Luke 1:68 - Hawa Naga Bible 2001

⁶⁸ “Taungjix Israel Tishox muex tvtsvmc wuez ix! Vpiq miqsaz Israel muex romc kuy httuiuc kaz vtueq tsuingshiq kuex palc tvdung wvnc tueq.

ASII LAKDAP Bible (BSI)

⁶⁸ “Nashiq raq Israilnok Tati Shiikeawe ka shomnoq rong i! Apaiq ka asengi Israilnok kharü diike kai she saükito, tsangshiq ka ümchaü sanha lüsaü wase she.

Muklom

⁶⁸ Israel Shkewa, Teyhungwa miing o hiqtang aa tasapsey i! Chammatakoi piq ka eq umiq tang tha taqhapta.

Luke 1:68 Referencias Cruzadas

RAPHA HIQWA LAK 14:20

Mnoz muex ralx yaungc jix htenc tvtaungx kuy jix Johvlc Pinhtumc Tishox ngauz vngax kuex mtvtsvmc wuez shueq!” ngoz kuq tueq. Abram rueq muinz piq rueq vlvp wvnc yek hup vsvmx lotlaz wawc mvnz rokshiz wawc mvnshiz kuex Melkhizedek muex kuq tueq.

RAPHA HIQWA LAK 24:27

Piq rueq, “Ngvy jiyungx waz Abraham muex menjenc kuq vtueq, tvmtuing maq vpiq bomkhvmc rulc rv-ngvlc tvhungx kuy jix Yehowa Tishox muex kejux yunghvlc. Yehowa rueq ngaz kuex jiyungx waz piq taungnyuing sanox kox nuex rvkhauk laz tvhttuiuc kuq phuex,” ngoz tueq jungx tueq.

RAPHA HIQWA LAK 9:26

Shem Tishox Yehowa kuex mtvtsvmc wuez shueq! Kanaan kuex Shem dax muex m-yaungx kueq.

1 HOKHVMX 1:48

vjux thoz tueq kuex, ‘Majuiuc raungnuiyq isuiuz isaz hez wawc washiz ngvy hoc vyuq tvhttoarc ngaungc jix hokhvmx kuex ngvy muik lawc nuex tiq tvkhic kuy jix Yehowa Israel Tishox muex tvtsvmc wuez ix!’ ” ngoz tueq jungx tueq.

1 HOKHVMX 8:15

Piq rueq, “Yehowa Israel Tishox muex tvtsvmc wuez shuinz! Iwaz Dawid muex vpiq rueq taq tueq bomkhvmc kuex tvhungx muex vpiq rueq jungx tueq kuex,

1 KAÜWA WERAÜ 29:10

Hokhvmx Dawid rueq mungx rvtuimx yaq wvtaungx khaungkac nuex Yehowa muex tvtsvmc tueq. Piq rueq, “Yehowa naungshiq jix vwaz Yaku Tishox lex, mnoz kuex pattup tvtsvmc aungx yaq waz rvtoq!

1 KAÜWA WERAÜ 29:20

Kvruex yimaq Dawid rueq miq htenc muex, “Yehowa nuimshiq Tishox muex tvtsvmc wuez shuinz!” ngoz tueq nvr tueq. Kvkaq rvtuimx jex yaq wvtaungx rueq Yehowa tsuingshiq jix vwaz tamx Tishox muex tvtsvmc wuez vtueq, Yehowa muex muinz, hokhvmx waz muex muinz tsuingshiq bumx vtueq tvtsanc nganc kuq tueq.

Tvtsvmc 106:48

Yehowa Israel Tishox muex tvtsvmc wuez shuinz; vpiq muex majuiuc vmaq phaungc vtueq pattup tvtsvmc wuez shuinz! Miq pumz tek vtueq “Amen” mngoz wuez shueq! Yehowa muex tvtsvmc wuez shuinz!

Tvtsvmc 111:9

Vpiq miqsaz htenc kuex vpiq rueq tvdung wvnc ruiux, pattup pat-sac nuex seng yaq bomkhvrc kuex tsuingshiq rulc vpiq rueq tvhungx tueq. Vpiq kuex vsawc nuiyc hungc vlaungc httax yaq waz rvtueq!

Tvtsvmc 130:8

Vpiq rueq, vpiq miqsaz Israel kuex tsuingshiq mvrax htenc wawc palc wvnc shuex.

