DUNGWVNC 15:16 - ASII LAKDAP Bible (BSI)

¹⁶ Aphiip ajiip kiinyii wanto. Tsangshiq raq ümningkun jong chhito, Tatiwe lei, raüta haisitsi ma tsaihü jihü ngatlo ümsenginok milea wan shaq wiiwii, ümniiraq dikong wa adokda wan nok kra.

Hawa Naga Bible 2001

¹⁶ Kvruex hez kuex tawgawz vtueq hisungx wuez yaq. O Yehowa lex, tsuingshiq rueq mhungc vlaungc kuex khiz vtueq, dax yaungx yaq wawc mnoz rueq tvdung wvnc toq, mmiqsaz htenc lvy wvnc yaq nuex tsuingshiq kuex hiyaz vtueq kuiyqshuik dvyx httax tueq.

DUNGWVNC 15:16 Referencias Cruzadas

RAPHA HIQWA LAK 35:5

Kiimaq ümtiikiiwa Jakob nai asetiim ka kra hiq wa laühotaq, kra tro binjü chela thun na siti mungmaiqse ka phiip raq tsaito. Kiimaq tsangshiq raq Jakob nai asetiim ka joki mak riito.

2 SAMUEL 7:23

Ümniiraq Israilnok ka maiqdisekong ma aja wa, tiichhiikuq wan laüta tsuq wan laü. Laüta tsangshiq ka ümsenginok miishe tiija wan laü. Tsangshiq tiichhii wan laü kiikhii ka mangjong hiq na maiq mung ahin ka ahü. Ümniiraq tsangshiq miitu jaqsham jonghea pinthum kiimaq awang chang pahea shamkuq wan laü thun kra tsütsa raq ümmang jong tsa ka mangjong hiq tlotli niishe nyam wanto. Ümsenginok raq maiq mung ahin thun khat wan wan sinkhu na wawan wan riitlaq kra phan phan, ümniiraq maiq mung ahin thun nai tsangshiq phra kong thun kra wiita jobaiq wan laü. Tsangshiq ka ümniiraq ümnaq rii, ümsengi ma dongdii nguta Ejip mung na dikong ma aja wa dokda wan laü.

Tvtsvmc 105:38

Ejipnok ka tsangshiq ma phiiptsi rakrak riito kiimaq tsangshiq laüwankiita chochito.

Tvtsvmc 74:2

Tsan na tiitsanglaq, ümsenginok ka, ümniiraq man na rathupse niiphü üm miitu atsea wan kata; tsangshiq ka maiqdikong asi wa ümsenginok phan ma nguta atsuq wan haü. Jajon pum ka tsan na tiitsanglaq man na ümnaq sichang kra.

Tvtsvmc 89:14

Ümmungtan kechu jaqsham nai tingting kappe kham maq ashong wan; lungwii tsantsii nai tsapsaü kapse kli ümjaqsham kunli na tiichhitlaü.

DUNGWVNC 11:7

Shatmaq Israilnok miika jammin ahü, ralang kuku min somak miraq. Kiimaq tsangshiq nyamse kong miimin jamlai atsak agut min ahü miraq. Kiijiishetiq namshiq raq Ngi, Tatiwe raq Ejipnok nai Israilnok liipan na pong na atiitsang lata tseatsiiq tiikang nguta misap han.’”

DUNGWVNC 15:13

Ümkiq kham bomtsi tsapkapkap thülaü, ümniiraq atiichhii haü mungmaiqse ümniiraq shea wan laü; ümningkun maq tsangshiq ka ümmungtan asii mung na tsuq wan laü.

DUNGWVNC 15:5

Khamjong tsaü hea raq tsangshiq lam wanto; tsangshiq ka longkaü ikha chumphii mong na sang wanto.

DUNGWVNC 15:6

“Tatiwe lei, ümjaq jaq tsi nü ningkun ka maiqkii maiq nyii henghea; kriimaq re thun ka bunlak buncha bukbaiqtlo.

