DUNGWVNC 3:16 - ASII LAKDAP Bible (BSI) Kilaq. Laüta Israilnok welabi ka adam na triitamlaq. Laüta tsangshiq ma chonglaq, Ngi, Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe ka ümniirai sham riichhikito nguta chonglaq. Laüta tsangshiq ma Ngi ka tsangshiq phaniishe saüki kang kiimaq Ejip mungti raq tsangshiq ka jamkho haihiitlaq kriika chhikang she nguta chonglaq. Hawa Naga Bible 2001 Mnoz kaz vtueq Israel miqsaz walaungx bix kuex tvtuimx ruiux, tsuingshiq muex jungx shuiuz, tsuingshiq jix vwaz tamx Tishox, Abraham, Esak, Yaku Tishox, Ngaz Yehowa rueq mnoz kox nuex kvkhic kaz tueq lvmz tsuingshiq muex jungx shuiuz, ngaz tsuingshiq kox nuex kaz vtueq Ejip miqsaz rueq tsuingshiq muex ruez yaq kuex khiz tauk. |
Kiimaq Tatiwe ka apaiq tho na achap raü chhito. Kiimaq apaiq raq nguto, “Ngi ka Tatiwe, Abraham Shiikeawe kiimaq Isak Shiikeawe. Ngi raq ara ümnaq kon rai tlaü mung arka ümniima kiimaq ümsaü ümsetiim ma mikuqha.
Raüta apaiq raq Joseph ma akha achu shiiman kuqto: “Iwetiim raq shomnoq wantaq Shiikeawe raq, Abraham nai Isak raq shiiliwantiiwe raq, ara nono nai ara mishman kuq laq! Ümchaü ranaiq niitaq saüli ngi shunshea wanti Shiikeawe raq, tsangnai ka mishman kuq laq!
Apaiq raq aphutiim ma nguto, “Ngi ka atsai wan cho she. Shatmaq Shiikeawe raq namshiq ka tengteng mishililii kuq wan. Raüta namshiq ka armung arwa shunshea wan raüta, Abraham ma, Isak ma, kiimaq Jakob ma sinkham raüta mikuqha nguta chongtaq mung kiina mishea wan.”
Kiimaq apaiq mang ka Jajon maq chiiriim raüta michong, kiimaq apaiq ka Jajon maq mitiitsamkam
Tatiwe raq apaiq aming langtibi ka liishat, apaiq tiipitmak phan lungwii ma kamtibi ma.
riita maiqse khoshose ka juwa, ümniiraq tiimali chang ka; hiqtili se ka, ümniiraq tsrupriiq chang min asi shea?
Kiijiishe, hokhamwe anye ashi, Joseph manphan jam min sapmakwe kriishe hokham ma shongto.
Mosheq raq Joseph maa ka lamto. Raüta apaiq rai howan damto. Arka Joseph raq Israilnok ma sin tiikham raüta chongtaq kra phan phan kloto. Joseph raq akha nguto, “Ümtiikiiwa Shiikeawe raq namshiq ka tiichhii wanjiiq, namshiq raq imaa ka arba wa namshiq rai adam pi wan ratlo.”
Maiq mung thun raq taito, raüta haisitsi ma tiikhaito; Philistainnok ka phiip riishe tsai wanto.
Kiijiishe Tatiwe raq Mosheq ma nguto, “Ümniirai Israilnok welabi ka wiijam sheaholaq. Laüta ümniika mungmaiqse khaki na kongkhu walilaq. Ümniiraq Nail rai buk chang nyeakii ka ümjaq na shamho laüta walaq.
Kiijiishe Jethro raq Shiikeawe ma wiipumtam- chaqtlii kechang thun kra nai laihin honglu kechang thun kriishe lan wanto. Kiimaq Aron nai Israilnok welabi kiimin tlotli apaiq raishe asii honglu ngam kra phaqsea wadam, kiimaq noqku lomdam apaiq rai wawan damto.
Apaiq raq Israilnok maiqdikong ma jaraüta chamchaotlaq kra chhito. Kiimaq tsangshiq miitu atsan tsito.
