1 Peter 2:12 - ASII LAKDAP Bible (BSI)

¹² Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.

Hawa Naga Bible 2001

¹² Kvmluimx muq miqsaz rueq nuimshiq ngoc honc vbac lvmz shuimc kay jix htenc ngoz tueq tvmaung ruiux yuq, nuimshiq vhvlx shuimc vkay khiz lvp vtueq Taungjix httuiuc kaz yek tuex Raungnuiyq nuex Tishox muex mtvtsvmc kvmc shueq, nuimshiq kuex tsuingshiq htumc nuex nuimshiq honc vyaungc lvmz svp rvp hunghtaungx wuez kuinz.

Muklom

¹² Gentile tang miq jamna nim dangjang jaqhal cham ang aa, irimal ang ajo ning aa nim ma jashit ta raaq phin jo tho, ning aa nim jaqhal jaksom somlot sha khi tungkang o Shkewa kat saal o piq sha tasapsey na.

1 Peter 2:12 Referencias Cruzadas

Tvtsvmc 37:14

Abi maiqsetiim raq tsangshiq nepja ka ahi wa chattlo kiimaq tsangshiq liq ka nguttlo miitsan maiqsetiim nai thümsaü litsetiim tseabaiq miitu, riikhaqli jaqshamtibi jaqsham kra jiipbaiq miitu;

Tvtsvmc 50:23

Kechutum honglu kuqtlaq kriika, ngi ma riikhaqli shreng wanto, kiimaq ibom taitibi ka ngi raq tengteng mitiichhii kuqha dongdii.”

ISAIA 10:3

Riita Shiikeawe raq namshiq ma mo tiihotlaq akhing na jamkho mijahan? Apaiq raq pongmungti luhea wa tsuqho raüta namshiq ka tiithen baiqtlaq akhing na jamlai she wa mirhan? Namshiq ka khrum jaüwa jupha niishe wa mijuhan? Namshiq tsiiq nai nyamtum phong ka ümbano mipaühan?

DANIEL 6:4

Kiijiishe ngongwebi nai wanghuptibi raq Daniel tiideabaiq miitu, apaiq raq mung peng wan jaqsham tlaq kiijaq apaiq tiishut chang lampu she ritto. Shatmaq tsangshiq raq hummak dea. Jamkhano ngukla Daniel ka maiqkam sea chang kiimaq apaiq raq jamphan niimin shutphit mak kiimaq arot akiq klomak phan.

Matthew 10:25

Kriikha maq chong mang ka ashrinti we pumkhü kra sam raüta siwan miitu chochi khiq maq si chang li. Kiimaq dise riika atijong we pumkhü kra sam raüta sichang. Jamtati we nang santla Tha Mungtu we nguta slailii tlaq jiika, apaiq jamti thun thaq niika kra thaq niimin tiinanpot naolaq mang abi miishe mimang wan!”

Matthew 5:11

“Namshiq ka isenginok ngo kha maq, maiqse raq namshiq ka shummii raüla, kiimaq tiichamchao raüla, kiimaq namshiq khuthaq phanrap phanrii abi arot akiq nyan raüla, chochi ronglaq.

Matthew 5:16

Akhiisii hali, namshiq walü li kiimin, mangjong maiqse man na liliim ra tlo. Akha liliim wan han jiitiq, namshiq raq jaqsham ahea shamtlan thun kra tsangshiq raq michhi. Kiimaq tsangshiq raq nam We ramungtan na sitiwe kra mitiitsam kam.”

Matthew 9:8

Nokmaiqse raq kra jaqsham ka chhi raüta ahai riito. Kiimaq maiqse ma atinkhan arang kewan kra chhiraüta Shiikeawe ka tiitsam kamto.

Luke 1:68

“Nashiq raq Israilnok Tati Shiikeawe ka shomnoq rong i! Apaiq ka asengi Israilnok kharü diike kai she saükito, tsangshiq ka ümchaü sanha lüsaü wase she.

Luke 19:44

Tsangshiq raq ümniika botkhulai rai she mishot baiq wan. Kiimaq chela mong na siti, maiq angu thun kriika, tiimiqchup she mithaü baiq! Ümniiraq ara ümnaq tsai lam riihum tlaü arka, Shiikeawe ka ümnaq tiichhiike kai saüki phaüta, ümniiraq kra akhing ka sap maü dea riilaü, kriikha miishe miqphaq wan tlaü!”

