Mikha 7:18 - Hawa Naga Bible 2001

¹⁸ O Yehowa lex, mnoz rulc rv-ngvlc jix vganc tishox vguez; kvjungx yaq mmiqsaz htenc rueq khawx lvlx yaq mvrax htenc kuex dawc kuq shuiuz, mnoz kuex pattup thuinkhaq vtuiux rvmuq, yuq muinz mnoz kuex nuiyshiq muex phaungx ngaungx yaq lungwawc thuinz taq vshuiux.

ASII LAKDAP Bible (BSI)

¹⁸ O Tatuiwe lei, ümnaq akha, ümsengi ngarai diike wanti ahü. Ümniiraq ümsenginok rejaq song, ngarai diikuq laü. Ümniika pattup khiqruq ka khiq maü, shatmaq ümniiraq naishiq ma, thummak phan mangchan tsü tiichhi kuq tlaü.

Mikha 7:18 Referencias Cruzadas

RAPHA HIQWA LAK 4:7

Mnoz rueq vlvmx yauk shuimc shuimx ruiux kuex mhtvlx phawc shalc khvmz tueq; yuq muinz mnoz rueq layx vbac yauk shuimc shuimx gay toq ningkhvnc nuex mvrax rueq mkaluix daungx hep maq sisunx bvmc yaq. Kvruex raq mnoz guimz wvnc roc yaq, yuq muinz mnoz rueq kvruex taungx gay lot shuiux,” ngoz tueq jungx tueq.

1 HOKHVMX 8:23

vjux thoz tueq kuex, “Yehowa Israel Tishox lex, raungmungx htauk nuex muinz, ghaq khung nuex muinz mnoz vkhoc tishox kuex httax muq shvmx! Mmiqsaz htenc rulc taq toq mbomkhvrc kuex mnoz rueq tvhungx tvmvrc vtueq, mnoz muex thuinz vmungx lotlaz maq tay phvnx vtueq tsuingshiq httax yaq nuex, tsuingshiq muex mlungwawc thuinz tvkhic kuq toq.

2 KAÜWA WERAÜ 30:9

Nuimshiq kuex Yehowa kox nuex yek ruiux yuq, khoktep miqsaz ikhoc shvlc wvnc jix hez rueq nuimshiq phvnx vmaq htenc muex menjenc vtueq yuimx nuex tvyek vkhangx kuq shuex. Yehowa nuimshiq Tishox kuex menjenc thuinz httax yaq, nuimshiq kuex vpiq kox nuex yek ruiux yuq, vpiq rueq nuimshiq kuex lvp wvnc kv-phuinx.”

2 KAÜWA WERAÜ 6:21

Vruex baung vyuq htvlx tvmuiz vtueq vjux thoz ruiux yuq, ngvy vjux thoz bomc muinz, mmiqsaz Israel htenc rueq vjux thoz yaq bomc kvmuinz tay kuq koq. Raungmungx nuex httax yaq m-yuimx maq tay kuq koq, nuiyshiq mvrax kuex dawc kuq koq.

NEHEMIA 9:17

Tsuingshiq rueq phvnx muq tvlvlc tueq; mnoz rueq ruez wvnc toq lotlaz kuex tsuingshiq rueq lauk gay tueq; mnoz rueq tvkhic toq vwangc juing htenc kuex tsuingshiq rueq lauk gay wuez tueq. Tsuingshiq ngamc boq wuez vtueq tsuingshiq dax muex yaungx wvnc tueq Ejip mungx kvyuq tvyez shvlc wvnc jix walaungx kuex thvl tueq. Yuq muinz mnoz kuex mvrax htenc dawc kuy jix Tishox rvtoq; mnoz rueq menjenc lungwawx vtueq nanx lot jix waz rvtoq. Mmenjenc thuinz yunghvlc ningkhvnc nuex; mnoz rueq tsuingshiq kuex tuip gay muq.

Tvtsvmc 103:13

Vwaz rueq vsaz hez muex menjenc kuq yaq ikhoc, Yehowa rueq vpiq muex tvtsanc nganc jix muex menjenc kuq yaq.

Tvtsvmc 130:4

Yuq muinz mnoz rueq nuiyshiq muex mvrax dawc kuq gay phux, kvkhoc rvtueq nuiyshiq rueq mnoz muex tvtsanc nganc vphix.

