DUNGWVNC 15:15 - ASII LAKDAP Bible (BSI)

¹⁵ Edom mung welabi phiipjiip wanto; Mob mung nola jongbi atiikhai riitlo; Kanan mungti tsangshiq tsaiji tiidoqto.

Hawa Naga Bible 2001

¹⁵ Edom mungx wawc walaungx bix kuex kvkhuirc hisungx wuez tueq; Moba mungx wawc hungc vlaungc vhttax jix htenc kuex kvkhuirc wuez yaq; Kanaan miqsaz kuex thuinz bac vtueq nulx wuez yaq.

DUNGWVNC 15:15 Referencias Cruzadas

RAPHA HIQWA LAK 36:15

Esau saüse phan wa maiq phan thun apu wan ka arthun ara. Esau se chhikhuwe Eliphaj lai wa apu wan maiq phan ka arthun ara: Teman, Omar, Jepho, Kenaj,

RAPHA HIQWA LAK 36:16

Kora, Gatam, kiimaq Amalek phan thun riito. Arthun arka Esau lai ala tsang-nyung Ada tsang nai lai siisaq.

RAPHA HIQWA LAK 36:40

Esau ka Edom mung na siti arthun maiq phan arma kaüwati: Timna phan, Alwa phan, Jetheth phan, Oholibama phan, Ela phan, Pinon phan, Kenaj phan, Teman phan, Mibjar phan, Maqdiel phan, kiimaq Iram phan ma kaüwati. Arthun maiq phan shong chang hiqshong thun ka tsangshiq Maiqmii aphan mang maq siisaq mangto.

2 SAMUEL 17:10

Kiikhiishe tsütsa tai raüla, srea nolajongbi, hangsikaü ikha siti thun kra dongdii min, tsangshiq haisitsi ma aphiip ajiip she mihai song wan. Jamkhano ngukla, Israil mung tlotli raq ümwe ka srea nolajong pinthum kiimaq asengi phenlabi thun ka nolajongbi kong siisaq, kiimaq rekhat na sreajong kong siisaq nguta tarü raq asap siisaq.

Tvtsvmc 48:5

Shatmaq tsangshiq raq chela ka chhito; raüta tsangshiq kai maoto; tsangshiq ka ahai riito kiimaq pintrangto.

Tvtsvmc 68:2

Wakhuk rahai raq pan wan tlaq ikha, apaiq raq tsangshiq jobaiqto; wake raq simikii jam wantlaq ikha, abi maiqse thun ka Shiikeawe man na miq wanto.

ISAIA 13:7

Maiqse angu wiita jaq ka riibat rang she anin mirki. Maiqse wiita jurmin khulot makshe miraq.

ISAIA 19:1

Arka Ejip mungti miitu tsütsa. Tatiwe ka Ejip mung na saühotlo, phum thaq na ngaraüta jaqlo thitthit kitlo. Ejip mung wa sumla phra phong apaiq man na atiikhai rokrok she haiwanto. Kiimaq Ejip mungti raq tsang tsaiji ka tiidoqto.

JEREMIA 49:23

Tatiwe raq Damaskas chela miitu akha nguto, “Hamath chelati nai Arpad chelati raq tsütsa abi tai raüta kai chapatlo. Tsangshiq tsan na akii anyiili she khamjong chum tso blun wantlaq ikha tiikaü miilap sitlo. Tsangshiq ka tsan asang maq silot mak.

EJEKIEL 21:7

Ümtiikiiwa tsangshiq raq ümniima jam nguto hannyi rai tlaü nguta waikiiphaüla, tsütsa saü wantlaq kra tai lata hoq tiikang nguta tsangshiq ma chonglaq. Ümtiikiiwa kriishe saüwa jiiq, raüla tsangshiq ka tsanhü wokhü she mikiinyii wan. Tsangshiq jaq aji thun kra ninta tiikhai rokrok she miraq, tsangshiq tsaiji ka tiidearok she miraq, kiimaq tsangshiq lakü thun ka wiita nintata she atiikhai rokrok miraq. Kra akhing ka saüwato she. Ajiishe saü wato.” Arka Tati Rakaü Hiqwe raq toqtantlo.