Luke 6:22

“Namshiq ka ma chochi jonghea, ümtiikiiwa maiq raq namshiq ka Maiq Se miitu angeng miraq, kiimaq ashleq mirbaiq. Kiimaq ashummii miraq, kiimaq namshiq ka abi nguta mingu!

John 13:31

Judas ka kaiho jai she, Jesuq raq tsangshiq ma bom ka akha chongkuqto, “Ümchaü akhing na Maiq Se khushü jong kriika tiichhi kuqto she. Ümchaü Shiikeawe khushü jong kiimin Maiq Se lümaq tiichhi kuqto she.

Acts 15:14

Ümchaü namshiq tarü nitai na Simon raq chong phan kuqtaq kra bomtsi ka tai wan kaishe. Riita, Shiikeawe raq Pongnok phan maiqse ka apaiq wura maq kongkhu tiiham wanto she. Raüta, tsangshiq ka asengi miishe tsea wanto.

Acts 24:13

Kiimaq tsangshiq raq ümchaü, i dü na kha ümchuwa asi nguta nyan rat tlaq, kra thun kiimin, tsangshiq raq ümman na saqseng hakhi min tiichhi kuq wan lot mak.

Acts 25:7

Riita, Paul ka rung na saüki kiita, Jerusalem wa akiti Jehudinok ka apaiq tro na chap raüta, Paul ma asiq areng kha pahea tü nyanto. Tsangshiq raq apaiq ma khü akha ümchu wa nyantaq kra thun kriika, tsangshiq raq ngohea dea nguta jamlai saqseng hakhi min tiichhi kuq lot mak taü maq nyanto.

Acts 28:22

Shatmaq naishiq riimin, ümnaq shang wan dam laü phungnok tsütsa kra kiitiina atai wan ka ro tiikai dea. Ara jamkhano chongtiikai ngukla, barap binrii na, nanok raq arphung ara ngengseng wanti siisaq chhi tai wan tiikai,” ngutiishe tsangshiq raq Paul bom ka treto.

Romans 12:17

Ashi ra raq namshiq ma ashut klo raüla, apaiq ma namshiq raq ashut maq hali ka, naq songkuq rongkiq. Nanok tarü raq ardea ahea nguta liitlaq, kriili apaiq ma klo kuq ronglaq.

Romans 13:13

Riita, ümchaü sanha rawü maiqse jamkho sitlaq, kiikha athuk atsom miishe shongnga rong i. Ümchaü sanha, hi-awaq ikha kiijoq kiicham, cherop tsampii riinyatshat ka raa mak she. Kiijoq kiicham maiqtsai ngamhai riinyatshat, tatso wawo maq, kiimaq makshu rashe maq siwan ka raa mak she.

Romans 14:18

Krai mren, jurwa Khristo jaqsham ka, akha shampi tlaq, kra ngu raüka, Shiikeawe riimin, ahea dea nguta mikhoqriiq wan. Kiimaq maiqse riimin, ahea dea nguta mingu.

Romans 15:9

Kiimaq kra thaq niimin, apaiq raq Pongnok phan maiqse kra khup wong kuq wan tlaq kra miitu, tsangshiq raq apaiq ka mitiitsam kam laq nguta kito. Arka Asii bomtsi na waiq thütaq ara tiiku wan miitu she hongtha wanto. Asii bomtsi na akha chongtlo, “Riita ara chongtiikai arai mren, ngi raq ümniika, Pongnok phan maiqse phong na mitiitsam kam wankang. Ngi raq ümniima shomshi mishi wan kang.”

1 Corinthians 14:25

Apaiq tsan nai mongjii na, ümchuwa apaiq raq apaü ashan raüta, thü tlaq tiima tsantsii thun kra wiita she michhi. Kiimaq apaiq ka Shiikeawe jichong na bum tlii raütiishe Shiikeawe ka, “O namshiq rai Shiikeawe ka asi dea!” nguta apaiq ngarai kra tiidii tlii maq, Shiikeawe ka mishom noq dam.

