DUNGWVNC 15:14 - ASII LAKDAP Bible (BSI)

¹⁴ Maiq mung thun raq taito, raüta haisitsi ma tiikhaito; Philistainnok ka phiip riishe tsai wanto.

Hawa Naga Bible 2001

¹⁴ Miq phvnx ruip rawx rueq kvruex thaungc kuex tay vtueq hiyaz kvkhuirc wuez tueq; Philistin miqsaz kuex kawc yawc wuez tueq.

DUNGWVNC 15:14 Referencias Cruzadas

1 KAÜWA WERAÜ 14:17

Krai mren Dawit mang chong tsaki ka barap binrii niishe nyam wanto. Kiimaq Tatiwe raq maiq mung thun kunkun ka Dawit ma haiti siisaq tiija baiqto.

Tvtsvmc 48:6

Kiijaq tsangshiq ka haisi kiimaq pinthum kiinyiito, jechak nyung asechii tsi ma chamchaotlaq ikha,

Tvtsvmc 48:7

khamjahat thun rathaiq mong na tiithoksiq tlaq ikha.

ISAIA 14:29

Philistain mungti lei, namshiq tseachang chongwai ka angoq she riikito. Shatmaq namshiq chochi chang ka ahü. Paü kaü ashi kra tsaikai jai ka, kriithaq na bihea kaüshi hali dong wantlo. Raüta tiisong watlo. Paütai poshi kiiwiika wrakong prenkaü she tho nongtlo.

ISAIA 14:31

Agi lülü hoqtrang ronglaq. Lantea khrum jaü hoqtrang ronglaq, Namshiq Philistain mung wa chela thun tlotli raq hoqtrang ronglaq! Phiip jiip ronglaq, namshiq tarü! Shekhu nü mung maq botkhulai khuk wa rathaiq saü wantlo. Kra rekong saü wan tlaq phong niika wepuq ngutiika weshi ra min ahü. Srea nolakong siisaq.

ISAIA 23:5

Ejip mungti dongdii min Tajar chela ka thento she nguta tsütsa tairaüla, akiinyii rai miraq. Raüta tsaihü jihü mithang tham rai.

EJEKIEL 32:9

“Ngi raq ümnaq tiithenbaiq kang tsütsa ka, maiq mung thun ümniiraq ümni maq tsangshiq mangchong ka jangshi ra min taimaü dongdii mungti thun raq kra tsütsa ka tairaüta pinthum achhang ahang she mikiinyii wan.

HABAKUK 3:6

Apaiq la chapki kiijiila, mangjong hiq rai khü ka, atiikhai banban riitlo. Apaiq raq liisaq riikla, mangjong wa maiqmung thun ka, atiikhai rokrok riitlo. Pattup pat-sa pumkaü thun ka, wiita tiingok wan tlo. Pattup pat-sa ku akin thun ka, wiita tham wantlo. Ara ku akin thun ara richü pat na, apaiq khumshiim chang riito.

HABAKUK 3:7

Ngi raq Kushan mungti ka tsanghaisi, kokok chhikang. Kiimaq Midian mungti ka, atiikhai rokrok chhikang.

WEAWEA 14:14

tsangshiq raq armung na shongti maiq mung thun kiima michong. Armungti thun raq tsütsa ka atai kun she ümniika, Tatiwe, naishiq rai asi, kiimaq ümniika naishiq rai dea sitlaü nguta phumda kaü ka naishiq khuthaq na khingkitlaq kra chhitlo. Kiimaq ümniika naishiq khaki na ranaiq niika phumda kaü khamchong ma jalaüta wawan tlaü, kiimaq rawa niika walütu kaü khamchong ma jalaüta wawantlaü nguta achhitai wan wishe.

WEAWEA 22:5

Beor se Balaam kra heawatibi maiq tiiwato. Apaiq ka Amaw mung na Euphretis Rai tho na Pethor hiq na riito. Tsangshiq raq apaiq ma Balak hokham we bom ka akha chongto: “Ngi raq ümniima ara bom tiitai rotiikang, Ejip mung wa awa maiq mung ashi saü wato. Kra mungti maiq phong ka barap binrii niishe nyam wanto. Kiimaq tsangshiq raq naimung ara jiiwan tantlo.

TRI CHONGKE 2:25

Ümchaü ranaiq miishe barap binrii wa maiq thun ka Ngi raq namshiq ma ahai rak rak she mitiisiha. Namshiq mang chong kra tai raütli maiq thun ka wiita phiip raq mitsai.’

JOSHUA 10:2

Arthun tsütsa ara tai raüta, Jerusalem chelati ka kai tsaihü jihü, akii anyii she riito. Jamkhano ngukla, kra binjü na hokham raq rümtlaq chela thun phong na, Gibeon chela ka ajong ashi riito. Kiimaq Gibeon chela ka Ai chela thaq na ajong lin riito. Kiimaq kiijaq siti mungmaiqse kiimin kuilong kuila rekhatti siisaq riito.

JOSHUA 2:11

Naishiq raq kra tsütsa ka tailaita, naishiq ka pinthum atiikhairokrok she hai wan kai. Naishiq ka namshiq ma haima, tsitsü min dong mak she. Tengto. Namshiq Tatiwe Shiikeawe ka ramungtan nai mangjong hiq ara rümti dea.

JOSHUA 9:24

Tsangshiq raq treto, “Shiilangwe lei, naishiq raq akha jamto klokai ngukla, naishiq raq tengteng bom ka akha taikai, Tatiwe namshiq Shiikeawe raq ajaqshi se Mosheq ma, apaiq raq armung ara kunli namshiq ma kebaiq wan miitu aming ake kun she. Krai mren, namshiq raq armung ka long wan wan lanta, maiq thun ka ajiipbaiq wan nguli mirhan nguta asaphai. Naishiq raq ara klokai ka, namshiq ma haisitsi ma phiip laita klokai. Naishiq raq naishiq miisaq tiichhii wan miitu klokai.

JOSHUA 9:9

Kiijiishe, tsangshiq raq akhiishe phankuqto: “Shiilangwe lei, naishiq ka mung luhea maq akihai. Jamkhano ngukla, naishiq raq, Tatiwe üm Shiikeawe tsütsa ka taikai. Apaiq raq Ejip mung na jamlai wa shamtaq kra wiita taikai.

1 SAMUEL 4:7

Krai mren tsangshiq ka ahai she riito. Kiimaq akha nguto, “Tsangshiq piitiip na phra kaü saükito! Nashiq ha miqkai she! Nashiq ma akha ümtiikiimin riihum wan mai shaqli!

1 SAMUEL 4:8

Kra ningkun ajong hoti phra kong jaqkhon wa nashiq ka jurshe wa mitiichhiikuq? Tsangshiq ka kumtsainphii mung maq Ejip jiipbaiqti phra kong kata!