NAHUM 2:10

Ninewi ka botkhulai rai shotto! maiq thun wiita pinto! Hiqmiq changkhü miishe jato! Tsaihü jihü phiipjiip wanto. Tsanghok tsangjaq tiikhai rokrok; rok-hü riihü tiimelot mak. Tsang theaphi na tapkhu da, munjuk mijuk!

HABAKUK 3:6

Apaiq la chapki kiijiila, mangjong hiq rai khü ka, atiikhai banban riitlo. Apaiq raq liisaq riikla, mangjong wa maiqmung thun ka, atiikhai rokrok riitlo. Pattup pat-sa pumkaü thun ka, wiita tiingok wan tlo. Pattup pat-sa ku akin thun ka, wiita tham wantlo. Ara ku akin thun ara richü pat na, apaiq khumshiim chang riito.

HABAKUK 3:7

Ngi raq Kushan mungti ka tsanghaisi, kokok chhikang. Kiimaq Midian mungti ka, atiikhai rokrok chhikang.

TRI CHONGKE 2:4

Apaiq raq namshiq ma tsü ka akha chongkuqlaq nguta chongto: ‘Namshiq ka ümchaü ku akin tonglong Edom mung kra lam maq wawan chang she miraq. Arka namshiq ma man niiwa tanyang seno phan maiq mung lam miishe wa wan chang miraq. Tsangshiq ka Esau saüse phan. Tsangshiq ka namshiq ma ahai miraq.

TRI CHONGKE 20:8

“Kiimaq phentubi raq phenlabi ma akha hali mingu, ‘Riita arjaq maiq weshi ra atsaiji aranti kiimaq ahai asongti maiq asi sha? Kiikhiiti maiq siraüla, apaiq ka jam niili mijang wanlaq. Kra riimakla, apaiq raq kongtibi tsaiji kra mitran.’

JOSHUA 14:8

Shatmaq, ngi rai wadamti siwebi ahinti raq nashiqnok ka atiihai khoti riito. Shatmaq ngi raq Tatiwe I Shiikeawe aming ka tsapkapkap langkang.

JOSHUA 2:11

Naishiq raq kra tsütsa ka tailaita, naishiq ka pinthum atiikhairokrok she hai wan kai. Naishiq ka namshiq ma haima, tsitsü min dong mak she. Tengto. Namshiq Tatiwe Shiikeawe ka ramungtan nai mangjong hiq ara rümti dea.

JOSHUA 2:24

Kiimaq tsangnai raq akha nguto, “Tengto, Tatiwe raq nashiq ma armung arka kiinong kuqto she. Kiijaq siti mungmaiqse ka, nashiqnok ma haima, phiip raq atsai sitlo.”

JOSHUA 2:9

Raüta apaiq raq, “Ngi raq asap ha, Tatiwe raq namshiq ma naimung arka kiinong kuqbaiqto she. Armungti maiq wiita ka namshiq hai ma phiip riishe tsaitlo.

JOSHUA 5:1

Jordan rai maq shenyap mung nü na siti kunli Amoraiqnok hokhambi raq kiimaq Mediterenian Khamjongkii binjü mung thun na siti Kanannok hokhambi thun kunli raq, Israilnok kunli raq Jordan rai ka mijin wan lot shaq wiiwii, Tatiwe raq, Jordan rai kham ka tiisiirai tiisüroq trübaiqto; raüta jükok ka phiisü shinriiqriiq ma tiija baiqto nguta tsütsa ka taito. Tsangshiq ka Israilnok ma pinthum haito kiimaq tsaihü jihü she riito.

1 SAMUEL 14:16

Saul sengi sontri tsongtibi raq Benjamin wang na Gibea chela maq Philistainnok sunghü tsiihü pinjin rai kra chhito.