2 Corinthians 1:12

Naishiq ka phanshi miitu tiishomra wan tiikai. Riita arka tengteng chongtiikai. Shiikeawe raq jamkho lungwii tlaq, kra phan phan naishiq ka namshiq rai jaqsham kaiwa na, abom asa na tingting kiimaq tsangriri hea maq sitiikai. Naishiq hon atsii ka maiqse taksu tsii raq shun shea raüta riimak, shatmaq Shiikeawe kaphap ningkun raq shunshea raüta sitiikai.

2 Corinthians 13:7

Ngi ka maiqse makki na, Khristo kiimwe jaqsham tiikang arjaq, ong wanli ka sham wan mang dea ngo chang chang siraü min, kra miitu ka akhiismin brorii mang she. Namshiq raq ngarai ka tangman she riihan jiidea ahea, ngi raq i tsan mong na, atsi maq Shiikeawe jaq wa achu jaükuq tiikang. Ngi ka maiq makki na, ong wan ruq kiimwe jawan miitu ka, achu jaü mang.

2 Corinthians 8:21

Naishiq tsan na tiima tiikai ka, athuk atsom jaqsham kriili ro tiikai. Tatiwe makki niili min riimak, maiqse makki niimin, athuk atsom sham chang sitlo.

Ephesians 2:3

Riikhaqli maq liiwan raüka, nashiq wiitarü ka, ara ümchaü mangjong maiqse jamkho sitlaq akha siisaq li dea siwankai. Laita, nashiq han-ngam phara ramho raq shunshea tlaq kra phan phan li dea sikai. Ngarai han-ngam raq jamlai wa jaü tlaq kra, sham laitli dea sikai. Nashiq han-ngam rilung niika, nashiq ka nanok jamkho sitlaq kiikha ngarai bu hoti siisaq li dea sikai. Krai mren, nashiq ka Shiikeawe tsankhiq walü na khiim wanti siisaq li sikai.

Ephesians 4:22

Krai mren, ümchaü sanha, namkhum na rilung achü sitlaq kriika alam she riibaiq ronglaq. Namkhum na, man niiwa phung na mishang shaq na sitlan rilung ka, namnyung pukdong ngarai pum, laopha tsii nai sükha tsii raq, namkhum ka wiita atriim phaq wishe riito.

Philippians 1:27

Riita, ümchaü namshiq ma akhek pinthum ka, namshiq rilung ka Khristo Tsütsa na jamkhiiwa chong tlaq, kra phanphan singa chang. Krai mren, ngi ka namshiq liiwa wakang lo, kiimaq walap mang lo, li jiimin, ngi raq namshiq ka miitung ashi niili, pharang rang maq chap tlo nguta mitaiha. Kiimaq kra rekhu ashi jaqsham kra ningkhan li, reraüshi maq, Tsütsa Ahea chongke wan jaqsham na misi wan han.

Philippians 4:8

Phunainotiim le, bomshat wan ma chongkuq nong pha. Namkhu tsai ka ara ariq phan hupsam maq tiima lanta, thü ronglaq. Tarü raq tiitsam kamli chang phan maq tiima lanta thü ronglaq: tengtlaq phan, athuk atsom phan, riikhaqli, asii, maiqlung ngamwii, shreng sea chang phan hupsam maq tiima lanta thü ronglaq.

1 Thessalonians 4:12

Akha shongnga han jiila, thatsang maiqse raq, namshiq ka mishreng. Kiimaq namshiq maiqmii ma, jamlai phan wa rong raa tlaq, kra miitu maiqjaq liikai ka raa mak she miraq.

1 Timothy 2:2

Mangjong hiq na mung rümti, honyung hokhambi sitlaq kra miitu, kiimaq mung welabi, lüsi lüwabi ajong alabi ümchuwa sitlaq kra miitu, achu jaüke chang. Akha achu jaükuq tiikai arka, nashiq ka Shiikeawe shreng laita, awokhong na athuk atsom maq, khusang rakhang maq shongnga wan miitu jaütiikai.

1 Timothy 4:12

Ümniika ümchaü jero we. Kriikha maq, maiq raq ümsham na lii raüta, ümkhakam ka midiq shaqli nguta, maiq ma, naq tiishummii kiq. Shatmaq, ümniiriika Phungmaiqse wiitarü thaq na, lamsheati maiqla ashi dea nguta, ümbom ümsa na, ümkamtsantsii na, ümrong ümrai na, maiq ma lungwii tsii rüm na, kiimaq asii arai tiima tsantsii na, khangriri hea maq silaq.