Tvtsvmc 35:10

“Mnoz rulc rv-ngvlc jix vshiz muinz httax muq. Mnoz rueq hungc vlaungc httaz hvlc waz yauk wawc vnulx waz kuex, tuinghtuing jix waz yauk wawc htemc saz waz kuex tvkhup wungx kuq vshuiux,” ngoz tueq ngvy thuinz vmungx lotlaz maq Yehowa muex jungx shaungx.

Tvtsvmc 65:4

Mnoz rueq thvlc wvnc rvhumc jix htenc nuiyc mnoz vsawc Shomc Yuimx nuex httax lvp tvkoc mnoz rueq shvlc wvnc rvhumc jix htenc kuex thuinhvlx wuez yaq. Nuiyshiq kuex m-yuimx wawc vhvlx phvnx htenc nuiyc mnoz vsawc Shomc Yuimx wawc ruimrix kejux htenc nuex thuinhvlx wuez vtix.

Tvtsvmc 71:19

Tishox lex, mnoz tsuingrux vtuiux lvmz kuex raungx nuex htanc yaq. Yungc loayc hvlc yauk shuimc htenc kuex mnoz rueq shuimx toq; mnoz kvkhoc jix vshiz muinz vguez.

Tvtsvmc 86:15

Yuq muinz O Yehowa lex, mnoz kuex lungwawc menjenc thuinz httax yaq Tishox rvtoq, mnoz rueq mkaq muinz nanx vshuiux, menjenc vtueq tvmtuing httax vtuiux.

Tvtsvmc 86:5

Mnoz kuex nuiyshiq htauk nuex vhvlx httax vtueq mvrax dawc kuq vphux, mnoz kox wawc vjux thoz jix lotlaz tvkoc mnoz phaungx ngaungx yaq lungwawc kuex mvrc laz tvlvp vshuiux.

Tvtsvmc 89:6

Yehowa lex, raungmungx nuex mnoz rulc rv-ngvlc jix ukhaq muinz vguez; raungx saz bix ukhaq muinz mnoz rulc rv-ngvlc lot rvmuq.

Tvtsvmc 89:8

Tvphaungc Tvsuip Yehowa Tishox lex, mnoz ikhoc hungc vlaungc httaz jix ukhaq muinz httax muq; O Yehowa lex, mnoz kuex phvnx ruip saz nuex tvmtuing httax vtuiux.

DUNGWVNC 15:11

“Yehowa lex, mnoz kvkhoc tishox htenc kuex ukhaq lac? Sawc hvlc vwangc juing mnoz kvkhoc ukhaq lac httax yaq nguinx? Mnoz rueq ikhoc vwangc juing nuiyc vkawc yawc juing yauk shuimc kuex uraq lac shuimx lot shuinx?

DUNGWVNC 34:9

Piq rueq, “Yehowa lex, mnoz rueq ngaz kuex vsuing raungc raq vphux ngoz ruiux kuex, nuiyshiq rulc vdvmz kaz naungx loq. Miq htenc vruex khux tsanc hvlc, yuq muinz nuiyshiq ngarvyx nuiyc mvrax kuex dawc kuq vtueq, nuiyshiq kuex mmiqsaz shauk muex lvmz wvnc koq,” ngoz tueq jungx tueq.

ISAIA 1:18

Yehowa rueq, “Majuiuc, naunghez rvjungc ix. Nuimshiq mvrax kuex tvguiy ikhoc shawx ruiux muinz, tsuik hek ikhoc ngaz rueq tvsawc hoal kuq phaungx. Nuimshiq mvrax kuex shawc hvlc, yuq muinz khelbuenx mul ikhoc luiz wvnc tuinx.

ISAIA 33:24

Naungshiq mungtan nuex httaz jix ukhaq yuq muinz vthuiuz vsac raz tueq kvbot nyvnx kuex mkaq muinz httax tuex rvmuq shex, mvrax httax yaq lotlaz dawc kuq gay shuex.

ISAIA 38:17

Ngvy thuiuz vsac kuex hvlx kaz taungx. Mnoz rueq ngvy rullungx kuex kvhiz juing lotlaz wawc palc wvnc phux; Mnoz rueq ngvy mvrax htenc lotlaz dawc kuq phux.

ISAIA 40:18

Tishox kuex ukhaq rulc tv-ngvlc lot juing lac? Vpiq kuex ukhaq rulc rv-ngvlc yaq lvmz mnoz rueq yvmx khoc lac jungx kuq lot shuiux?