DUNGWVNC 18:8

Mosheq raq Jethro ma Tatiwe raq Israilnok kra tiichhii wan miitu hokhamwe nai Ejip mungti khuthaq ümtinkhan wa jaqshamtaq kra wiita chongto. Kiimaq apaiq raq ahuchhiwe ma mungmaiqse raq alaü wan lam maq ümtinkhan wa chamchao riihum wantaq kriimin chongto. Kiimaq Tatiwe raq tsangshiq ka jamkho tiichhii kuqtaq kra chongto.

DUNGWVNC 20:2

“Ngi ka Tatiwe üm Shiikeawe ümniika Ejip mung na maiqdi asihaü wa shea wanti.

DUNGWVNC 23:20

“Ngi raq rase ashi ümniima sinkhu na mitiiwaliha, ümnaq laü wan tlaü na lam maq tiikhup wongke wan miitu. Kiimaq Ngi raq ümniika ümnaq miitu hiqshong tiijekang kiijaq mishea wanha.

DUNGWVNC 23:22

Shatmaq ümniiraq apaiq bom tai haüla, laüta Ngi raq aming kuqkang thun kra phan phan klo haüla, Ngi raq ümjaqtinok thun ka wiita mikhat kuqha.

DUNGWVNC 23:27

“Ümnaq ngengti maiq thun ka Ngi ma haisong tsii mitiithüha. Ümniiraq khat wan tlaünok tsii ka Ngi raq wiita abrak mirbaiqha. Kiimaq Ngi raq ümjaqtinok thun ka ümnaq chhi raüta wiita pongpin riipin mitiipin baiqha.

DUNGWVNC 6:7

Ngi raq namshiq ka isenginok shaq miishe mitiija wanha. Lata Ngi ka namshiq Shiikeawe miishe mija wanha. Kiimaq namshiq raq Ngi ka Tatiwe namshiq Shiikeawe nguta misap han. Arka ümtiikiiwa Ngi raq namshiq ka Ejip mung na dikong ma jatlan kriiwa dokda wan tiikang akhing niishe misap wan han.

ISAIA 51:10

Khamjong chum trübaiqti irmin ümnaq ihata, laüta kham mong maq lam ashi tanlaü ihata, kriikha maq ümniiraq tiichhii wan laüti thun raq jü ka jin wanto.

ISAIA 63:12

Tatiwe ka ümchaü ümbano, man na apaiq ningkun jonghea maq Mosheq lümaq jaqsham jonghea sham wantaq ira, khamjong chum ka atiikho riibaiq raüta, lam tankuq wantaq raüta, asenginok ka kham jong chum mong maq shea wantaq, raüta apaiq mangchong tsa pattup pat-sa miitu tiijong wantaq irwe ira?” Tatiwe raq shunshea wan kha maq, tsangshiq ka rum na siti kumrang kong ikha tsang kiimwiiq ka tiithaptha mak riito.

JEREMIA 31:11

Ngi raq Israilnok ka kharii mong wa dokda wan kang she, kiimaq maiqmung ningkun jonghea jaqkhon mong wa tiichhii wan kang she.

EJEKIEL 16:8

“Ngi jangshi ri hali kra lam maq alea wan chakang. Kiimaq Ngi raq ümniika maiq ma wacho she khana nguta liikang. Ngi raq ümkhum kheahü ma kra isamtong jong kaü kriimaq pangkuq kang. Lata ümniika milungwii kang nguta kiqkham kuqkang. Tengto. Ngi raq ümniika ijamti nyung ma nguta jaqkhaq raü tiipakuq kang. Krai mren, ümniika ijamti nyung miishe jaki laü.” Arka, Tati Rakaü Hiqwe raq ngutlo.