1 Timothy 5:10

Kiimaq manti-nyungre mang raüpot na wea wan damli chang ka, nokwe man na shamhea kaiwa jaqshamti riichang. Asetiim ka ahea wiq maq dunghiq raüta tiijongluti riichang. Ajamkun ka wandü jam ashi riichang. Phungmaiqse miitu jaqsham ahea shamke wanti riichang. Kiimaq chamchao litkot maiqse khrumketi riichang. Raüta maiqmii rilung ka nokwe ma ahea jaqsham keti riichang.

Hebrews 13:18

Naishiq miitu, namshiq raq achu jaükuq tlan kra, naq nungpaq rongkiq. Naishiq ka tiima tsantsii siirairai, khangriri rüm laita sitiikai. Jamkhano ngukla, naishiq ka wranaiqshe athuk atsom jaqsham wan kli lungwii tiikai.

Hebrews 13:5

Kampho ma naq sü ramrai rongkiq. Kra rii na, namjaq na jamlai wa asi, kra sham lantli, chochikhiq maq si ronglaq. Jamkhano ngukla, Shiikeawe raq, “Ngi raq namshiq ka ümtiikii jiimin, amang ale maq tiichamchao mang. Ngi raq namshiq ka ümtiikii jiimin, tiishaü baiq mang,” nguta ngutlo.

James 3:13

Namshiq phong na taksu maiqse, kiimaq anyan phaqchi rümti sitiikai nguta tiingoti weshi ra asi sha? Sitlan jiila, apaiq raq, apaiq ka taksu maiqse kiimaq anyan phaqchi rümti we dea nguta, apaiq rong arai ka ahea rüm raüta, nanok ma tiichhike chang. Kiimaq maiq rai sobsob bombom maq riibom nai tlaq kiimaq tiichhike chang. Nok abin ma athuk atsom jaqshamke ka tsapkapkap maq sham raüta misi laq.

1 Peter 2:15

Shiikeawe riika, namshiq raq shamhea kaiwa jaqsham tlan kra lümaq, ajiq alam min sap mak maq, angok angiti raq Phungmaiqse thaq na abi ati tsütsit bom tlaq kriiti nübok ka sukbaiq lungwii tlo.

1 Peter 3:16

Tsangshiq bom ka tre lam maq, anato lanta, bomnin se maq tru chongkuq ronglaq. Bomtre lam maq, namshiq tsantsii ka wüjang jang hea maq, chongkuq rong laq. Phungmaiqse ashi raq jamkha bomtre chang wa, kiikha tre rong laq. Akha sihan jiila, namshiq ka Khristo sengi nguta, namshiq sung atsii ahea, kiimaq sham akai ahea sham tlan kra, abi nguta namshiq shummiitibi nai namshiq saisi wantibi ka, tsangshiq maiqmii bom miili she mijiasi.

1 Peter 4:11

Jurwa Shiikeawe bomtsi chongkuq tlan, kriiti riika Shiikeawe kiq wa adeaki ikha, trahoke raa tlo. Jurwa phungtuti ma jaqsham kuq tlan, kriiti riimin Shiikeawe raq akuq ningkun maq shamke wan chang. Kra namshiq liipan na akha jaqsham tlan krai mren, wiitarü raq Jesuq Khristo lümaq Shiikeawe kli mishom ra wan laq. Jesuq Khristo kli pattup pat-sa khushü kiimaq ningkun ajong rümti we. Amen.

2 Peter 3:11

Riita ümchaü nashiq raq asap i, ra nai hiq arka, arjaq chongtlaq akha wiita ashthen mirbaiq. Riita arkha maq, namshiq ka asii kechu maiqsetiim nguta, Shiikeawe ma khum kiinong kuq lanta, apaiq wokhong na tingting maq sichang.

RUTHA 3:14

Kra bom chongkuq taq krai mren, apaiq ka ra tiiwü li kiijaq Boaj jichong niili konto. Raüta, apaiq ka ranap maiqsham nasham tiitsang mak niili tiido raüta wawanto. Jamkhano ngukla, Boaj raq Rut ka apaiq tho na konto nguta maiq ma tho tiihe raa mak nguta Rut ka ra samhea miwü shaq niili tiiwato.