ISAIA 40:25

Vsawc Tishox kuex ukhaq rulc lac tv-ngvlc lot shix? Vpiq rulc rv-ngvlc jix washiz shiz vhttax haz?

ISAIA 43:25

Yuq muinz ngaz kuex mmvrax htenc dawc kuy jix Tishox rvtauk, ngaz rvtauk ningkhvnc nuex vruex yauk shuimc kuex ngaz rueq shuimx tauk. Ngaz rueq mmvrax htenc kuex rvwvl shaungx rvmuq.

ISAIA 44:22

Ngaz rueq mmvrax htenc kuex phuemx ikhoc tvmoz gay tauk. Ngaz kox nuex yek waung luit; ngaz kuex mnoz palc jix rvtauk,” ngoz tueq.

ISAIA 55:7

Layx bac jix kuex miqmac lvmx kvwawc nuiyc miqmac thuinz maq kvmungx yaq lvmx kvwawc kvlayc wvnc tuex. Tsuingshiq kuex Yehowa naungshiq Tishox kox nuex kvroz wvnc tueq; vpiq rueq menjenc vtueq yauk lox maq mvrax dawc kuq yaq.

ISAIA 57:10

Nuimshiq rueq vganc tishox htenc kuex thuiyx vtueq hunnyex vtuinx, yuq muinz mkaq muinz nuimshiq rueq tselc ngalc muit. Miqmac yac yuimx htenc kox wawc hungc vlaungc lvp vshix ngoz tueq tvmaung ruiux, nuimshiq hunnyex vtuinx kuex mkaq muinz helc muit.

ISAIA 57:16

Ngaz rueq ngvy miqsaz htenc muex thuiuzthuic tvraungx kuq tauk, ngaz rueq tsuingshiq muex tvhttoarc vtueq mvrax tvgurc ruiux pattup khaq taungx rvmuq.

ISAIA 62:5

Yalx rox waz rueq yalxtux nyuiuz kuex piq tvkoc nyuiuz nyalx nyuiuz muex tvyaungc yaq ikhoc, Vpiq rueq mshvmx kuex tvhungx vtueq lvmz kv-phux. Waz nyalx waz rueq nyuiuz nyalx nyuiuz kuex raungc raq yaq ikhoc, M-Tishox rueq mnoz kuex raungc raq kv-phux.

ISAIA 64:9

kvkhoc rvtueq nuiyshiq muex khaq hvlc nauk khaq vkueq, rvmuq ngoz ruiux nuiyshiq mvrax htenc kuex pattup nauk rvwvl kaz. Nuiyshiq kuex mmiqsaz; nuiyshiq muex menjenc kuq koq.

ISAIA 65:19

Yerusalem nuiyc kvwawc miqsaz htenc ningkhvnc nuex ngvy shauk pumz doc muinz vkoz vkez maq mvrc taungx. Kvruex yuq vkhoarc jix vguez, romc kuq wvnc luit ngoz tueq gvlc jix muinz vguez.

JEREMIA 3:12

Piq rueq ngaz muex ngoc Israel kox nuex kaz vtueq, “Tvmtuing vguez Israel lex, ngaz kox nuex yek waung luit. Ngaz kuex menjenc thuinz vhttax ningkhvnc nuex thuinz tvkhaq shaungx rvmuq; ngaz kuex mnoz muex pattup khaq taungx rvmuq.

JEREMIA 3:5

Mnoz kuex mkaq muinz khaq hvt khaq muq; ngaz muex pattup mthuinz tvkhaq shuiux rvmuq,’ ngoz shuiux. Israel lex, mnoz rueq kvkhoc jungx toq, yuq muinz mnoz rueq vbac phvnx lotlaz shuimx wvnc toq,” ngoz tueq jungx tueq.

JEREMIA 31:20

“Israel lex, mnoz kuex ngaz rueq lungwawc hvlc saz rvtoq, ngaz rueq roc hvlc saz vshiz rvtoq. Ngaz rueq mmuingc kuex jungx shaungx ruip rawx, mnoz kuex tvlungwawc thuinz maq rvwvl vshaungx. Ngvy thuinz vmungx kuex mnoz nuex rvwak vtaungx ningkhvnc nuex; ngaz rueq menjenc hvlc.

