Luke 1:68 - ASII LAKDAP Bible (BSI)

⁶⁸ “Nashiq raq Israilnok Tati Shiikeawe ka shomnoq rong i! Apaiq ka asengi Israilnok kharü diike kai she saükito, tsangshiq ka ümchaü sanha lüsaü wase she.

Hawa Naga Bible 2001

⁶⁸ “Taungjix Israel Tishox muex tvtsvmc wuez ix! Vpiq miqsaz Israel muex romc kuy httuiuc kaz vtueq tsuingshiq kuex palc tvdung wvnc tueq.

Muklom

⁶⁸ Israel Shkewa, Teyhungwa miing o hiqtang aa tasapsey i! Chammatakoi piq ka eq umiq tang tha taqhapta.

Luke 1:68 Referencias Cruzadas

RAPHA HIQWA LAK 14:20

Ratsan Ramong Nyang Na Siti Shiikeawe, ümniima ümjaqtinok tiitang ketiwe, kriili tiisamlaq!” Kiimaq Abram raq sepat lopi lap wantaq hupsam tlotli kiiwa roqshi khu wa manshishi ka lam raüta Melkijedek ma kuqto.

RAPHA HIQWA LAK 24:27

Apaiq raq nguto, “Tatiwe, itijongwe Abraham Shiikeawe li tiitsam i. Apaiq raq itijongwe ma akiq kham kuqtaq kra tsapkapkap maq tiihong kuqto. Tatiwe raq ngi ka itijongwe jamtati jam na riikhaqli shea wanto.”

RAPHA HIQWA LAK 9:26

Shem Tati Shiikeawe ma tiitsamlaq! Kanan ka Shem dise ma mija.

1 HOKHVMX 1:48

Raüta akha achu jaüto, ‘Nashiq raq Tatiwe, Israilnok Shiikeawe ümchaü ranaiq isetiim phong wa weshi ka ichangkhü songti hokhamwe ma shong wantiwe kra tiitsam kam rong i. Kiimaq apaiq raq ngi ma ara akhing ara imak maq chhi wan li tiihong kuqto!’”

1 HOKHVMX 8:15

Apaiq raq akha jaüto, “Tatiwe Israilnok Shiikeawe kli tiitsam rong laq! Apaiq raq iwe Dawit ma akiq kham raüpot akuqthü kra tiikupikuq wanto she. Apaiq raq akha khamkuqto,

1 KAÜWA WERAÜ 29:10

Kiijaq mungmaiqse thungtlaq khaki na Hokhamwe Dawit raq Tatiwe ka tiitsamto. Apaiq raq akha nguto, “Naiti Jakob Tatiwe Shiikeawe lei, ümmang ka pattup pat-sa tiitsam wan ruq li mirlaq!

1 KAÜWA WERAÜ 29:20

Raütiishe Dawit raq mungmaiqse ma, “Namshiq Tatiwe Shiikeawe ka tiitsam ronglaq!” nguta aming kuqto. Kiimaq ngongthun tlaq mungmaiqse kunli raq tsangtitiim Tatiwe, Shiikeawe ka tiitsamto. Kiimaq tsangshiq ka hiq na bumtlii raüta Tatiwe shrengto kiimaq hokhamwe min shrengto.

Tvtsvmc 106:48

Tati tiitsam ronglaq, Israilnok Shiikeawe ka; ümchaü apaiq tiitsam ronglaq kiimaq pattup pat-sa tiitsam ronglaq! maiq wiita raq, “Amen!” ngu ronglaq. Tati tiitsam ronglaq!

Tvtsvmc 111:9

Apaiq raq asenginok ka dokda raüta wase ma tiijato raüta tsangshiq rai pattup pat-sa tongshongto. Apaiq ka asii kiimaq ajong pinthum!

Tvtsvmc 130:8

Apaiq raq asengi Israilnok mitiichhii kuq tsangshiq ngarai mong wa.

Tvtsvmc 41:13

Tatiwe tiitsam laq, Israilnok Shiikeawe ka! Apaiq ka ümchaü kiimaq pattup pat-sa tiitsam laq! Amen! Amen!

