ngarai thun ka apaiq raq tsuqbaiqtlo.

Tvtsvmc 130:8

Apaiq raq asengi Israilnok mitiichhii kuq tsangshiq ngarai mong wa.

Tvtsvmc 85:3

Ümniika tsangshiq ma khiq maüshe tsaqlaü laüta tsangshiq khuthaq na ümtsankhiq sru ka atiitsaq riibaiqlaü.

ISAIA 33:24

Namung na siti maiqse phong wa jurmin atsi chamchao tiikang nguta shakshaq mak she miraq. Kiimaq ngarai thun ka siirai she midiikuq wan.

ISAIA 38:17

Itsi chamchao ka hansang miishe mija wan. Ümniiraq ngi ka phanrap haisi chang wa tiichhii laü; Ümniiraq ingarai thun wiita diikuqlaü.

ISAIA 43:25

Kiitinkhan taü maq dongdii min, Ngi ka Shiikeawe, ümngarai thun diiketi, kiimaq Ngi raq arthun klotiikang arka Ngi ka Ngi dongdiiwe ngokha maq shamkuqtiikang. Ngi raq ümngarai thun ka ümniima tiihoruq tiiho mang she.

JEREMIA 31:20

“Israil lei, ümniika ise ngi raq pinthum mangchan tiikang. Ümtiikiiwa Ngi raq ümmang chong tiikang, Ngi raq ümniika lungwiikhiq maq tiimasiq tiikang. Imongjii ka ümnaq miili rantlo; Ngi raq ümniika mitiihangha.

JEREMIA 31:34

Tsangshiq phong wa jurmin akongtiwe ma Tatiwe ka sap wan laq nguta shrinke wan ngomin rarai mak she miraq. Jamkhano ngukla, tsangshiq wiitarü raq Ngi ka misap. Nosese maq phawan raüta nolajong pinthum na saüli, tarü raq ngi ka misap wan. Ngi raq tsangshiq ngarai thun ka wiita midii kuq wanha. Krai mren, Ngi raq tsangshiq shutphit thun kra itsan na tiitsang mang she mirha. Arka Ngi, Tatiwe raq toqtan tiikang.”

JEREMIA 33:8

Ngi raq tsangshiq ngarai imakki na photwot samsaü ikha theahea klo wantaq kra wiita she mitiisiibaiq wanha. Lata tsangshiq mra thun ka wiita she midii kuq wanha. Kiimaq tsangshiq raq ikiq khiiwantaq kiimin itsan na thümang she midiibaiq wanha.

JEREMIA 50:20

Kra akhing she saü wan raüla, Israilnok mung na ngarai ka ahüshe miraq. Kiimaq Juda mung na abi kiimungti ka ahüshe miraq. Jamkhano ngukla, Ngi raq ümchuwa khupwong kuq wan kang maiq thun ngarai ka adiishe mirbaiqha. Arka Ngi, Tatiwe raq toqtan tiikang.”

AJONJÜ 3:22

Kra bomtsi ka ara: Tatiwe mangchan, nai apaiq tiihang wan tsii ka siruq miraq.

AJONJÜ 3:32

Apaiq raq nashiq ma chamchao ka mitiisaü, Shatmaq apaiq raq nashiq mangchan ka, tengteng kiimaq pharangrang.

EJEKIEL 18:22

Apaiq ngarai thun kra wiita adii mirbaiq wan, kiimaq apaiq ka atra misi wan. Jamkhano ngukla apaiq raq jamlai wa riikhaqli kra kloto.

EJEKIEL 39:29

Ngi raq i wenyi ka Israilnok khuthaq na minyuk kuq wanha. Kiimaq Ngi raq imaklii ka tsangshiq phanü wa jainong ka ümtiikiimin shung thü mang she mirha. Arka Ngi, Tati Rakaü Hiqwe raq chong tiikang.”