JEREMIA 31:34

Vruinx saz maq vyungx nuex httuiuc laz wvyvmc rueq ngaz kuex tuiuz wvnc phuex ningkhvnc nuex, Yehowa tuiuz wvnc tvkoc tsuingshiq wawc vshiz raung rueq muinz yuimx phic wuinz muex tvluing kuq shuex rvmuq. Ngaz rueq tsuingshiq mvrax htenc kuex dawc kuq gay ruiux, tsuingshiq yaq tueq htenc kuex mkaq muinz rvwvl shaungx rvmuq. Ngaz, Yehowa rueq jungx tauk.

JEREMIA 32:41

Ngaz rueq tsuingshiq tvkoc vhvlx phvnx htenc shuimx vshaungx kuex ngaz rueq raungc raq shaungx, ngaz rueq tsuingshiq kuex vruex mungx vyuq pattup tv-phaungx ngaungx kuq shaungx.

JEREMIA 33:8

Tsuingshiq rueq ngaz muex khawx lvlx phuex mvrax htenc kuex ngaz rueq tvsawc nawc kuq shaungx, tsuingshiq mvrax htenc nuiyc tsuingshiq rueq khawx lvlx yaq kuex ngaz rueq mvrax dawc kuq shaungx.

JEREMIA 38:8

Kvkhoc rvtueq Ebedmelek kuex kvyuq kaz vtueq hokhvmx waz muex jungx tueq,

JEREMIA 50:20

Kvruex vkhing httuiuc tuex nuex, ngaz rueq vtvjungx taq shec miq htenc muex mvrax kuex dawc kuq shaungx ningkhvnc nuex, Israel miqsaz htenc nuex yvmx mvrax muinz humc shaungx rvmuq, Yuda nuex muinz layx vbac phvnx kop tuex rvmuq. Ngaz, Yehowa rueq jungx tauk.”

JEREMIA 9:24

Mkhoc shoc maq miq vshiz shiz kvsomc parc roc ruiux yuq, tsuingshiq rueq ngaz kuex tuiuz vtueq, tuiuz tay yaq jix dvyx kvsomc parc aungx yaq, yvmx khoc lac ngoz ruiux lec ngvy lungwawc thuinz kuex phaungx ngaungx yaq, ngaz rueq shuimx shaungx kvmuinz rvkhauk laz vlvmz rvtueq. Kvruex shuimc vkay htenc kvmac ngvy thuinz suing yaq. Ngaz, Yehowa rueq jungx vshaungx,” ngoz tueq jungx tueq.

EJEKIEL 18:23

Johvlc Yehowa rueq, “Layx bac jix miq thueyc kaz tueq kuex khiz ruiux yuq ngaz vkokez rvtuex ngoz tueq haz tvmaung shuiux?” ngoz tueq wiz tueq. Piq rueq, “Rvmuq, piq thuinz kvlayc wvnc vtueq tvraungx httaz kuex ngaz rueq pinhtumc khiz roc vshaungx.

EJEKIEL 33:11

Ngaz, Johvlc Yehowa kuex vtvraungx Tishox rvtauk, kvkhoc rvtueq mvrax vhttax waz thueyc kay kuex vkoz vkez maq lawc shaungx rvmuq. Mvrax yauk shuimc kuex gay shex ruiux tvraungx httaz tuinx kuex lawc roc vshaungx ngoz tueq tsuingshiq muex jungx shuiuz. Israel lex, mnoz rueq shuimx vshuiux layx vbac phvnx kuex gay shuiuz. Mnoz yvmx ngoz tueq thueyc kay roc lac?

EJEKIEL 33:16

Piq yaq tueq mvrax htenc kuex ngaz rueq dawc kuq shaungx, piq rueq vlvmz nuiyc vhvlx kuex shuimx wvnc tueq ningkhvnc nuex vsuing rullungx tvraungx httax lvp tuex.

DANIEL 9:9

Nuiyshiq rueq mnoz muex khawx lvlx vphix, mnoz kuex menjenc kuy jix nuiyc mvrax dawc kuy jix waz rvtoq.