DUNGWVNC 4:31

Kiimaq tsangshiq raq kamto. Kiimaq tsangshiq raq Tatiwe ka tsangshiq phaniishe saükito. Kiimaq tsangshiq ka maiq raq ümtinkhan wa hok maq nishishi tiichamchao haihiitlaq kra chhito she nguta tai raüta, tsangshiq ka hiq na bum rang raüta shomnoqto.

Luke 1:71

Apaiq raq nashiq ka chiq se rewe jaqkhon mong wa, mitiichhii kuqha nguto. Nashiq ngengseng wanti maklii wa, mikhup wongkuq wanha nguto.

Luke 19:44

Tsangshiq raq ümniika botkhulai rai she mishot baiq wan. Kiimaq chela mong na siti, maiq angu thun kriika, tiimiqchup she mithaü baiq! Ümniiraq ara ümnaq tsai lam riihum tlaü arka, Shiikeawe ka ümnaq tiichhiike kai saüki phaüta, ümniiraq kra akhing ka sap maü dea riilaü, kriikha miishe miqphaq wan tlaü!”

Luke 2:38

Kra akhing bala riikhaqli, apaiq ka Shomjam na saükito. Raüta, noshii miitu, Shiikeawe ma kechu tumto. Kiimaq, Jerusalem ka Shiikeawe raq maiqjaq khon mong wa mitiichhii kuq nguta kamwan raüta khe wanti ma, noshii rilung manphan kra chongkuqto.

Luke 24:21

Kiimaq, Israil mung ka maiqjaq khon mong wa, apaiq raq mida wan sham nguta naishiq raq, apaiq ma pinthum riichopi siq wan kai wa. Shatmaq, tsiim jü chang bom jonghea ka ara. Ümchaü ranaiqtsam she, ara matdong mra pinjai maq.

Luke 7:16

Kra chhi raüta, tsangshiq tarü ka kai awang riito. Kiimaq ahai lam maq, “Nashiq ma shammi ajong pinthum ashi she saüto. Shiikeawe raq asenginok, nashiq ara chhiikai she saükito,” nguta tsangshiq raq Shiikeawe ka tiitsam kamto.

Ephesians 1:3

Riita, ümchaü sanha, nashiq wiitarü raq, Shiikeawe, Tati Jesuq Khristo ma Awejong Shiikeawe ma, kechu tum rong i! Ara jamkhano chongtiikang ngukla, nashiq ka Jesuq Khristo rai pumshi hanshi she tiipum wan kai krai mren, Shiikeawe apaiq raq, nashiq ma ramungtan na ümchuwa achu shiiman sitlaq kra, wiita kuqto she.

Ephesians 1:7

Jesuq Khristo tsaitaq kra lümaq, nashiq ka thawe kharü mong wa daa wanto she. Ümchaü sanha nashiq ngarai ka diikuqto she. Nashiq ka wasetiim miishe tiija wanto. Shiikeawe kaphap mangchan, nashiq ma kuqtaq arka nü maq achong lot mai jonghea.

Hebrews 9:12

Khristo ka ara chongtiikai jolitiip mong na pattup pat-sa siwan tlii miitu she honglu kewa nguta nyapwato. Raüta apaiq ka Asii Thaq Na Asii Khok mong niishe nyap wato. Kra nyap wantaq akhing honglu kewan chang chhechhi tiijai nai minsaü pongsetiim tiijai ka sham wan mak dea. Nyamse tiijai rii na, apaiq maiqmii tiijai kra sham raüta, ramungtan jolitiip mong kiijaq nyap wanto. Raütiishe, apaiq raq nashiq ka, kharü mong wa klang maq lakshi wa niili panthit, pattup pat-sa miitu dokdaa kuqto. Raüta, pattup thumki mak phan rilung tsitsü she kuqto.

1 Peter 1:3

Nashiq raq Shiikeawe, nashiq Tati Jesuq Khristo ma Awejong ma kechutum rong i! Apaiq raq nashiq ka, apaiq mongpo pankuq li khan lungwii tlo. Kriikha maq, apaiq raq Jesuq Khristo ka amaa wa tiidong wan raüta, nashiq ma rilung anye kuqto she. Ara kam tiikai arka moki mak phan.

1 SAMUEL 25:32

Kiijiishe, Dawit raq Abigail bom ka treto, “Israilnok Tati Shiikeawe kli tiitsam i, apaiq raq ümchaü ranaiq ümniika arjaq iphana tiikito!