Biblia Todo Logo
La Biblia Online
- Anuncios -




DUNGWVNC 15:16 - Hawa Naga Bible 2001

16 Kvruex hez kuex tawgawz vtueq hisungx wuez yaq. O Yehowa lex, tsuingshiq rueq mhungc vlaungc kuex khiz vtueq, dax yaungx yaq wawc mnoz rueq tvdung wvnc toq, mmiqsaz htenc lvy wvnc yaq nuex tsuingshiq kuex hiyaz vtueq kuiyqshuik dvyx httax tueq.

Ver Capítulo Copiar

ASII LAKDAP Bible (BSI)

16 Aphiip ajiip kiinyii wanto. Tsangshiq raq ümningkun jong chhito, Tatiwe lei, raüta haisitsi ma tsaihü jihü ngatlo ümsenginok milea wan shaq wiiwii, ümniiraq dikong wa adokda wan nok kra.

Ver Capítulo Copiar




DUNGWVNC 15:16
34 Referencias Cruzadas  

Yaku nuiyc vsaz hez kvmaq luiuz wvnc tueq nuex, kvruex tvroz nuex httax yaq ghaq wuinz htenc kuex pinhtumc hiyaz wuez vtueq, tsuinghez kuex yurc vtueq khvt khvmc muq.


Mmiqsaz shauk tvyaungc muex ngoz tueq tsuingshiq kuex dax muex yaungx yaq wawc mnoz rueq palc wvnc toq, Israel rulc rv-ngvlc jix vganc phvnx kuex ghaq htauk vyuq httax muq. Tsuingshiq tvkoc mnoz rueq shuimx wvnc toq yunghvlc vwangc juing htenc kuex mungkawx lotlaz nuex mmuingc jungc kuex dung wvnc tueq shex. Mmiqsaz shauk tvyaungc muex ngoz tueq, Ejip mungx wawc mnoz rueq tvdung wvnc toq miq htenc kvtenc waung wvnc yaq kuex khiz vtueq, vganc phvnx htenc nuiyc tsuingshiq tishox htenc kuex mnoz rueq tvdung tuip gay toq.


Ejip miqsaz htenc muinz tsuingshiq muex hiyaz wuez tueq, tsuingshiq dung kaz wvnc koq tueq kokez wuez tueq.


Mvnnuex maq phuex mnoz rueq thvl wvnc toq miqsaz htenc nuiyc mphvnx yaungc muex dax wawc tvdungc wvnc rvhumc tueq mmiqsaz htenc kuex rvwvl shuiuz. Mnoz laukshiz httax wvnc toq Zion Kanx kuex rvwvl shuiuz.


Mmungtan kuex tsuingrux nuiyc tvrac vlvmz maq tvjvp phaungc toq; mnoz rueq shuimx wvnc toq lotlaz nuex lungwawc thuinz nuiyc tvmtuing lvmx kuex tvkhic vshuiux.


Yuq muinz Israel miqsaz nuiyc tsuingshiq nyvmx saz htenc kuex guyhex kuiux shiz rueq doc muinz sauz shuex rvmuq. Ekvkhoc maq ngaz Yehowa rueq Ejip phvnx nuiyc Israel phvnx kuex tv-phvlc tvhvl wvnc shaungx lvmz nuimshiq rueq tuiuz wvnc shuinz,’” ngoz tueq jungx tueq.


Mbomkhvmc tvmtuing rvtueq rulc rv-ngvlc, mnoz rueq vpalc wvnc miq htenc kuex shvlx wvnc toq; Vsawc mmungtan kuex mhungc vlaungc maq mnoz rueq tsuinghez kuex shvlx toq.


Svmuktvrax yuix thuiuz hvlc rueq tsuingshiq kuex luimz wvnc vtueq; tsuingshiq kuex lung ikhoc ghaq nuex suingx wvnc tueq.


“Yehowa lex, m-yaukkeq kox luimc vkawc kuex vkawc yawc juing rvtueq; m-yauk phumz maq ralx htenc kuex tvbunx gay toq.


Moshe rueq Jethro muex Yehowa rueq Israel miqsaz palc wvnc tvkoc nuex Ejip hokhvmx waz rueq mungx miqsaz htenc htauk nuex ruez wvnc tueq lvmz htenc kuex jungphvnx kuq tueq. Kvmaq Israel miqsaz rvhumc wvnc tueq vgvrx vtsvrx htenc kvwawc Yehowa rueq palc wvnc tueq lvmz jungx kuq tueq.