Tvtsvmc 41:13

Yehowa Israel Tishox muex tvtsvmc wuez shuinz! Majuiuc vmaq pattup pat-sac vpiq muex tvtsvmc wuez shuinz! Amen! Amen!

DUNGWVNC 4:31

Tsuingshiq kvmx wuez tueq, Yehowa kuex tsuingshiq kox nuex svt kaz vtueq, tsuingshiq pinhtumc tvkuilc daz yaq kuex khiz tueq shex lvmz tay wuez vtueq, tsuingshiq bumx vtueq nawk palx wuez tueq.

Luke 1:71

naungshiq ralx htenc nuiyc naungshiq shuiuc pac jix lotlaz yauk wawc palc wvnc phuex.

Luke 19:44

Tsuingshiq rueq mnoz muex muinz mpalx ruk htenc mungx nuex httax yaq miqsaz htenc tvsawc ric tvbac gay vkhing kuex mnoz kox nuex dung wvnc tuex; mnoz nuex lung poshiz htauk nuex poshiz kvdaungc muq laz juing yaungx wvnc tuex, yvmx khoc lac ngoz ruiux lec mnoz kuex Tishox rueq mnoz palc kay tvkoc httuiuc kaz tueq vkhing kuex helc muq tuiuz muq,” ngoz tueq.

Luke 2:38

Nox kuex lekuy baunglaung kvruex yalxjuik nyuiuz kuex nyuip waung vtueq Tishox kejux kuex tvtsvmc tueq. Kvmaq Yerusalem ghaq kuex palc wvnc shuex ngoz tueq thuinz tvluimc jix miq lotlaz muex nox lvmz kuex phvnx jvnx jungx kuq tueq.

Luke 24:21

Nuiyshiq rueq kvruex waz kuex Israel phvnx tvdungc wvnc jix waz ngoz tueq thuinz tvluimc wuez tiq! Ekvkhoc yaungx wvnc tueq yix maq majuiuc raungnuiyq thuimx shex rvtueq.

Luke 7:16

Miq lotlaz muinz hiyaz kawc yawc wuez vtueq Tishox muex tvtsvmc kvmc wuez tueq. Tsuingshiq rueq, “Shvmmax yungx nuiyshiq kox nuex dung kaz ruex ngoz tueq muinz, Tishox rueq vpiq miqsaz htenc palc wvnc muex kaz ruex ngoz tueq muinz!” tsuingshiq rueq rvjungc wuez tueq.

Ephesians 1:3

Naungshiq Taungjix Yesu Christu Waz Tishox muex kejux vyungx ngoz kuq ix! Yvmx khoc lac ngoz ruiux lec naungshiq kuex Christu rulc vshiz dvyx yaungc ningkhvnc nuex vpiq rueq raungmungx htauk wawc siyac nuex seng yaq ruimrix kejux phvnx ruip kuex kuq phuex.

Ephesians 1:7

Yvmx khoc lac ngoz ruiux lec Christu thueyc khvmc kuy ningkhvnc nuex naungshiq dungc wvnc rvhumc tueq, kvruex kuex nuimshiq mvrax htenc dawc kuy lvmx rvtueq.

Hebrews 9:12

Christu kuex Vsawc Pinhtumc Baung tap nuex laukshiz lvmz maq dvyx nyuip wvnc tueq nuex, shomc nawk kuy juing shomc kuy muex khelkhix nuiyc mansuiux tvguiy shuimx vtueq nyuip muq, vpiq tvguiy maq nyuip wvnc vtueq naungshiq tvkoc pattup palc daungc wvnc lvmx kuex lvp wvnc tueq.

1 Peter 1:3

Naungshiq rueq naungshiq Taungjix Yesu Christu Waz Tishox muex kejux vyungx ngoz ix! Yvmx khoc lac ngoz ruiux lec vpiq menjenc yunghvlc maq Yesu Christu kuex vthueyc wawc tvyuing tvtenc wvnc khuec nuex vpiq rueq naungshiq muex rullungx vnyalx kuq vtueq naungshiq nuex vtvraungx httax yaq thuinz tvluimc juing kuex tvmvrc kuq phuex.

1 SAMUEL 25:32

Dawid rueq piq muex ngoc, “Majuiuc raungnuiyq ngaz rulc rvhumc tvkoc mnoz tvkay jix Yehowa Israel Tishox muex tvtsvmc kvmc wuez ix!