DANIEL 9:24

“Shiikeawe raq, namshiqnok nai asii chela kra ngarai kharü mong wa nai ashut kharü mong wa tiichhiike wan miitu, rahiq jipi akhing ka, jang miishi maq rawii roqmiishi tiihong thüto. Ngarai ka midii kuq. Kiimaq pattup pat-sa miitu tingting kha miphokuq wan. Krai mren, riisham bomchong nai shammibi bomchong ka wiitashe mikupi wan. Kiimaq asii Shomjam kiimin jangshi ri hali Shiikeawe ma mikiinong kuq wan.

Hosea 14:2

Tatiwe phana jangtlo ronglaq. Akha achu jaü ronglaq, “Naishiq ngarai diikuqlaq. Naishiq achujaü tre laq. Ümniima kiqkhamkuqkai, kra phanphan mishomnoq kai.

Hosea 14:4

Tatiwe raq ngutlo, “Isenginok iwura maq mitiihamha, Tsan nai mongjii kuq lata, tsangshiq milungwii nongha. Tsankhiq walü thumto she. Tsangshiq khu min liiqkang she.

JEKERIA 3:4

Kiijiishe rase raq ramungtan wa aki apaiq jaqtiihaptibi kiima, “Arwe dü na khea ashe sam tlaq kra achhut riibaiq rong laq” nguta thaüto. Kiijiishe ngi raq Joshua ma, “Ngi raq ümngarai ka diibaiq kang she. Lata ümniima tsomhea rohun anye she tiisamkuq kang,” nguta Joshua ma chongto.

Romans 6:14

Ümchaü sanha, namshiq raq ngarai ka namtijong we ma tiija wan raa mak she. Ümchaü, namshiq ka thungtri jaqkhon mong niika siman she. Shatmaq, Shiikeawe kaphap mangchan wokhong mong niishe sitlan.

Romans 8:13

Ara jamkhano chong tiikang ngukla, namshiq rilung ka, han-ngam tiima tsantsii raq jamkho thaü tlaq, kra phanphan la shongnga han jiila, namshiq ka kamto mitsai han ngushat. Shatmaq, namshiq khum na ngarai jaqsham thun ümchuwa sitlaq kra, namshiq khum na Asii Wenyi sitlaq kra ningkun maq, wiita thumthum, tsatbaiq wan han jiila, namshiq ka atra misi han ngushat.

TRI CHONGKE 30:3

Tatiwe nam Shiikeawe raq namshiq ka atiihang mirwan. Apaiq raq namshiq ka pong mung thun kriiwa, apaiq raq namshiq wan baiqtaq mung thun kriiwa mitiijang shea wan nong. Raüta apaiq raq namshiq ka chiithe lüwanok miishe mitiija wan nong.

TRI CHONGKE 30:6

Tatiwe üm Shiikeawe raq ümniima kiimaq ümsaü ümsetiim ma phaqchii nichii tsantsii mikuq. Krai mren, ümniiraq apaiq ka ümtsan ümmong jii wiita kuq laüta milungwii haü, kiimaq ümniika rilung alu maq kra mung na shong nga wan ruq mirhaü.

TRI CHONGKE 32:36

Tatiwe raq asenginok mitiichhikuq, ümtiikiiwa tsangshiq ningkun thum ka apaiq raq chhijiiq. Apaiq shomnoqti ka apaiq raq mitiihangkuq, ümtiikiiwa apaiq raq tsangshiq ka tsaija chhunja chhijiiq.

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

Hebrews 8:12

Ngi raq tsangshiq ngarai wiita midii baiq ha, tsangshiq mra thun kra, tsan na akhiismin thü mang she mirha.”

1 John 3:8

Jurwa ngarai tang ruq miili sitlaq, kriiti ka Thawe rii. Ara jamkhano chongtiikang ngukla Thawe ka apha miiphü dongdii ngarai tangti we. Shiikeawe Se saükitaq arka, ara chongtiikai Thawe raq ngarai jaqsham miitu mintin ningkun tu rüm tlaq, kra arang chong maq babaiq kai kito.