“Ngaz kuex Yehowa nuimshiq Tishox rvtauk, nuimshiq Ejip mungx nuex dax muex yaungx vtuinx wawc tvdungc shvlc wvnc jix rvtauk.


“Nuimshiq khuemx vtuinx nuex tvkhup wungx kuy tvkoc nuiyc ngaz rueq vtvhungx shec baung nuex nuimshiq shvlc wvnc tvkoc nuimshiq khaungx tvmax kox nuex raungkamx waz kuex ngaz rueq tvkaz shaungx.


Yuq muinz nuimshiq rueq piq kvjaz kuex phvnx vtueq ngaz rueq nvr phaungx phvnx ruip saz kuex shuimx kaz ruiux yuq, ngaz rueq nuimshiq ralx htenc kuex khvt kuq gay phaungx.


“Nuimshiq khawc lvlc jix miq htenc kuex ngaz muex hiyaz wuez tuex; nuimshiq rueq khvt wvnc shuinx miq htenc kuex ngaz rueq tvmvruz raung vtueq, nuimshiq muex ralx yaungc jix lotlaz kuex tvyek tvpanc gay shaungx.


Ngaz rueq nuimshiq kuex ngvy miqsaz muex thvl wvnc phaungx, ngaz kuex nuimshiq Tishox muex yaungx taungx. Nuimshiq kuex dax muex tvyaungc jix Ejip yauk wawc ngaz rueq tvdung wvnc ruiux yuq, ngaz kuex nuimshiq Yehowa Tishox rvtauk kuex nuimshiq rueq tuiuz wvnc wuez shuinz.


Mnoz rueq palc vshuiux hez rueq yanc wvnc tvkoc svmuktvrax yuix kuex tvruic gay ruiux, lvmx tvnc kuy jix kuex mnoz rvtoq.


Vpiq pumz tvkoc pattup muingc dung wvnc laz juing, Moshe maq raz tueq vpiq luimc vkawc maq svmuktvrax yuix kuex tv-phvlc gay ruiux, yuix thuiuz hvlc maq vpiq miqsaz htenc shvlx wvnc tueq yauk shuimc yunghvlc shuimx wvnc tueq Yehowa kuex m-yuq lac?” ngoz tueq wiz wuez tueq. Yehowa rueq shvlc wvnc ningkhvnc nuex mvre vtsvy htenc kvpek kvhtuiuc muq ikhoc tsuingshiq kuex mkaq muinz kvhtuip rul wuez muq.


Ngaz rueq Israel miqsaz kuex tvdung wvnc tauk tsuingshiq kuex lotlaungc hvlc miqphvnx kox wawc palc wvnc tauk.


“Kvruex lvmx maq ngaz laukshiz lvy wvnc yek tauk nuex, mnoz tvkoc rvlungc rvwawc thuinz tvy jauz shex httuiuc yaq kuex khiz phaungx. Ngaz rueq mnoz sawkumx ningkhvnc nuex ngvy svmhung yungx maq puingc ruiux, mnoz muex lungwawc bomkhvmc taq tauk. Rvtueq, ngaz kuex mnoz lvmc tvkoc bomkhvrc taq ruiux mnoz kuex itaungx nyuiuz muex yaungx wvnc toq.” Vruex kuex Johvlc Yehowa kvjaz rvtueq.


Kvkhoc rvtueq nuimshiq kuex nuimshiq shauk vgvnz muinz, nuimshiq yauk nuex Vsawc Siyac rueq vkuq shec khelbuenx htenc kvmuinz remx lawc wuez shuinz. Tishox vpiq phungc kuex khelbuenx remc jix waz ikhoc yaungx vtueq remx lawc shuinz. Kvruex phungc kuex vpiq Saz vthueyc rvhumc ningkhvnc nuex vpiq phungc muex tvyaungc shec tueq.


Yehowa nuimshiq Tishox rueq nuimshiq httuiuc wvnc tuinx baung ruip saz wawc miq htenc kuex tvhiz yaz wvnc shuex, vpiq bomkhvmc httax yaq rulc rv-ngvlc uraq muinz nuimshiq kuex gawx gay lot muq.