Hosea 14:2

Yehowa kox nuex yek wuez kuinz, vruex vjux thoz bomc maq vpiq kox nuex nuimshiq rueq shomc kuy muex m-yaungx kueq: “Nuiyshiq mvrax lotlaz kuex dawc kuq koq, nuiyshiq vjux thoz bomc kuex tay kuq koq, nuiyshiq rueq bomkhvmc taq vshix rulc rv-ngvlc nuiyshiq rueq mnoz muex tvtsvmc kvmc shix.

Hosea 14:5

Httuiz rawk yaq baung nuex raungyunx yaq ikhoc ngaz kuex Israel miqsaz tvkoc yaungx taungx. Tsuingshiq kuex pulx puic htenc ikhoc puic wvnc vtueq; Lebanon pulx htenc ikhoc phaungx duingduing hvlc vruingx waungc tuex.

Yoel 2:32

Yuq muinz romc kuy tvkoc Yehowa kox wawc thoz jix lotlaz kuex palc daungc wvnc rvhumc tuex. Yehowa rueq jungx tueq rulc rv-ngvlc, ‘Yerusalem wawc wvyvmc luenx wvnc tuex; kvruex hez kuex ngaz rueq vthvl shex hez ningkhvnc nuex tvraungx lvp tuex.’”

AMO LUIK DVP (AMOS) 1:11

Yehowa rueq, “Edom miqsaz htenc rueq tvyez kakaz mvrax yaq wuez yaq, vruex ningkhvnc nuex ngaz rueq tsuingshiq muex vsuing murx tvgurc shaungx. Tsuingshiq kuex tsuingshiq phuz vnox tamx rvtueq Israel miqsaz htenc muex menjenc thuinz vguez maq yaung shuimx vtueq yurc wuez tueq. Tsuingshiq thuinkhvy kuex vhtvp htaz ngoz tueq vguez, tsuingshiq thuinkhvy kuex mkaq muinz tvshiz lot muq shex.

AMO LUIK DVP (AMOS) 7:8

Vpiq rueq ngaz muex ngoc, “Amo lex, mnoz rueq yvmx lac khiz tonx?” ngoz tueq ngoz phuex. Ngaz rueq, “Vhtaz juing ruiuz vshiz,” ngoz tueq tvralc tauk. Kvruex yimaq vpiq rueq, “Ngvy miqsaz htenc kuex lanx muq palx ruk ikhoc yaungx wuez yaq kuex tvkhic kuy tvkoc kvruex ngaz rueq shuimx vshaungx. Tsuingshiq muex murx tvgurc shaungx nuex seng vtueq ngvy thuinz kvlayc wvnc taungx rvmuq.

AMO LUIK DVP (AMOS) 8:2

Yehowa rueq, “Amo lex, mnoz rueq yvmx lac khiz tonx?” ngoz tueq wiz phuex. Ngaz rueq, “Pulx thuey boarx vshiz,” ngoz tueq tvralc tauk. Yehowa rueq ngaz muex, “Tvsuip gay kuex ngvy miqsaz Israel htenc tvkoc httuiuc yaq shex. Ngaz rueq tsuingshiq muex murx tvgurc tvkoc ngvy thuinz kvlayc yek taungx rvmuq.

Jona 4:2

Kvkhoc rvtueq piq rueq, “Yehowa lex, ngaz yuimx maq max kaz nuex phuex mnoz rueq kvkhoc ruez shuiux ngoz tueq, kungkhux nuex phuex jungx phaungx rvmuq haz? Kvkhoc ningkhvnc nuex ngvy tvkoc vhvlx pinhtumc mruez kueq ngoz tueq Spain mungx nuex yuz wvnc tauk! Mnoz kuex lungwawc thuinz, menjenc thuinz, thuinz vluz vyungx, menjenc svy thuinz maq mkaq muinz murx tvgurc dvnc shuiux thuinz kuex kvlayc gay muex vyoalx Tishox rvtoq.

Mikha 2:12

“Yuq muinz nuimshiq Israel miqsaz wawc kvjungx yaq lotlaz kuex ngaz rueq tvjomx vtueq tvtuimx shaungx. Khelbuenx htenc kuex tsuingshiq ruk mungx nuex yek waung tueq ikhoc, ngaz rueq nuimshiq kuex tvtuimx yek phaungx. Khelbuenx htenc mvrc yaq ngac remc juing baung ikhoc nuimshiq ghaq vraungx nuex miq paunghvlc laukshiz hulawx mvrc wvnc yek tuex.”