Acts 20:28

Riita ara chongkuq tiikang arai mren, namshiq raq maiqmii wenyi khum ka tiikhup wong wan shatmaq shongnga rong laq. Kiimaq Asii Wenyi raq namshiq jaqkhong na skuse kong ümchuwa trüm tlaq, kra thun ka samhea wiq maq rümkom ronglaq. Namshiq raq tsapkapkap maq Shiikeawe phungtu kra shiikum pan ronglaq. Phungtu ka Shiikeawe Se tsaitaq kra lümaq Shiikeawe rii she nguta tiija wanto.

TRI CHONGKE 11:25

Namshiq ka kra mung na ümra hiq no watlan, Shiikeawe raq kra nok ka namshiq ma ahai asong wa rak rak mitiihai. Arka apaiq raq kiqkham kuqtaq kra phan phan miraq. Krai mren namshiq ka juwe riimin tangtalot mak miraq.

TRI CHONGKE 2:25

Ümchaü ranaiq miishe barap binrii wa maiq thun ka Ngi raq namshiq ma ahai rak rak she mitiisiha. Namshiq mang chong kra tai raütli maiq thun ka wiita phiip raq mitsai.’

TRI CHONGKE 2:4

Apaiq raq namshiq ma tsü ka akha chongkuqlaq nguta chongto: ‘Namshiq ka ümchaü ku akin tonglong Edom mung kra lam maq wawan chang she miraq. Arka namshiq ma man niiwa tanyang seno phan maiq mung lam miishe wa wan chang miraq. Tsangshiq ka Esau saüse phan. Tsangshiq ka namshiq ma ahai miraq.

TRI CHONGKE 32:6

Tatiwe ka namshiq raq akha shipoq chang sha? namshiq angi, tsiihünok lei? Apaiq ka namwe, namshiq Tiiqtiwe, apaiq raq namshiq ka maiq mung ashi ma tiijato.

TRI CHONGKE 32:9

Shatmaq Jakob saüsetiim ka apaiq rii she tsea wanto.

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

JOSHUA 2:9

Raüta apaiq raq, “Ngi raq asap ha, Tatiwe raq namshiq ma naimung arka kiinong kuqbaiqto she. Armungti maiq wiita ka namshiq hai ma phiip riishe tsaitlo.

JOSHUA 4:24

Arningkhan mangjong hiq na siti maiq tlotli raq, Tatiwe ningkun jonglu ka ümtinkhan wa kra misap wan. Kiimaq namshiq riimin Tatiwe namshiq Shiikeawe ka pattup pat-sa mishreng wan han.”

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.

2 Peter 2:1

Man na Israilnok phong na arot shammibi pahea asi riito. Kra niq riri sii hali, jai maq namshiq Phungmaiqse phong niimin arot shrabi pahea midong. Raüta tsangshiq raq namshiq Phungmaiqse phong na ajiq bomtsi michong kuq wan. Tsangshiq raq arot akiq kiimaq kamtsantsii tiithen baiq chang bomtsi kra michong kuq. Raüta namshiq liipan na ajiq bomchong kriimaq mitiinyam. Raüta tsangshiq ngarai mong wa Chhii wanti Jesuq Khristo kra dongdii min wiita Tatiwe riimak nguta mishipoq. Raüta tsangshiq ka tiihang hiiq miili tiimiqchup thenkai chang thiikho bok kra mithu.

1 SAMUEL 2:9

“Apaiq awokhong na siti, asengi khup wong kuqtlo, shatmaq abi maiqsetiim ka ranyaq mong na mowantlo; maiqse raq aningkun maq rekhat tang wan lot mak.

1 SAMUEL 25:37

Kra jai miishe, apaiq ka atsii tsangto she angu niitiq, tsangnyung raq phanrap leawantiiwa tsütsa kriishe chongkuqto. Kra tai raütiishe, apaiq ka tiimalaq, akiinyii rai raüta, sunghü tsiihüshe, ahan ka maakitlii she riito.