Majuiuc raungnuiyq baung ruip saz wawc miq htenc kuex nuimshiq muex kawc yawc hisungx tvkoc ngaz rueq ruez shaungx. Nuimshiq muingc jungc kuex tay ruiux dvyx miq tek hiyaz kvkhuirc wuez tuex,’ ngoz tueq jungx phuex.


Kvruex yimaq vpiq rueq ngaz maq raz tueq nuimshiq muex jungx tueq, ‘Nuimshiq kuex nuimshiq phvnx vmaq Esaw suiuz vsaz phvnx httax yaq Edom mungx kuex yanz laq shuinz. Tsuingshiq kuex nuimshiq muex hiyaz wuez tuex.


Miqyaq raz tueq tharc guez miqsaz lex, nuimshiq rueq Yehowa muex kvkhoc ruez kuq vshuinx kuex vlvmx haz? Vpiq kuex nuimshiq tvdungc sungc jix, nuimshiq waz rvtueq, vpiq rueq nuimshiq kuex miqphvnx vshiz muex tvyaungc kv-phuinx.


yuq muinz Yehowa rueq Yaku suiuz vsaz phvnx kuex vpiq tvkoc thvl taq shec tueq.


Naungshiq kuex layx bac phvnx lotlaz wawc palc wvnc tvkoc muinz, naungshiq kuex thuinz vsawc maq vpiq muex dvyx seng yaq miqphvnx muex yaungx vtueq, vhvlx yauk shuimc muex thuinz tvyungc wvnc jix phvnx yaungc tvkoc muinz, Christu kuex naungshiq laung nuex vpiq shauk vpumz lekuq gay tueq.


tsuingnueyc muex ngoc, “Yehowa rueq nuimshiq muex vruex mungx kuex kuq tueq lvmz ngaz rueq tuiuz yaq. Vruex mungx wuinz kuex nuimshiq muex hisungx wuez yaq.


Yvmx khoc lac ngoz ruiux lec mungkawx miqsaz ruip rawx rueq Yehowa luimc vkawc mtanc khvnc lac yungx yaq nguinx lvmz kuex tuiuz wvnc vtueq, Yehowa nuimshiq Tishox muex mkaq muinz hiyaz tvtsanc nganc wvnc wuez shuex,” ngoz tueq jungx tueq.


Yuq muinz nuimshiq kuex vthvlc vruez shec Hokhvmx shomc waz bix, vsawc miqsaz htenc nuiyc Tishox vpiq rueq guimz yaq miqsaz htenc rvtuit, kvkhoc thvl wvnc lvmz kuex, nuimshiq raungnyauk mungx kvwawc vpiq vwangc juing raungwuic nuex gvlc wvnc jix waz ngauz vngax httax yaq shuimc vkay htenc kuex jungphvnc tv-nyvmc wvnc tvkoc rvtueq.


Lvy wvnc tueq vkhing nuex miq htenc nuex vrot vkaq shvmmax htenc dung wvnc tueq rulc rv-ngvlc, nuimshiq nuex muinz vrot vkaq tvluingc waz htenc dung wvnc tuex. Tsuingshiq rueq tvbac gay yaq, tsuingmuq ruxmuq tvluingc waz htenc kuex vyumx maq tv-nyuip vtueq miqmac palc wvnc jix Taungjix kuex tvdux gay shuex. Kvkhoc tsuingshiq rueq miqmac htauk nuex huingc rvhek maq tvbac gay lvmx tvhttuiuc wuez shuex.


Vpiq rueq tvmtuing httax yaq miqsaz tvraungx lvmz htenc kuex tvkhup wungx kuq yaq, yuq muinz layx bac jix htenc kuex raungx nyauk mungx nuex moz wvnc tuex; miqsaz rueq miqmac hungc vlaungc maq taungx lot shuex rvmuq.


Kvruex yimaq piq joal pawc maq shix koq tueq vtaungx nyuiuz rueq yaungx wvnc tueq lvmz phvnx ruip saz kuex piq muex jungphvnx kuq tueq. Kvkaq piq kuex vhuingc rvhek laz maq gvnz pumz maungx kaz tueq.


Síguenos en:

Anuncios


Anuncios


¡Síguenos en WhatsApp! Síguenos