Mikha 4:7

Tsuingshiq kuex yaz kuix kaz vtueq yuimx maq vluz nuex httuiuc kaz wuez tueq, yuq muinz ngaz rueq kvjungx yaq jix htenc kuex vnyalx tvjvp guirx yek vtueq, tsuingshiq kuex miqphvnx yunghvlc yaungx wvnc tuex. Ngaz rueq tsuingshiq kuex Zion Kanx htauk nuex kvruex vkhing maq phaungc vtueq pattup guimz lawc shaungx,” ngoz tueq jungx tueq.

Mikha 5:3

Kvkhoc rvtueq wuic khic thuiuz yaq nyuiuz kuex nox jawc jauz nuex httuiuc laz Yehowa rueq vpiq miqsaz kuex tsuingshiq ralx hez yauk nuex lekuq gay shuex. Kvruex yimaq vthuq vruez laq miqsaz htenc kuex miqmac phuz vnox bix rulc vdvmz nuex rvromc wvnc yek tuex.

Mikha 7:14

Yehowa lex, mnoz rueq thvl wvnc toq mmiqsaz htenc kuex khelbuenx remc jix waz rueq ikhoc tvkhup wungx shuiuz. Tsuingshiq kuex khumz vrumz nuex pungpanc rvpanc httax ruiux muinz, kvruex baung kvyuq ghaq vbur vhvlx ghaq rueq tsuingshiq kuex tvkomc tuimz rvyaq. Bashan nuiyc Gilead mungx nuex shuimx lvmz phauk saq wvnc tueq ikhoc majuiuc muinz mungtan nuex tvhttax shuiuz.

JEPHANIA 3:17

Yehowa nuimshiq Tishox kuex nuimshiq rulc vdvmz httax yaq; vpiq luimc vkawc maq nuimshiq muex taungx wvnc lvmz kuq yaq. Yehowa rueq nuimshiq kuex raungc raq wvnc vtueq, vpiq lungwawc thuinz maq nuimshiq muex rullungx vnyalx kuq kv-phuinx. Vpiq kuex mnoz ningkhvnc nuex kokez shic kuex shiz tuex,” ngoz tueq.

WEAWEA 23:21

Israel miqsaz kuex yix maq pat nuex kuilc daz rvhumc tuex lvmz kuex ngaz rueq khiz mauk. Yehowa tsuingshiq Tishox kuex tsuingshiq rulc vdvmz httax yaq; Vpiq kuex tsuingshiq Hokhvmx rvtueq lvmz thaungbaungx wuez yaq.

Luke 15:32

Yuq muinz mnox vruex kuex vthueyc kay wuez wawc vyuing waung, vmoz kay wuez wawc humc lvp tiq ningkhvnc nuex naunghez muinz kokez thuinz maq phuiuz svy piauc liauc rax yaq,’” ngoz tueq.

Luke 24:47

vpiq muingc maq mvrax dawc kuy lvmz nuiyc thuinz layc wvnc lvmz bomjungc kuex Yerusalem ghaq maq phaungc vtueq miqphvnx ruip rawx muex jungphvnx kuq wvnc shuex.

Romans 11:4

Yuq muinz Tishox rueq piq muex yvmx khoc lac tvralc tvnx? “Ngaz rueq Bala yac yuimx muex tuk nguk vtueq nawk palx muq miq 7,000 kuex ngvy tvkoc tvjungx taq tauk,” ngoz tueq jungx tueq.

TRI CHONGKE 33:26

Israel miqsaz lex, nuimshiq Tishox rulc tv-ngvlc juing tishox vganc vguez, Vpiq kuex ngauz vngax maq phuemx htauk nuex jauz vtueq, raungx kuex lvy laq vtueq nuimshiq muex romc kuy tvkoc httuiuc kaz tuex.

James 2:13

Yvmx khoc lac ngoz ruiux lec Tishox rueq menjenc thuinz vguez jix waz muex menjenc thuinz vguez maq phox kuq shuex: yuq muinz menjenc kuy lvmx rueq vphoc rvyaq kuex taungx gay lot yaq.

PHOWEBI 10:16

Kvkhoc rvtueq mungganc tishox htenc kuex tsuingshiq rueq tuip gay ruiux, Yehowa muex nawk palx wvnc wuez tueq; vpiq rueq muinz Israel miqsaz rvhumc yaq kuilc daz jamjaux yaq kvmac vthuinz thuiuz tueq.