DUNGWVNC 15:14 - Hawa Naga Bible 2001

¹⁴ Miq phvnx ruip rawx rueq kvruex thaungc kuex tay vtueq hiyaz kvkhuirc wuez tueq; Philistin miqsaz kuex kawc yawc wuez tueq.

ASII LAKDAP Bible (BSI)

¹⁴ Maiq mung thun raq taito, raüta haisitsi ma tiikhaito; Philistainnok ka phiip riishe tsai wanto.

DUNGWVNC 15:14 Referencias Cruzadas

1 KAÜWA WERAÜ 14:17

Dawid muingc dungc kuex baung ruip saz nuex httuiuc wvnc tueq, piq muex miqphvnx ruip rawx hiyaz tvkoc Yehowa rueq ruez kuq tueq.

Tvtsvmc 48:6

Tsuingshiq kuex kvruex yuq nox wuic khic muex thuiuz hvlc rvhumc yaq nyuiuz nuiyc,

Tvtsvmc 48:7

songhvlc raunghtiq raungguil mungx nuex ruip rux kvtungc tec rvhumc yaq svngpholix ikhoc hiyaz kvkhuirc vtueq vgvrx vtsvrx rvhumc yaq.

ISAIA 14:29

Philistin miqsaz lex, nuimshiq thvy juing jowvyx kuex ngawk kaz shex, yuq muinz nuimshiq kokez juing lvmx vguez. Puiuc vshiz thueyc kaz ruiux yuq, kvruex baung kvyuq bac hvlc puiuc vshiz dung wvnc yek yaq. Puiuc tiz wawc vbaz rvyaq yungrex kuex htauz yaq.

ISAIA 14:31

Philistin ghaqyungx htenc lex, romc kuy tvkoc ramc wuez shuinz! Nuimshiq lotlaz kawc yawc wuez kuinz! Phuemx kuex ghaqkhux kox maq httuiuc kaz tuex, kvruex kuex hunglaungc httaz hvlc nolaungx daungx shiz rvtueq.

ISAIA 23:5

Tire ghaq bac kaz tueq thaungc kuex tsuinghez rueq tuiuz tueq nuex, Ejip miqsaz htenc doc muinz kawc yawc vtueq hiz kvkhuirc wuez yaq.

EJEKIEL 32:9

“Mnoz rueq mkaq muinz tay muq shauk mnoz bac wvnc thaungc kuex mungtan htenc muex ngaz rueq tvtay shaungx yuq, miqphvnx paunghvlc kuilc daz jamjaux rvhumc wuez tuex.

HABAKUK 3:6

Vpiq jvp ruiux yuq, ghaq kvbex yaq; rvmak laz lawc koq tueq miqphvnx htenc hiyaz kvkhuirc wuez tueq, pattup pat-sac kuz vkanx htenc kuex bunx wvnc vtueq; mkaq muinz httax yaq ghaqluimx htenc, mvnnuex maq phuex vpiq khuemx juing ghaqluimx htenc htuip wvnc tueq.

HABAKUK 3:7

Kushan miqsaz hisungx yaq kvmuinz Midian miqsaz kvkhuirc wuez yaq kvmuinz ngaz rueq khiz tauk.

WEAWEA 14:14

vruex mungx nuex httax yaq miq htenc muex tsuingshiq rueq jungx gay shuex. Kvruex miqsaz htenc rueq mnoz Yehowa kuex nuiyshiq rulc vdvmz httax tuiux lvmz muinz, nuiyshiq htauk nuex phuemx svt kaz ruiux yuq mnoz vhvlx waq kvkhic yaq lvmz muinz, raungnuiyq nuex phuemx tul maq, raungwvrx nuex wvr htung maq nuiyshiq khaungx tvmax kox nuex mnoz kaz vtuiux lvmz muinz tay wuez tueq.

WEAWEA 22:5

Amaw mungx Euphrat ruilx hep wawc Pethor ghaq nuex httax yaq Beor saz Balam muex jungc tvtay tvkoc miq tvkaz tueq. Tsuingshiq rueq muinz Balak kox wawc bomjungc kuex piq kox nuex laq tueq: “Miqphvnx phvnx shiz kuex Ejip mungx maq kaz vtueq baung ruip saz nuex httuiuc kay yix, majuiuc nuiyshiq mungtan kuex nyvlc lvp wvnc tvkoc tvhiz sungx wuez yaq.

TRI CHONGKE 2:25

Majuiuc raungnuiyq baung ruip saz wawc miq htenc kuex nuimshiq muex kawc yawc hisungx tvkoc ngaz rueq ruez shaungx. Nuimshiq muingc jungc kuex tay ruiux dvyx miq tek hiyaz kvkhuirc wuez tuex,’ ngoz tueq jungx phuex.

JOSHUA 10:2

Yerusalem ghaq wuinz kuex pinhtumc hiyaz wuez yaq, yvmx khoc lac ngoz ruiux lec Gibeon ghaq kuex hokhvmx httax yaq ghaq ikhoc miqghaq yunghvlc rvtueq, Ai ghaq htauk nuex muinz vyungx, mungx miqsaz htenc muinz ralx khvt ralx lungc thenc hvlc miq rvtueq.

JOSHUA 2:11

Kvruex thaungc htenc kuex nuiyshiq rueq lvmz lvy dvyx tay vtueq hisungx wuez vtix; nuimshiq ningkhvnc nuex nuiyshiq kuex thuinbac vtueq hungc vlaungc yomx wuez yaq. Yehowa nuimshiq Tishox kuex raungmungx nuex muinz, ghaq htauk nuex muinz Tishox rvtueq.

JOSHUA 9:24

Tsuingshiq rueq, “Jiyungx waz lex, nuimshiq nyuip wvnc tuit nuex nuimshiq muex vruex mungtan wvtaungx kuq gay ruiux, kvruex mungtan nuex httax jix miqsaz htenc kuex thvy gay tvkoc Yehowa m-Tishox rueq vpiq nvrc waz Moshe muex nvr shec tueq kuex vsuing doc rvtueq lvmz nuiyshiq rueq tuiuz lvp tiq ningkhvnc nuex nuiyshiq rueq kvkhoc ruez itiq. Kvruex dvyx muinz rvmuq nuiyshiq rullungx tvkoc kvhiz sungx kawc yawc vtueq kvkhoc ruez vshix.

JOSHUA 9:9

Kvkaq tsuinghez rueq vkhoc phvnx jvnx kuq tueq: “Nuiyhez rueq Yehowa m-Tishox ngauz vngax thaungc kuex tay vtueq lvmx luz mungx maq kaz rix. Ejip mungx nuex vpiq rueq shuimx wvnc tueq htenc muinz,

1 SAMUEL 4:7

tsuingshiq kuex hiyaz yaq lvmx maq, “Tsuinghez kox nuex tishox vshiz httuiuc kaz tueq! Naungshiq kuex htumx tix shex! Kungkhux nuex naungshiq nuex kvkhoc phvnx yvmx muinz max yaungx shauk doc!

1 SAMUEL 4:8

Ekvkhoc luimc vkawc httaz hvlc tishox htenc yauk wawc naungshiq kuex uraq lac palc wvnc phvnx? Kvruex tishox htenc kuex kumtsvy tvnx maq Ejip miqsaz htenc thvy gay jix rvtueq!