Shiikeawe raq ara Israilnok mung welabi ka tiimitsi mak riito. Tsangshiq raq Shiikeawe ka chhito. Kiimaq kra raütiishe tsangshiq ka kiijaq adam na nga raüta phaqsea khamnyang kloto.
Kiijaq Tatiwe rase ka apaiq ma walütu ma jaraüta nyiimtamse mong na tiichhikito. Mosheq raq rumtamse ka walütu mong na anyai rai chhito. Shatmaq nyiimtamse ka wa raq khiimbaiq mak.
Ngi ka ümtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe.” Kra ningkhan Mosheq raq atheaphi ka khea maq pangto. Jamkhano ngukla apaiq ka Shiikeawe theaphi na liikham mak ahaisi riito.
Kiijiishe Mosheq raq Tatiwe bom ka akha treto, “Shatmaq Israilnok raq ngi ma kam mak kiimaq ngi raq chong tiikang kra taimak raüha. Tsangshiq raq ngi nang nga ümniika ngi rai riihumki maü dea nguta nguraüha?”
Krai mren Mosheq nai Aron ka Ejip mung na kihoto. Raüta Israilnok welabi ka wiita adam na tiithungto.
Kiimaq tsangshiq raq kamto. Kiimaq tsangshiq raq Tatiwe ka tsangshiq phaniishe saükito. Kiimaq tsangshiq ka maiq raq ümtinkhan wa hok maq nishishi tiichamchao haihiitlaq kra chhito she nguta tai raüta, tsangshiq ka hiq na bum rang raüta shomnoqto.
Kiimaq Tatiwe raq nguto, “Ara klo laüta Israilnok ma Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe ka ümniirai riihum kito dea nguta saqse tiichhi kuqlaq.”
Kra akhing na ramwe jongbi nai welabi thun ka Ramwe Ajong Pinthum we Kaiaphas jam na ngongthun ngato.
“Nashiq raq Israilnok Tati Shiikeawe ka shomnoq rong i! Apaiq ka asengi Israilnok kharü diike kai she saükito, tsangshiq ka ümchaü sanha lüsaü wase she.
Tsangshiq raq ümniika botkhulai rai she mishot baiq wan. Kiimaq chela mong na siti, maiq angu thun kriika, tiimiqchup she mithaü baiq! Ümniiraq ara ümnaq tsai lam riihum tlaü arka, Shiikeawe ka ümnaq tiichhiike kai saüki phaüta, ümniiraq kra akhing ka sap maü dea riilaü, kriikha miishe miqphaq wan tlaü!”
Tsangshiq raq ara khrum kongphiq jaqmiiq kampho arka riichom lot raütiishe, Barnabas nai Saul ma, Jerusalem na phungtu liiti maiqlare jaq niishe tiikuq kito.
Ümchaü namshiq tarü nitai na Simon raq chong phan kuqtaq kra bomtsi ka tai wan kaishe. Riita, Shiikeawe raq Pongnok phan maiqse ka apaiq wura maq kongkhu tiiham wanto she. Raüta, tsangshiq ka asengi miishe tsea wanto.
Miletas maq Paul raq Ephisia phungtu liiti maiqlare ma tsangshiq ka apaiq rai mirhumki laq nguta bom ka tiichong wato.
Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.
Ngi ka phungtu shunsheati maiqla weshi ngo maq, namshiq phungtu shunsheati maiqlare ma, ara bomtsi ara akhek tiitai rotiikang. Ngi raq i mak maq Khristo chamchao wantaq kra chhi kang she. Kiimaq Khristo ka ümtiikiiwa saüki nong jiiq, ngi riimin apaiq asii khushü, ngao, ningkun kra milap ha nguta kamto maq khelata sitiikang. Ara ningkhan, ngi raq ara namshiq ma tiitai tiipha ara.
Kra jai maq heashi sijai na Tatiwe raq asengi Israilnok ma achu shiiman kuq raüta tsangshiq ka arong awin she sitlo nguta Naomi raq tsütsa ka Mob mung maq taito. Krai mren, Naomi ka anamnyung nai rai kongshi maq Mob mung kiiwa, tsangmung na wawan she tiijemeto.